Passion (已結業)

🍴Passion 自呢間鋪頭喺囍帖街，仲喺街頭未搬入去已經開始幫襯，到而家佢慢慢越開越多分店，好難得係一間連鎖鋪頭可以堅持到好嘅食物質素。同朋友約喺尖沙咀食早餐，原本諗住去K11間鋪頭但係又執咗，依家做飲食真係稍為唔夠好都會比淘汰，於是我介紹翻我朋友去passion。早餐10:30 menu全日一樣（以我所知）鋪頭多數係附近嘅外地遊客，counter 只得一個外國人負責落order，速度係比較慢，但係嚟到外國餐廳又會有耐性等，如果係茶餐廳應該已經不爽😜嚟到呢度推介必食菠菜蛋餅，其實即係西式咸蛋撻，佢焗完後餅皮鬆，蛋味濃，我食咗幾次所以可能有少少厭，我朋友就食到津津有味。無mint tea所以我叫左breakfast tea,佢會比包茶包沖。朋友叫左薑餅朱古力，我無試過，但賣相不俗。我次次黎到都會叫佢既沙拉，唔同西餐一味凱撒沙律，而係有好多款俾你夾埋一齊，叫咗三隻款藜麥，紅菜頭，小米，因為平時自己比較少煮尼d食材，三隻都唔同醬汁各有特色。推介！ 次次嚟到呢度每一樣都好靚好難揀，最後我決定一個芝士蛋捲餅，餅低跪，芝士香，呢味菜將我哋早餐推向另一個高峰，我同朋友都覺得尼味菜最好食價錢係中等價

已經光顧這家店數次每次也是吃甜品，每次也很回味地方舒適，是傾訴的好地方，職員十分有禮貌！吃焦糖法式燉蛋，焦糖是即時燒脆，所以是暖暖的，十分脆，下面是順滑香濃的燉蛋粟子撻充滿香滑粟子蓉，入面有細棉的忌廉，底部是熱情果，吃完整個甜品不會覺得溜。Tiramisu 外觀十分普通，但吃下忌廉打發軟滑，有濃香咖啡味！另一次外賣藍莓酥回公司，酥脆部份充滿牛油香，吉士不會太甜，有雲尼拿的香氣，圍上新鮮藍莓，價錢平，酥餅份量大，絕對推介。

不嬲都鍾意去Passion，尤其係尖沙咀呢間，因為佢啲食物有質素，又坐得舒服佢果個食物廚窗，吸引到直頭想點晒所有裏面既食物黎食，係咁舒服既環境下食野，同朋友吹下水，真係一種享受

眨下眼原來已經十二月啦,年尾真係好事近， 出嚟一齊食飯， 入面係自助形式，茶水就要自己斟，餐具都要自己拎， 感覺有少少似外國d cafe 咁樣,估唔到個pizza都好大分,味道都ok~又脆口~又唔油,相對千層麵就失色咗少少~ 味道普通

每次經過 Passion by Gerard Dubois 都會被它那偌大的食物櫃吸引，琳琅滿目的甜品鹹食盡顯眼前。後來聽朋友說這裡也有自選沙律，且價錢只是 $50-$60 便可吃到自選三至四款的沙律，相當便宜～這裡的食物選擇比我想像中多，除沙律有八至九項選擇，也有法包、千層麵、意粉、薄餅以及精緻的甜品～餐廳在環境及佈置上洋溢著法國風，木色桌椅配灰白的裝修格調，和諧又不失大氣。沙律有 — 藜麥吞拿魚沙律、雞肉意粉、水牛芝士蕃茄和地中海小米。藜麥和地中海小米本身沒有醬汁，但也不覺得乾或淡味，相反，意粉就比較多沙律醬，所以不及其他的健康。雞肉蘑菇千層麵吃落挺滯的，內裡有大量和多款芝士，加上蕃茄醬，令煙韌的千層麵加倍滋味～

最近愛上Passion沙律非常多款式$48 250g $66 400g多款選擇可以選擇最多4款很愛吃小麥粉couscous及California pasta非常夠味而且很外國風煙三文魚pizza充滿魚油香但相比兩星期前在旺角passion的pizza底這稍為焗多了一至兩分鐘開心果latte的開心果味非常重如果喜歡吃開心果產品但不愛太甜可跟職員免了那片朱古力因為朱古力片放在熱飲後溶了就太甜千層麵有牛肉雞肉及素菜款雞肉款有蘑菇配合令整個千層闊條麵非常'煙銀'看似非常小份量但相當飽另外法包也很不錯原味只需$29已經有整整一條麵包控會很喜歡的人手不足所以清潔桌面及拿自助水也需耐心等待

🎉細佬請我食甜品🎈十年難得一遇呀✏️值得記錄一下📝-兩姊弟出尖沙咀海旁睇日落🌄依d 咁浪漫既野我都唔明白點解會同細佬做如果隔離係六呎型男成件事會浪漫💕十倍-之後細佬話要請我食甜品我就帶佢黎依間食甜品選擇都多，價錢又唔算貴-Pistache et chocolat 細佬好鍾意食開心果只係佢懶得剝殼，成日叫我服侍佢依個大帝😒依個Cake 開心果仁好香，朱古力奶味重Creamy 口感-Tiramisu 依款一向係我至愛佢唔會太甜而且有淡淡既酒香令人回味

自助形式嘅cafe一邊bar係order沙津、意粉、pizza 等熟食另一邊bar放置甜品、西餅、蛋糕等甜食沙律以重量計算，有好幾款沙津選擇長通粉配薯仔沙律呢個配搭唔錯另外叫左份煙三文魚pizza 自己偏愛薄pizza,食多幾塊都唔會覺得濟,而且焗到脆薄薄仲每人叫左杯紅白酒試下味飯後甜點-栗子蛋糕

Passion 的甜點一向不錯，今次襯女朋友放假就來一同甜蜜一番。甜品旁有招牌的 P 字，賣相精美。味道少少酸，開胃醒神的。藍莓吉士的酥餅，有點像 puff，鬆脆好吃！吉士醬不是太甜的。朱古力也不錯。

來這店多數是尖咀店,雖然店內面積細好多時都座得唔多自在,但沒有法子因為最近係呢間, 這個星期天一行四個人可以理所當然地霸一張枱, 我們柯打有:自選四式沙律$63已經有咖哩味薯仔, 紅菜頭等根莖類, 鮮艷黃色的是米形意粉, 還有黎麥, 薯仔味道溫和, 紅菜頭沒有煮得太淋身, 咬口剛好, 米形意粉煙靱得黎味道清淡, 黎麥本身無任何味道所以只食到粒粒似微形薏米, 薄餅係薄身那種, 質地好薄脆下, 有風味, 餡料雖然少但都夠食, 蛋餅批係一貫的好食, 雖然最近在公司附近發現有間麵包鋪都做同一類蛋批做得更平, 效果也一樣的好,蛋糕四件, 全部都是比較上細件的蛋糕, 各種口味都突出到主題味道, 造型有兩個係類似嘅球形, 內藏一點半流心的餡料, 木莓同云呢嗱夾層蛋糕雖簡單, 但個人感覺這個是比較好味的, 

呢個劣評係俾個外賣包裝，唔係俾食物味道既今日去左passion 買tea 返去哥哥屋企食，過左去尖東個間passion買外賣。買左一杯iced cappucino，一杯iced latte 同埋兩個榛子朱古力卷不嬲都有食開passion 既包同沙律，因為真係好食，質素有水準，間間分店既味道都差唔多～雖然呢篇係食評，但係重點唔係聚焦係食物，而係外賣既包裝店員就咁放左我d 外賣落個紙袋度，我都要上到巴士先知原來中左伏明明買左兩杯野飲，但係個店員無俾托裝住d 飲品，就咁放左入去個紙袋度！搞到d 咖啡漏曬出黎啊！！雖然呢張相影得唔清楚，但係搞到成個袋都係，仲漏埋出黎搞到張凳都污糟埋我唔明白點解買兩杯咖啡都唔俾個托裝住杯咖啡，佢俾麥當勞個d 個裝膠袋我都好呀！！佢又唔係台式珍珠奶茶咁會啤好個蓋，基本上郁兩郁就會倒d 咖啡出黎！個袋又係紙袋黎，俾d 咖啡浸到個底都淋埋！我要揾張紙巾索返d 咖啡先得，仲有呀，我個榛子朱古力卷都係放係呢個紙袋入面，我唔索乾d 咖啡都唔得呀真係好鬼嬲呀，我唔明點解呢間餐廳咁唔細心，有無諗過買外賣既人係乜野感受？好啦講返食物味道啦呢個榛子朱古力卷都好似係新既，所以講一講佢

本人係佢地長期顧客！一個星期去幾次！見住佢地不斷加價，但係沙律份量越嚟越細！啲煙三文魚越俾越少！煙三文魚嘅質素越嚟越差！又細塊又多根！塊塊都係根！咬都咬唔開！希望管理層見到此意見作出改善！

香港にきてまだ3ヶ月足らず、道に迷いたどり着いたここは…とても美味しくお値段も良心的な素敵なカフェでした^_^来店2回目ですが、アイスコーヒーとベリーのデニッシュを注文。おいしかったー！ちなみに、1回目の来店ではサンドイッチを食べました。価格も45〜60HKドルくらいだったかな？お客さんもOL風から落ち着いた方が多くガチャガチャしてなくて良いです^_^でも、静かなわけではありません。店員さんも感じの良い方でした！

有時候想減肥，食清啲，我第一個印象就係呢間🤔雖然佢沙律既味道都好濃味唔太清😂但我好鍾意佢地既自選沙律！咁岩今日我最鍾意既沙律都有😍紅菜頭，好健康，整得又唔算太酸，配埋蜜柑既甜味，好正😳小米，又係好健康，份量唔算少，有少許辣味，幾過癮，唔會辣到食唔到其他味，鷹咀豆幾好食，同個沙律好夾雞肉貝殼粉，份量比較少，唔好彩地得一件雞😩，但淡忌廉的味道唔討厭，但因為係澱粉質，所以少食都係好既😂 😗😗😗

約左個成年冇見嘅好朋友由lunch食到dinner食完一間又一間，下午茶就黎左呢度環境唔錯，啲佈置好靚，俾人感覺好舒服我地首先叫左個大沙律，自選要咩款嘅好抵食！重點係好好食極力推介最頂白白地色果個貝殻粉沙律有少少mayonnaise 嘅酸酸地味，有basil好開胃架，完全唔會滯另外幾款都唔錯架，不過就未必個個中意食，因為偏向中東口味，如果都中意食中東野嘅朋友必試佢嘅cous cous!另外呢個quiche都好正架！超多菠菜好香芝士味呢個就係類似subway咁，唔算太特別，但都唔錯嘅因為我地都坐左四個鐘，食完tea就直落食埋晚餐，叫左個thin crust pizza黎食，呢個煙肉pizza相當抵食！雖然價錢最平但一啲都唔偷功減料！好多煙肉！而且全部都好脆架至於甜品我地叫左呢個，個樣唔錯但啲吉士就唔算好好食，一般般，但都唔算唔好食嘅呢杯係朋友極力推薦嘅Pistachio Latte!怕咖啡苦嘅朋友可以試下，好香奶同開心果味架