Panash (已結業)

呢度既硬包包始終都係最好食架!唔係太硬,又脆wor!!好香牛油味~~~~真係好好食呀!

買鰦 個提子合桃包, $12, 分兩次做晚餐同聽朝既早餐, 我買既時候岩岩出爐, 提子份量多過合桃, 質感係外脆內煙韌, 如果合桃都可以多d 就好啦!

見合桃芝士鬆餅有特價所以買左個試下, 好好味喎! 一定要翻炒..有特價$5.5都幾底食,不過其他就頗貴!

繼a1、山崎後~又有得貪新鮮了。大約2100打後時段接近埋數似乎有得便宜一點…同行那位買了一個法國提子包($1x)！順手帶挈埋我一個芝士合桃鬆餅($7->$5.5)。法國提子包：佢過往的心頭好係a1的夥提子合桃包($19一大個那隻)！但現在佢話panash這個法國提子包適合不太嗜甜的人。似乎唔似有植物油嗰d…因為個包冇偏向軟身(很健康原始feel的硬度)！佢並表示合桃粒a1似乎多一點(但panash提子多)。至於個鬆餅都ok喎！(有食開mrs.fields的影子)幾香牛油味及食落口甜甜的…像mrs.fields平時買的muffin面層的口感。睇怕JIT即出爐即食會很正！只係合桃又細又少…唔多覺眼。嗯…有機會再encore呢間！

這裡的方包給我試到七七八八啦...今天晚上經過買了- English Crown Bread, $8/4 塊! 厚切大大塊, 幾香牛油味, 不過就無超熟咁軟熟, 總結這裡的方包...超熟, 丹麥酥, 芝士...! 所有麵包西餅店既服務仍是覺得美心最好的!

今日特價包係鄉村軟法包見佢大大個又切好晒都只係賣8蚊又即管試下雖然只係一個齋包但包身鬆軟就算我淨食都無話覺得口寡

嗰日係旺角食完飯，專登去買藍苺芝士批食，以前一路都係鍾意食佢d芝士波波，睇咗其它食評知道個批都好受歡迎，所以買來試吓．果然好味，雖然買嗰時經已係夜晚8點幾，買剩4隻，但個皮都算脆，個芝士好香好滑好濃芝士味，一定會再買呢食．

喜歡此店既朱古力cream puff, 面頭有d朱古力coating入面既cream又唔會太漏太甜, 如果即買即食仲有微凍咁真係唔錯既甜品選擇

近這一年~我都愛上吃麵包~因此總會到各大麵包店試特別的麵包~今天經過Panash ~以前未試過~適逢今天是麵包日~所以便進內看看有什麼特別的麵包~買了個薯蓉法包~的而且確是很香~可惜麵包油了一點......迷你puff ~~很好吃~~內裡有很多cream ~~還買了一袋五穀全麥包來當明天的早餐~麵包很軟~真的有一粒粒的五穀在裡面~~很好~~雖然貴了少少~但也真的是值得的~~!!

閒逛時路經此店, 雖未是出爐時間, 但因肚空空, 買了個薯蓉法包, 忌廉卷, 加錫紙包裝的蘋果汁.薯蓉法包裡的薯蓉好香, 加黑椒碎調味, 更好味, 而法包仍脆, 放涼了都不太差.忌廉卷裡的忌廉夠挺身, 亦不會太甜.蘋果汁一般貨色, 不贅.雖於上學的日子, 早餐大都以麵包解決, 卻因款式多而未曾厭倦. 包, 還是要繼續食.

Panash走高檔路線，普通一個腸仔包都比人貴幾蚊...size 仲要比人細...不過佢嘅用料就靚D，面粉靚，咬落去，好鬆軟，唔會死實實；條腸都好味，唔會得個咸字，抵讚！

試過吞拿魚法式飽,吞拿魚都算多,但係個飽係凍o既,冇咁好食!如果個飽夠熱就正啦!!

以前係太古城返工，成日都走去買去既包食，真係頗貴，不過係值既，好好味....今日走去買左個法式提子包($13.5)，有好多提子乾，軟淋淋真係好好好鍾意，食過佢咁多種包都係鍾情呢個，雖然好多人都鍾意佢個北海道包多d....唔知宜家仲有冇得賣呢，我都唔見有？

我本來係去買麻糬波波的.. 見到有個哥哥仔買左兩個藍苺芝士批, 好奇所以買一個試下. 個批食落又似麵包又似旦糕, 口感特別, D 藍苺同芝士都好好味, 不過芝士味再濃D會更好. 呢種"甜品麵包" 都幾特別. $7.5 係有D 貴, 但也無後悔買到.

今日係Panash 既麵包日，所以又買左d麵包。合桃提子法飽好有份量，食到啖啖都係提子或合桃，真材實料。講真，panash 既麵包真係幾好食，所以貴d都值得。可惜既係d服務員態度有待改進。