Outback Steakhouse (銅鑼灣廣場一期)

營業中

休息中

食左幾次，每次 d 員工服務都好差，黑面不特止，仲成日唔理你，當睇你唔到，但又其實好多人返工，應該唔系人手不足。食物勝在夠大份，味道穩定，環境都唔錯既，窗口位坐得舒服，足夠令你容忍到差勁的服務態度。

有時想食下高檔啲又坐得舒服啲，outbacks就不失為一個好選擇，唔係太貴又幾有格調，慶祝節日紀念日都唔錯。同女朋友2個人嗌咗個芝士白汁燒蝦寬面同肉眼扒配豬肋骨。個寬面少少辣，加埋芝士汁唔錯。隻蝦都幾爽口，應該新鮮嘅。個肉眼扒嗌咗5成熟但都over咗少少，上到7成，好彩唔會話鞋口到食唔到。個豬肋骨夠味但太淋，把刀一切落去就散開哂。配菜要咗薯條同薯仔，正正常常冇乜特別。其實講到outbacks最正都係佢嘅黑糖麵包，真係好好食，女朋友鐘意食麵包所以呢個黑糖包都encore咗一次。

lunchtime 儲夠8個印仔就可以免運送一個$128或以下既lunch 今次我就食左藍莓芝士burger （ $138）個人覺得個steak有d乾都係最普通個隻burger好味d （$98）薯條幾脆而且夠味 唔錯👍🏻今次個黑糖麵包送上黎時熱辣辣 加分👍🏻👍🏻

經過銅鑼灣街頭有人派優惠券，午餐第二客半價，見差唔多食飯時間餓餓地，不如試吓呢間outback，好多年冇食淨係記得有個黑糖麵包。果然一坐低第一時間就俾個黑糖麵包我哋，兩個人唔使2分鐘就食晒連相都唔記得影！因為真係又熱又唔甜又好食！叫咗兩個午餐，一個係意粉另一個係豬排骨。豬排骨： 真係幾好味喎估唔到，同ruby ______ 個間唔同，呢一間冇咁甜冇咁淋果汁又配得幾好食，配搭嘅薯條好好食好脆意粉：反而呢個意粉就麻麻哋啦，可能覺得佢太漏啊。同埋配菜好似唔夠多，所以最後都食唔晒個意粉埋單兩個午餐：減埋第二客半價都係$200多少少都算抵食嘅不過下次可以三個人食兩個餐都夠飽

銅鑼灣有兩間outback Steakhouse ，但個人較喜歡位於銅鑼灣廣場這一間，因為裝修較開陽，不是黑沈沈的。今天我們一行四人食午餐，但我們只要了3個set lunch，所有套餐還包括了湯、沙律和飲品，因為知道每set的份量也不小，而我們四位也是女士，應該已經足夠。3份set lunch 當然唔少得燒肉醬味豬肋骨（$118）其餘還點了燒雞肉芝士夾餅（$108）和芝士白汁燒雞肉雜菜寬麵（$118）。豬肋骨保持一貫的水準，沒有令人失望，份量又夠大，雞肉芝士夾餅，各人都滿意，反之雜菜寬麵就較為普通，雞肉不夠滑，味道較淡。值得一提是那個黑糖包，口感煙煙韌韌，若非害怕吃不下主菜，真的想再「安哥」。

芝士薯條，薯條唔夠脆卜卜。太多芝士醬，所以一拿起一條薯條，就成堆薯條拿起駛，差差差，希望作出改善。🦐沙律，不錯。蝦大大隻。醬汁酸酸甜甜，因為有西柚汁。芝士橄欖意粉清清淡淡

因為登記了Outback的電子會員(免費版)，所以經常收到各分店的優惠資訊。今次知道銅鑼灣店消費滿$300便送豬肋骨，所以特意前來幫襯😁😁1.黑糖麵包:幫襯過Outback的人都知道，Outback的黑糖麵包是免費，仲可以添食多一次，而且味道並不是普通質素，係超好味，滿有黑糖味，但又唔會太甜，仲外脆內軟。2. 特製洋蔥花球:雖然明知好熱氣，但每次都好想再食，因為炸洋蔥配芝士醬真係好野味。不過，每次都食唔晒，食到一半就會覺得好漏😂😂3.美式慢燒安格斯肉眼扒(8oz)配焗薯utback的牛扒真係好有質素保正，縱使叫左7成熟都唔會燒到好老，仍然係鎖緊肉汁，肉質鮮嫰。本人覺得8oz都已經好大塊，叫8oz都好夠，因為仲要留肚食其他野4.燒肉醬味豬肋骨:食夠$300送的豬肋骨都甘大份真係大贈送!而且仲送薯條，真係超抵。不過，肉質有d乾，如果燒得無甘乾就完美啦。5.焗甜薯:第一次試食焗甜焗真係有驚喜，無諗過甘好食，焗薯的做法，但甜甜地，感覺幾新鮮，好有西式燴番薯的味道😂6.香草蕃茄海鮮長通粉:食到呢味菜的時候，已經開始飽😂只能講係不過不失。7.羅勒香草醬意粉:因為我地當中有素食者，所以打算叫這味菜俾

飯後總是想飲番一杯。最近發現銅鑼灣廣場outback是一間值得推介的店。牛扒是出名的，炸洋蔥花也是巨有人氣。我喜歡這𥚃環境，美式風格，不食主食淨飲都是不錯的選擇。蜜桃蘋果酒沙冰成份是vodka, peach schnapps, sparkling wine, peach purée, apple cider 。橙黃色凙，配合燈光，好美。味道淸新，順喉。酒蒸成份不高，適合女士飲用。朋友的是一杯紅酒，色澤深紅透光，不嚡口帶有果味，以幾十元的價錢飲得過的。

今年新年長輩們都唔喺香港，得我同老公兩個過新年，我哋決定簡單啲睇戲食飯就算啦😂買咗11點鐘等梗睇戲，見有啲時間周圍行吓睇吓食乜好，行行吓見到佢個招牌就諗起佢個黑糖包😋去到門口冇人排隊，見啲職員行嚟行去諗住等佢哋帶位啦，點知等左成幾分鐘都冇人理我地，之後發現門口有部機可能要拎飛先有人理我哋掛🙄一入去佢已經同我地講所有優惠今日都暫停，可能因為新年關係掛。叫完嘢食冇幾耐，已經有個包上咗台，好香呀😋😋😋佢哋個黑糖麥包果然出色，幾時食都唔會厭。跟餐附送嘅沙律都唔錯，都幾新鮮爽甜。燒羊扒，我個人就覺得唔算羶，而且嗅落都算香。咬落有肉汁，幾嫩唔乾👍🏻底下既飯都好好味👍🏻👍🏻但略嫌羊扒肥膏太多。始終都算係開年飯，好想飲酒🍷但係又驚飲多咗一陣睇戲會好眼瞓，所以叫兩杯飲吓先算啦頂級紐約牛扒（7成熟）哇，我等左佢好耐啦🍴牛味好香，一上枱已經流口水🤤外面乾身，入面仲帶少少粉，介乎5-7成左右，唔錯。附送嘅炸南瓜，估唔到佢都幾特別，甜甜地外硬內滑👍🏻坐坐下叫埋個寬麵，其實一坐低已經好想食，但又怕佢哋會一次過上晒所有野食，到時會唔知食邊樣先，又唔鐘意啲味道撈埋一齊，又唔鐘意喺枱上面放得耐會乾會硬。蝦係爽嘅，芝士白

客氣的朋友過了舊歷十五都要約我食飯派利是，並說想吃西餐，用OpenRice的搜索功能才醒起原來銅鑼灣廣場這裡有outback，午市以為不多人，沒有訂位，結果等了約十分鐘才有枱。原來午市有set lunch，難怪多人。除非點牛扒，set lunch 大致三種價錢，$98、$108、$118，我點了baby back pork ribs，燒汁好味，已是「骨肉分離」的狀態，肉嫩，薯條外脆内軟，也好味。朋友點了roast BBQ half chicken，不是細隻的春雞，所以份量都幾大。以set lunch 來説，約$100一位不算平，但以質量取勝。

年三十下午好遲先出門口 本身想食pizza 但係又無lunch set 行左一輪 黎到outback 都3 點 好彩仲可以叫個set lunch 食 當日大家都早放工 所以outback 都要等位🤨一入座就上左黑糖包 暖暖地 好好食每個set lunch 都會有一碟salad同蘑菇湯蘑菇湯好濃嘅黑椒同蘑菇味 😚唔食蘑菇嘅我都覺得好飲🤪Chicken Quesadilla $108我不嬲都鍾意食quesadilla 而佢呢到嘅份量非常足料入面除咗有雞肉之外 仲有芝士辣椒等等嘅配料 😋佢上碟嘅時候見佢好似普通一塊薄餅咁 估唔到 入面咁足料🤩而薯條都係一如既往咁炸得好香脆🤩🤩Baby Back Pork Ribs $118呢個就朋友叫嘅 佢就好似幾滿意🤭但可能係年30 下午 員工只有幾個人 落單嘅時候已經叫左汽水 但係到食左一半都未黎吹左幾次都未有野飲 我地都處於好口乾嘅狀態 最後到差不多埋單汽水先黎...

好多好多年冇黎過Outback，完全唔知佢而家啲餐咁抵食，份量方面係冇得輸。先黎最正黑糖麵包，好快share完一舊，侍應瞬間遞上第二舊，服務抵讚，非常好👍🏻👍🏻👍🏻我叫左個牛柳配龍蝦尾，$300唔洗就有份main course，加兩個配菜，portion就夠哂大，啱啲好大食嘅人！先讚配菜嘅焗薯同甘藍沙律好食。焗薯焗得好香，味道香甜，亦好飽肚。沙律夠哂酸，適合我口味，但食塊扒食到一半先黎😂相反，主角牛柳就質素一般，肉質太鞋口，叫medium亦煮得過熟，肉味唔濃，有啲失望。好彩龍蝦尾出奇地新鮮🦐

2018年12月7日 (星期五)  6:00pm 17°C 店內裝潢富歐美風格，餐桌與餐桌之間的距離恰好，不會太擠迫，氣氛柔和，感覺舒適，侍應服務也無微不至。 環境光亮整潔，餐具乾淨。 人數：2 人 HK$553 不用等位 葡萄柚子大蝦薄脆 - 首先，要壓碎，再撈勻。咬下時，卜卜聲，香口無比，蝦味新鮮，柚子清香。在配合葡萄乾和蔬菜之後，一切感覺變得健康，而且賣相獨特，構思充滿創意！【推介之選】❤❤❤ 香煎蟹肉餅 - 軟熟惹味，蟹肉絲鮮嫩，肉質甜美。 美式慢燒8安士安格斯肉眼牛扒 - 家人要求牛扒 5 成熟，重 8 安士。牛扒大件又厚切，味道軟腍，肉質鮮甜，甚具咬口，完全不靱。【推介之選】❤❤❤ 特色雞味飯 - 飯質軟硬適中，混合雞汁，味道帶鹹，不錯！ 黑糖麵包 - 軟軟綿綿，溫度微熱，黑糖健康，不算太甜。 周打蜆湯 - 濃滑美味，忌廉味重，蜆肉細嫩。 甘藍沙律 - 酸酸甜甜，蔬菜爽口，吃下時，叫人開胃。

見人人都大讚黑糖麪包，適逢老公生日，就約埋佢契妹三人行開心share喇！契妹有滙豐信用卡，可以order特價套餐。正如其他人所說，已卜了位，入面明明唔滿，都等左差唔多十五分鐘先可以入座，難明！可能想像得太完美，覺得黑糖麵包一般啫，偏甜少少，都係新鮮出爐嘅sogo麵包店岩鹽包好食D！order左二人餐，追加一個小食拼盤⋯⋯餐湯非常鹹！⋯⋯caeser salad咪caeser salad囉⋯⋯牛扒要左七成熟，我同老公怕血，再係鐵板上面煎熟D，呢個唔錯！全熟都唔柴又𡁻得爛，唔點mustard都有肉味⋯⋯大蝦燒雞寬麵本來ok，不過芝士汁好重手好𤇍，唔熱就會覺得個汁好似鹹嘅漿糊，蝦好鹹⋯⋯小食拼盤反而有驚喜！雞槌、芝士薯條、ribbs都好食，大大碟先至160左右，全menu最抵食係佢！最唔0K反而係service，本來已經唔夠人（雖然唔滿座），由上至下個個都鍾意傾計，要伸手好耐先截到一個人幫你落單收碟加水埋單，試過幾次明明見到你都扮睇唔到⋯⋯埋單人均$260，個套餐已經折左，試一次就夠喇⋯⋯

同係銅鑼灣，呢間訂到位。訂左位八點，遲左五分鐘先到。因為推住BB 車響銅鑼灣真係好難行。老公訂左兩位，但我地有BB, 結果要麻煩侍應揾過張枱俾我地。今日叫左一塊大扒，signature 既。但原來我唔係咁識欣賞。我諗我鍾意普通既烤法多d。因為睇落去無咁生。本身塊扒都已經跟湯/沙律，仲有兩個side dish. 細食既話都夠。叫左呢個椰子berry smootie。 個人覺得太甜喇。跟餐可以加既蟹餅，只有一塊，$70幾有小小貴，但味道不錯。以帶BB 黎講呢度好好坐。好舒服。