Playa de Papagayo (已結業)

繼續是我的生日飯 😘突然好懷念意大利西班牙食物，所以今日來到尖沙咀的 Playa de Papagayo. Deluxe Toasty Platter 這個賣相「冇得彈」，件件都想試 番茄沙沙，煙火腿，鵝肝醬，黑松露滑蛋，蒜香蝦，蟹肉醬，辣螺肉，吞那拿魚他他 一共八種口味！ 吞那拿魚他他好鮮味，煙火腿令我好懷念西班牙 Regular Sangria - 必飲！Seafood Paella - 這個我覺得飯比較粘 但勝在夠多海鮮，蝦超好食 多謝朋友們請我食好野呀！真係睇得又食得！

Happy Friday同朋友想搵間有得Happy Hour飲下野又有野食既餐廳，今次決定黎尖沙咀河內道既Playa de papagayo試一試，環境比河內道分店舒適，混合左酒吧同西餐廳嘅feel。Happy Hour 當然要配上西班牙的餐酒Sangria。Whit Wine Sangria $52 調教出色，不會太濃厚的生果味亦不會太濃厚的酒味，酒味變得很豐富，更易入口。黑松露薄餅的皮偏似餅乾，不是筆者喜愛的pizza類型，但熱吃，還是可接受的，黑松露味都突出。西班牙海鮮飯，特別的可以選配墨魚汁，同平時海鮮飯有點唔同就係個蝦煎得香脆，青口蜆肉則較為淡，不過整體味道濃淡適中 ，濕潤度亦岩岩好整體黎講價錢合理，環境舒服加上味道都唔，絕對可以再黎

朋友生日，揀咗佢鍾意嘅西餐🤓星期五嘅晚上，嚟到呢個地方特別relax😌餐廳外仲放咗幾張枱，坐出面又係另一番風味😜入到餐廳，第一眼就望到牆上嘅字燈，仲有佢個menu，好靚好吸引，好想去沙灘呀🤣由於餐廳內氣氛實在太好，如果想傾吓計嘅話可能要講大聲啲先聽到😜之後就係bar枱上大大隻嘅鹹豬手，幾咁架勢😆仲有bar枱背後嘅酒幾咁壯觀😍朋友未到齊之前已經好肚餓，所以就叫咗啲小食同嘢飲。炸魷魚圈好香口，仲有個吐司，有八種味道( 蕃茄沙沙， 煙火腿， 鵝肝醬， 黑松露滑蛋， 蒜香蝦， 蟹肉醬， 辣螺肉， 吞拿魚他他)，朋友未到已經食晒😜叫咗jar Regular Sangria，好香甜嘅果味，好易飲，唔係好識飲酒嘅人可以試吓。朋友終於到，叫多咗幾樣主菜。沙律菜好鮮甜，隻蝦好好味😋西班牙海鮮飯，我唔鍾意食青口無試到，啲蝦依然咁好味，魷魚口感彈牙，飯嘅軟硬度我覺得適中，朋友就覺得略為軟身得滯。仲有個四式pizza，薄批，芝士味非常之濃厚，喜歡芝士嘅人一定要試。

今日嘅天氣咁好，陽光普照，行經尖沙咀，見到呢間門口藍藍哋色， 裝修又幾獨特嘅餐廳。入面嘅裝修真係好靚呀! 隻藍色係西班牙常用嘅顏色，牆上幅畫有一個有兩撇鬍鬚，憂鬱嘅眼神的男人吸引咗我嘅目光，我覺得好有趣。星期六有個weekend brunch，但我覺得唔係好吸引， 所以我都係散叫幾款試試。 慢煮鮮鮑魚海鮮薄餅個餅底唔係普通嗰啲薄餅底，好似餅乾咁， 但佢又可以好容易cut開佢， 海鮮有好多款，全部都新鮮，青口鮮味，魷魚煙韌彈牙，蜆都鮮甜， 蝦爽口彈牙， 特別在佢用咗一啲鮑魚汁(但好似龍蝦湯味道)同埋芝士增加咗佢嘅香味， 橄欖如青橄欖黑橄欖仲有黃椒既可點綴， 又帶出獨特嘅味道。 西班牙烤乳豬件配自家製酸椰菜薯蓉呢個乳豬件好有肉地，乳豬皮鬆化可口，啲肉 嫩滑多汁，一啲羶味都冇。 酸菜同平時德國餐廳食嘅豬手嗰種酸菜有啲唔同，呢一隻有啲似椰菜嘅感覺，但佢又冇咁硬， 亦都冇咁酸。 下面嘅薯蓉好滑。 焦糖無花果鵝肝醬脆米餅呢個好創新嘅小食，不得不推介。而且佢係花咗好多時間去整，事關我哋食完pizza，乳豬件最後先上枱㗎! 一粒甜嘅爆谷、無花果、 鵝肝、米餅嘅配搭，可以係驚為天人! 無花果微甜，鵝肝好

出親尖沙咀都唔知食乜好，周圍都排哂隊咁。今日決定去天文臺道睇下，之前行開過都見到唔少靚靚地既餐廳。Playa de papagayo, 係西班牙一個陽光與海灘既地方。所以餐廳既壁畫同menu都用左藍色沙灘做主題。當然呢度係食西班牙菜架啦。餐廳環境好正，非常闊絡，周圍既裝飾都令人覺得好relax。叫左杯virgin mojito同埋estrella galicia,正正常常咁啦。餐廳有兩款draught beer, 一款係呢個estrella, 另一款係stout黎既。西班牙菜一定唔少得tapas,我地叫左個sauteed octopus, 同預期中既樣有d唔同，老實講係麻麻地既，佢有落埋西班牙辣肉腸落去炒，但食個汁既時候完全食唔到腸既香味。Mussel 都係麻麻地，因為佢既煮法冇落酒同埋香草，所以比較淡。牛油焗龍蝦，呢個唔錯，同埋好抵，都係二百幾蚊。肉質好彈牙。叫左個好有西班牙特色既甜品-churros, 即係西班牙油炸鬼。上面灑左好多砂糖同肉桂粉，就咁食都好好味！仲可以點朱古力醬添。不過熱食係好食D,同埋記得留肚食，因為佢都係粉類既野，食落都好飽下。埋單七百幾，咁既環境同食物質素，

是日午餐同同事黎到近尖東既呢間餐廳食西班牙菜，場內環境較陰暗但環境相當舒適，平日午市時段冇咁多人都唔會太逼同嘈。午市set lunch除左餐包仲會跟呢個semi buffet，食物選擇都幾豐富，除左唔同類型既湯、沙津、生蝦、火腿外，更有唔同既水果提供，飯前後食都相當唔錯。唯一不足係個人認為當中既栗米湯有些少過咸既情況。黎到主菜我就叫左份櫻花蝦番茄意粉，醬汁好夠味，而麵質食落口感都唔錯。另外其他同事就點左各種扒類、煎三文魚、西班牙海鮮飯同pizza等，食物既賣相都唔錯。總括以正式少少地食餐午飯黎講，呢度既環境配合價錢都尚算合理，可以值得一試。

Papagayo - Weekend brunch $198起，包Tapas 同沙律任食，再加個主菜同餐飲，環境係幾好，好舒服，唔多人tapas 同沙律款式唔算好多，沙律🥗有幾款，藜麥，羅馬菜蕃茄青瓜等，熱的有蝦，但蝦無味，八爪魚仔味道幾好同欖，另有迷你鵝肝醬無花果撻，蛋批，芝士釀紅椒，沙樂美腸，幾款芝士同水果湯係洋蔥湯，好足料，都幾甜，有幾款麵包，都比較乾主菜原隻麵包蟹焗飯$228 - 一上檯見到個賣相已經失望，又話原隻，只得個殻裝住d焗飯，仲要唔好食，勁少蟹肉，得少少絲，係有少少龍蝦汁味嘅，有d似茶記質素😕西班牙白魚醬大蜆湯扁麵$198，個湯都算幾濃味同味道ok，可惜扁意粉太淋，蜆都大隻，算新鮮嘅

一年前遊西班牙，最懷念是歐霸盃之王西維爾食到4歐一個tapas size但其實是main course size的美好佳餚。回港後不時想念鮮香冶味的西班牙菜，但又覺得在港食實在太貴了，所以忍住忍住，但今天終於忍不到了。耀眼的霓虹燈招牌十分源亮，賞心悅目。閒日晚上客人不多，七彩木椅坐得非常舒服。年輕時尚的木設計和家具，令人像身在設計藝術感十足的西班牙一般。畫布紙面的漂亮menu，簡簡單單就三頁，中英對照，平易近人。佔一頁半都是Tapas，有三、四十款，而Tapas就是這裡真正的主菜。鵝肝無花果米通($88)。這裡的Tapas大部分都是$88，不管是大大件乳豬或豬仔脾，還是像這精緻的前菜，各自勝場，各有所需。這鵝肝米通除了賣相一流外，食味也同樣完美。米通與爆谷的脆，配上無花果及最底層果醬的清新果香，中和了綿滑香濃的鵝肝膩的感覺，互相和諧平衡。冷雞卷($88)，外層是炸脆的春卷皮，內層是冷的雞絲沙律，冰火兩重天。蒜片蝦($88)有大量Olive，分量比較少，相對下比較一般。八味多士($128)，每一味都不錯吃，個人最喜歡鵝肝醬。生八瓜魚配紅菜頭珍珠($108)，把紅菜頭汁以分子料理的方式變成

今日好肚餓，經過間餐廳見到環境唔錯，一睇餐牌，哇平均一百蚊鬆d就有個semi buffet嘅set lunch，仲要唔洗加一，好抵食，所以即刻入咗去試下。餐牌上面好多食物都啱我口味，我地叫咗櫻花蝦肉醬天使麵同牛排。Set lunch仲包埋熱哄哄既餐包天使麵好高質，多肉醬之餘，醬汁亦有好重嘅蝦味，個麵質都唔錯，軟硬度適當，簡直係口感豐富！個牛排嘅份量大得驚人， 牛扒嘅汁煮得好好味，而且上面加咗啲黑椒，辣辣地，令到成個牛扒嘅味道出曬嚟，好香口。牛扒隔離仲有薯仔。蕃薯仔意外地好食，因為佢加咗啲好creamy嘅汁，同薯仔嘅味道都好match。 至於個buffet方面，佢有好多唔同類型嘅食物選擇，有蝦同沙律，湯， 仲有好多生果俾我地揀，包括西瓜，哈密瓜， 同埋火龍果，好健康！ 仲有我哋叫咗兩杯飲品都好特別一杯係芒果沙冰，有好香濃嘅芒果味。第二杯係tiramisu smoothie，第一次試就上咗癮，好特別！

其實此食店我已去過好幾次，一直都是我喜愛的餐廳，非常晚市比較人多外，整體我也很滿意。今次主要是友人提議到此食午餐，本着也好，但誰不知個 Set Menu 有好幾款選擇外，仲有個自助前菜吧！有我至愛的足料粟米忌廉湯、多款菜沙拉、Parma ham、凍蝦、生果，配自選主菜，絕對超值！

今日去左尖沙咀食brunch，一個人放假男朋友去左旅行，自己就黎嘆下。尖沙咀Papagayo是一間我幾欣賞既西班牙餐廳，環境好大好舒服，店員好有禮貌。假日有brunch set。buffet brunch我至鐘意！因為有我最愛既沙律和生果！有蟹腳！選擇好多，熟食味道都好好！主菜叫左煎魚。魚皮脆卜卜魚肉好滑溜！薯蓉又香又綿！好欣賞醬汁唔多唔會太膩！最後有任食生果好開心！新鮮唔係罐頭貨色！假日一個人嘆下好舒服！

因有訂座，餐廳安排較獨立一角梳化位，但位置極接近收銀，友人頻被侍應衣服輕掃，略為無奈。一行人四人先點一酌white sangria, 侍應小妹努力想幫眾人斟酒，可惜生手非常，一路斟一路漏，浪費美酒呀上菜時，其實枱面不大，本適合朋友小聚，但餐廳同時將前菜主菜同時上菜，本想好好享受美酒小食，都顯得匆忙。而且食完前菜，主菜又已灘凍，太可惜。最後再多補一酌white sangria, 改由另一位侍應哥哥斟酒，手法熟練，美酒豈能浪費

行到去尖沙咀天文臺道，見到上一次食過dinner的西班牙餐廳，有lunch食咁今次又試吓。見到大約有7-8個午餐選擇，有漢堡包，意粉，意大利飯揀。我就選擇咗漢堡包個餐包埋嘢飲，出面任食沙律同湯，買有生果，待應也上了面包，牛油給我們，食完呢part已覺得飽，食埋主餐巨型漢堡包，我真係晤識郁朋友的意大利飯，佢話爭少少。總結來講，環境就好有氣氛，食物都好味的，係個主餐等到要“吹“至有。希望店主留意吓改善

我記憶中這間西班牙餐廳好似有分店，同朋友聚會，一行6位上openrice望下，預約好晚上嚟這餐廳用餐。其實打開餐牌也好多款式選擇，叫左意粉，pizza,沙律，雞，意粉個味道比較重，其他也ok,發覺多人長枱真係晤太傾到計。價錢偏貴。

今天約了朋友食午餐，朋友說帶我去吃西班牙菜。餐廳有室外座位，很多人都選擇坐在外面，十分悠閒。而我卻十分享受坐在室內，相當寬敞，設計匠心獨具。食物及飲品選擇都頗多，我們選擇了西班牙烤乳豬件，配有酸椰菜及薯蓉。乳豬外皮香脆，肉質嫩滑，而且不肥膩，而薯蓉很幼滑。三重迷你漢堡超驚喜，好似三個小矮人，有不同口味，包括牛肉、豚肉及海鮮，最優值得一提的是海鮮漢堡，內有墨魚、蜆肉及青口。而漢堡包既鬆軟又香脆。西班牙火腿吞拿魚卷配温泉蛋，頗清新。喜出望外的一餐。