Outback Steakhouse (The LOHAS康城) (已結業)

呢一間餐廳相信大家都熟悉。每個人幫襯都有佢嘅原因，我哋一家人幫襯佢嘅原因其實係為咗黑糖麵包。今次午餐去到呢間餐廳覺得佢個lunch set非常之優惠。揀咗芝士餡餅，午餐套餐有湯主餐同埋飲品。今日係蘑菇忌廉湯，餐飲揀咗可樂。提提大家黑糖麵包係落order之後自動會送上㗎啦。黑糖麵包和餐飲都可以refill。所以係非常之優惠架。今次嘅芝士餡餅用料好足，非常好味。不過今次嘅薯條就炸得麻麻哋啦，好似油油地，不過唔緊要。最緊要都係我好享受～

幾年前一次外賣自取幾年後再俾一次機會點知黑糖麵包唔軟熟Burger都係凍既。。。薯條唔熱又唔脆Blacklist forever康城人真慘。。。。。。。。。。。。

嚟過好多次，嘢食有水準，但康城店過往服務比其他分店都差少少…今日食有個surprise, 有個服務員叫Rex, 服務態度非常好，食咁多次佢係全部遇過嘅最好一個，可惜無comment 紙可以填，所以上嚟比個like 佢！👍👍👍

聽講康城係香港既美食沙漠，但呢間位於港鐵康城站The LOHAS四樓既Outback，環境極具澳洲風情，在一流環境下享受美味佳餚，令人有身處澳洲的感覺，別有一番滋味！叫左兩個set lunch，分別都有大大條好開胃既甜餐包，再配上香濃嘅蘑菇湯，仲要加埋一杯餐飲同一碗細細沙律菜，性價比極高。BBQ grilled pork ribs $128一上就嗅到香氣撲鼻既烤豬肉味，份量都唔少，配送薯條，豬排口感一流，入口即溶，連刀都唔洗用，酸酸甜甜，值得一試。Cheese beef panini $118肉汁鮮味嘅牛肉三文治，口感煙韌， 亦都有配送香脆嘅薯條。Yummy!

斧頭扒處理得很好👍🏻（康成店）入口鮮嫩多汁🤤牛味十足😋值得推介🤗由於斧頭扒份量十足🫢要有番咁上下人先好挑戰佢🤣仲有個生日蛋糕又係好好食😋生日記得講比服務員聽啊🤭仲會同你講生日快樂㗎🥰

康城的餐廳選擇不多，Outback 喺我最鍾意果間，堂食味道一定好D，而且可以環保啲用小啲睇，不過咁好多人等位，所以都係takeaway。Takeaway Menu比堂食平啲，每個餐都跟左湯和好好食既黑麵包😋，不過其實最近都加左價，外賣都成$100一個餐唔高CP，不過味道係好既。🔹️Baby Back RibsOutback 的ribs 好高質，啲肉好離骨和容易整開。🔹️Chicken and Shrimps Past個pasta 都算creamy (要撈勻啲汁)，幾好食。🔹️炸磨菇散叫既，啲磨菇好fresh 好多汁，點埋個醬好正。

第一次寫食評，想表揚呢度嘅經理Rex由於身體關係，對麩質，奶製品，味精敏感，出街食飯簡直係一件好難嘅事。難得今日生日，同屋企人出街食晏，遇到呢度好好嘅經理Rex，唔單止聽我講有咩食物敏感，仲好細心幫我分析同跟進我嘅敏感餐，讓我可以好開心同屋企人齊齊整整噤食餐飯，十分滿意呢度嘅服務👍

特色－位置寬敞，有些可看到溜冰場景，亦有卡位評分－🌟🌟🌟🌟🌟（1）士多啤梨檸檬梳打-有深得小朋友心，每次必叫嘅飲品，少少甜，好好飲🍹（2）Fresh fruit cocktail-甜度適中，雜果口味，清新😍（3）肉眼牛扒加配黑醋醬椰菜仔-牛扒鐵板上，想食生啲可以叫5成，熟啲可以叫7成。黑醋醬椰菜仔每次必叫嘅配菜，酸酸甜甜又焗到好香口，超好味🤩😋（4）海鮮拼盆1份-1隻龍蝦尾開邊配上芝士，略為少少咸得啲，但一切即離穀，可以大啖食落口，好蝦嘅我，感覺好滿足🤩🤩🤩中間凍蝦杯，10隻左右，調味料一粒粒黏住，唔太好食，但蝦本身鮮甜好味。鱸魚煎到好香口，遲了少少食都唔會話好腥，底下放了飯，炒得幾好，夠濕潤。蟹腳4隻，啖啖肉好易拆出來食。職員好細心俾定碟仔裝殼，仲有較剪和濕紙巾，方便食客👍（5）洋蔥花-好大個，炸完灑了五味粉，好惹味，再點埋沙律醬，味道更突出

晚上6:00拎飛,成間餐廳一成客都無,等兩張枱都要五分鐘,想要窗口位,又話訂晒,但之前打去訂位又話無得訂位,咩玩法,得你一間嗎?野食唔知好唔好食,但一來要等餐飽,大把位都比好d位個客,我唔知係唔係有vip訂位,點解打去話無得訂,專登早d去搵位又話可比訂位

想簡簡單單食好少少, 又唔想食太貴, 唯有食返佢個滙豐卡套餐 XD黑糖包依舊麥味好香,  但感覺無以為咁軟熟, 有少少乾硬咁姐。香草蕃茄海鮮意粉- 都係酸酸甜甜幾好食, 不過不失咁。一路都唔知果D紅色尖既係咩黎 蕃茄仔黎?  幾鍾意食。 牛扒牛味好濃 4 成熟真係岩岩好, 龍蝦尾夠爽夠彈牙。食飯時撞正冰上曲棍球練習中,  都真係幾嘈 有D 難傾計。 如果係比賽既話都係賣點黎既, 因為佢都唔少位可以望到個場。

因為HSBC信用卡有優惠,所以就join左個會員成日都食.次次都係一大班朋友上黎就會叫外賣.都唔係話等好耐.45-60分鐘左右(叫兩個4人餐再加小食)如果唔係會員價就有d唔抵.講到尾都係為左個黑糖麵包先食.原來係可以單買$10一條比起其他麵包店抵好多呀><不過佢堂食就冇得帶寵物.有d失望

放假想食西餐，想大份夾抵食，Outback絕對係個好選擇～前菜唔少得嘅黑糖麵包，食幾多次都咁好食烤肋骨雞搥芝士薯條拼盤 $178- 雖然係小食拼盤，但都好大份，價錢仲貴過主菜😂不過質素ok嘅- 肋骨夠嫩滑且濃味- 雞搥本身偏乾，但係點埋個沙律醬就啱啱好，而且個醬淡淡地唔會搶咗雞搥嘅香味- 薯條啲芝士少咗啲，不過都有拉絲效果香芒燒雞肉沙律 $142- 同樣好大份，蔬菜尚算新鮮- 芒果夠甜- 雞肉就鞋咗啲，同埋沙律汁唔係好夠烤帶子煙肉白汁燴飯 $148- 依個飯主餐牌本身無，係套餐入面，不過依家可以單點，因為店員話好多人都問😂- 帶子有三粒，每粒有塊煙肉包住個邊，食落幾特別，豐富咗個口感- 燴飯好香，啲汁啱啱好，唔會好濕好淋雪糕朱古力軟餅 $68- 冰火交融嘅感覺- 好甜!!!( ´▽｀)但係好想繼續食

今次已經係第二次。明明打咗電話去落單。要過海搭地鐵返嚟屋企；返到嚟外賣自取嘅時候，竟然話俾我知冇落到單！唔覺得佢哋堂食做到廚房好忙忘記落單⋯⋯定係本身啲員工完全冇培訓冇溝通

久違到餐廳吃飯，心血來潮想吃美國菜，康城站只有這一家吧……正題：前菜-雞肉凱撒沙律羅馬生菜新鮮，但是大多深綠色，屬於過氣菜，吃起來口感一般，而且像便宜貨，畢竟現在太多羅馬生菜都非由美國出產，不過新鮮便算了，反而是雞肉的粗鞋質感令整件事大打折扣。不是一直用低溫煮雞嗎？怎麼會那麼粗鞋？澱粉-卡邦尼啊雞肉扁意粉感覺比從前少了很多，印象中他的份量很大，以價錢來說，性價比非常低。重點是雞肉亦一樣突出地粗糙，食之無味 棄之可惜。最後，亦最失望的牛扒，價錢正常，牛味道也可以，但筋性強，會咬到牙關都軟了，只好硬呑吧⋯反正旁邊的配菜更吸引，但也是很油啦，一邊吃一邊想瘋狂灌汽水！人客多，工作人員未有機會主動幫忙，但都盡力滿足客人要求🫡

搬咗過嚟之後成日食outback嘅外賣自取，因為近近哋，又抵食，外賣個餐牌幾推介烤帶子飯，好好味，次次轉餐牌有呢個都必嗌，因為有時佢會轉第二款餐牌係冇呢個嘅。另外個牛肉漢堡都好抵食，足料，每個餐都包湯，黑糖包，係佢到食不如拎返屋企食