OMU cafe

營業中

休息中

自從呢間OMU CAFE開左之後☕️令呢條平靜小街驚現人龍連落雨天嘅平日下午依然full house☺️好彩有位女士埋單讓個窗口位比我🪟～ 呢間和風咖啡室主打自家製特濃蘑菇汁蛋包飯配豚肉咖喱或燴牛肉汁～不過tea time就無蛋包飯，要食就要叫all day menu啦～ 𝔸𝕝𝕝 𝔻𝕒𝕪 𝕄𝕖𝕟𝕦murice有成14款：🍛《 特濃蘑菇汁 配 野菜豚肉咖喱蛋包飯 💲88 》蘑菇汁以香草、雞湯和大量蘑菇煮成，好香滑濃郁～咖喱甜甜哋唔辣，岩晒我口味～豚肉比預期多～🥚而蛋包飯係用上日本雞蛋同日本白米，蛋味濃有米香，加埋醬汁好惹味～我估唔到自己可以食晒成碟飯～😛 𝕋𝕖𝕒 𝕋𝕚𝕞𝕖🍮《 自家製焦糖日本雞蛋布丁 配 咖啡忌廉 💲43 》 呢個都好多人點嚟打卡～ 蛋甜加上香滑唔甜膩嘅咖啡忌廉～滿足😌𝔻𝕣𝕚𝕟𝕜🍵《 Matcha Latte 💲29 (原價$44 H)》跟餐飲品減$15，所以呢杯只需$29～有埋拉花架～

平時喺銅鑼灣行返屋企嘅時候都會經過呢間小店，今日咁啱又經過就入去試吓啦，因為我家姐勁鍾意貓頭鷹嘅關係見到佢係貓頭鷹嘅招牌咁我哋就入咗去食但係入邊係同貓頭鷹嘅嘢應該係冇關😂-特濃磨菇汁。野菜豚肉咖哩配大啡菇扒蛋包飯 $118、特濃磨菇汁。燴牛肉汁配大啡菇扒蛋包飯$128我哋都好耐冇食過蛋包飯喇見到呢間蛋包飯都幾特別竟然有蘑菇汁我本身都係好鍾意飲蘑菇湯嘅人我覺得佢哋嘅蘑菇汁係超級濃郁啊仲有好多蘑菇碎喺入邊撈飯食真係好好食❤️野菜豚肉咖喱都係超香咖喱味啲豚肉煮得啱啱好唔會韌燴牛肉汁都好香牛肉味但係一點酸酸地嘅開胃感但可能我食慣蛋包飯配咖喱所以我係將咖喱排第一🥰同埋我最愛嘅大啡菇🍄‍🟫雖然個粉炸得好咗少少但係好脆卜卜最重要係個大啡菇超Juicy又勁厚肉！-LATTE、MATCHA LATTE如果跟餐飲品可以減$15好抵🥹佢哋呢度嘅拉花真係好靚而佢哋嘅抹茶latte係好香抹茶味然後佢嘅latte都係我鍾意嘅口味-有咩疑問店員都會幫你揀返個適合同耐心解答你嘅需要🫶🏻即刻推介咗好多朋友黎試😂

店名Omu (オム)來自日式蛋包飯オムライス一字🥚🍚身為街坊、呢個舖位嘅前身、前前身、自己一間都未幫襯過⋯😂今次有咩吸引我？佢哋蛋包飯啲相！😍（但明明呢次係去食早餐無食到蛋包飯😛）小店主打蛋包飯外、佢哋仲有日式咖喱飲品有意式、Cold Brew ☕️仲有抹茶、Single Origin 朱古力🍫選擇都唔少喔～🍵嗯⋯老師從來無拉過家中兩老陪我啡遊😄呢間似乎可以呢～～🔖 全日早餐炒滑蛋用上日本雞蛋顏色金黃蛋味香濃🥚雞扒大大一塊熱辣辣又Juicy 🐔絕對唔係乾争争嗰種最驚喜係佢哋自慢嘅沙律菜🥬小店同水耕菜品牌Aqua Green 合作菜葉非常嫩唔在講🍅佢哋嘅連枝茄甜度真係高到沖擊你味蕾喔😳🔖 Latte Nutty Blend 朱古力風味(中深焙、危地馬拉/印尼)另外仲有隻Fruity Blend （中淺焙、危地馬拉/Ethi）燕麥奶✅Decaf ✅❣️Menu 有日文！ Google Translate 譯唔出嚟嗰種、加5分！❣️店員對應Detail 得嚟帶點溫柔～ 加10分！😂

如果蛋包飯分級數的話，OMU Cafe簡直就係蛋包飯的天花板級別。餐廳環境同食物都相當精緻，入到餐廳就留意到音響，原來同我一樣都係用Marshall音響。採用日本雞蛋及高品質食材的原因，食物定價稍高，見慣世面嘅我😂當然唔會因此動搖食蛋包飯嘅決心，入得嚟就點最好嘅蛋包飯。結果無令小編失望，今次的體驗相當好！正餐份量頗多，店員會細心問到要唔要少飯，如果一人就餐的話，建議選擇小飯。二人就餐如果食量較少的話，可以考慮先點一份標準份量的餐，然後再決定再點些別的食物。肉慾無窮 - 燴牛肉汁和牛漢堡配脆香雞扒蛋包飯《重點推薦》 $138坊間嘅牛肉飯肉汁係無法與OMU相媲的，因為這裡的牛肉汁唔止有汁，重有原整的薄切牛肉。一寸厚手打和牛漢堡，老實說就算拿挽肉と米的漢堡亦難分高下。巨人份量脆香雞扒，雞皮煎得好香脆之餘 雞肉仍然嫩滑，十分出色！蛋包飯的雞蛋仍然係流心，就算只係肉汁配蛋包飯已經好好食，食完肉慾無窮之後嘅小編已經返唔到轉頭。Matcha Latte $44（套餐$29）偏愛綠色食物嘅小編，今次就點左Matcha Latte。小小甜，食飽再喝都唔會覺得滯，抹茶味可以再濃小小就完美啦！自家製焦糖

【Omu Cafe】#磨菇汁蛋包飯咖啡店又去左支持💪小店，去炮台山做野 search 到呢間蛋包飯 café 就去試吓。主打蛋包飯，再搭配特濃磨菇汁同埋野菜豚肉咖哩，都有其他汁可以揀，e.g. 燴牛肉汁。我當然試招牌特濃磨菇汁同埋野菜豚肉咖哩，再揀配手打和牛漢堡扒，食完一碟真係飽到上心口🤤。✨特濃磨菇汁夠香、有磨菇粒口感，食得出好足料製作既汁。✨野菜豚肉咖哩汁都有驚喜，帶有鮮味層次既咖哩，食到停唔到口。✨手打和牛漢堡扒都係店家自製，有肉汁夠厚，大大啖食好過癮😋。✨另外加左杯 Americano，問店員仲可以揀 Nutty 味或 Fruity 味，夠細心❤️。📌Omu Cafe地址: 北角炮台山英皇道89號 桂洪集團中心地下#蛋包飯 #咖哩汁 #磨菇汁 #和牛漢堡扒 #美式咖啡 # nutty #fruity #炮台山 #omucafe #支持小店 #用心製作

色彩繽紛嘅早餐，望見都食指大動整體ok, 雞扒好香脆但不油膩，車厘茄清新鮮甜多汁，炒蛋夠滑不會過「水」，沙律菜夠新鮮；最可惜係腸仔⋯只有好淡好淡嘅香草味，但肉味零，雖然有烤烘過但味道就像白烚般淡口；入座時見另一檯客也點了這個，最後她也是吃剩腸仔⋯Belgium Mocha (轉燕麥奶）$42+ $5； 因為叫咗野食，所以可以扣減$15用Oat milk拉花比起全脂奶/牛奶難好多，上檯見到一個像樣的latte art已感恩了 朱古力味同啡味剛好！

星期六中午12點幾入到去已經坐滿哂，好彩剛好有人走🤪因為我地坐低冇得耐，出面已經開始排隊🙈中午既menu就只有提供OMURICE❤️特濃磨菇汁•野菜豚肉咖哩，手打和牛漢堡 扒蛋包飯三重奏 （$128）蘑菇汁會食得出係由濃湯熬成汁，食落濃稠如醬，可以話係而間既獨家，再併埋日式咖哩汁，味道帶少少甜，中和番個油膩感😋😋👍🏻至於漢堡扒份量好足🐷整成大大一球，同埋食得出啲肉好入味同鬆軟，食得出漢堡扒都下了不少功夫！😌特濃蘑菇汁配脆香雞扒蛋包飯 （$112）雞扒係炸得炸得香脆，不過本人還是比較漢堡扒，因為雞扒食得兩三舊都會有點膩🤣同埋建議如果食蘑菇汁，要選2款醬汁，如果會好快膩飲品方面matcha latte，不過不失拉，都鍾意佢吾會好甜

在 Google map 上偶然發現了一家店，主打蛋包飯。走進店內，裝修滿滿的日式風格，讓人仿佛置身於日本的小餐館。座位的舒適度也很不錯，讓人能夠放鬆地享受美食。然而，美中不足的是食物價格偏貴。我點了一份飯和一杯凍咖啡，埋單竟然要一百五十幾蚊。店內的冷氣調得超級低，從頭頂一直吹下來，讓人感覺有些寒冷。我在那裡沒吃夠 15 分鐘就匆匆離開了。雖然食物味道不錯，但綜合考慮價格和冷氣機的問題，可能不會成為我經常光顧的地方。

第一次食特濃蘑菇汁嘅蛋包飯 啲汁嘅味道好似平時西餐會飲到嘅蘑菇忌廉湯咁～因為本人都幾鍾意飲蘑菇忌廉湯，所以自自然然比呢個蛋包飯吸引左，原來呢個汁撈飯食都幾好味🤩我食晒蘑菇汁之後先食另外個咖喱汁，一份蛋包飯可以食到兩種截然不同嘅味道，正呀😆熱嘅Matcha Latte拉花好靚，飲到抹茶味🍵但係凍個杯Matcha Latte可能因為啲冰融左，飲落就比較水，冇乜抹茶味😢整體而言，會再返黎呢度食蛋包飯！

平日午飯時間12:30到已經開始排緊隊好彩好快入到去係好簡潔嘅日系裝修成個感覺好舒服叫咗兩杯嘢飲兩個飯😋✨Rose Jasmine Rooibos Tea只有淡淡嘅茶味唔係好食得出玫瑰同茉莉嘅味道有啲可惜✨Royal Lemon Tea呢杯味道唔錯可以免費續杯一次✨野菜豚肉咖喱配手打和牛漢堡蛋包飯蛋包飯嘅份量都好足夠女仔食可能會食唔晒個蛋好滑漢堡扒唔算好多汁但食得出啲料好足✨大啡菇扒蛋包飯大啡菇切出嚟會流汁非常Juicy 左右兩邊係唔同汁一邊係蘑菇汁 一邊係紅酒燉牛肉汁同啡菇都好襯侍應都好有禮貌整體嚟講係好有誠意嘅餐廳🧡👍🏻👍🏻

我們於15/10（二）約下午兩點半🕝左右到達餐廳，人流不多，餐廳燈光幾猛，走溫馨路線。店員在我們入內時已跟我們說，要出去order埋單。我們叫了一個午餐，一個下午茶，不包飲品。❶午餐：特濃磨菇汁・野菜豚肉咖哩・手打和牛漢堡扒蛋包飯三重奏（$128）：賣相精美，分量恰到好處，野菜豚肉咖哩有紅蘿蔔🥕及西蘭花🥦豚肉不多，蛋包飯的蛋皮又薄又滑，蘑菇汁質地濃稠，食落好清新，而和牛漢堡成寸咁厚，肉質鮮嫩亦唔鬆散，但可以再大塊啲🤣❷下午茶：有機珍寶大啡菇扒健康早餐配牛角窩夫（$98）：珍寶大啡菇真的好大，睇落似乾，咬落有菇汁同嫩口，仲熱到冒煙💨，大啡菇🍄‍🟫不是用面包糠炸而是用粟米片炸，牛角窩夫🥐不過不失，有黑松露配嫩蛋，香腸及蕃茄仔🍅和沙律菜🥗餐廳環境舒適亦非常適合打卡價錢方面ok不用加一

同朋友一齊入店，店員叫我地係門口座位等，等左20分鐘終於有位，卻突然安排剛剛入店即其他客人入座。與店員溝通，對方卻唔俾翻位，反而話以為我地要係等位處食飯？Have to say this makes NO SENSE! JUST WASTE our time and get only a terrible expensnce！！We were told to wait on the seats right next to the door for OVER 20 MINUTES, and get no service!

啱啱開咗冇耐，前排晚餐都仲係試業階段😌今次lunch去試咗磨菇汁配咖哩蛋包飯~蛋嘅部分好滑~兩款汁都好濃味😎不過對我嚟講就太多汁，變咗湯飯咁，有啲重口😉如果有得揀一款汁就好😌另外有其他選擇可以配大啡菇扒、漢堡扒同雞扒等等，但係全部都過一百蚊~lunch嘅話就唔係太捨得食啦😂▪️特濃磨菇汁配野菜豚肉咖哩蛋包飯($88)

下午經過炮台山，發現一間新開的小店 Café，再看看菜單上的選擇亦多樣化，忍不住要品嚐一下。我點了一個特濃🍄‍🟫蘑菇汁 配 野菜豚肉咖喱 蛋包飯。對於蘑菇控的我，這個特濃的蘑菇醬加埋香而不太辣的咖哩汁味道十足，用上產自日本的雞蛋，蛋包外層特別嫩滑，與咖喱🐷豚肉完美結合，更為整道菜式增加了多重口感，令人回味無窮。另外，我也選擇了下午茶菜單上的 自家製蘑菇汁脆香雞扒，新鮮熱辣的脆炸🐔雞扒不但外皮酥脆，肉質鮮嫩。牛角窩夫同樣配上我最愛的蘑菇汁，搭配一些沙律菜做襯托，既健康又好味。進入 Café 又怎可以錯過飲品，最後點了 Latte 和抹茶 Latte，奶香濃滑。這間 Café 新開不久，已經人流不斷，相信將來有更多捧場客!

今日特登去試吓新開呢一間OMU Cafe 好出名嘅蛋包飯！好好彩我哋去嘅時候唔使等位就有得坐🤩 小店入面座位唔多，坐得比較迫少少，但係餐廳佈置簡單舒適，服務好，得閒都可以入嚟飲杯咖啡☕️特濃蘑菇汁配脆香雞扒蛋包飯 ($112)呢度主打招牌自家製蘑菇汁，我哋都叫咗一個嚟試吓😋個飯一上嚟就聞到好濃郁嘅蘑菇香味，仲有好多蘑菇喺入邊！個蛋煮得啱啱好👍🏻入口好順滑，入口即溶嘅雞蛋加埋蘑菇汁同埋白飯，簡直係絕配🥰個脆香雞扒就稍為遜色少少，外皮雖然比較厚，但係咬落去都超級脆！野菜豚肉咖喱配手打和牛漢堡扒蛋包飯 ($108)除咗特色蘑菇汁，我哋仲叫咗個咖喱嚟試吓！點知原來個咖喱都非常出色，佢係日式咖喱，冇辣味，但係又食到又好鮮甜嘅蔬菜味同唔會好韌嘅豬肉，係一個好足料嘅咖喱😋😋和牛漢堡扒超級厚🫨大大啖咬落去好開心每一啖都可以食到漢堡扒嘅肉汁🥰好快就會清晒成碟飯啦大家嚟之前記得要上去佢IG度留意吓個營業時間，晚市暫時應該仲係試業階段，唔係日日都會開，小心唔好摸門釘🤔 個蛋包飯好出色，希望遲啲我可以試到佢啲甜品同咖啡🥰評分：7.0 /10 人均消費：~$100-200 不負責個人意見：經過會去食吓😋