Paws Planet X Pet Pet 360 (已搬遷) 新店位置

因為優惠，所以和BB一起到店內玩貓貓，但是一入去時那位老女人店員的態度極之惡劣，好像不歡迎我們只是入去看貓而已。雖然啲貓貓真的很可愛，環境也很不錯。但是那位老女人的服務態度真的是非常欠佳。特別是當有另一批客戶想入店買貓時，那老女人竟然跟我們說，那些會被出售的貓並不供你們看，態度真的非常差。奉勸各位有興趣去玩的朋友， eq夠高的才好入店

想比一星，但怕比太低會出唔到篇食評，我明白呢間cafe係主推可以同貓貓接觸，但食物質素都要考量吧。今日外賣了兩份黑松露野菌忌廉意粉，一打開第一觀感已經係意粉相當油膩，食完後外賣兜還餘下大量油，好似食緊油浸意粉咁…油膩感相當重，食左兩啖已經唔太想再食，可能係想用呢個手法令人有飽肚感？但我只係食到油膩感…另外，跟餐兩碗餐湯分量實在太少，個兜仔先得半隻手咁上下大…打開入面仲要淨係得半碗，大約得兩啖，粟米亦只有約兩粒，飲左好似冇飲咁價錢因為用外賣平台，大約$60一個餐，呢個價錢唔算太進取，但也不應該係呢個質素吧…呢個價錢高質素過佢既野大把總括而言，餐品質素偏低，吸引唔到我會去再光顧

貓cafe #一小時體驗，疫情關係，所以店主不開放食品處理，只提供紙包或罐裝飲品，如維他奶、檸檬茶、汽水等。.店面不大，貓咪大概有7-8隻，大部分都可以摸、有個別一兩隻一摸就會走。有其中三隻肥嘟嘟#布偶貓 鐘情一個粉紅色貓波，玩得十分盡興，我們也看和玩得開心🥳 #愛貓之人 不能錯過😎.人均消費HK$65 (現正進行#三人行一人免費優惠，原價HK$98) | 自助服務 | 入座時限1小時，可額外付款加時，按鐘收費.值得再去指數 🌕🌕🌕🌗🌑 (5🌕為滿分)

呢度ge環境好乾淨啊，加上一D好柔和的音樂，令人有種好舒適嘅感覺，特別係D貓貓，真係好Q啊，佢哋完全唔會驚人，總會主動癡埋嚟同你玩，而且鋪頭都有提供好多貓貓玩具，所以同貓貓玩真係好開心嘎！同埋呢度啲裝飾都好靚，喺節日嗰陣都好有節日氣氛。聖誕節嘅時候啲貓貓仲會著有聖誕節feel嘅衫添！2022新嘅一年cafe有2022嘅氣球裝飾品添！已經光臨咗第三次啦！總括而言，尼個貓貓cafe十分有價值嚟玩一玩架！

今日第一次帶阿女黎貓cafe,我地食晚餐set，無留意到只有60分鐘用饍時間，因為之前同老公去果d都係有90分鐘起既～7:04坐低睇食乜再自助叫，跟住送兩張下次黎可免費享用60分鐘劵，呢個覺得唔錯～7:30左右d野食喺出面用外賣盒送上黎，😅老公泊好車入黎食，食左20分鐘左右職員就同我講，你仲有14分鐘就夠鐘😅，因為帶住阿女要安排佢食野又要俾佢摸下貓，其實時間好趕，仲要心太軟叫左佢後上，所以最後打包拎走（早知唔叫）～因爲返到去個雪糕都溶晒，心太軟變心太硬，凍左～到8點正職員又提我地仲有4分鐘～我忍唔住問佢可唔可以俾返兩張免費劵佢地，等我地食埋先走？因為果時連我地得兩枱無人等位，佢話唔可以～而加時每位$58/30分，我覺得兩個大人可以接受，但我個女得兩歲都要俾我就覺得唔係好抵，所以無加，因為入黎問左兩大人加阿女都係叫兩個餐，但加時就要加三個人價錢？而我地主要想食埋餐飯先😅所以呢度只適宜飲野，唔適宜食野🤦🏻‍♀️野食味道可以，女仔食夠既，男人食就唔夠～

本來訂咗枱，但因為屯門公路塞車，遲咗成半粒鐘，亦有在whatsapp 通知，員工卻仍然保持良好態度回覆，亦有提供menu 讓我們（女朋友和我二人）睇定先。客人遲到，但員工態度仍然良好其實真係好難得。食物質素亦高，跟餐付上的忌廉湯亦被女朋友認為是目前為止在街外喝過最好喝的忌廉湯（當然我哋未去過高級餐廳，所以唔知其他high class 嘅會係點）。雞扒餐上的炸薯餅亦極好味🤣雞扒亦醃得入味，吃得出加入香草煎煮，黑松露意粉亦不錯。嘢飲叫咗梳打同紅棗茶，兩杯都勁好飲。價錢方面，我自己覺得ok 合理（二人共238)每人除開都係120蚊左右，以cafe 嘅價錢係差唔多，但仲有貓😂而且仲送多次免費入場（仲包一杯飲品）。女朋友就覺得有點貴，但認為食物質素是不錯的（比起她以前去的一間貓cafe),以及相比她之前去的貓cafe，這間乾淨很多。

呢間餐廳的貓貓好可愛好痴人，佢主動過嚟同我哋一齊食飯。嘢食方面都不錯，全部以外賣盒上，嗌咗黑松露意粉同卡邦尼意粉，味道不錯。Waitress會主動過嚟幫我哋影相，服務態度良好，會再嚟！👍🏻

呢間貓café新開了一段時間，去了兩次。聽店員指貓咪都是流浪貓或被主人拋棄的貓貓，部分收益更會用作幫助流浪貓狗之用。另外café 分開兩層，下面招待客人，上面是讓貓咪休息，我覺得這個概念好好，並不是只為賺錢。貓咪都很可愛，毛色亦算特別，不太常見，亦好乖，願意親人。雖然地方不算很大，但住屯門的朋友仔不妨一來。

成日都覺得動物Cafe嘅嘢食唔會話好好味🙈但今次叫外賣見到有折，就決定試吓啦🤣雞扒牛角包三文治 $34雞扒都幾大塊，仲要幾Juicy🤣配埋沙律菜同埋芝士，味道幾香口👍牛角包都幾鬆軟，而且有牛油味，都好香，比我想像中好食😋一個牛角包都幾大個㗎，食完已經飽飽地👧🏻😋😋香辣雞中翼四件 $34喺deliveroo叫完牛角包，+20幾蚊就可以叫埋四隻雞翼👍有啲似Pizza Hut嘅香辣雞翼🤣🤣雞翼嘅皮有煎炸過既口感，幾香口😋少少辣可以遮蓋雞翼嘅雪味，咬開都有肉汁，幾好味👍之前行過餐廳見到裏邊有好多貓貓，而且環境都幾靚，有機會會去餐廳食嘢chill下🥳

意外地平日下午茶walk-in 都入到。要先穿上鞋套，清潔雙手才可安排進場。平日收費套餐$60-130左右包埋貓貓接觸時間 亦有小童餐選擇。買咗熱狗輕食套餐，$88連飲品。 價錢合理～

友人好愛貓，帶我來跟貓貓玩！本身我雖然唔係十分愛貓，不過黎到又有另一番感受！首先入門口前，有個自動鞋套機，唔使除鞋但又keep到衛生，不過就有d跣腳，所以大家要小心！叫左野食或野飲後，首一小時就可以同貓貓玩！見到有好多家長帶小朋友黎，我覺得個氣氛好有愛，可以從小教小朋友愛護動物！呢度廚房係店嘅外面，唔係同貓貓同一個地方，唔會有油煙味，非常好！我點了瑞士雞中翼貓貓飯+柚子梳打$118雞翼好入味，飯有埋蟹子，我中意佢個瑞士汁，撈飯好好味，不過只有3隻雞翼，飯嘅份量亦唔多，如果正常份量就好了！至於柚子梳打就不過不失，唔會太甜！

朋友推介位於屯門呢間新開的貓貓餐廳，滿足一下擼貓咪的慾望💓同貓咪們共餐，真係好舒壓。雖然餐廳有規矩只可以摸貓貓，唔可以抱。但用心心眼😍同相機留下貓倩影，已經大滿足。我地中午1-2點去餐廳，食物有唔同package，order食物/飲品後會送‘首小時’免收費同貓玩，之後再留底就要加錢。✨黑松露意粉 W/ 熱檸蜜 $98✨雞扒All day breakfast W/ 柚子梳打 $118✨瑞士雞翼配蝦籽貓貓飯 W/ 柚子梳打 $98以同類貓貓餐廳，食物飲品水準非常不錯，每樣都幾好味。👍🏼貓貓飯造型真係好有心思！不過份量略細，女仔都夠食，男士就可能要追加小食啦😝✨環境非常舒服，裝潢好靚好有心思，地方乾淨，有好多打卡靚位。咁多貓貓，但眼不見貓毛四圍飛，又冇異味💩✨服務Book位後，去餐廳半小時前會收到message提醒，已經我們準備好坐位👍🏼貼心一入到店會提供2個膠袋包住鞋👍🏼乾淨店員nice❤️對貓貓👍🏼有愛心店家仲送左一張免費票，下次可以同另一半再去擼貓咪呀😍總括而言，性價比高☺️回頭率：⭐️⭐️⭐️⭐️/5

🐻既地頭終於有貓貓cafe 啦，難得而家閒日有時間，就陪爸媽體驗一下 💕 尼間貓Cafe 既信念係希望創造一個人同動物自然相處既共享空間，而🐻好相信佢地會做得到✨ ⁡Cafe 設計風格型格得黎又舒服，內裡劃分左區域，方便飲嘢或食嘢既客人 😼 貓貓會隨意去自己感覺舒適既地方，有紙箱、軟枕、餐桌椅等 😝 每枱客人仲可以俾$20扭一次零食蛋俾貓貓happy🥰⁡🐻食後感‼️⁡🐻感覺叫套餐會抵點，因為除咗主食仲包埋一杯基本飲品同一小時親親貓咪時間 🙀 如果唔食野，都可以平日$78 / 假日$98 享有基本飲品同一小時 😽 佢地既食物飲品都會由外賣店提供，包裝企理乾淨又熱辣辣 👍🏻 讚‼️⁡✨「全日早餐套餐」$118 🐻揀左煙三文魚All Day，仲有最愛既薯餅、炒菇、同牛角包 🥐 最開心係全部都好新鮮熱辣，無得輸👍🏻⁡✨「輕食/甜品套餐」$88🐻揀左「黑松露醬野菌炒蛋+小牛角包2件」同埋「心太軟朱古力配雪糕」，唔想食得太多都可以揀尼幾款，心太軟都幾有驚喜，而且雪糕夠冰凍，隔多陣食都無溶到 🍨 ⁡🐻後記‼️今次剛好同cafe既店主（估計係😝）傾左陣計，佢好nice咁介紹唔同貓貓既名同特性俾我哋知，有隻🐱

泡菜牛肩肉溫泉蛋飯 泡菜=辣汁+椰菜牛肩肉=肥牛份量好少，得半碗飯，啲肥牛都少得可憐到蓋唔住啲飯就算女仔都唔會食得飽煎鴨胸伴薯菜一舊細細嘅鴨胸，煮到好韌奶茶係西餐廳沖得好難飲嗰啲奶茶，飲左一啖就冇再飲

我是為了看貓貓和10月買一送一優惠才光顧。雖然預約了，但當時人多，尤其是學生較多，都等了十分鐘，衛生措施做足，但環境相當擠迫，因為空間不大，但進場的顧客太多了。落單的所有食物都是外賣，所以我和朋友也只是點了飲品就算了，畢竟78元只是包了一杯特飲和一小時用餐時間。食物其實只是其次，最主要目的是為了貓，但可惜看到一隻幼貓的眼睛有問題，患了病，也要出場給人欣賞，就一點都不開心了。我明白要做生意，但首先是否應該照顧好貓貓的健康呢！