Outback Steakhouse (黃埔天地) (已結業)

好耐冇黎過outback~黃埔搬鋪之後第一次黎~~~勁大!真係好中意好中意outback 個餐前面包~~個醬真係好好味! 包又勁軟熟!! 餐前面包食過咁多間似終都係outback好~!一向都幾中意食outback既凱撒沙律~~~同樣既材料~但outback係調得好味D~~~!!要左個小食拼盤~有我最愛既芝士薯條~~唔夠喉~~豬仔骨同雞搥都好入味~~不過D肉唔夠滑~主菜 : 美國安格斯肉眼扒 ($268)可以免費跟兩個小食~揀左雞味飯同焗薯~驚死唔飽咁==’五成熟~好厚~勁多肉汁~超正~!完全唔洗點醬~!個雞味飯同薯容其實幾好食~好入味~但份量太多~最後都係食唔哂~><”三個人total五百唔洗 勁飽~~其實outback性價比真係幾高~=)

平時都會幫襯，始終黃埔食扒的地方唔算多。講真如果係平日食都ok ，keep 到水準，但次次人多嚟就爭咁d（廚房做唔切？）。今次weekend 嚟仲有伏咗既感覺⋯話說平時坐低會有好味既黑糖包，但係今日個條係凍到硬既☹️☹️☹️其他例如Aussie cheese fries 都唔係好熱但acceptable 跟著既mushrooms 都ok，諗住之前只係個別例子點之份扒同燒蝦到咗就知出事燒蝦一上枱已經係凍，仲令我以為本身應該係凍，咁叫人換完就切扒la本身係叫5成熟，但切開係咁樣樣....9成都嚟緊.....但由於已經換咗份蝦，都廢事換.....最後催咗3次先出現既餐湯係最熱同最好味😂結論係，下次weekend 都係咪搞平日先好嚟食

今次我哋一行三人喺黃埔OutBack食下午茶, 呢度嘅下午茶時段食客唔係太多,如果想食一個寧靜嘅下午茶或者同三五知己傾下計係一個好好嘅選擇,但想先旨聲明先依間餐廳係收唔到手機信號嘅,亦即係話如果你要用電話whatsapp或者要等啲重要嘅電話,除非你用3台,其他台都係接收唔倒嘅, 所以有啲唔方便! 但當然,如果你想有一個寧靜嘅下午茶餐又唔想受到電話嘅騷擾,呢度用餐係一個明智嘅選擇! 呢間餐廳嘅裝修都幾新淨同埋幾靚, 出餐速度都幾快下. 價錢及食物質素比還算ok!香噴噴的serviette值得一提嘅就係,呢度嘅serviette係有一啲香味,應該係柔順劑嘅香味,好香好好聞 !燒蝦凱撒沙律依道燒蝦凱撒沙律做得唔錯,沙律醬有啲甜甜地, 蝦好有燒蝦香味,用嘅生菜都幾新鮮下,而佢將蝦放喺生菜上面, 燒蝦流出嘅汁混合埋生菜一齊放落口,口感清甜但又有小小嘅燒烤味,感覺十分之唔錯! 但係坦白講,呢度菜嘅份量就偏細!佛萊斯科闊條麵佢個alfredo sauce做得唔錯都幾creamy但係唔係太rich好容易入口, 闊條麵冇overcook, 都算煙韌彈牙, 但佢裏面嘅雞肉有啲鞋口, 口感唔係太好,但整體都

有水準嘅一間排房，愛人最歡喜來呢度幫襯12安士肉眼排，厚度剛好，5成熟，外層煎到香脆微焦，輕輕鋸開，肉汁滿溢，食開牛嘅絕對接受到呢啲血紅又充滿牛香味嘅肉汁!!yarm一啖蘑菇汁，入口外脆肉軟，成個口腔都係肉汁牛香!!食每一啖都不禁流露出幸福嘅表情!!

同朋友一齊慶祝生日 係outback book 左枱食飯見到有燒牛肉 就第一時間落左單先 因為上次我試過 超好食 但係又冇影相 見到塊牛肉表面上有一格格既網紋 就提起我的食慾 一刀切落去的時候肉汁慢慢流出 因為我叫左五成熟 外面表層煎香，入面仲有係好嫩再配埋粗薯條 簡直係完美的一餐

今日同男朋友慶祝週年紀念日，所以揀左呢間西餐廳黎食扒類。因為我好多朋友都話呢間餐廳質素5差，扒類好出名，又大份又抵食。去到間餐廳，由於我地醒目有book枱，所以5洗等就已經可以入座。我叫左一份羊扒，一份豬肋骨加牛扒，同洋蔥圈，試過上次有個fd係呢間餐廳叫左塊8安士既牛扒，但乾到好似牛肉乾咁，但佢話已經係叫左5成熟都係咁，5知係咪叫得太細份d質素5好，所以我都5敢去博！d侍應開頭落order果陣都還好！一諗住叫佢地拎d醬，舉手係無人應！之後叫左個男仔幫我地拎醬，佢話好，點知等左15分鐘佢好似無左回事咁，仲係我地面前經過都扮到無野有d嬲，之後有個女同事好熱心咁幫我地拎，個女同事帶眼鏡，babyface，好nice，全程都好好笑容，真係無得頂，好采後尾都有呢個女同事幫我地跟下d野食，5係既話真係5想再黎呢間餐廳食野！食物質素好，但服務態度差係無用，只會流失更多客！！

好耐冇黎黄埔呢間食, 原來佢搬左舖位, 係同一地點後面商場直入, 新舖冇以前咁大, 冇左d美式屋仔裝修, 個人鐘意以前嘅裝修多d, 座位闊落好多。今次叫左個美國安格斯12安士配甘藍沙律和焗甜薯，要磨菇湯, 另叫芝士薯條, share 食。 因為記憶中 outback嘅野幾大份, 所以食住先, 唔夠再加。個磨菇湯有香草味, 唔錯, 不過個碗好細, 兩啖就冇左, 唔夠喉送嘅黑糖包個底烘到燶左, 有焦味, 即刻同待應換過, 待應都好有禮貌, 話換過比我地。味道同以前嘅一樣都係好香軟, 少少甜, 餐前食至咁，唯一係...個包好似又縮左水。主菜嘅牛扒煎7成, 剛好, 唔點汁都好夠味, 食到牛嘅香味, 甘藍沙律好開胃, 甜酸度適中, 焗甜薯焗得岩岩好, 唔會個心仲係硬。反而芝士薯條係最後先上, 但.....個碟...唔同左嘅, 用左個長方型兜裝, 感覺上冇以前咁大份咁興奮, 雖然味道都可以, 但芝士汁和整體份量都好似少左, 係因為餐具改變左, 錯覺, 定真係縮水? 我都唔肯定, 因為太肚餓嘅關係, 我冇影相, 留待outback 嘅 粉絲去判斷啦, 希望唔好縮水啦, 因為 outback 係我心

黃埔outback由街舖搬左入去新商場後首次幫襯，見到地方大左好多，不過星期六中午時分好多人等位，等左好耐先有位其實見佢側邊有啲位冇開，可能唔夠人手啦睇落lunch menu好似比以前平左?可惜牛扒同burger都唔係我杯茶，依家天氣凍又唔想食沙律，所以其實冇乜邊幾樣吸引我，最後揀左creamy shrimp risotto屋企人就揀左sirloin herb vinaigrette同baby back ribs要數outback最好食嘅一定係佢地嘅bushman's bread，有蜜糖味又有麥味，鬆軟香甜 加埋幼滑嘅whipped butter真係無得輸 切之前好似好大個，不過其實一切落去個包就縮水兩個人佢俾一個包你，三個人都係一個，不過可以叫佢refill沙律普普通通，soup of the day係薯仔煙肉湯，入面勁多薯仔粒，似食薯蓉多過飲湯湯入面都有唔少煙肉，令個湯更加鹹香惹味我個risotto好大份!!! 呢個價錢食到咁大碟risotto真係好抵! (我尋晚喺另一間餐廳食risotto，貴好多但亦細份好多，可參考我上一篇食評)risotto真係好creamy同cheesy!

記得上次黎Outback係慶祝平安夜, 好多餐廳都加哂價or要食set menu.但當時Outback係照番平時menu ge價錢, 呢樣令Vi對呢間餐廳ge印象幾好一落完order, 侍應已經送上一整條黑糖面包, 面包係微暖, 食落好有面包香, 同埋有小小甜味, 係個很出色ge餐前面包Vi同友人叫左2樣野食, 分別係芝士薯條同埋全份ribs. 芝士薯條一黎到,我地都不約而同瞪大眼睛超大份呀!!薯條係粗身果隻, 好香口好粉, 上面鋪滿芝士同煙肉粒, 好食但真係好邪惡一上台ge時候係熱辣辣, 芝士有拉絲效果但真係太多, 食到一半d芝士已經硬左 同埋真係食唔哂黎Outback點可以唔食ribs呢, 貪心ge我地叫左全份, 一黎到, 我地又係不約而同瞪大眼睛呀!!完全忘記左ribs都係配薯條嫁Ribs好香好好味!!肉質好林好多肉, 配埋個bbq sauce好正但又係太大份, 應該3-4人分享會最好