Oliver's Super Sandwiches (已結業)

6月8日早上到灣仔辦點事, 在不知等到何時的情況下,不如去吃個悠閒早餐,時值十時多,店內人客不多,隨便點了一客早餐,找個對著街的位置坐下,平時忙和不忙也好,我吃東西的時候,總是狂風掃落葉的,今次為了打發時間,便懶悠閒的慢慢吃.早餐中的什菌沒什麼味道,似乎下少許鹽的意識也沒有,所謂的蜜汁火腿,那些許之甜味不知所蹤,薯粒微暖,但淋淋的,餐飲要了熱咖啡,個人認為較苦,下了兩包啡糖亦然.本來這個早餐,我是在對面的D記解決的,但見很久也沒吃過這裡的食物,於是選擇了這裡,但最終令我失望而離開,我想,下次吃早餐,這裡不是考慮之列了!

因去美食展, 途經這裏便吃份餐\作個準備. 要了份新推出的墨西哥卷, 內有烤雞, 西蘭花, 椰菜. 賣相唔錯, 但食落因塊皮因凍了而硬硬的, 唔知"叮"熱一點會唔會好味d呢?? 烤雞, 西蘭花, 椰菜加了香草拌勻, 但香味/味道都唔出, 食落淡淡的. 反而跟餐的雜菜湯唔錯, 酸酸的, 頗開胃, 可惜主菜失了分.好耐無幫襯呢家連鎖店, 以前好鍾意買一份三文治作一餐, 包軟熟餡料又多又好味. 但以呢間分店的出品, 真的令我有點失望~~ 希望只係個別事件呢!!

都係加左$3到喇menu少左野...但包soup/salad+drink我試左新wrap($39)勁唔抵囉~supposed有桃,椰菜,黑椒豬柳,cheese,etc..點知冇料架黑椒豬柳唔似豬柳似雞多d而且冇黑椒個wrap又冇乜烘過要左杯紅豆冰(w/ soya milk)呢個就ok...osya milk唔算好甜,紅豆好稔my frd話個意大利包都唔ok~另一個frd要hotdog太多酸菜...唔掂$39可以look for better

剛轉了新menu, 全店店員即時好似第一日返工咁, 懞查查乜都唔明唔識, 靠哂一個supervisor頂, 真係辛苦.我order menu上的素菜沙律, 有齊磨菇、椰菜花、西蘭花、青瓜及一小杯油醋汁. 收$18, 但d菜切得好核突, 又唔係繁忙時間, 大舊到三口至食得完...

同事推介Caesar Salad好食, 我八卦地試下.雞肉Caesar salad $36, 包湯或普通飲品一杯.首先, 呢度d檯只可以比2個人坐, 如有3人或以上, 檯面放到碟放唔到湯, 令人尷尬. 其次, 不知是否快餐店特色, 不論是收你幾多錢, 基本上只keep檯面及椅面乾淨, 檯腳d漬多到呢...沙律d菜幾新鮮, 不過汁好鹹. 我先發現食沙律最大問題係棚牙好累, 我覺得自己好似一隻牛, 係度食草, 食左半小時.

趕時間便來這裏攪掂。叫了奥爾良雞肉三文治，雖然烘熱了，但Ｄ餡仍然好凍，而且Ｄ雞肉係冇切走Ｄ脂肪，有皮有肥膏，好難食。以前Super Sandwich 都唔係甘差嫁噃！

講真，Super Sandwich絕對唔係平, 三文治雖然大份, 但連飲品動輒40大元真係好貴. 但鬼叫我想減肥咩, 去茶餐廳加埋碟菜都要一人40元埋單啦.試下纖之wrap, 純粹因為賣相好吸引. 終於, 張相就真係吸引, 實際你預只有6成餡料到你手中. 幸好, 食味不錯, 係d菜老左少少, 始終擺脫不到"有名無實"的西餐廳感覺. 記得意粉屋廿年前在利舞台開第一間店時, 只有英文menu, 一個pizza賣百多元(當時我學費都只係每月一百元...) 但pizza的味道永遠難忘, 隔個星期六都叫爸爸買比我食...後來, 被某快餐集團收購後, 味道變, 服務變, 而家就算點好都係中式西餐, 形、味都唔得. Super Sandwich都面對同一問題, 而家愈來愈多有心做的小型coffee house, 遲早將呢d大舖打低, 卻可能接棒成為下一間大型流水作業的魔鬼集團...(詳情參考"My Sister's A Barista")

食tea set, all-day-breakfast飛碟加杯cokelight, 承惠$25. 呢間super sandwich, 平時行過已經見到好多靚仔, 但我坐o係入面時又冇o既?! 此店外表平平無奇, 但置身其中非常舒服. 有幾舒服? 你去坐下就知喇.

黎食tea set,一心想食waffle,但tea set meun得一個waffle餐"香蕉朱古力waffle",麻煩的我又唔食蕉又唔食朱古力...問侍應哥哥"唔要蕉得唔得?"他答"幫你改香腸可以嗎?",再問"咁我唔要朱古力又得唔得?",他答"咁改落楓蜜糖漿啦~"....^o^就係咁,我o既獨一無二tea set 誕生啦~

獨個兒早餐於此,食0左個自選早餐加一種美食轉牛角包轉橙汁$35.早餐係炒蛋+薯角+早餐腸+茄汁豆.其中炒蛋唔乎合餐廳所謂gei screambled egg, 唔係一patpat唔夠奶味,同埋全熟gei;牛角包連基本的牛油香都無,好似食白麵包咁樣.唯一好味gei係薯角,係用100%薯仔做gei,橙汁都幾鮮橙味.....下次會去隔離Delifrance試埋個早餐.

三文治都幾好食, 沙津都唔錯, 我喜歡薯仔沙津同caser 沙津同理美式cheese cake, 但係價錢唔係咁抵, 快餐o黎o架咋, 食包食三文治要成$30, 沙津$20 得少少, 唉! o係外國食三文治都平過佢…環境又快餐feel, 最唔鐘意好似要輪住拎o野食(唔覺好似監犯咩?) 拎完o野食又要拎住張單去埋, 我覺得好煩, 又要排隊輪拎o野食, 又要排隊埋單…改下la!