PHI Coffee & Pancake (圍方)

營業中

休息中

如果今年只可以食一款甜品，我揀疏乎厘。疫情期間唔可以出去食嘢，我就喺屋企學識咗整疏乎厘。但係始終唔可以整得好似出邊咁厚身。而且都幾廢功夫。今日經過大圍一次過點咗兩款唔同口味疏乎厘。味道都好滿意。😍**開心果疏乎厘**，每一口都充滿咗開心果的香味，滑順的口感喺嘴裡融化，令人心情愉快。接著試咗**士多啤梨慕絲疏乎厘**，酸酸甜甜的士多啤梨味搭配慕絲的綿密。我仲點咗**抹茶鮮奶**同**飄浮士多啤梨梳打**，抹茶的清香同鮮奶的濃郁完美結合，令人感到一陣清新；而飄浮士多啤梨梳打就係清爽的選擇，泡泡的口感令人無比開心。

有朋友新居入伙，去咗佢屋企拜訪，再行吓圍方，原來PHI coffee &pancake新開張，排隊就可以免費取一杯熱朱古力，人頭洶湧。我同朋友就各一個疏乎厘pancake，石板街疏乎厘，啲朱古力醬好正，又有果仁棉花糖，仲有餅碎，入口軟腍腍又有蛋香。開心果疏乎厘一共$45 一件，冇諗過個開心果醬做得咁出色，同樣都係一樣有少少脆卜卜喺面頭。飄浮士多啤梨梳打$48賣相好靚，而且有士多啤梨果蓉，真材實料。焦糖脆脆鮮奶咖啡熱$48 全部都係以外賣形式打包，在場亦都有座位可以慢慢食。