Pizza Maru (希慎廣場)

營業中

休息中

平時經過見好多人，今日難得見冇乜人就入咗去試吓😛😛叫咗一個辣味嘅炸雞，個皮好脆加埋個汁，好惹味！啲肉都好Juicy😋😋另外亦都叫咗個有青口、蝦嘅海鮮辣醬年糕，都好好味😋 辣汁辣中帶酸，有別於普通韓式辣味 (似水牛城汁）非常特別。但係價錢略貴

我係負責搵Openrice既，我個心都偏向食呢間，咁岩朋友又係選呢間，咁我見Openrice無訂位，咁我咪打電話去訂囉，點知不可訂位，因為印象中係勁多人排隊，咁我咪早左45分鐘去排隊，當日星期四下午5點，餐廳開1745，但今次無人排，我落左下面美食廣場坐，一入坐，朋友負責點，嘩，勁好味喎～ 點左一個牛肉Pizza, 2款炸雞，一個章魚？同一個唔知咩～🙈 因為大佬話事，大佬埋單，呢度個Pizza 食完我都真係好想再食，但真係要趁熱食，一講到耐左，第2款Pizza 明顯入口無咁好食，真係要再約埋鍾意食Pizza既人再黎食🤣🤣🤣

“炸雞度度都差唔多架啦”呢句說話經常聽到人講，所以好多時食完會記得或者回頭再食既唔會多。但呢間我會記得，因為...炸雞我揀左蜂蜜牛油芝士粉炸雞同埋蜂蜜蒜泥炸雞，啲粉/醬多到幾乎可以用口吹起，味道亦好濃郁，而雞塊非常乾身，唔會有油林林既感覺，雞既份量都好夠。蟹肉飛魚子意粉呢個我就覺得不過不失啦，始終炸雞同pizza先係佢既賣點，但伴炸雞係ok既。小總結：因為2個人食，所以只係叫左一份雙併炸雞同一份pasta就夠，炸雞比預期好食好多，如果大班朋友一齊食叫多幾隻味就更開心。

Pizza Maru係香港多區都設有分店，主打韓式炸雞同芝士爆多既pizza🤭餐廳氛圍仿似去左韓國咁，一路食韓國野一路聽住韓國熱歌，掛到我都好想即刻飛去韓國🇰🇷睇泡菜仔！🍗蜂蜜蒜泥炸雞一上檯就聞到好香既蒜香，仲要熱辣辣差啲辣親手🙈雞皮脆卜卜兼沾滿蒜汁，香氣撲鼻，加上香甜甜既蜂蜜，鹹鹹甜甜好惹味。雞肉都尚算嫩滑，唯獨雞胸部位比較嚡口，要點多啲醬汁補夠！🍕薯角炭燒雞肉芝加哥 蜜糖杏仁邊勁厚批，麵皮包滿忌廉芝士慕絲，好似食緊煙韌既bagel配cream cheese咁😍再灑滿糖霜同杏仁片，好甜好肥好幸福，每次黎都要叫呢種杏仁邊！十吋既pizza分成六大件，每件都鋪滿馬蘇里拉芝士同芝士條，一拎起就拉絲，岩晒打卡💯pizza啲餡就一般般啦，主要淨係食到bbq醬既味道🤥🍢韓式海鮮炒年糕 卡邦尼醬炒年糕就真係好麻麻，卡邦尼醬好似被水稀釋左，無味又水汪汪🫠年糕唔夠彈牙偏軟腍腍，又唔掛汁，感覺就係食緊一舊麵團！海鮮就係一般急凍食材，無加以調味，好淡，睇圖以為好吸引添！📍Pizza Maru銅鑼灣軒尼詩道500號希慎廣場13樓1302號舖

今次去咗位於海港城一間好出名嘅韓國菜，而佢哋嘅招牌菜式就係好多唔同款式嘅Pizza☺️特別係啲芝士好似瀑布咁～去過銅鑼灣嘅分店，都知道佢哋非常旺場，而尖沙咀呢一間都一樣😗煙燻鴨胸泡菜卡邦尼意粉 鴨胸煙燻啱啱好，肉質嫩滑，唔會嚡熠熠😌調味亦都好食，最鍾意係泡菜加卡邦尼呢個組合，令到醬汁唔會好滯，酸酸辣辣嘅口感，非常過癮好推介呢一個🥸蒜香雞燒烤醬底pizza呢款Pizza我哋加咗咖啡口味嘅芝心批，令到邊邊苦苦甜甜咁，口味好得意😚😚再加上啲杏仁脆脆，增加咗個口感～蒜香雞嘅份量都唔少得，食落去啖啖肉，非常滿足😋果然佢哋出名嘅Pizza真係相當唔錯！

🍴🇭🇰 #香港 #香港島 🇭🇰Pizza Maru (銅鑼灣)🍕 蒜香雞薄餅 Garlic Chicken BBQ Pizza🦑🍛 辣魷魚烤蛋炒飯 Spicy Squid Fried Rice♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 : 銅鑼灣軒尼詩道500號希慎廣場13樓1302舖(코즈웨이 헤네시 로드 500호 하이산 플레이스 13층 1302호점)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🇭🇰 #홍콩 #홍콩섬 🇭🇰피자 마루 (코즈웨이 베이)🍕 갈릭 치킨 바베큐 피자🦑🍛 장백산 오징어 볶음밥

Pizza同炸雞係我食過最好味嘅：炸雞好香脆，而且好多味道款式選擇，Pizza係厚厚麵包底果種，妹滿足好飽肚。適合一班人一齊happy share，就可以試晒咁多種口味。

之前食過幾次我都覺得幾好味 pizza夠厚夠多芝士醬汁惹味 炸雞夠juicy 上幾次屋企人生日飯都揀黎呢度食今日黎度銅記呢間pizza maru 第一次食呢間分店 滿心歡喜 仲係咁同男友大推呢間野有幾好味點知…食完只有滿滿既尷尬😅因為我地算細食 驚食唔曬 第一轉嗌左個烤牛肉Chicago同埋杯gin tonic先一上枱叫做靚靚仔仔既但一咬落口 mozzarella芝士蓋過曬其他材料既味🥲好漏 食左兩塊已經食唔落而且分開食個茄汁底同烤牛肉個隻甜甜既味完全唔夾 餅底亦唔夠香同鬆軟如果你係求打卡 可以一試既 因為佢啲拉絲好夠澎拜但論味道既話就真係無層次 材料強行堆砌 有美式垃圾食品既味道🥲老實講 新鮮既pizza hxx 仲好味過佢…唯一比多粒星既原因煲佢上面塊烤牛肉係好味既 夠嫩 我只可以話放係呢塊pizza上係浪費曬🥲（如果出單點既話應該唔錯）本身諗住嗌多兜炸雞或者意粉 但食到咁漏都係放棄了 對於排左半個鐘既我地黎講係幾失望（仲要我係咁推介比男友 拉高期待值😫）我諗下次嗌炸雞就算了 希望炸雞可以保持到之前既水準啦

終於有機會食到啦😍佢喺希慎廣場food court度嗰陣，已經知道哩間餐廳。後來越做越大，就搬咗入鋪。佢出名係好邪惡嘅芝士pizza😋不過好多朋友都唔肯同我去試 🙈今日終於拉到邪惡嘅朋友陪我一齊去試😏Maru紫蘇炸魷魚圈 ($126)Maru Calamari Rings除咗魷魚圈，旁邊配椰菜同沙律醬。脆炸章魚仔 ($96)Marinated Deep-fried Baby Octopus原本係諗住叫薯條，但係咁岩餐廳當日無，就試下炸章魚仔，好似唔係好多地方有。同魷魚圈一樣，都係配沙律醬上。兩款小食都做得唔錯，炸到金黃色，好香脆，配埋沙律醬一齊食，好正。韓國烤肉芝加哥薄餅 ($223)Bulgogi Chicago pizza哩個就係我期待已久嘅邪惡pizza😏😏用咗雙倍馬蘇里拉芝士，拉得出絲🤩唔好睇佢好似細細個，成個pizza^_^充滿咗滿滿嘅芝士，食落有啲膩，不過芝士迷一定唔可以錯過👍🏻半半炸雞 ($223/12件)蜂蜜牛油秘製炸雞Honey Butter Fried Chicken芝士秘製炸雞Snowy Cheese Fried Chicken蜂蜜蒜泥炸雞 ($223/12件)

[[ 強烈建議大家一定要預早撳定飛拎位 ]]呢間PIZZA同炸雞好食就出晒名係人都知所以同朋友聚餐都揀左黎PIZZA MARU😋去到已經勁多人 TT 後悔冇早啲拎定飛都等左大半個鐘先入得 (；▽；)-♪ 薯角炭燒雞肉芝加哥薄餅 配蜜糖杏仁邊呢個PIZZA簡直正中我既喜好 (゜▼゜＊）個SIZE唔算好大但就好厚好足料 !!佢地既批邊非常有口感 蒲滿晒蜜糖// 杏仁碎同糖粉 🍕係類似SOUR DOUGH既口感 根本係碳水怪既天堂👼🏻批面仲有好多薯角同啖啖炭燒雞肉粒 UHMMM ~加埋個BBQ SAUCE真係好出色 (。ゝω·。)ﾉ♪ 蜂蜜蒜泥炸雞炸雞脆卜卜好JUICY🤩上枱熱辣辣所以食既時候要小心啲 ~有蜂蜜香甜 又有淡淡蒜香非常好食 _(꒪ཀ꒪」∠)_♪ 煙燻鴨胸泡菜卡邦尼意粉泡菜卡邦尼意粉對於唔食得辣既朋友黎講都偏辣同行朋友唔食得辣所以唔係幾食到🤣但我就好鍾意 (^▽^)o醬汁微辣又CREAMY 加埋煙燻鴨胸的確惹味👍🏻-Pizza Maru (銅鑼灣)銅鑼灣軒尼詩道500號希慎廣場13樓1302號舖

這間連鎖式經營的西方x韓國fusion料理 暫時吃過荃灣、屯門、銅鑼灣的分店 每一間的味道、水準都是一樣好吃😋•🍗蜂蜜黃油秘制炸雞6件 [$118]外脆內嫩 外皮甜甜的味道 但裡面的肉就無咩味道了•🍝鮑魚芝味泡菜意大利飯 [$187]這個飯真的很好食 可能因為有泡菜 有少少辣 飯裡面有菇、洋蔥、泡菜…口感好豐富🥰•🍑Peach Lime Iced Tea [$48]桃茶💕好像是我每次去吃都會點的飲料🤭很愛💕

早幾個月去溫哥華，在餐廳旺區見到間Pizza Maru，不知跟香港的是否同一個franchise，招牌一樣，但「旺丁指數」就差得遠，完全沒有人排隊，不像我在希慎廣場13樓見到 @pizzamaru 人潮湧湧的盛況！排隊食飯不是我的喜好，所以一直都未有機會幫襯。昨晚適逢帶著三個小朋友在銅鑼灣，去食韓式pizza似乎是他們的潮流指標，我便「放下身段」去了排隊。星期五晚排一張5人枱，知道餐廳規定每枱用餐時間90分鐘，為博得兒童們一笑，這個隊我還是願意排的。真心話，我本身好鍾意食pizza，今晚這個排隊藉口正中下懷。結果，這個隊排得有價值！這裡Pizza款式多而且特別，還真勾起了我的選擇困難症！最終揀了「群蟹派對」和「太陽蕃茄芝加哥」。群蟹裡的蟹肉和鮮蝦真的鮮味，配搭的紫洋蔥、燈籠椒、粟米、木魚花夾起來的是一種我未在pizza吃過的新鮮兼豐富的味道，大讚！另外的芝加哥，雙倍馬蘇里拉芝士再加蕃茄和巴馬臣芝士，我這個芝士控、蕃茄控，真係食到拍手！除了pizza，小朋友當然最想食炸嘢，「蜂蜜蒜泥」及「芝士秘製」各點了6件，以及「脆炸章魚仔」，我就比較喜歡前者。又焗又炸，當然要點個主食平衡一下，揀了

To: Pizza Maru (Hysan cwb) Senior ManagementComplain about restaurants rush to make customers finish their dinner.On 8 July 2023,I dined at your restaurant along with my companions. While the overall experience was pleasant, I was taken aback by the behavior of one of your staff member, towards the end of our meal, we were approached by a waiter who asked us to quickly finished our dinner so that the table could be made available for the next customer. This request was quite abrupt and made us f

未滿1小時就趕人、想好好享受食物的需要慎重考慮。其他店員很Nice, 明顯是男店長指示下面的侍應來趕人。I am extremely disappointed with the service I received at this restaurant during my recent visit. My friends and I arrived at the restaurant at approximately 6:16 pm and ordered our food, but we were forced to leave when we just finished eating at 7:04 pm.As paying customers, we expect to be treated with respect and courtesy, and we believe that the way we were treated at this restaurant was completely unacceptable. We were disappointed with t

揀咗呢間餐廳食生日飯，知道無得book位已經早咗來等位，由餐廳未full開始等，一直入2人& 4人枱，完全ignore 5人或以上嘅大枱， 直到等咗半小時就問下職員進度（當時近門口梳化位有位），職員回覆只有2張枱可以加櫈 (4人枱加多張櫈) ，因為其他位置係通道唔可以加櫈，會阻礙出入。然後，再問職員可唔可以先雪蛋糕（因為已經等了半小時），職員回覆話要入座後先可以雪。最後等了大約一小時終於安排入座一張4人枱加1張櫈，位置唔大，放滿食物好擠迫。神奇的事就來了，明明頭先職員話會阻礙其他客人通道嘅枱唔可以加櫈，偏偏就要喺我哋附近安排座5人，而加櫈嘅通道係我哋唯一必經嘅通道。5人或以上嚟呢度用餐感受非常差，建議餐廳標明立場只接4人或以下嘅客人。 （眼見3位入座係座4人枱，5位鐘都係4人枱😃）