Pizza Maru (荃新天地)

營業中

休息中

呢間Pizza真係食過返唔到轉頭 啲批邊做得非常之出色💕除咗有招牌芝加哥 仲有金芝邊、mocha邊、雙芝邊 Pizza嘅賣相都非常之吸引最正係佢條批邊包滿芝士 面頭都灑滿芝士 每一啖都爆曬芝 芝士味濃郁 芝士控 一定會鍾意❤️

咁啱book左係荃新天地睇戲 朋友話放假想chill chill地食一餐就揀左呢間 睇相感覺pizza好吸引我地就揀左烤雞蜜桃薄餅同芝士雞扒拌飯 嘅lunch set 同個碟餃子等左一陣 好快上菜個烤雞蜜桃薄餅幾好食 餅底唔算太厚 醬汁甜甜地 幾好味 因為薄餅要用手拎住食先夠滋味 佢會比埋手套 夠晒貼心❤️之後個餃子 都好出色 外皮好脆 皮薄餡靚 餡料好足 👍🏻👍🏻👍🏻最後到芝士雞扒拌飯 因為有落到番茄 酸酸地 好開胃 雞扒好多軟腍 幾唔錯 店員仲有個韓國女仔添 佢好nice 會不時幫我地加水 整體唔錯 好彩我地揀兩點食 唔洗點等位 到睇完戲再過返黎晚市時段勁多人等位 真係好好運可以試到🤭🤭🤭唯一係張枱比較細 唔放得太多野 不過店員都好貼心 等我地食完桌上嘅野食先再上菜 所以想試多啲野嘅 要食完幾款再點會比較好啲 Ps 見到隔離枱既炸雞都好唔錯咁😚

爆芝邪惡拉絲pizza💕·🍕韓式烤肉芝加哥（$186）好吸引！配料有mozzarella cheese;芝士條;牛小排;辣肉腸;parmesan cheese;蕃茄醬!食落甜甜酸酸，綜和芝士飽膩感！牛小排燒烤後帶焦香，好味👍🏻·🍕薯角炭燒雞肉芝加哥（$189）甜度比烤肉芝加哥重d!不過一樣好味～唔太食得出薯角，不過雞肉嫩滑，蜜糖杏仁出色·🍗半半（$223）食完pizza已經好飽膩😂一向唔太鍾意甜辣秘製炸雞，唔辣但好甜😂蜂蜜牛油秘製炸雞無哂醬汁岩我口味d, 香脆juicy·🍚泡菜烤肉意大利飯. 口感比較濕潤，一般般·📍Pizza Maru荃灣楊屋道1號荃新天地1期UG樓28及30號鋪

長期都多人等位嘅餐廳，第二次食佢嘅Pizza，依舊覺得好食，呢日好想食魷魚圈所以order左兩樣嘢都有魷魚圈!!😆😆🔸Maru紫蘇炸魷魚圈 $83見到紫蘇葉但食落冇咩紫蘇葉嘅味，魷魚圈大隻炸到好酥脆，容易咬開一d都唔韌，睇返相都覺得好味想encore!! 👍👍🔸香芒海洋Pizza $148冇order嗰啲好fancy嘅手工批邊，感覺太邪惡同埋普通批邊已經足夠好味，餅底做得幾好有煙韌感，即使係普通批邊咬落都覺得脆唔會好硬實，上面都多海鮮仲有芒果，食落酸酸甜甜好開胃!! 想食pizza嘅時候，呢間暫時係我嘅首選!!

又鍾意食韓式炸雞，又鍾意食Pizza，呢間可以一次過滿足兩個願望，仲要好好食😋😋😋🍕韓式海陸9"$148最意想不到係薯角同pizza 一齊食，味道會係咁夾🤩。餅身鬆軟，餅邊及餅底帶脆，名符其實嘅外脆內軟；由於用料豐富，有蝦、肉、磨菇、辣椒、芝士、紫洋蔥、香芹片，每一啖都有唔同口感、唔同味道。蝦係微辣，略帶刺激，但搭配酸忌廉醬食嘅感覺，係非常美味。🌶🌶🍗火辣秘製炸雞(6PCS) $118韓式炸雞同快餐店嘅炸雞真係好唔同，個脆漿就算厚厚的，但依然脆皮但唔油膩。特製辣醬係淋上炸雞嘅表面，朋友極度嗜辣，所以呢個好啱佢口味；而我吃辣極其量只可以小辣，但因為醬淋喺面，我可以盡量撥走醬汁，少少辣很惹味。🍹🍍⚘Pineapple Flora Iced Tea $48食完辣雞飲呢個真係無敵，好香嘅菠蘿味，仲夾雜著花的香味，味道清新、微甜、再加茶嘅少少苦澀，既能解喝，更能解辣，可惜太細杯，好快飲晒😅唯一缺點係呢間真係好好生意，侍應又好似太少，搞到佢地好忙，個個都有d黑面。😑✅記住一定要用apps搖距取票，減省即場排隊輪候時間。

✨薯角炭燒雞肉芝加哥薄餅 (蜜糖杏仁邊) $189餅邊好香脆～中間爆多芝士🧀所以食落幾煙韌連我呢一個芝士控都嫌佢太多芝士少啲芝士嘅話我覺得同個餅底會平衡啲～炭燒汁同bbq醬味道幾好略嫌薯角同雞肉太大舊，一邊食一邊跌感覺同個pizza唔係太夾～不過整體嚟講都好惹味、好食嘅！🔹蜂蜜蒜泥炸雞 $123/6pcs雞胸肉個啲位食落肉質麻麻～味道幾好！蒜泥加蜜糖一齊食甜而不膩～（覺得都係goobne chicken岩我口味多啲！*✨為私心推介！✍🏻Overall：8 / 10

今日同朋友去到荃新天地行街見到呢間pizza maru 勁多人排隊 就一於食下啦.餐廳係韓式pizza 又有炸雞 重點係pizza上面超多餡料同芝士 每啖都食到有餡料 炸雞外皮香脆 入面嫩滑多汁

有日做野行過見到啲人食得好滋味，放假帶埋細佬過來陪我試味。見到人人都有碟炸雞，就估計應該係招牌野，我們就叫左份 6件芝士味炸雞，一黎到熱辣辣，甜咸芝味+雞肉超嫰滑，超正❤️當然唔少得叫pizza，因為我超鐘意食pizza 所以叫左12"蟹肉味 轉 杏仁芝士邊，蟹肉味 幾鮮甜，果個杏仁芝士邊不得了，杏仁味好香，加埋芝士，好似咸甜點，配合起來超正。見到隔離枱食既意粉都唔錯，可惜太飽叫唔到黎食🤭等疫情放寛，帶全家過來叫多幾款食。

讚1 嘢食份量真係好大，個薄餅底厚到，啲料好多下，沙律好大碗，坦白講同價錢黎講，呢度份量真係好大2 環境都幾闊落下彈1 神奇在係荃灣區，侍應都係講英文，呢度算係民生區噃2 味道係好平庸，醬料係燒烤醬味果種，然後雞肉係雪雞果種無味，唔可以話難食，但好難有深刻印象

Pizza Maru係我最鍾意既pizza鋪頭，尤其最鍾意既係泡菜海灣芝加哥蜜糖杏仁邊pizza， 好好食！每次黎都係叫呢個！佢表面有好多蜜糖，再加D杏仁，脆脆地口感又好豐富！相信以後都會成日黎！

一向麻麻地韓國食物，覺得總係炸雞炸雞炸雞，人蔘雞人蔘雞人蔘雞！今日路過呢間Pizza，本來見到佢喺韓國菜就有啲猶豫，但見到都幾多人喺餐廳度，抱住一個嘗試嘅心情入去。嗌咗一個蟹餅一杯芒果飲品同埋Pizza（唔記得咗個名）。蟹餅賣相好靚，驚喜係側邊嗰塊麵包打開香脆可口。飲品都幾清新，有輕輕的芒果味，好fresh。Pizza最驚喜，賣相一上枱已經覺得好吸引，而且味道層次好豐富，有甜的、鹹的、極少辣，個皮邊仲有口口香軟的芝士，但外皮竟然係脆嘅。中間啲Pizza餡料好Juicy，切開竟然有汁流出來。服務還可以，英文對答，有禮貌。而且都幾乾淨。

話說去咗荃灣濕平完，行到一半已經肚餓，即興去咗臭連一直話想試嘅韓國餐廳到食雞雞。去到已經坐滿滿人，好彩咁啱有兩人位；又即刻可以去醫肚喇。1️⃣4️⃣4️⃣5️⃣ 下午茶時段🍕薯角炭燒雞肉芝加哥薄餅服務員一拎個pizza嚟已好吸晴喇！賣相滿分！面層鋪滿糖霜及杏仁薄脆，醬汁豐沛，然後麵包鬆軟，仲要係勁多芝士嘅芝心批。講真嘅，真係食兩塊個胃會飽，但嘴仔都仍然好想繼續食曬落肚！真心5粒星滿分我俾足5⭐️⭐️⭐️⭐️⭐️🍗蜂蜜蒜泥炸雞我哋都好喜歡食蜜汁，所以呢個炸雞醬好啱食。雞件熱度剛剛好，醬汁夠香甜，蒜味配蜜糖即是減咗蜜糖嘅膩，雞皮脆肉嫩，最重點晴係個醬汁調到啱啱好😋🍸Madam Cherry Wheat Ale臭連話聞落塊香，但可惜無味，酒味麥味欠奉，咗食雞就好似失咗色了。🍹iced Mango Passion Tea正常韓式調味飲品。講真嘅，我都會繼續回頭食呢間餐廳，佢嘅pizza 真心有名有實，好想試哂咁多款先收手呀😚

韓國過江龍Pizza店，「韓式薄餅」到底係咩味道😍💖 𝑲𝒊𝒎𝒄𝒉𝒊 𝑪𝒂𝒓𝒃𝒐𝒏𝒂𝒓𝒂 𝑳𝒊𝒏𝒈𝒖𝒊𝒏𝒆 𝒘𝒊𝒕𝒉 𝑩𝒍𝒖𝒆 𝑴𝒖𝒔𝒔𝒆𝒍（$98）泡菜卡邦尼藍青口意粉 Total 有5隻青口，可能唔係「當做」無咩肉食本身以為落埋泡菜一齊煮，但事實係分開都好味！泡菜中和到食到尾的油膩感🍑 𝑰𝒄𝒆𝒅 𝑻𝒆𝒂（$0，跟餐飲品）Set lunch 有配飲品，蜜桃冰茶口味，個人幾喜歡初頭較甜但冰幾多🧊溶化左就差不多🤤💖 𝐇𝐨𝐭 𝐂𝐡𝐢𝐥𝐥𝐢 𝐂𝐡𝐢𝐜𝐤𝐞𝐧 𝐂𝐡𝐢𝐜𝐚𝐠𝐨 辣雞芝加哥 （$183）今日重頭戲🧀 pizza maru最出名嘅芝加哥批，一剷d芝士就滿晒出嚟 Regular size 我覺得夠哂2-3人食配料有 - 辣雞. 蕃茄, 肉腸, 茄醬辣雞係一貫的韓風口味，甜辣甜辣咁旁邊個糖霜加埋「畫龍點睛」，唔知點解令個餅皮更加香口👨‍🎤後記·Lunch set 星期一至五中午12時至下午4時供應，公眾假期除外·食物份量大，兩個人叫pizza + lunch set已經好飽食唔落💰價錢4/5(人均$150-200,但大份絕對夠飽)👨🏻‍🍳食物5/5🗿環境5/5(乾淨的)💁🏻‍♀️服務5/5

想試呢間好耐，次次經過都排晒長龍，今次平日下晝黎終於試到啦😆為左留返個quota食pizza，前菜淨係嗌左個沙律同小食。蜜糖柚子沙律：啲沙律菜幾新鮮，又有好多配料（菠蘿，蕃茄仔，walnuts，芝士碎），夠晒豐富😋唯一就係個蜜糖柚子醬實在太甜，直頭有啲食緊柚子蜜既感覺😂 炸魷魚圈：魷魚幾新鮮彈牙，調味唔錯，連埋佢個類似他他醬一齊食係幾好食，但個炸粉有啲厚，食落有啲滯。最後嚟到重頭戲，嗌左個辣雞芝加哥pizza，果然好有驚喜😍 特登唔加蜜糖杏仁邊，試下個原味。個pizza真係超多芝士，趁熱食幾好味，但係凍得好快，一凍啲芝士就勁快硬晒，好似咬橡筋咁🙈 topping的辣雞都算多，明顯幾辣下，調味係韓式辣雞果種😛👍🏻 佢個餅底比平時果啲chewy啲，麥味香啲，感覺比較健康😂 但個批美中不足係個批邊太厚，比例佔左成個批有1/3，中間料部分太少，重點批邊啲麵包係勁厚一舊，加一層芝士，有啲dry😂最尾都太飽食淨晒啲邊🙈 結論芝士控都值得一試既😋芝士份量同拉芝效果絕對比到驚喜你😂 下次有機會試埋佢地啲炸雞😋

Pizza Maru價錢💲: $98/ $98/ $108好味程度😋: 4.3/5服務🍴: 3.5/5環境🗾: 4/5性價比🥢: 4.2/5 (lunch)回頭率😚: 4/5-成日見到pizza maru啲拉芝pizza同炸雞都覺得好吸引，原來係公司附近有☺️即刻去試下！平日會有lunch set，menu同單點有啲分別。最出名的係lunch menu都冇架，大家可以衡量下叫咩。不過記得唔好太晏去，因為好多lunch set款會賣晒🙈-✅✅烤雞蜜桃薄餅(9’’). pizza厚薄適中，咬落煙韌有牛油同芝士香的麵粉團，邊邊位脆，會令到想不斷咁食😝 每塊上面都搽左BBQ醬，鋪左一舊烤雞同蜜桃🍑呢個配搭好match，而舊雞係有醬燒的感覺，肉質唔老🤩加埋甜甜的水蜜桃，令你覺得食pizza唔會乾又幸福😆 芝士都比得好足，仲有我最中意的粟米，正常女仔應該食4塊到就飽😂-✅泡菜卡邦尼藍青口意粉. 青口唔大隻但新鮮，帶鹹鮮味道，唔係冇味個啲急凍貨👍🏻 用上扁意粉，掛起更多忌廉汁，好creamy。仲會食到啖啖煙肉同啲蔬菜粒，撈勻泡菜食就唔驚會好膩，因為味道會變左帶酸，中和cream的肥膩感🥰 面頭仲有大量