Ombra

營業中

休息中

點了牛柳沙律、牛臉頰寬條麵、海鮮意粉同蜆肉炒意粉。週末lunch人均200以下肉同海鮮質量算非常好、味道中上。員工很有禮貌，對小朋友非常友善。環境舒服，一定會再來。

位於Southside G樓的意大利餐廳，開幕了一段時間，但每次晚市時間經開望入去都唔覺得有客，前兩晚心血來潮想試新餐廳，就係門口睇吓個餐牌，發現原來無想像中咁貴，價錢都係同灣仔、中西區嘅西餐差唔多，仲可能平少少，於是就決定試吓。晚市有A la carte同埋套餐平日晚市只有三至四檯客人前菜點了烤魷魚圈，炸粉只有薄薄一層，食到魷魚的鮮味，不會成口炸粉，可惜調味重手咗，咸咗少少Pasta點了 Rigatoni Ombra，應該是招牌菜，中文名係蕃茄煙肉芝士粗管通粉Pasta 軟硬適中有咬口，醬汁超濃食到濃濃嘅芝士味，加埋d煙肉好食到不得了主菜叫了烤乳豬，皮脆肉嫩非常有驚喜，係有一層脂肪嘅肉，非常juicy，但係食食下會有啲漏，配埋青蘋果粒食就剛剛好。甜品我地叫左兩球奇異果雪芭，好好食埋單兩個人total $8XX ， 當中包括埋一杯紅酒同埋一杯cocktail總括來說，呢間係黃竹坑嘅意大利餐廳食物質素非常有驚喜，Pasta 同乳豬都令人印象深刻，值得多啲人認識。所有侍應服務都好好，全部都係香港人，唔洗講英文。

意大利菜以其豐富的風味和精緻的烹調手法而聞名，而這次的餐點無疑展現了其最佳的一面。烤乳豬皮脆肉嫩，外層經過完美的烘烤，滲透著迷人的香草氣息，脂肪部分入口即化，卻不覺油膩，每一口都令人回味無窮。青口鮮甜的海味與湯汁完美融合，湯汁濃郁，配上一片酥脆的意式麵包，簡直是一場味覺的盛宴。而雞肉則選用低溫慢煮，肉汁鮮嫩，配以橄欖，加上鮮菇的鮮味，肉質多汁鮮嫩，令人食指大動。整體而言，這三道菜品各具特色，無論是烤乳豬的豐富層次，青口的海洋鮮味，還是雞肉的香草清新，都讓人充分感受到意大利菜的精髓與熱情。

吖了烤豬排，overcooked ， 豬排硬都食唔到,只吃了一半，便放棄晤食。餐茶又唔夠熱。 麵包又唔好食。沙律菜賣相已經麻麻哋，味道也麻麻。 好彩招呼唔錯。 但食物質素真係唔掂。 而且價錢都唔平。

如果係Pici group黎講，佢一定係最差1）餐廳只坐左一半客，只上餐湯都等左半個鐘，我地等左足足一個鐘先上菜，未試過去一間餐廳等得甘離譜2）食物好一般，海鮮意粉有腥味，一般嘅水平黎講係outback 都好食過佢3）唔抵食，呢個價錢絕對有更好嘅選擇

本身見佢門面，冇咩特別期望，入到去先至內有乾坤。首先裝修就令你覺得身處意大利，侍應招呼都好周到。一坐低叫咗一杯cocktail 一杯cocktail，好飲前菜叫咗grill octopus, 煎得好香口，煙靭度適中，非常好味。主菜叫咗一個西西里龍蝦意粉、一個牛面肉意粉要讚啲意粉麵條煮得剛剛好，有咬口，唔會過硬，亦唔會過淋。紅蝦意粉個汁非常驚艷，有香濃蝦味，$200貨仔竟然有咁好嘅質素，好驚喜！平時我都唔寫食評，希望今次略盡綿力，間餐廳唔好咁快執😂

帶2歲半女一家三口去吃這間餐廳，選擇它是因為女兒喜歡吃pasta、beef，不愛吃菜…點了牛面頰粗麵、羊腿、bbq魷魚、黑松露pizza，魷魚先上的，十分驚艷！grill味道十足，魷魚鮮美，就是量有點少。配菜paprika、onion、cherry tomato也很好吃；羊腿很嫩，味道很清淡，保留了羊肉鮮美卻沒有疝味。pizza最驚艷！牛面頰粗麵就麻麻..服務超級好，以後還會來（鄰桌order幾杯mocktail，幾正）ps 我女幾鍾意，食得很開心，餐包配橄欖油都幾愛

終於去到最近最多人嘅新商場「𝚃𝚑𝚎 𝚂𝚘𝚞𝚝𝚑𝚜𝚒𝚍𝚎」尋寶😎 哩度比起平時嘅大商場多咗唔少特色商舖，種類都五花八門，有走親子向，例如教育中心、興趣班等，又有日常家品、特色潮流服裝，真係可以行一日😆晏就黎到好多食肆已經大排長龍，黎到走中高檔次嘅意大利餐廳「𝙾𝚖𝚋𝚛𝚊」，環境比教恬靜，座位寬敞舒適👍🏻先黎餐前餐包配橄欖油同醋，味道中規中矩～ 《 𝙽𝚎𝚠𝚣𝚎𝚕𝚊𝚗𝚍 𝙻𝚊𝚖𝚋 𝚂𝚑𝚊𝚗𝚔 》 $188 4.5 / 5紐西蘭小羔羊羊膝肉質嫩滑，經炆煮之後羊肉淡淡充滿油脂香，而且醬汁調配比例剛剛好蓋過羊嘅臊味，羊嘅油脂同醬汁滲落幼滑薯蓉味道更加係一流😋《 𝙿𝚊𝚙𝚙𝚊𝚛𝚍𝚎𝚕𝚕𝚎 𝙱𝚎𝚎𝚏 𝙲𝚑𝚎𝚎𝚔 𝚁𝚊𝚐𝚞 》 $168 3 / 5相比第一道菜，呢道牛面頰肉寬帶面就略嫌遜色啦😬雖然食得出食材和調味料都係靚嘢，但由於肉嘅份量太少，醬汁調味太鹹，所以整體評分都唔高，唯一抵讚係麵條真係好有咬感《 𝙰𝚛𝚊𝚗𝚌𝚒𝚊𝚝𝚊 𝚁𝚘𝚜𝚜𝚘 》 $48 3 / 5顏色十分鮮艷嘅血橙梳打特飲，果味唔算突出，加工嘅甜味偏重，作為餐後飲品不過不失😃整體上菜快，賣相精緻，不過味道只屬不過不失，未必會再訪😗—————

和一班舊同事們放工後聚下餐，大家都係去返呢排在港島南區幾紅嘅商場the southside ,我哋去咗商場LG層最角落位一間，佢係一間意大利野，侍應大多數都係外國人，但叫嘢食都唔會唔方便，menu 有中文的，餐廳地方一般大，比起商場中間位置之食肆比較輸蝕，但係總括味道係OK嘅，不過飲品好似比較少選擇，但食物算都幾ok ….叫咗好多野，不過唔記得晒🤣😝今次大約九個人去食，佢俾咗間房仔我哋…又坐得哂喎😂餐前麵包🌟🌟凍的，麻麻。炸薯條 🌟🌟🌟🌟炸得真係唔錯T bone 🌟🌟🌟🌟🌟 製作時間耐少少，但真係唔錯，肉質好好，牛味夠.青口 🌟🌟🌟🌟 佢哋揀咗啲比較細隻，炮製得幾好，個汁好好味兩個Pizza🌟🌟🌟🌟其實我鍾意食薄批，但係佢得厚批，但係留意嗰批邊係用酥餅的，好有特色同埋又幾好味woo紅蝦意粉🌟🌟🌟 蝦正常，意粉比夠硬身和少乾炸飯團🌟🌟🌟🌟細細粒, 炸得幾好食羊脾🌟🌟🌟🌟🌟一隻大羊脾，做得唔乾身好易入口好食….連個底嘅薯蓉也好味唔記得仲叫左d 咩了 😂😂😂

Lunch 經過呢間餐廳，見到個menu好似都唔錯，就去試一試個lunch set. Under pici group 既, Lunch set 不過不失，但分量少左啲。 但甜品真係要講一講，有Tiramisu 同雪葩。 雪葩真係非常有驚喜，叫左kiwi 味，非常清新!但佢地個Tiramisu 真係不可一不可再值面頭既cream 都叫做okay ，但係去到下面層lady finger, 好乾好乾好乾，唔知夠竟佢係冇check 過先岀餐定點？ 一個字 “差”。

最近經過Southside，發現咗呢間新開張的意大利餐廳，見到裝修環境唔錯，就去試一試。我食咗佢地個午市套餐，有頭盤，主食，甜品同餐飲。首先點咗一個蕃茄湯，呢碗湯同外面飲到的蕃茄湯完全唔同，唔係平時飲到的蕃茄膏味，而係非常清新的新鮮蕃茄味，質地順滑得嚟又有濃濃蕃咖味，值得一試。跟住主菜係和牛肉醬意粉，意粉食落質感唔錯，亦非常掛汁，每啖到食到醬汁同和牛粒。最後，重點甜品嚟到，由於同朋友一齊食，大家share 咗唔同甜品，有Tiramisu 同雪皅。甜品真係非常有驚喜，原本以為呢D 餐廳甜品質素都係一般，但佢地個Tiramisu 絕對值得加錢同encore!!! 首先講咗個雪皅，我地食咗青蘋果同士多啤梨，酸酸甜甜咁，亦有生果清香，唔係免費用嚟充數嗰種甜品質素。最最最緊要就係Tiramisu，面頭的cream 入口即溶，滿滿濃郁可可香味，蛋糕層濕潤得嚟帶有酒香，加埋少少曲奇脆脆，令口感更上一層樓。每一種味道同質感完美平衡，絕對係我食過最好味的Tiramisu，值得大推除咗食物美味，呢間餐廳ge 裝修都令我留下深刻印象。牆上有手繪壁畫，坐位都好舒適，好適合同朋友一齊嚟食野chill 下。