Pop Pop Rangers

營業中

休息中

有好多款炮谷可以試食最後都係揀返最普遍嘅焦糖味＄14咁大包呢個價錢點止係合理簡直係勁抵食每一粒炮谷都似痴滿焦糖熱辣辣咁大包真係好滿足啊下次我去戲院之前一定會再嚟買

今日係葵涌廣場掃街，經過依間爆谷店令我口痕去試下好無食，有好多款味道供試食，店員亦都好友善同我地講歡迎試食，我一試蜜糖芥末味，就愛上左。佢有不同份量既包裝，有封口袋裝同桶裝等等，我怕自己一個食唔哂，所以買左最細包既無封口紙袋裝。爆谷口感好脆，好重蜜糖芥末味，粒粒都沾有依種味，因為我好怕食D粒粒味道唔均勻既爆谷，但依度買既唔會，食落又唔口渴同埋放左大半日都仲好脆身，又唔會冧，真係好好食

宜家食爆谷已經唔再係睇戲時既專有活動童年回憶令到每次經過爆谷店都想買黎食近呢幾年爆谷發展到唔至焦糖咁簡單好似旺角地鐵站同葵涌廣場都有分店既Pop Pop Rangers就有幾多味揀好鐘意佢地可以試哂所有味道先買除左常設有既味道 佢重會有季節精選而且有不同既SIZE比你揀食哂咁多隻味 都係覺得蜜糖芥末最好食因為平時我對蜜糖芥末既食物都係情有獨鐘買左小包 雖然比旺角既小包裝平D (重以為係葵芳物價真係平D)原來份量都係小D 而且係無得封口既袋自己食無所謂 不過就留唔到之後再食 要一次過食哂蜜糖芥末味正 味道都幾足 粒粒味道都均勻 唔會食食下有一粒無味雖然唔係熱但食落都幾脆 應該係蘑菇型爆法 食落黎都幾鬆下次可以試下避風塘或季節精選(如果重有香草蒜蓉)

爆谷既香味就係有一種魔力, 咩時候聞到都會好想食但有時香味一回事, 食落口又一回事哩個絕對係我人生食過最正既爆谷, 每次行過都一定要買最多怕食唔晒就買細包D, 都係廿蚊左右但我唔會, 哈因為試過食唔晒留到第3日都仲係好脆所以唔怕買大包!!我最愛係蕉糖同紐西蘭牧場, 加2蚊就可以MIX架喇點解話係最正既爆谷佢係每一粒都做到有蕉糖, 係每一粒絕對做到脆, 香, 甜不過甜得太多都容易膩所以加埋牧場味就最正豐富既奶油香仲帶D海鹽既咸香就可以平衡返

以前食爆谷, 都係睇戲時食多. 咁啱去開葵涌廣場掃街, 經過聞到幾香, 拎左幾粒試食, 又幾好食喎. 試左幾隻味, 有最經典既焦糖, 又有朱古力, 牛奶等, 最後買選左比較特別/少有既蜜糖芥末. 由於掃完街都飽, 所以買左一包抽真空包裝$30的返屋企食.結果兩日後先食, 都依然係脆, 蜜糖甜甜地, 加芥末既辛香, 令味覺好豐富, 食到訂停唔到手 好多時係戲院食既爆谷都有一種情況, 食下食下咬到d好硬未爆開, 整到d牙好痛.我食左好多粒, 都無出現哩個問題, 一定是讚! 食左好多粒都仲有半包, 份量都幾多.

話說早前跟姊妹赤柱散散心後，就去睇戲啦！見到間爆谷鋪！我買mix口味（焦糖+紐西蘭牧場）大包都係$30！每粒都帶焦糖包著，我偏好愛食焦糖，但就好怕食到d唔均勻既。而紐西蘭牧場就咸咸地，幾特別！價錢合理，又夠味！旺角地鐵站內都有分店！

一直都知葵涌廣場又多野食又多野行,行到最上層o既美食街,聞到好香爆谷味忍唔住埋去試下除o左有最普通o既焦糖味,重有朱古力同蜜糖芥末味朱古力好濃好足料,不過咁多朱古力好似好肥,所以就買o左蜜糖芥末味蜜糖芥末味甜甜地,有少少芥末味,好得意,加上十令蚊已經有一句,平過戲院多多聲,抵食!

行開葵涌廣場梗係要上3樓睇下有咩食見間野新開, 就買左個細既朱古力味爆谷試 $12佢同我講係岩岩整起既, 小心熱我唔知係咪因為岩岩整起la, 超好食本人勁愛朱古力, 而佢係勁多朱古力既!!!   有驚喜!!!(如果唔太愛可能會覺得有d"流")覺得比戲院o個d 得o個dd 朱古力既抵食好多!!!!!!!!!!!!!!但佢個袋個入唔滿的, 可以因為朱古力濃所以我都覺得夠食既~

行過葵涌廣場3F一陣陣香味傳出來，原來是爆谷。買了一盒20元的爆谷吃，這裡比戲院的好吃很多，我很喜歡焦糖口味，熱熱脆脆的，每粒爆谷又圓又均勻，又好味又抵食。店主亦都很用心去做，希望保持水準，直得推介的小吃店。

同朋友係葵涌廣場食小食，點知比一陣陣好香既爆谷味吸引，一看之下發現有即整既爆谷賣，心郁郁埋去試一試食，有２款口味，朱古力同焦糖，見價錢重要係某波爆谷既１／３，即刻買左一包返屋企一邊睇片，一邊慢慢噗！朱古力味比焦糖特別點，９成都沾滿朱古力脆漿，甜度算高，但就係岩晒我口味！有多款包裝選擇，我選了真空包裝都只係２５蚊，夠脆夠甜，正！