PokéToké

營業中

休息中

呢間夏威夷蓋飯店超高人氣 爆晒場✨呢到最特別係除左招牌poke bowl 仲熱食蓋飯提供 夠多元化🧊🔥.📌大滿貫 GRAND SLAM $128選擇困難症推介就啱🙌🏻三文魚同吞拿魚份量都幾多 鮮嫩肥美 甘香唔油膩 用上切片同角切 更有口感🍣牛油果熟度剛好 香滑creamy🥑雜錦香菇粒爽嫩有咬口🍄‍🟫topping仲有中華沙律, 玉子絲, 蟹籽, 紫菜絲, 木魚絲同黑白芝麻👅豐富配料再拌勻山葵蛋黃醬一齊食 香滑惹味又唔溜 整體幾清爽🤍揀左壽司飯底 但似係白飯 冇醋酸味🥺.📌泡菜豚肉燒 $69豚肉份量多又大片😍肥瘦適中 炒得香口入味 肉質較乾 但唔鞋🐷泡菜酸酸辣辣 爽嫩多汁 拌勻成個飯 惹味開胃🌶️日本珍珠米飯粒粒分明 飽滿有咬口🍚不過食完先見到 成個碗底都係油 難怪啲飯咁香滑油潤🙈.📌草莓奶昔 $40有少少失望 飲落冇牛奶香滑醇厚感覺🥛質地似沙冰🍧草莓果香酸甜味都唔夠濃🍓.有關食物相片 可參考已上傳的影片🎦

夏天一定要食依間高質夏威夷蓋飯店🙆🏻‍♀️ 低油、低鹽、低熱量，吃光一整碗也沒負擔🤤 餐廳偏簡約休閒風格，環境氣氛舒適，食物選擇好豐富！晚市二人消費：$247 🫧不設加一服務費🫧💖💖💖食評💖💖💖 𝑴𝒂𝒊𝒏 𝑪𝒐𝒖𝒓𝒔𝒆 🍚八爪將軍（八爪魚，蟹肉，海帶，粟米粒，中華沙律，袐制燒汁，芝麻，木魚絲，紫菜絲）✨加配每日前菜（螺肉）+ 三文魚豆腐昆布湯配料非常豐富🤤🤤 壽司飯配上秘製燒汁，非常開胃！😆 大大粒八爪魚 ，肉質鮮嫩，配料份量好多，款款都係我鍾意嘅，口感非常豐富，好飽肚🥰和風牛肉丼（配溫泉玉子）✨加配每日前菜（螺肉）+ 三文魚豆腐昆布湯賣相好吸引呀，大大粒溫泉蛋放喺滿滿的牛丼上面😍 見到都流口水，將溫泉蛋攪勻食用，口感味道一流😋😋😋 份量多好飽肚𝑫𝒓𝒊𝒏𝒌牛油果奶昔（大）✨推薦！少甜健康奶昔😍 入口陣陣清新牛油果香味，唔會死甜，越飲越好味😚日式烏龍茶✨

今晚又約了朋友吃飯，地點選了在旺角。朋友話最近食得放縱了一些，今餐想要健康一點，上網search到廣華街的「PokéToké」。Poke bowl可以自行配搭食材。主食選了三文魚，拌以蟹籽、蟹柳、雜錦香菇3款配菜，還有紫菜絲、木魚絲、芝麻點綴。三文魚非常大粒，入口感覺都新鮮。雜錦香菇加了七味粉，味道會帶點辛辣。飯底配了壽司飯，份量都頗多，想健康一點就可選沙律菜。醬汁是山葵蛋黃醬，山葵味很重，令到整碗poke bowl充滿嗆辣感。加配了前菜和三文魚豆腐昆布湯。前菜是味付螺肉，味道帶辣。而昆布湯帶有三文魚香，幾好飲。除了poke bowl，餐廳還有熱食蓋飯系列，強調即叫即做。點了雞肉親子丼，雞肉份量都多，肉質嫩滑。滑蛋很香，用來佐送白飯一流。話說這款丼飯是高蛋白低脂，同樣都是其中一個健康之選。奶昔真材實料，每一口都飲到草莓果粒，味蕾瞬間被草莓甜香攻佔。

要食健康又美味嘅食物，絕對推介旺角既「PokeToke✨」，餐廳主打低卡低脂特色風味蓋飯，可以自選配料或特色定制蓋飯，而且仲有不同款式小食及飲品🥤。首先必點佢哋既「夏威夷波奇蓋飯」🍚,飯底選用日本珍珠米,粒粒飽滿,而配料有吞拿魚、海帶、枝豆、紫洋蔥等等,好清爽開胃!另外仲有「和風牛肉配糖心蛋蓋飯」🍱,牛肉軟嫩多汁,蛋黃更是溏心軟滑,襯住飯底同特調醬汁,好好味。而小食點左「吉烈炸蝦」🍤,表層炸得酥脆,沾埋佢哋既沙律醬超好味!最後飲品要試下佢哋嘅「士多啤梨奶昔」☕️,奶味濃郁,仲有新鮮士多啤梨果肉粒粒入味,清爽可口!總之,「PokeToke✨」可謂一站式健康美味的餐飲選擇,飯餐小食各種選擇,絕對值得推介👍

有時想食得健康啲, 食Poké Bowl 係唔錯嘅選擇👍🏻！夏威夷蓋飯款式選擇多, 有啲係預先set好咗, 只需揀蓋飯底, 有冷麵、壽司飯、沙律菜、飯菜各一半供選擇, 亦可以DIY Poké Bowl！🥣夏威夷蓋飯我揀咗冷麵配虎蝦仁🦐、溏心蛋🥚、牛油果🥑、枝豆, 每款食材都好新鮮, 營養價值高, 牛油果熟度剛好, 健康美味又飽肚！醬汁可以另上, 因應返自己嘅preference 倒入適量嘅醬汁, 冷麵配日式胡麻醬好正！🥣咖哩吉列豬扒飯豬排炸至金黃香脆, 再配上日式咖哩🍛, 香口又美味！配埋杯士多啤梨奶昔🥤, 莓味都幾香🍓～

🍚加州風味碗 HK$ 98呢個真係非常非常多料，啱晒有選擇困難症或者咩都想試既大家！裡面主要有三文魚、青瓜、蛋絲、三文魚籽、車厘茄、紫菜絲、木魚絲、黑白芝麻，配日式胡麻醬。三文魚超大粒兼厚切，車厘茄新鮮爽口Bowl份量非常多，如果可以選擇少飯就好啦😅另外如果唔鍾意佢哋嘅組合亦可以選擇自選。🍚和風牛肉丼（配溏心蛋）HK$ 69
餐廳亦供應多款日式丼飯，唔食生嘅可以選熱食蓋飯。牛肉丼鋪上滿滿嘅牛肉，份量超多，洋蔥汁煮非常入味，用溏心蛋蛋黃拌牛肉飯一流。
🧊Oreo曲奇奶昔（+$40）🧊草莓奶昔（+$40）飲落味道唔算太甜，冰冰涼涼好晒夏天飲！

最近天氣真心好熱，醒起可以食夏威夷pokebowl就可以食得健康之餘又唔洗咁油膩。餐廳野食選擇都多，有pokebowl之餘仲有熱蓋飯，仲有D特色小食，不過基於唔想太熱氣就無叫D炸物Choose your own Poke Bowl個Base叫左壽司飯底，飯量都多，包一款主食同三款配菜之後另外再叫左D自己想食嘅主食。因為想健康少少，就叫左鰹魚汁。成個飯好多料望落好豐富，重點唔油膩夠健康。叫左三文魚，粒切都幾大粒，食落都鮮唔會有雪味。雖然成個pokebowl都唔係熱，但食落就覺得好舒服好飽肚。厚切鹽燒海苔牛舌温泉玉子丼 $98另外叫左牛舌飯，牛舌都幾多片，上面鋪左D紫菜片感覺和風D。牛舌雖然燒得唔錯，但食落就有D硬身，似乎係用左牛舌尖嘅關係。吉開隻溫泉蛋撈暈黎食，飯同牛舌都濕潤少少又唔太差。Oreo奶昔女朋友叫左杯oreo奶昔飲，我自己對奶昔一般般，飲左啖都幾夠oreo味，唔評論太多

年紀越大越注重健康尋日食左烤魚今日就食得健康d🥹而家周圍都開左好多間自選又得食set又得出開旺角見到有就食❤️大滿貫入面有三文魚，吞拿魚，中華沙律，雜錦香菇，牛油果，蛋絲，蟹籽，山葵蛋黃醬，紫菜絲，木魚絲，黑白芝麻可以揀沙律菜/壽司飯/雙拼我當然揀左沙律菜呢款營養價值高蛋白質含量高岩曬輕食既人士❤️加州風味入面有三文魚，青瓜，蛋絲，三文魚籽，車厘茄，日式胡麻醬，紫菜絲，木魚絲，黑白芝麻，蟹肉呢款我就配左壽司飯呢款味道酸酸甜甜好開胃食得太油膩想平衡下又唔想煮大家可以考慮下食😌💁‍♀️PokéToké (旺角)👣旺角廣華街3號百利達廣場地下1號舖

今次到旺角美食集中地的廣華街搵到間Poketoke，估唔到大雨天都坐滿人。食物方面除咗有夏威夷蓋飯之外仲有日式蓋飯，今次呢就點左辣味三文魚蓋飯，和風牛肉飯。一次過滿足冷熱食兩個願望，佢哋嘅奶昔都相當唔錯，位置亦相當便利。辣味波奇配料有辣味三文魚，虎蝦仁，泡菜，紫洋蔥，蟹柳，辛口蛋黃醬，芝麻，辣椒伴，紫菜。想飽肚的話可以點壽司飯及沙律。選擇多醬的話，撈完沙律再撈飯都夠。不得不說呢碗Poke真係夠辣！和風牛肉丼配溫泉玉子牛肉丼分別可以選擇溫泉玉子或溏心蛋，小編推薦口感嫩滑的玉子，蛋白好似啫喱咁，蛋黃重係流心嘅，拌牛肉飯一流！牛油果奶昔&士多啤梨奶昔中杯份量不多，所以一定要叫大杯！採用鮮果即製而成嘅奶昔，飲慣珍珠奶茶的朋友可能會覺得淡口，我就覺得微糖無負擔就岩岩好。

今日同朋友去旺角行街睇戲，睇完戲見有啲餓search吓附近有啲乜嘢好食，又想食健康啲，一於揀咗呢間 Poketoke!我哋6:30到咁啱唔使排隊，幾個字之後已經見出面要排，真好彩☺️我揀咗個自選poke bowl, 揀咗慢煮雞肉做餸，另外再加咗玉子絲、紫菜、豆腐做配料，個底就揀咗半壽司飯半沙律菜，佢有幾款可以揀，我自己就揀咗日式芝麻醬。Poke bowl 你份量一個女性食啱啱好，沙律菜同飯真係各樣一半，慢煮雞肉都叫有5-7舊，琳琳哋同埋唔肥，同啲芝麻醬都幾夾👍🏼 加咗$18變套餐，多咗個辣味螺肉嘅前菜同埋三文魚豆腐海帶湯。 個螺肉幾大粒同埋彈牙😮👍🏼我朋友叫咗厚切鰻魚丼！ 鰻魚真係好厚切，冇骨幾容易食， 啲醬汁甜甜地，夠多汁😎👍🏼 個底都係壽司飯，所以飯唔係熱的，不過夏天食幾好😌總的來說，想食light d 同健康啲都係個唔錯既選擇🤪

平時返工lunch成日食茶記鋸扒真係有啲heavy，偶然想食得健康啲，咁岩搵到呢間餐廳。佢地嘅食物有多菜又有肉，仲有好light 嘅奶昔飲，食完又飽肚又夠力量又唔會飯氣攻心，返工都爽手啲😆！🐟夏威夷波奇（吞拿魚，海帶，紫洋蔥，蟹籽，枝豆 鰹魚醬油，紫菜絲，木魚絲，黑白芝麻） 配壽師飯及沙律菜唔好以為健康野就係無味同唔好食，呢個夏威夷波奇嘅配搭集合左清新✨，鮮味同滿足於一身！吞拿魚好新鮮，咬落仲有魚油香😍！而鮮甜爽脆嘅海帶增加口感，紫洋蔥令成個飯都變到好鮮甜！淋上醇厚嘅鰹魚醬油配合紫菜絲、木魚同沙律菜，清新又有層次感🆙！🥘咖哩吉列豬排飯咖哩吉列豬排飯嘅豬排炸到外酥內嫩🐷，一啲都唔乾，仲好juicy，而咖哩係日式香甜嘅咖哩，甜甜地又帶有咖哩味，用嚟送飯一流🍚！而飯就用左日本米，軟糯又有香味，真係好好味😋！🥤草莓奶昔好有草莓味🍓，同減左甜度，飲落好light 好舒服！係而家咁熱嘅天氣飲真係透心涼同解暑呀！🥤牛油果奶昔健康之選，light 得嚟好飲到牛油果🥑香味！我係牛油果迷，呢杯好飲到下次行過都要買杯外賣先得🛍️！📍 PokéToké (旺角)旺角廣華街3號百利達廣場地下1號舖

今日放假同朋友去左旺角行街，經過POKETOKE見到是一間以健康為主的餐廳，網絡環境都幾舒服，價錢又唔貴，便進店試了店內主打夏威夷蓋飯夏威夷波奇吞拿魚、海帶、紫洋蔥、蟹籽、枝豆、鏗魚醬油，紫菜絲、木魚絲、黑白芝吞拿魚好新鮮，仲有各款配料撈壽司米，配上鏗魚醬油，又滋味又健康，夏日炎炎品嘗這款健康蓋飯，非常滿足自選蓋飯 $117包括米、主、配、醬、伴米：壽司飯及沙律菜主食：辣味雞肉 +$5配菜三款：溏心蛋 +$8、牛油果 +$10、雜錦香菇醬：日式胡麻醬伴菜三款：紫菜絲、木魚絲、芝麻朋友選了這款自選蓋飯，由米到主食、配料，醬料和伴菜都自由款搭，食材款式選擇多，一上枱見到色彩繽紛的蓋飯，大滿足Oreo曲奇奶昔濃郁Oreo曲奇奶昔，口感幼滑，味道非常不錯

事隔2個月先醒起其實可以係Openrice講低嗰次不愉快經歷，希望唔好被誤會係生安白造啦~嗰次一行5個人，一心想食清啲所以打算食吓salad bowl。7點鐘左右有個朋友早啲去拎定位先，到7點1/2左右大家陸陸續續齊人。咁5個人冇位要等都好正常，咁係我哋等位期間都有一枱3位同2位排係我哋之後，期間職員有出嚟安排2位入座先。如是者我哋等到差唔多7點半時，就見到有一張4人枱走，咁係個張枱隔離有另一張差唔多食完嘅2人枱；我哋有望到入面都冇其他位，咁我哋好自然就諗應該一陣好快就到我哋啦(嗰時我哋係排第一張）。點知呢個時候店員出嚟，叫排我哋後面個3位入去嗰張4人枱lol咁我哋就心諗搞乜鬼啦？問個staff其實佢哋打算安排我哋坐邊或者到底有冇安排緊位比我哋，點知店員妹妹竟然話打算留Bar枱比我哋lol 安排5位坐吧枱真係聞所未聞，即係你話我哋只係2/3個人，咁人少冇問題嘅。但明明你有張4人枱，有乜理由唔係優先安排比我哋？咁朋友有少少𤷪咁樣安排同埋都等咗成30分鐘有多，同店員妹妹講嘢途中有另一個店員男仔就行出嚟，態度唔友善兼且幾差地話「咁唔想坐Bar枱就出返去再等囉」。講緊唔時其實都冇其他吉枱，最後

📍 poketoke-旺角復古風搭配木製桌椅，裝潢很溫馨，相當有味道有種回家的感覺，每當用餐時間都人潮滿滿，香氣逼人一定要來試試看！✨ 和風牛肉丼（配溫泉玉子）雪花牛與牛筋的綜合，軟嫩的雪花牛與洋蔥爆香，融合鹹香的醬汁，牛筋軟中帶有一點嚼勁，整碗牛肉香氣逼人，撈飯一流🍚再配上一顆溫泉蛋，濃郁的蛋香拌入飯中與滿滿鹹香帶甜的醬汁合而為一，濕濕黏黏的口感，保證你欲罷不能！！✨ 山姜豚肉燒豚肉丼的醬汁甜鹹適中，不會有過於甜膩的感覺，肉質也蠻軟嫩的，不會有肉質過熟感覺，生薑味十足，值得推薦！✨ 店長炸薯條薯條份量好多，口感不會太油膩🍟炎炎夏日，當然要飲番奶昔～✨ Oreo曲奇奶昔帶點朱古力甜味🍫同時有Oreo曲奇粒粒既口感，好得意😊✨ 牛油果香蕉奶昔第一啖香蕉味勁重🍌，反而牛油果味並唔太特岀🫗

一直有食開呢間健康餐廳😋見呢排食得太Heavy，於是就決定嚟呢到食健康啲！▪️ 厚切鹽燒海苔牛舌溫泉玉子丼平時都食開沙律碗，今日就試吓佢嘅熱食蓋飯😋見到有牛舌，好吸引！一上枱，已經見到石碗飯面頭佈滿牛舌，目測有十塊，超足料！牛舌咬落好煙靭，又帶點爽口，牛尾好濃郁！中間仲有玉子，將玉子撈埋飯一齊食，充滿蛋香，超級滋味！▪️ 唐揚雞軟骨雞軟骨炸得金黃香脆，咬落好爽脆，油膩感唔重，點上沙律醬一齊食，味道更滋味！大推呢一款炸物！▪️ 特色風味蓋飯：夏威夷波奇叫咗款夏威夷波奇嘅特色風味蓋飯，將飯轉咗做冷麵，入面有吞拿魚、海帶、紫洋蔥、蟹籽、枝豆鰹魚醬油、紫菜絲、木魚絲、黑白芝麻，超級多配料！我另外仲加咗三文魚、中華沙律、酸蘿蔔😋😋吞拿魚同三文魚刺身都超級大粒，而且好新鮮！滿滿嘅蛋白質，好健康！見天氣熱，轉咗做冷麵，食落更加爽口涼快！▪️ Oreo奶昔Oreo奶昔超香曲奇味😋飲落好綿滑，又帶點沙冰嘅感覺，熱辣辣飲落口好透心涼！見到佢仲有草莓奶昔，下次要試吓！