Oyster 18 (已結業)

作为清风街的长期吃客，见到新店开张一定要捧场葛单人匹马就甘冲入去试菜ing ···················一入去感觉很好！！环境很OK~~~~呃，没咩心水特别好吃，就听个经理话叫D生蚝试试。法国进口哦，没上菜已经流口水咯~~我最中意吃生蚝饮红酒啦，拿拿声叫经理推介下。生蚝很新鲜。味道入口很好~~ 另外还叫了个推介直通粉伴溫泉蛋及奶油海膽汁 都几浪漫的环境享受着美食确实系一大享受·····值得推荐葛~~~~

因為懶的關係, 從來都冇寫過食評. 今次"的"起心肝寫呢篇食評, 係因為我覺得呢間餐廳"得"!呢間餐廳雖然唔算大, 但裝修得唔錯. 我同老公都係蠔魔", 入到去即刻睇個蠔吧. 個晚有15款蠔, 算擇都算多, 我地每人叫先左半打蠔, d 蠔非常之新鮮 於是又再黎多一round 先夠皮.跟住經理介紹左西班牙豬, 第一次食呢種肉, 一d都唔肥, 入口仲有極之香的味道添!我地又叫左招牌菜"直通粉伴溫泉蛋及奶油海膽汁", 蛋汁+ 芝士+海膽, 簡直係絕配 個大蝦同魚亦非常好食, d魚一d都唔腥.至於甜品有我的至愛"心太軟", 朱古力槳非常濃郁. 老公叫左"芒果拿破崙", 個皮焗得非常之香脆, 芒果又好新鮮!!我同老公當晚已經訂左位月尾再黎慶祝我地的結婚3周年紀念. 非常之期待

我同老婆平日最鍾意係天后食, 呢晚行過清風街, 見到有間新野(因為門口有幾個花牌), 裝修好modern, 仲好有情調咁, 跟住有個四眼經理走出黎叫我地入去試. 咁我地就即管試下. 個位經理非常pro, 建議我地每人一齊試下三種唔同既蠔, 有兩種係由法國黎既, 另外一種就係由愛爾蘭黎既, 但蠔名真係唔記得喇。三種蠔由較淡食到較濃味既, 非常鮮甜, 好好好好好味呀! 我地都經常食蠔, 從未試過咁新鮮咁正既蠔. 結果再叫多一打先夠喉. 果個經理又介紹左一款法國白酒, 好好飲, 果然係天仙配!!我地另外仲叫左主菜同意粉, 好有酒店既水準, 果個經理話佢地d廚師係酒店出身, 唔怪之得有酒店既水準啦值得係度推介比你地!