Pepperonis Pizza & Cafe

營業中

休息中

本來同Openrice D食友加埋自已d朋友行山完之後有直落飯局，但因時間尚早及大家都疲倦，唯有索性取消。食完甜源居後我同d朋友及牛油果去左隔離食pizza，因為時間好早5點幾冇咩人。先o黎兩客沙律Greek salad & Cesar Salad﹐個人較喜歡Greek salad清清地，冇Cesar咁’溜’。特式併盤有炸洋蔥圈,素菜卷,咖哩角及串燒雞柳，洋蔥圈炸得唔夠脆，似已炸起好耐；牛油果就讚咖哩角好食，我就鍾意素菜卷，好似將d素菜攪爛做，味道幾得意，雞柳就’鞋’左少少，我反而欣賞附併盤d sauce。Pizza叫了兩個中size，一個我次次都叫的New Orleans Pizza，因為我鍾意佢甜酸醬及酸忌廉，酸酸甜甜冇咁肥膩；而另一個係希臘薄餅，我只食了細細塊，所以食唔出有咩特別，不過學牛油果講都唔見有銀魚係裡面；而我同牛油果亦有同感，就係個餅底唔夠脆同唔夠薄。當然唔少得係個BBQ Ribs，燒得唔會乾淨淨，這個做法比灣仔個間好，我都食左兩件。最後係甜品，本來kc介紹個apple crumble，但我怕有好重cinnamon，所以要tiramisu同brownie，不過賣晒ti

今次係我朋友帶黎依度食pizza, 我地三個人叫左個中size的肉腸pizza & 千層麵, 個pizza 好好食, 個底又脆,而且d料都幾足, 芝士味又夠濃,好野~千層麵都好食, 但略嫌水份多左d, 唔夠"傑", 但味道都夠濃郁, 不錯不錯~

早幾日中午同幾個同事去左食晏,星期二黎o既都幾抵食,$48 午餐,有餐湯,任選一款pizza(七,八十蚊果o的),或pasta(都係六,七十蚊),加十蚊有杯汽水.我地四個人,要左蜆肉意粉,公司pizza,咖哩雞,燒排骨(唔知咩rib),我飲左杯ChocoCrunch,佢地飲汽水,埋單$280,都算抵食.個排骨真係燒得好好食,邊位仲有o的豬軟骨,正!不過食唔得多, 豬軟骨好難消化.

食過紅勘, 西貢, 銅鑼灣同中環店. 覺得最正係紅勘同中環店, 一黎D waiter 好招呼D, (雖然紅勘摺左.), 二黎D 份量大好多, 味道濃好多. 強烈推介!!!!! 忌廉湯, 薯皮, Apple Pie.有次好攪笑, 我同朋友去食Apple Pie, 我地細啖細啖食, 跟住呀黑黑Waiter 先生就話,"If you eat like this in Europe, they'll bust you out." 笑左一陣, 我地就大啖大啖食. 特意表揚呢位黑黑Waiter 先生, 令我食得好開心.!!!板主, 何唔可以加埋中環個間落database 呢? 地址響長扶手電梯上, Fat Angelo 隔離.(By Editor : added, thx!)

講真, 呢間餐廳d伙記係比較真性情. 唔係習慣外國文化的人會比較難受. 其實都有同佢地he he ha ha 的時後, 不過佢地可能唔係好慣中國式/港式文化, 佢地會覺得我地好粗魯, 無禮貌. 試下用返d西式文化對佢地, 佢地就會招乎得好好多倍.

上星期二端午節假期到半月灣游完龍舟水, 夜晚同女友食dinner又費事出番去食, 所以決定在西貢食, 見這店的食評幾好, 於是到這裡食; 這店分兩層, 地下半開放式, 二樓密封式一個百零二百呎的單位, 因為天時暑熱, 所以揀左二樓冷氣涼d, 二樓人唔多, 二人談心都唔錯; 叫左凱撒沙律, 過得去, 外國人口味, 有d食唔憤; 另外叫左香草意粉, 呢個ok; 又叫左個拚盆, 有四樣o野包括炸雞柳, 炸雞粒, 炸雞翼, 炸薯條; 炸雞柳及炸雞粒其實無咩分別, 只係一條同一粒o既分別, 炸雞翼麻麻, 這三樣都比不上麥記水準, 唔會再食, 至於炸薯條就一如之前食評的一位在這店打過工的食家所講, 真係好味; 所以下以我會齊叫炸薯條而唔會再食拚盆; 埋單只係大約$190, 二百蚊食到意大利風味都算抵; 其中唔滿意的地方是二樓的食客必人冷落, 因為serv.二樓的waitress蛇左去後攔; 時時都要等人上來, 浪費唔少時間, 不過我覺得這也只是個別職員的事件, 這食店整體service都ok; 所以”為食結論”係……薯條必食!

山長水遠同bf去Pepperonis食，weekday 3pm，一個客都冇，that's why Service好好！見到個menu，樣樣都想試，tea time時份，叫左New Orleans Pizza, Dinosaur Ribs, 炸芝士同辣海鮮pasta，明知吃不下都好想試！埋單$3xx for two. 基本上除左炸芝士，都好好味有風味！！炸芝士入面都唔熱唔熔，唔好味！個ribs真係超推介！未吃過咁好吃的！唯一不足之處是好熱(even there are air cond)同伴碟的菜很肉酸，不合水準will go again!

我之前係呢間餐廳做過,呢間野其實幾好食,想比d tips大家,食得開心d!1)千其千其唔好peak hour去,最好weekend 3點左右去,因為outside會有位同d陽光令你坐得好舒服,d staff無咁忙煮野都好味d!2)西貢個間service一定差,因為無系統可言,d staff太忙(真係忙到爆),而且只有manager可以比位,所以人多既一定before 7 or after 9去,如果唔係自己捉蟲!3)pizza 可以half half, ribs, pasta同starter都可以half serve架,咁唔駛硬食咁大碟!4)curly fries好好食,唔好因為佢係普遍野而ignore佢,prawn cake都係,因為個prawn cake個成本好高,係正野黎,我成日都入去偷食!5)如果叫白汁既意粉同飯,請大家小心,因為你要同時間競賽,個汁好香好濃超好食,因為佢落cream又落奶,但千其唔好比佢杰(佢5分鐘內就杰撻撻喇),一杰就好難食.我地食staff food時都趕頭趕命咁食,食到個嘴都爛!6)pizza, new orleans真係無野講,好多客食pizza時都會

始終都係老鋪的品質好..位於西貢,及赤柱的好味...紅磡同中環及銅鑼灣的都不夠好...但味道都人比pizza hut 的好..而且topping 的料幾多,chess 的味道好,幾濃郁..而且甜品屬Tailer made, 不錯,但份量幾大,不過幾好味,好似個apple crumble．．好多apple．．不太甜．．．價錢ｏｋ啦．．不過赤柱店不太清潔．．．

女朋友:去左食晚飯~叫左一個香草烤雞pizza同埋蜆肉意粉~~好鍾意個意粉~~煮到岩岩好~~第一啖食落去已經覺得好好味~~有少少辣味, 辣得黎好好味!============================男朋友: 我都覺得意粉唔錯, 好想試o下好似「觸不到的戀人」咁, 將條意粉掟埋道牆度睇下係唔係真係arm arm 痴住. 個pizza 都唔錯~~~都幾多芝士, 幾香, 我見到隔黎檯個鬼仔仲自己一個食晒全個凈芝士pizza, 佢都唔知食得幾咁滋味~~~~ 今次係第二次黎食, 上次同朋友黎食過覺得正所以帶埋女朋友黎食, 上次食過ribs~~~ 勁大, 好堅!!! 唔會太硬又幾夠味, 反而千層面同小食拼盤就麻麻地~~~~~ 所以呢, 推介食pasta同埋pizza 就好了!~~~仲有, 個waiter 好攪笑law......p.s. 總共食左170蚊^^============================我地係~~~ 暴食男女~~~~~~~ ("OO")

星期日晚同朋友去食, 等5分鐘就有位. 試左New Orleans Pizza, Dinosaur Ribs, 炸芝士.New Orleans Pizza - 一樣好食, 可能因為人多, 個底唔夠燶.Dinosaur Ribs - 好食夾大件, 推介.炸芝士- 很香, 咬開一半見到濃郁既芝士, 配微酸的汁更好.

同幾個朋友去西貢行山，行到大家得番半條人命，下午又只食左麵包，所以大家都好肚餓，決定在西貢食完至出番九龍。呢度氣氛幾好，我地坐在門外的檯，夜涼如水，好正。叫左烤排骨、烤雞餅卷、夏灣拿薄餅同蒜蓉蜆肉意粉。烤排骨連埋沙律配菜等幾大堆頭，大家齊齊分幾高興。排骨唔太乾，有部份肥肉，好味道；烤雞卷似burritos，不過就要自己包。雞肉味道不錯，有牛油果醬、茄汁同酸忌廉三款醬汁，我就獨喜歡酸忌廉；夏灣拿薄餅是煙肉、辣蝦肉同青椒，味道OK但還是沒有我們的至愛~新奧爾良咁正；蒜蓉蜆肉意粉味道是不錯，但能做得乾身一點就更好。侍應服務態度沒有問題，可以咁講係幾好，咁當然無人「yell at me」啦。連飲品五杯，埋單五百幾，每人百多，以環境及氣氛來說不算太貴。題外話：看過其他食家﹝們﹞的食評，我牛咁眼咁望住個薄餅睇下有無蟲，可幸是毫無發現，時運真高！

今日同男友入左西貢食午飯.叫左個Lasagna同招牌Pepperonis Medium size (8")Pizza, Lasanga超正.拍得住外國的水準~!回味再回味.........

wow, 3 very negative comments in a row !sounds incredible. must try it out by myself asap.

When I was there, I noticed they have attitude problem when they yell at customer. I didn't expect this to happen at all.