PARK Cafe (已結業)

PARK CAFE  係想食西餐嘅時候 喺大埔嘅好選擇 雖然只係港式西餐 但係感受到 成間舖頭製作認真 每次嘅出品都好有保證 今次食咗牛脷意粉 煙鴨胸燴飯 飯同意粉都KEEP到有咬口  味道都好夠 餐湯係蘑菇忌廉湯 飲得出有一粒粒蘑菇係入面 絕對真材實料 呢個價錢仲有埋餐飲  超級抵食 另外推薦佢個冬陰功意粉 每次諗唔到食咩都會想叫呢個

第一次食park cafe 今次叫一叫外賣，香桃煙鴨胸忌廉燴飯好好味牙，食落唔會話食完覺得好膩，因為食過其他餐廳有對比，park cafe燴飯真係好正，飯粒黎講粒粒分明又有香甜既香桃香味，真係好好味，其實西餐黎講60幾蚊定價真係唔貴。軟殼蟹意粉都ok既，不過軟殼蟹意粉好多餐廳都會食到，所以都係覺得燴飯出色d。不過留意番今次叫外賣既話就等得耐左d，下次要俾下耐性一路行下街等。不過想同餐廳講真係好欣賞你地個忌廉燴飯。

✨大埔良心Cafe💕高質二人餐✨——————————————————-💛#littlefatwest良心小店 💛.呢間大埔cafe食過幾次喇😛上次介紹左lunch menu 今次dinner一樣正☺️近排冇得堂食 就叫外賣支持啦——————————————————-🍴二人餐 包餐湯及飲品 ($248).🥩美國薄燒牛小扒 配薯角 (8/10)牛扒有三塊🥰用香草調味唔會煎得過熟 入口唔鞋 口感岩岩好薯角有超多！炸得勁脆好香口另外仲有黑醋汁沙律🥗.🍝香草茄汁雞肉意粉 (8/10)意粉既醬汁惹味🤤酸酸甜甜加左洋蔥炒得好香 雞肉幾滑配料仲有菇 增加口感😛——————————————————-📍PARK Cafe (大埔)大埔安泰路1號大埔廣場地下5號舖

一心支持小店，決定去試下，可能期望過高，有少少失望。我叫咗牛脷燴飯，同一個海鮮燴飯，飯既蕃茄醬有D似罐頭，牛脷過林，不過佢係即叫即製，所以熱度好夠，味道都可以。當天係忌廉蘑菇湯，有香味，但可惜太稀，同埋佢用杯裝，仲只得半杯，可以大方D就好啦。我叫咗即磨咖啡，味道一般，FEEL唔到咖啡味，好淡。當日我可能唔好彩，有一枱6人， 有幾個小朋友，整到間餐廳嘈到不得了。仲見到旁邊枱，店員要求搭枱，但中間沒有板相隔，雖然唔係面對面，疫情下都應該留意一下。價錢介於60-80， 凍飲要另加錢，這個價錢係大埔算中上，雖然見到佢地有心煮野，但真係要誠實咁講，比滿意仲有一段距離。希望他日有改進。

午餐時間行過呢間西式黃店餐廳門口貼滿文宣,實在忍唔住入去懲罰一下😾🔘香桃煙鴨胸雜菌意大利燴飯 | $62評分: 🌕🌕🌕🌕🌑評語: 個人十分喜歡呢個意大利飯,偏甜但又異常地開胃,煮出黎濕度適中,整體評分因為呢個飯而提升不少。如果對飯嘅軟硬度有要求, 可以係落單時向店員提出。另外鴨胸就比較失色,可能醃製時間過長鹹味有少少過重,相比之下香桃味唔太突出。🔘美國香煎雞扒配意大利粉 | $68評分: 🌕🌕🌕🌗🌑評語: 雞扒非常大塊好抵食,有一隻手掌咁大,意大利粉軟硬適中,整體賣相好好,不失係一個醫肚好選擇。🔻跟餐有野飲,凍飲+$3,如果堂食仲包埋餐湯🔻全日免收加一！抵呀！🔻黃店👍🏼老闆好好人好好禮貌

今日係大埔揾到間幾正嘅餐廳，想同大家分享下😛依間Park Cafe嘅裝修幾靚，入到去嗰下覺得幾有feel👍🏻叫咗嗰牛肝菌燴意大利飯（$98），唔算平但都唔太貴👍🏻。就咁睇依個意大利燴飯都幾靚，好IGable😛。食落去都唔差，好多菇菇🤤，正👍🏻。但我略嫌覺得味道唔太夠，調味上可以做得好啲，同埋份量都可以多返少少😛。不過我見我朋友塊扒好似幾得咁，而且都幾多配菜，份量睇落好夠。如果大家去食，會建議大家試下啲扒。

嚟到大埔黃店食Lunch，見到外面文宣多多，仲有同黃圈合作賣棕，唔錯唔錯，黃得幾透徹。午餐唔洗等位，餐廳內在夠光，坐得舒適。叫餐時有特意提醒石斑瑰係用真石斑，果然真材實料野食其中叫咗「香桃煙鴨胸雜菌意大利燴飯」，煙鴨胸同一般嘅差唔多，燴飯有少少太甜，好似食緊甜品嘅燴飯，原本見到香桃但冇諗過咁甜，件事唔係幾夾，唔係好啱個人口味。軟殻蟹蒜香意大利粉：蒜味啱啱好，軟殻蟹中規中矩，肉唔算多，少少油，同期望有少少落差，不過整體比香桃煙鴨胸意大利飯好。另外，兩分午餐上餐速度幾快，亦都係熱辣辣，呢點不錯即磨咖啡啱我呢啲又唔受得苦又唔受得酸嘅人，個人覺得味道啱啱好，夠香又易入口，幾滑。餐廳主要都係卡位，坐得舒適﹗希望下次再有機會嚟食，野食會更好﹗～

最近疫情下，餐廳每桌只能招待4人，星期五晚餐時段7點半，等了半小時才有位置。店員很好地告訴我們要等一段時間，讓我們去轉個圈再回去。不過這個情況下兩人坐卡位不用拼桌，等待也藉得，門口也有椅子可以休息。天氣有點熱，我就點了個比較清爽的蒜香辣蜆意粉 $98意粉軟硬適中，微辣容易接受，吃下去很清爽，加上蒜味，很好吃蜆沒有很甜，但算新鮮友人點了香煎北海道帶子墨魚汁意大利飯 $138墨魚汁比一般餐廳的香，不錯，但意大利飯始終有點膩，未能吃完晚上跟餐附蘑菇忌廉湯，有蘑菇碎，雖然沒有很香，但比一般西餐的即沖粉漿餐湯好很多餐飲可選奶茶咖啡檸水朱古力等，我選了熱朱古力，就是很一般的朱古力算是大埔中心難得的非連鎖餐廳，味道不錯的黃店！

🔎PARK Cafe (大埔) 💛 #黃店系列📍大埔安泰路1號大埔廣場地下5號舖-💛有罷市、有支持遊行、店內文宣及播抗爭歌懶得諗㨂左個二人餐 送餐湯及熱飲 凍飲＋$3 仲要免加一 抵食又好味～ 老闆仲要好有禮貌🔹加拿大黑毛豬斧頭扒 $298熟度剛好，唔老唔乾，豬味都濃烈，有咬口得黎幾嫩，就咁食都好夠味，想重口d仲可以配埋個汁食，配菜仲有玉米筍，番茄仔同埋d瓜🔹酸辣黃金汁魚塊意粉比想像中辣，似係tabasco果種辣，意粉幾好味，係爽口唔淋嘅，魚塊係連皮，份量都唔少，係幾特別，鐘意食辣都可以試下

分享我係大埔 Park Cafe 既是日晚餐，有湯、有熱飲 / 凍飲+$3。我叫左既燴飯夠味，飯量及食材足料，拎定個盒去食，食唔曬裝番走就 good la👍🏻燴飯外形吸引，味道不錯、唔單調燴飯用上菇、洋蔥一齊煮而成，蝦有 3隻。另外講講個湯，係偏杰身既忌廉蘑菇湯。餐廳整體環境舒服，食物唔錯，今日甜品已賣曬，下次再黎會試試。

今日預先book左枱 6點半準時到達 。老闆與伙計照顧殷勤，這種地方小店的情懷實屬難得。今晚點了二人套餐 $238薄燒牛小排與 辣蒜汁蜆肉意粉 包餐飲 餐湯 。牛小排 有足足三塊，我們點了三成熟 熟度剛好 肉質鮮嫩多汁 充滿黑椒的香味 調味十足 令人齒頰留香。意粉都充滿濃濃的蒜香，未知是吾加上了白酒的關係 有種芳香撲鼻既感覺 。飽肚了後整餐感覺 除餐湯味道一般外 食物與服務水平 性價比極高 回頭率100% 你不可不試 。🍎-這種小店 要大埔人多多支持 -🍎

✨食盡大埔黃店🥰西餐Cafe✨———————————————- .💛#littlefatwest良心小店 💛.作為大埔陀地 要食哂呢區所有黃店！今次係第十間介紹既大埔黃店☺️店舖多次參與罷工 亦支持遊行———————————————-🍝冬蔭功鴨胸意粉 $65 (8/10)好少意粉會有冬蔭功味幾香濃又唔會太辣 個汁好開胃煙鴨胸有四塊 煎得香口但略嫌太油.🍝卡邦尼意粉 $58 (7/10)做法同平時食既卡邦尼有d唔同醬汁唔算好creamy 芝士同忌廉味唔重反而多左種炒意粉既洋蔥香味 配料有火腿同磨菇 .

前幾日去左呢間近大埔廣場的西餐廳之前夜晚經過見出面好多人等緊位所以決定搵日晏晝早啲去試下晏晝果然唔算大多人（12點左右到）雖然唔多選擇不過都好啱食味道唔錯，叫左個卡邦尼意粉，份量唔算大不過可接受下次想試埋個牛舌飯，見佢啲飯應該飽啲價錢唔算貴，我order 個意粉$58包湯包野飲賣相都好得，用心製作環境各方面都好舒適而且我中意佢播嗰啲音樂（想知咩歌就去幫襯下啦xd）員工服務好，有禮貌下次人再去！！！！

次次星期六日去到都好多人等位, 趁閒日去等左5分鐘左右就入得呢個舖位開左好多次餐廳間間都做唔長, 但呢間好似可以打破呢個魔咒啦!西餐呢講, 六七十蚊一個意粉配埋餐湯野飲唔算貴, 質素仲唔錯添最重要佢係黃店其實單嗌抵食啲, 但係單嗌冇西冷牛扒食, 所以我地兩個人叫左個二人晚餐, 包餐湯蘑菇湯, 盛惠$258~ 紐西蘭青口香草茄汁意粉茄汁偏酸, 意粉偏硬, 味道唔錯不過青口雪味有少少重, 扣左少少分香煎美國安格斯西冷牛扒叫左七成熟岩岩好, 牛味好重, 汁都冇咩點過配菜好好味翠肉瓜同菇都用牛油炒過另外薯角都唔失色, 推薦！

納入狠狠懲罰系列原因 - 播歌、集會遊行派水、貼民主派區議員海報、響應罷工作為大埔人緊係要撐大埔黃店，呢間連 周庭都去過認證，呢個舖位近來都開咩執咩，希望大家可以懲罰到黃店可以長久生存。門口已經貼左成個大埔區既票投民主派既海報，總之你行過都會見到應該果區投邊一個，仲有幾箱水可以派，入面座位唔算多，平日黎都要等位。《蒜香白酒蜆意粉》($238套餐價）：唔駛諗可以叫套餐，除左主菜仲包埋意粉，有湯有野飲都係二百幾蚊好抵食，個磨菇湯超濃超足料，意粉一黎到已經聞到勁香蒜味，意粉濕度岩岩好，有淡淡既白酒味，蜆都有幾多隻仲隻隻有肉，唔似出面食咁甩頭甩骨，意粉仲伴上洋蔥同菇仔。《薄燒美國牛小扒》：等左一陣主菜牛小扒都黎埋，牛扒有成三大塊，每塊都勁嫩牛味都好出，不過稍為重手左少少有啲咸，底下仲有熱辣辣薯角超脆身。店名：PARK Cafe地址：大埔安泰路1號大埔廣場地下5號舖餐牌