Oyster One (已結業)

脆皮原隻德國咸豬手 外賣$78即制熱辣辣出煙脆皮豬手 香草味夠腍 味道好 細size 厚切咗都有10大件 半邊骨頭包裝盒靚 另外有汁醬點(百X超市都有 大隻啲$88 即買簡單啲)現場有半自助餐+主菜 $88+10%主菜都有豬手 或者坐低食 仲抵半自助餐食品唔多 ……甜點 糖水 飲品 餐湯1款 沙律都齊有幾款炸物 雞翼春卷薯條 熱氣唔吸引…冇熱葷嘅環境唔豪華 簡潔 清靜 舒適 招呼都好仲有下午茶 $48 +10% 冇主菜 飲杯嘢小小輕食 傾計聚腳 感覺幾好揾日會試

黎過幾次，貪佢無乜人，試過頭半個鐘包場，夠靜。呢到semi-buffet唔貴，跟主菜價錢，約150至300左右。叫左魚柳，好味，炸得啱啱好，少許脆身，唔乾，下面薯蓉好味。第二個主菜係大蝦pizza，都係做得恰到好處，少許脆身，蝦夠爽，千島醬又係my favor。蘑菇湯正，夠濃味。今次個麥樂雞乾到可以掉死人，薯條都係。個蒜蓉包係buffet裡面我會食幾轉嘅，跟住就係藍莓cheese cake。其他甜品只不同味嘅布甸，可以唔食囉。以前仲有幾款蛋糕，而家cheap左，主力啫喱布甸類，真心失望左。不過，主菜係為佢收住我嘅一個主因。加上一定唔多人，都會間中繼續幫襯嘅。

一行10人去食，自訂菜單點了9樣食物，除了水鴨湯和片皮鴨外，其他無一可取。菜心苗，菜唔甜，湯無味。鮑魚唔鮮，無過火，不過啲果皮無味，豉油都無味。生蠔和焗生蠔，同樣質量一般。蒸魚兩食，條魚完全無魚味，鱗又多，炒球又唔彈牙，調味又無。蒸骨骨腩，個豉汁唔知咩味，無豉味，仲要偏甜。炒個意大利飯，我知係偏硬，但都唔係硬到食完牙都軟，又乾。鵝肝多士，煎得唔夠香。嚴格嚟話，中式食物差，西式食物唔掂，無可取之處。一心有人介紹食，滿心期望，不過實在太差。仲有餐廳無咩冷氣，愈食愈熱。

第二次黎OYSTER ONE，自從試過一次佢地豬鞍斧頭扒之後，一直心思思好想再食多次！ 因為整得太好食喇！ 以百幾蚊既價錢，可以食到咁大去斧頭扒，真係嚇親我！ （隔離枱見到都即刻問叫咩名🤣🤣）而且廚師煮得岩岩好，勁JUICY,一d都唔韌❤️❤️❤️❤️另外個燒春雞呢，成隻上架！ 一樣係好好食！ 就算係雞胸肉， 都係勁滑😍😍我地仲加佐2隻生蠔， 好鮮味啊！ 其實佢仲有個自助沙津吧， 當然款唔叫好多， 但係湯，包，糖水，甜品，水果，餐茶，薯條雞翼樣樣齊， 仲好岩我老公口味添！ 因為佢唔食生野！ 帶老人家黎都岩曬！ 😊😊最後我地食到勁勁勁勁飽！

偶然發現呢間酒店餐廳有半自助晚餐，價錢重好實惠，當然試下，可能位置較偏僻，所以價錢就好吸引 。任取前菜有…… 沙律，yogurt, 雞翅，芝士焗西蘭花 ， 蒜蓉焗法包，磨菇湯及糖水 。甜品有一口芝士餅，啫喱 ， 泡芙 ， tiramisu ,生果有西瓜， 飲品有橙汁及蘋果汁 ，質素就一般啦，反而磨菇湯我覺得幾好主菜有幾種選擇，叫了燒春雞 同 比目魚 ， 味道都合格，燒春雞都幾大份量 。還有一提就是另外送了一個薯蓉焗田螺，不過薯蓉太油膩，食咗好少 。以埋單平均每人 $152，以晚餐來說，好超值 ， 當然不能要求太高啦 。

OysterOne 正一多原化，多國菜，夜晚除左西餐半自助餐之外，仲有中式大酒樓級數的中菜，一度入面有齊(中，西，意，法，日）。而且他們的燉湯，遠遠都聞到(足料)。絕對直得支持

$88午市任食沙律甜品自助餐! 主菜選擇多，有蒜片炒雞絲天使麵、招牌叻沙、吉列雞扒配青檸汁飯、香烤龍脷莎莎配薯蓉三、BB Q汁豬肘骨及夏威夷pizza。最開心就是有自助沙律吧！

情人節前一星期訂了情人節精選套餐，預先付每位一百元訂金即有85折優惠，加送香檳冰條、紅酒及生蠔，抵食來到餐廳，環境優雅舒適又乾淨，氣氛相當不錯第一道上的是生蠔，口感幾creamy，不落檸檬汁也不會有腥味，值得推介煙鴨胸沙律幾清新，醬汁鮮甜牛肝菌黑松露忌廉湯很濃郁主菜點了法式鵝肝牛柳和芝士焗龍蝦意粉鵝肝入口即溶牛柳七成熟也很鮮嫩多汁龍蝦好多膏好鮮香，意粉軟硬適中，份量也剛好甜品是雪糕球，是豆腐雪糕加紅豆醬，可以加點紅酒一起吃

今次係第一次係酒店西餐食私房菜，出乎意料，雞煲翅香，濃，鮮果沙律伴蟹拑（新鮮，彈牙），翠盞局珍寶蠔，好juice，香脆，仲有薑蔥窩燒海班腩，煲仔熱辣辣，咋咋聲，肉質鮮美，下次一定會再來，經理話晚市做有限度私房菜，必須要提早預訂，所以用料一定新鮮，有保證咁話窩

為了應節，家人聖誕節訂了枱食聖誕套餐，3百幾/位，價錢合理前菜：火雞什果沙律，每位杯上餐湯：黑松露磨菇湯（味道香濃) 南瓜忌廉湯(幼滑香濃郁）+ 熱餐飽主菜：1) 肉眼排，5-7成熟肉味濃，質地柔軟，肉汁豐富2）勁厚豬鞍架配蜜糖芥末汁，肉質出奇柔軟兼多汁，不柴口痴牙，水準之上甜品：焦糖燉蛋(如大杯點更好)餐茶：包1餐茶：咖啡/奶茶/檸茶/檸水/橙汁飽餐後，我地仍高興地長談聚會，但餐廳職員沒有趕人，服務有禮貌餐廳另一招牌菜：香煎斧頭排（要再約腳會一會佢先得）

早前經過大角咀，試食這間餐廳。當時未有試食招牌菜，所以今次再來吃。今晚叫了芥末籽豬鞍架、鵝肝伴牛柳、Parma Ham Pizza、新加坡咖哩+印度薄餅。個人推介：豬鞍架和牛柳好有肉汁，非常好味，值得再吃

今天經過一班師奶仔，推住三架BB車正當想找到邊到可以容納我們三架車，三個師奶仔和4個BB仔地餐廳食野時，在大角咀道見到有人派傳單介紹這𥚃，絕對容納到我們，結果我們上去食午餐，地方果然夠大和坐位非常舒適，我們點了個(新加坡咖哩薄餅，2份海南雞和1份肉眼扒)，先講咖哩，薄餅比想像中好食，咖哩好有椰子味和薄餅好正，而那個海南雞飯好滑冇過個酸辣汁和出面的很不同味道很好，飯好香，但如果可以落多D黃薑，個飯效果仲好，最後個件肉眼扒，賣相好靚，成數也準確，肉質嫩滑，好好味。總結這間餐廳價錢和食物質素好好，地方也算就腳，餐廳入面環境也寬闊，坐下來感覺好休閑。值得推介

來到 Oyxter One 當然是食生蠔，沒想到有意外驚喜 ，原來這裡連牛扒都好味這裡環境整潔，員工有禮親切，食材美味不用多說DreamTrips Local 商戶的質素真是特別有水準 You should be here !!

這間酒店1樓餐廳原來改左名，叫Oyster~One今次試吃：(新加坡咖哩配印度薄餅)。新加坡咖哩好特別有少少辣和幾重椰味，印度薄餅幾好食。再配柸花🍵，一個字-正-環境舒適，坐位寬闊。又有街景睇。夜晚都幾有氣氛，值得推介。今次餐牌上多左小食。下次試下三式粉魷魚鬚和德國咸豬手先仲有生𧐢。午餐現在好似有半自助餐和下午茶沙拉吧和甜品自助餐好平$48。一家大細都幾適合。由於臨近聖誕，餐廳和窗口有好多聖誕裝飾，都幾有聖誕氣氛。

舊朋友約食飯，去咗呢間新開嘅餐廳，即管一試，見到menu都有好多選擇，不過朋友發版，佢原來訂咗個斧頭扒，好有肉味同好大塊，聽朋友講原來要早兩日預定仲有叫咗個豬鞍架都好好，好juicy，服務員介紹得好詳細，之後再叫咗啲意粉同小食之類，當然唔少得甜品啦，叫咗個心太軟，唔太甜，自家製，亦非常好食，大家都好滿足，之後同侍應閒談間得知佢地lunch有海南雞飯同德國豬手食，下次一定要嚟試，因為佢哋話係招牌菜。