PHI Coffee & Pancake (MOSTown新港城中心(4期))

營業中

休息中

今日喺新港城中心見到PHI新開張，於是試一試，平日有lunch，試了一個原味疏乎厘，味道不錯， lunch time還包一杯嘢飲，嗌了一杯鮮奶抹茶，味道不錯，比想像中好飲，$72嚟講有pancake同嘢飲係物超所值，環境嚟講都算舒適，另外在門口接待的男侍應態度也非常好，很快安排到座位，pancake要等15分鐘左右，一上枱還是熱辣辣的，幾好食，除了lunch set仲有其他套餐選擇，下次有機會再試多次。

印象中PHI是連鎖和有規模的餐廳，其他分店食物質素和店員培訓也不錯。可能是新開張，等候食物的時間超過了一小時，店員也不是太友善，在等候期間，也沒有認真檢查是否有漏單清況，最初只是敷衍了事，希望日後服務態度和運作能有所改善。

經過馬鞍山見到呢間新開嘅舖頭人頭湧湧，估唔到有美食沙漠之稱嘅馬鞍山居然會開咗一間咁多人幫襯嘅舖頭，仲要排隊。.可能係因為新開張，呢度做緊一個Lucky Draw，唔使消費就可以有機會拎到免費飲品/食品，經過都值得嚟玩吓，反正都係免費😂.煙三文魚蟹肉熱香餅因為實在唔想食太多主菜，所以就叫咗個熱香餅，估唔到有驚喜。多數喺出面食蟹肉嘅菜色，只要係有其他食材，啲蟹肉就攤分咗，變得比較少，但呢度啲蟹肉都幾多，熱香餅上面嘅材料都好足。而熱香餅都整得幾鬆軟同埋牛油果有特別咁調過味，食落都幾特別。.經典英式伯爵茶梳乎厘梳乎厘係佢哋嘅招牌，嚟得呢度一定要嗌。空氣梳乎厘一共3舊，仲配埋其他配料，又有蕨餅同Madeleine，好大方。梳乎厘好fluffy，彈吓彈吓，食落甜度啱啱好，有清新嘅伯爵茶味，食完即刻滿足咗。.蕃茄海鮮扁意粉蕃茄味好濃郁，配搭埋青口，行classic路線.Dirty估唔到dirty有驚喜，層次感分明，唔會太奶，well-balanced👌🏻.雲南滇紅（紅茶）茶味香濃，仲可以無限次refill水。

餐廳門口有三張對住條街食飯既枱😅入面都好坐既，但唔多位要等位既話等好耐食意粉食意大利飯都好太大期望甜品都普通同類型餐廳有好多好過佢既選擇：J.S. FOODIES 完勝可以食一次….唔會再有第二次餐廳系試業階段，排左好耐等野食都等得耐餐牌下角寫左食意粉或飯之後叫甜品可以減20蚊但去到賣單第一次張單係無減既同番啲staff講佢地都唔係好知，要等個經理尼先處理到服務係ok既，但係有啲混亂如果要試可以下個月先去，到時應該無乜人食啦😐

食物係唔差既～旦環境同服務唔多好！我係早餐時段去既～話咗唔坐風口位～換咗重凍由坐低吹到我走～全個人都冰～食物放底吹住～唔夠兩分鐘就凍晒～我都已經唔想食叫服務員唔係行過黎～行兩步大叫問我做咩～我做手勢賣單啦～佢話出面埋單～我聽唔到～佢先走過黎講～好啦～我行出去無人理我～我問先講…係無任何既指示牌～重要無錢找～1元～個店員竟然話找2元～咁我當然比返佢啦！我都未寫過食評～真係凍到離晒譜～又唔忙喎～旦講完無人理架！我唔知咁多個人企係到係做嘜（如果話我怕凍我認～旦你試下坐正風口1號枱吹足成個鐘感受下～同個店員講有無得閂細啲個風～無回應～或者安排第二個座位都無！）