影片
港鐵啟德站B出口, 步行約14分鐘
繼續閱讀
開飯介紹
※ 本店採用MÖVENPICK雪糕 ※
雪糕味道選擇 :
雲呢拿夢幻. 瑞士朱古力. 士多啤梨. 芒果忌廉. 冧酒提子
~ 單球/雙球雪糕
~ 義式特濃咖啡雪糕
~ 鮮果窩夫配雪糕
繼續閱讀
營業時間
星期一至二
08:00 - 15:00
18:00 - 21:00
星期三
08:00 - 15:00
星期四至五
08:00 - 15:00
18:00 - 21:00
星期六
08:00 - 15:00
星期日
全日休息
以上資料只供參考, 請與餐廳確認詳情
一座低睇緊Menu中，都未決定食乜，就已經有人出嚟凶我，話點餐出邊自己比錢哎(梗係知啦，我見到喇)，一放低個餐一陣，又有人過嚟話：呢度食嘢食完就要走㗎啦冇得座㗎🙄(我都見到，你有貼出嚟，早餐40 mins, 午餐60 mins, 晚餐 90 mins嘛🙄但在座咁多位客人，我係最遲入座嗰位，你唔同佢哋講，走嚟同我講，乜嘢意思，仲要你有大把吉枱/位，我梗係明啦你要做生意嘛🫤一句講晒，祝你生意興隆蒸蒸日上🤬）味道👎🏼環境：一般服務: 👎🏼衛生：一般
繼續閱讀
態度極之囂張 ， 朋友後來15分鍾，嘢都未買就話你25分鐘之後要走。 佢話佢哋告示寫到明，你地睇左先入嚟㗎嗎。 唔係唔俾限時間，但態度可以好良好點， 最仲要係有吉位，你話食完霸住個位唔走就話啫。
繼續閱讀
話就好多同事話呢間餐廳好食。終於有個lunch 時間得閒小小，所以特登走過去試下係咪咁好食，點知….情況慘過食屎！（唔係指食物）我一入去見到，其實有好多位係度，我入去搵個無乜人位座，點知個男職員（應該係老闆）叫我去另外一張枱搭枱，話轉頭可能有好多客，我話咁多位都要？佢話係，如果唔係叫我去其他地方幫襯，我算，搭枱就搭枱。之後我order左意粉，諗緊飲乜，大概真係2-3秒諗左，點知個男職員勁唔耐煩大聲話：你諗好再嗌啦。場面勁尷尬，都算 無問題，可能佢真係忙姐（但個場無乜人）食完去埋單啦，呢下真係燥。我比500蚊紙，佢話無得找，我話我去一去出面唱散，再番黎比佢，佢勁大聲講：你咪諗住食霸王餐呀。全場都聽到，搞到好似我問題咁。我好聲好氣話我係諗住比錢 你無錢找，我出去找散比你，我又唔係無錢比。之後真係佛到有火！個男職員勁大聲：個個都比500，個個都話無散紙，個個都話出去唱，我地咪好唔得閒！之後好彩有個客有散紙同我唱，我先埋單走人。決定以後唔再黎！希望佢地生意興隆！：男職員（應該係老闆）小小肥，黑黑地，仲之就無禮貌啦！樣又衰，咁厭世唔好做啦！黑口黑面咁，睇到佢都唔開胃！
繼續閱讀
我都有幾年沒寫評語，兩個極端，一係好好，一係極差 我先寫。話說今日 帶住一個3歲小孩想進入依間店，正想掃code 果時，即有店員從店內出內，話想cafe 靜d , 所以小朋友唔適合入內。聽完感覺都莫名奇妙，難道佢睇我小朋友覺得佢會嘈親入面d 人。定係佢間店有不愉快經驗？我地感到有被歧視。難道有法例話帶住小朋友唔可以去 cafe 嗎？ 我需要向平等機會委員會咨詢嗎？ 為何佢哋會開間 cafe , 唔開間圖書館或自修室！？原本出於好意 想幫襯小店，目的想帶動佢哋多d生意但今次經歴令我非常之失望我在附近返工，依間我絕不推介比其他同事，只會幫襯同街鄰近小店。我亦希望佢哋可以反省依個問題。
繼續閱讀
同朋友帶個仔去食all day，一坐底，個員工走埋黎同我地講，因為想保持環境清靜，所以唔想有bb打擾客人，叫我哋走……….☹️仲要當時小朋友係無扭計無喊！!!!!!!!!!!!!!!!!!!!!!!!!!!!!!!就算食埋水準係點都好，都應該尊重每一位客人，暫時未見過一間餐廳係唔招待小朋友寵物就話姐，人類原來都唔俾！!!!!!!!!!!!!!希望小店想繼續生存都應該有好既待客之道…………
繼續閱讀