Pokka Cafe (已搬遷) 新店位置

和好朋友來吃晚餐兼說說是非，這裡寧靜，okok。牛肉咖哩飯，牛肉很嫩，咖哩味濃。三文魚滑，不會過熟。主食份量一點都不少。沙律爽脆，加溫泉蛋不俗。整體中上，可再來呀。全單350元左右

約o左女友人WK前日(7-5-2017 Sun)晏晝行街,先同老公同佢食個晏,順便當呢餐係佢o既生日飯,我同老公先到攞位,o係等o既時間睇menu,有好多選擇,攪到我o地有選擇困難症,而WK好耐至到,我o地又再討論要咩o野,最後決定要:1.$42.00o既朱古力脆脆芝士卷呢個係老公o係門口睇中要叫,一件都唔算細件,佢面上有啲金色珠珠,睇到佢o既卷中間係朱古力脆脆,呢個芝士味唔算好重,口感比普通蛋卷只實少少,成個都唔太甜.味道: 5分2.Mother’s  day set lunch o既B餐$169.00o係慢煮北海道魷魚,巴馬火腿沙律同黑菌龍蝦湯中揀o左前者.份量唔多,魷魚味道濃,巴馬火腿都幾鹹,唔知係吉士汁定蛋黃汁,冇乜味.味道: 3.5分3.$68.00o既士多啤梨巴馬火腿沙律份量一樣唔多,士多啤梨唔酸亦唔係甜,腰果腍晒.味道: 1分4.Set lunch中o既主菜,牛肝菌海膽炒飯落單時經理話呢日係意大利燴飯,我o地照要啦.o黎到,睇見海膽幾深色.食o左啖飯,食到好濃o既菌味,海膽有苦味,擺明唔新鮮.味道: 2.5分5.$78.00o既美式烤腸拼盤有香草腸,豚肉腸同番茄腸同有啲薯

今日同朋友去呢度開餐，可能尚算早（未夠12點），我兩在門口企左一輪都未有人理我們（當時已有食客）終於係我們自己行入去左「莊」又「莊」先有服務員發現我們，叫我們「自己搵位坐」侍應唔係應該一開工就進入工作模式架咩我們先叫飲品「熱水果茶」：唔熱，只是微暖忌廉焗雜菌：不過不失芝士煙肉焗薯蓉：一般整體最令人失望的：是服務態度

無論湯或意粉，都太咸，是眾多 polka cafe 中最差的一間，難怪晚市仍有虛席，不用等位。😡唯一較好的，就是甜㸃。員工的態度有禮，也留意客人的需要，無論在下單，及主動為客人加水，服務良好。

Pokka 一向俾人印象都係高級餐廳，以前成日都係銅鑼灣分店食下午茶同晚餐，搬咗黎新界區就好耐冇食~今日咁岩經過，一於入去食返個早餐~ 星期日早上都有好多客，好好彩我地唔洗等位，不過樓面得兩個人，等咗好耐先得閒幫我地落單~我叫咗個熱香餅加腸仔蛋~ 其實唔洗我多講，睇張相都知麻麻地，腸仔係白烚，冇咩味嘅，蛋得好少，加咗少少少少煙三文魚就有少少咸味，但啲蛋一啲都唔滑，熱香餅最好味係個蜜糖~ 成份早餐最好係個磨菇湯，好香濃嘅菇味，加咗少少忌廉好滑~其他就……大少叫咗個肥牛泡菜公仔面加炒蛋~ 坦白講，真係好普通，最慘係連個炒蛋都比唔上一間普通茶餐廳，收呢個價錢，真係完全唔值~咖啡跟餐送嘅~最好飲係杯朱古力，打咗奶泡，好滑好香濃，但係跟餐要再加多29蚊……總結~ 真心失望，先唔講價錢，但係食物水準同一般茶餐廳比較都差，可能因為會員係無限添飲咖啡，所以先會有咁多人~

話說今早十點多4個人一起去吃早餐。餐廳內只有2枱客每枱一位。我們4位坐下2個2人坐位，待應走內叫不可坐。因要留待2位客人。要我們迫在細小的4人位。今早星期日，只有2枱客。另2枱1人坐1枱3人位。可以放下大䄛。我們4人，每人抱著自己的䄛坐。一怒之下離開，。今時今日咁的服務態度真差。仲有冇人等枱。

專程来吃格格多士甜品，份量少了一半又勁難食，完全没有榛子味，只有奶味。咖啡没有咖啡味，只有奶味點了個拉麵，價錢係－田food court 一倍，但味道没有分别。永远不会再来。

閨蜜專程從家鄉遠道來睇我，順便約佐佢香港老師碰面，我地一起食個晚餐。叫個煙三文魚牛油果大蝦沙律酥皮海鮮湯(酥皮吃了才影相)巴根芝拿蘭芝士巴拿火腿摩利菌新鮮意粉，名字好長第一次食呢個店，印象唔錯，由於和閨蜜老師唔熟，唔好意思點甜品，下㳄再試啦！

係我心目中，Pokka 係一間食物質素和服務都好好嘅餐廳，但係今次就..........！Set dinner 的選擇唔多，連羊扒/羊架都冇  兩個人揀咗好耐都揀唔到心頭好，所以球其選咗個牛柳餐（黑椒汁）-七成熟； 頭盤選了溫泉蛋巴馬火腿沙律；第一次食以溫泉蛋做材料嘅沙律，配埋巴馬火腿感覺尚算良好，沙律菜都好新鮮 牛柳上枱時，份量好少，亦唔見有黑椒汁，問侍應，他才醒覺話另外攞俾我。 牛柳七成熟剛剛好，肉質好嫩 甜品係細細件嘅cheese cake, 味道ok.最後配埋佢哋嘅咖啡 今餐食物質素尚算OK，但係份量多一點會好d，始終個餐唔係平; 服務質素亦有待改善。

母親節食個lunch到到都要等，飲茶仲要等200幾張枱，我哋貫徹我哋唔鍾意等性格，就去左pokka cafe 母親節套餐有頭盤、主菜、甜品好似幾好咁湯係龍蝦湯，稀左d，龍蝦味唔重，入面有小龍蝦，都爽口。沙津覺得d生菜唔夠新鮮，沙津汁又唔夠味道，好稀飲品係凍朱古力，朱古力味夠濃，加埋d cream唔錯牛扒五成熟有牛肉味，不過d筋太多，要咬好耐先得。薯條炸得好脆帶子鵝肝醬繪飯，唔覺得有鵝肝醬，反而似白汁多d，帶子細細粒，幾鮮甜，整體都ok玫瑰雪糕🌹比我想像中好，偏甜，雪糕有玫瑰味，不過d cream有很多，仲多過d雪糕

今日年初二，可能新春特別收費！下午茶要了杯藍山一號咖啡，另蘇門答納咖啡，一客龍蝦湯，一客煙三文魚牛油果沙律，一時不留意藍山咖啡$128一杯，其他只$58一杯，埋單共$370，不算貴，不過二杯咖啡都淡淡的，落杯太滿奶太少，亦加不了，唔覺得值此價格。

踏入店鋪內，大部份的座位都是卡箱位，座位寬闊不會擠迫，燈光環境也很舒適，在這種氣氛進食，食物倍感美味。點了一個香蕉朱古力厚吐司，份量也很驚人，有四片麵包店的方包的大小，當晚餐吃也能填飽個肚。吐司上層放了一球朱古力雪糕，雪糕的朱古力味也濃郁，而且也有奶味，不似其他下品的雪糕，成球雪糕都十分'粉'，外形散散的。並且有少量的忌廉在頂頭，用來配合一舊舊切好的吐司別有一番風味吐司外脆內軟，幼滑的忌廉帶出雙重口感，一滑一脆，令人一口接一口。面頭淋上朱古力醬，一方面可以作裝飾，一方面可以用來點一舊舊的吐司，不然的話吐司會變得沒有味道和'乾身'難以入口。吐司的上層也有數片香蕉作裝飾，雖然裝飾不是太華麗，這個吐司卻是'實而不華'這個份量的吐司和價錢，真是物有所值，食完之後也有飽肚的感覺整體評分:6.5/10

到pokka食下午茶，都明白下午茶份量唔會好多，但完全冇諗過個粉絲5啖食完，好似上左碗比人食淨既粉絲咁，雖然個味係唔錯，但份量太嚇人，冇下次！肉醬鴨胸意粉，份量正常啲，當然都係比正常少，但起碼唔會1分鐘食完囉！意粉加左藍莓，幾得意。$80一個下午茶餐，食完好似冇食過咁，以前係度食下午茶都冇咁過份，唔知係咪經濟轉差，餐廳要cut cost.

放假日黎荃灣行街, 各個商場貫通晒, 行到攰攰地搵個地方食個TEA補充體力.近近地就揀左pokka cafe, 一黎唔洗等位, 二黎地方夠大可以慢慢坐.紅桑子朱古力蛋糕+藍山一號咖啡蛋糕朱古力味好濃, 但甜而不膩, 蛋糕好鬆軟. 藍山一號咖啡味夠晒濃夠晒香, 好滑, 非常正.朱古力香蕉蛋糕+凍Tiramisu呢個相對朱古力味無咁重, 香蕉味濃, 蛋糕鬆軟. Tiramisu食得多, 飲既係第1次, 唔算太甜, 好香咖啡味同朱古力味.

總括黎講''難食''， 普通一間出面嘅茶餐廳都好食過佢...點鮮稻庭烏冬變左湯烏冬？以前有食過未轉menu前嘅煙三文魚稻庭烏冬，都知道完全唔係一回事....唉..水汪汪一片再加三，四隻所謂海鮮浮係湯面..一片死海咁..想我食咩？問完waitress 何解我個凍烏冬變左熱烏冬？竟被答一直都係咁成年喇bo...算數，我當你一年前你未番工唔知。實物同Menu 張圖完全唔march..完全唔符合商品說明條例...冇計了..只好硬食，向來唔會叼難服務員..講完