影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
今日去尖沙咀食咁好大塊pizza嗰間，一入到去就要轉英文台😆間舖唔係好大，好多時都坐滿人，見到有人走，就行過去坐，個員工都主動又好快手執好張枱。堂食嘅話而家可以掃枱上QR code落單，不過你想行出去係門口個玻璃櫃揀下Pizza，係cashier落單都可以 。我哋叫咗一份德國香腸同個4人餐，包一個16”芝士pizza、2個意粉、一個沙律、4罐飲品同4件芝士蛋糕。個pizza本身已經有芝士，可以揀2款配料加落去，我就揀咗辣肉腸同燈籠椒 。個批都可以揀薄脆批或者厚批，我揀咗厚批 。呢間嘅pizza整得好松軟，醬汁同配料鋪得夠均勻。重點啲辣肉腸容易咬開，唔好硬角角👍叫咗一個白汁雞皇煙肉蝴蝶粉同招牌千層麵，呢兩個一定要趁熱食，啲味道濃郁又多配料，兩個粉都附有一個蒜蓉卷🥰（食到一半先記得影下相🙈想推薦俾朋友們)樣樣食物都好大份，價錢相宜，性價比高呀❣️Joyfoodstop心動值：💓💓💓💓/5Paisano's Pizzeria(香港)地址: 香港尖沙咀加連威老道8號地舖(港鐵尖沙咀站/尖東站B1出口，步行約2分鐘電話: +852 24144445
繼續閱讀
一家人🧑🧑🧒🧒返完教會去尖沙咀食晏，屋企人想食pizza，見到門口有全日套餐就入，入面都算多枱但全部都係人，好彩最後有張四人枱，試咗do QR code但搵唔到全日餐，走咗出去counter先睇到有個牌寫全日餐限星期一至五，有d無奈😮💨，叫咗夏威夷🌺pizza $35兩塊，辣肉腸pizza$30一塊，魚手指$25同珍珠熱朱古力🍫$18。可簽卡。魚手指同熱朱古力🍫出先，Pizza會翻熱，等咗10分鐘，一次過攞哂有盤。夏威夷🌺pizza🍕大塊有菠蘿🍍火腿,不過我覺得Pizza Hut好味d,但性價比呢間係高。魚手指香脆讚，熱朱珍珠組合新穎。鋪頭盡頭坐得熱
繼續閱讀
聽過好多朋友講呢間pizza店啲pizza大塊又好食，今日行街經過終於可以買黎一試！揀左最大路既Margarita pizza，真係大過塊面😂，芝士、蕃茄同其他配料分量都適中，鍾意佢餅底夠薄，香草尤其多，入口仲要熱辣辣，好正👍🏽
繼續閱讀
香港有六間 Paisano's 分店，今次嚟試尖沙咀加連威老道嘅呢間。佢哋提供New York style 嘅披薩，你買可以1塊或整個（12吋、14吋、16吋同埋佢哋嘅巨型24吋）披薩，佢地已經喺香港開咗好耐時間。佢哋有得係室內坐，亦提供外賣同送餐服務。呢間分店嘅營業時間係每日早上10點至晚上10點。最近我買咗一塊四重芝士pizza，經過加熱後就可以即刻食用。整體而言，pizza質素唔錯，份量十足。片片都好大，一人一片已經夠飽。但係放耐咗就會好油，所以最好趁熱食呀。呢度嘅pizza性價比唔錯，一份大大份，飽過pizxxx hxx😂
繼續閱讀
同朋友行行下街有啲肚餓，就入嚟呢間試下，估唔到又幾ok喎。下午茶時間又唔係話好餓，但係又想食啲嘢，最主要係唔想等位。咁啱行到呢間舖頭聞到好香，啲Pizza擺晒喺度俾你睇勁吸引，價錢又唔算貴，咪諗住試吓囉。餐廳環境好正常，尚算乾淨，只係有幾張枱上面啲嘢冇人執，下午三四點有一半吉座位。叫完嘢食之後等一陣有得食 😋 叫咗四重芝士同埋夏威夷風pizza，兩個都幾好食！呢個價錢完全冇投訴啦，下次仲想試埋辣肉腸。
繼續閱讀