Precious (已結業)

喺 #工廈 搵食就好似尋寶一樣，如果唔係有人帶路，分分鐘會中伏😅 呢日我哋就跟 #首領 再一次嚟到 #牛頭角工廈 一間 #越南餐廳 #Precious 幫襯😉打開餐廳大門，見到牆壁上都掛滿懷舊嘅電影海報/演員照片，有啲穿越時空嘅感覺😉 餐牌上嘅菜式，都以越式粉麵飯套餐為主🌱 呢日我就揀咗個 #雞絲湯河、#越式春卷 同 #越南咖啡 做 #午餐 🤤 先講杯 #咖啡，味道比我想像中更濃郁，可惜我叫嘅凍咖啡，因為天氣太熱嘅關係，我來不及將滴漏好嘅咖啡倒入冰塊🧊入面，冰塊已經變成水😅 我唯有原杯上😂😂 雞絲湯河個湯底充滿牛肉嘅香氣，配埋河粉一齊入口，味道都唔錯🤤 不過我想同大家推介嘅係佢哋嘅 #餐前小食 #越式春卷，網面春卷皮非常鬆化，用 #生菜 包住一齊食，口感好清新🤤餐廳嘅服務同食物整體都唔錯，係略嫌餐廳內/外嘅冷氣都唔多夠，怕熱嘅大家，可能要等秋涼嘅日子先好去試呀😉📍 Precious (牛頭角)啟興道2號太平洋貿易中心12樓13-14室

又平又靚又正若去開牛頭角一定要試的工廈樓上餐廳。菜式味道適中，賣相一流，價錢個字抵。能在忙碌工作中享受一餐美食補充元氣，真是好正。有牛，有羊，又有原形澱粉質，也是健康之選

本來呢日預咗喺Office食草... 不過又忍唔住誘惑，出咗去食飯😅 因為下晝有會要開，我哋只可以喺附近搵食。最鍾意 #捐窿捐罅 嘅 #首領，呢日又有新介紹🤤 帶我嚟到 #工廠大廈 尋寶😅 兜咗大個圈， 終於比我哋搵到「Precious」，一間位於12樓嘅 #越南餐廳。餐廳嘅四周都用 #電影嘅海報 嚟做裝飾，佈置都幾得意嘅。本來一早諗定要嚟食 #越南湯濛 嘅 #小秘書，望見隔離飯香，最後改變主意要咗個 #越式香茅豬扒飯🍚 仲加咗$3要隻 #太陽蛋🤤 #餐湯 味道總味不過不失，至於主角 #香茅豬扒飯，我就覺得都係麻麻地，#配菜 之一嘅 #蛋餅 口感 #好油膩，唔係埋單嘅時候多口問 #服務員，我根本食唔出係咩嚟😅 #豬扒 嘅味道我只係可以話ok，可惜 #香茅 嘅味道唔太重，#醃製 嘅味道都唔錯嘅😚 但係我對住碟飯，硬係有種唔想食落去嘅感覺😅 總言之各樣那樣加埋，🍚唔夠吸引啦👉🏻👈🏻 為咗唔做 #大嘥鬼，我最終都起碼食咗八成㗎😚

今日和同事一齊去食Lunch準備出去出面時又落雨地面濕濕，天氣不穩決定轉陣～買外賣算啦每朝返工見到樓下嗰塊廣告牌不如就上嚟呢度試吓啦上到嚟好多人。大約點半鐘到估唔到疫情期間，都人頭湧湧我哋係買外賣午市外賣自取仲有七折我哋總共叫咗三個外賣等咗大約15分鐘叫咗越南粉餐$60 可以自選配料有生牛肉，雞絲，扎肉等外賣都好貼心打開時個外賣（如圖）我點咗 檬粉 跟小食，配料，沙律菜 餐廳都有用個分盤分開而且湯都係另上 路途遙遠嘅朋友都唔怕食湯粉了湯底清得來都幾好味配一凍杯奶茶都幾滿足凍奶茶要加$6 㗎全單有七折午市優惠抵食；）

工廠大廈都有西餐食？ 冇錯，依家好多工廈都有唔同類型嘅食肆。由老細帶路，今日就去咗太平洋果邊試下西餐。中午時間，都幾多人，等咗三四個字，入到去係迷你西餐廳。佈局係似，但因為土地問題，路都冇條好行。佢就地方工廈級，食物就西餐級。午餐都幾貴重有加一... avg應該要成舊水埋單於是我就叫咗個brunch，有煙三文魚、雞翼、德國腸、豬柳漢堡扒、炸薯餅、雜菜沙律，蒜蓉多士等等。上得好快，應該好似都整定，味道一般，三文魚太咸，得個咸字。蒜蓉包好硬。雞翼似係翻炸唔算太熱，有啲硬，味道只係知自己食緊雞翼。腸同豬柳都一般。得薯餅係正常，不過我覺得麥當勞果塊好啲。以價錢黎講，我寧願比多啲去郵輪碼頭食果邊啲西餐，叫做有質素啲。

一行三人搵地方食lunch, hea住去呢間係附近工業大廈入面嘅西式餐廳。叫個火車頭加小食套餐，仲會跟個沙律仔。三個人都係生牛肉/扎肉/雞絲/牛丸河粉，牛肉份量ok,仲幾大塊，但肯定唔係咩靚野，因為完全唔overcook半生情況下食都係hai同硬硬地小食只有三款簡，我地正好三款試晒，仲一致好評，我更認為係比主菜出色不少香茅豬扒，部位雖然都唔少骨，但冇肥肉，仲要炸得岩岩好！又香又脆！春卷，睇個樣都feel到唔差，炸得表皮好鬆雞翼，干身，夠味，樣靚！價錢七十左右一個set唔連野飲，價錢係呢邊其實都算係咁。環境空氣有啲局促。服務一般，因為佢地同層仲有第二間鋪，可能有少少分身不暇，雖然我講到啲小食幾ok咁，但主菜質素都要跟上先得架！要唔要試就交俾大家決定喇

Happy friday lunch 同一大班同事去食番餐，有得篤下波幾正，呢間餐廳長期爆滿，星期五唔book 位基本上唔會食到，好多年冇玩過美式桌球，好好玩，搞到我掛住玩唔記得影相，叫左個「黑松露煙三文魚炒飯」，個飯炒到好乾身，都幾多煙三文魚，不過就唔多黑松露，但味道好好味，跟餐送左個忌廉湯同蒜蓉包，不過就唔跟野飲，食完都幾滿足。 最緊要有得玩，，不過張枱同其他食客好近，有啲角度打唔到，有啲可惜。下次可以玩下飛標😁😁

位於牛頭角工廈內，附近是海濱長廊，中午時段人流頗多。餐廳的光線較暗，由於餐桌較接受廚房，當天傳來大陣肉桂味，可見抽氣系統略為不足。但食物味道不錯； Brunch ($75)內含煙三文魚、炸雞翼、沙律配黑醋汁，德國香腸，蒜蓉包及薯餅，算是飽肚，蒜蓉包脆香惹味，最為新鮮吸引，薯餅調味亦足，其他的也十分不錯，不會過份油膩。至於菠菜汁大蝦燴意粉（$78），賣相不及味道吸引，大蝦不會煮得乾身，但菠菜汁略嫌“杰身”。相比Brunch 就較為失色。餐飲選了熱和凍檸水，與茶餐廳分別不大或許是繁忙時段，所以員工態度有些急促，但尚可接受。

去探朋友,朋友建議去這間吃,是工業區的樓上食店 ,一到大廈冇乜期望,但去到門口,睇見裝修,有點像高級餐廳的,便立心一試,佢外貌像西餐廳,但有越南檬粉河粉,因不太肚餓,叫了個生牛肉河粉,和雞肉檬粉,咸檸七,香茅豬扒,這個生牛肉河粉,配菜齊全,還有香葉,味道也不錯,有點正宗,但那個雞絲檬粉,雞絲有雪藏味,影響了成碗雞絲檬粉,比較失色,還有那個,香茅豬扒,上枱時眼見豬扒面多油,吃下沒有香茅味,但整體表現不錯,因為我是吃生牛肉河粉,所以覺得冇乜問題,還有是分量也很大, 一定吃得飽。

成日話啟德冇野食但位於太平洋12樓既precious 就係一間隱世既 越式及西式餐廳之選今次個lunch set 就叫左豬仔骨配薯菜豬仔骨皮夠脆肉又軟 骨同肉好易就分得開薯菜方面就較為普通奶菜比較甜但對於呢區來講Precious 絕對係高質之選

其實有時工廈入面既餐廳都唔錯好似呢間野咁 雖然唔近地鐵站 但如果去開海旁既可以上黎食講番間野 環境幾多位 食物黎講對得住個價呢個粉好入味 好開胃 不過有小小辣 跟餐重有多士同湯（唔記得影相）個多士係即時整 上到枱重脆卜卜 不過有樣野就要講 上餐速度就慢左小小午餐黎講 $100落到樓 差唔多

由於我係海濱道附近返工, 所以今日同同事去太平洋食LUNCH~對上一次係九龍城食左一碗火車頭河覺得好難食, 所以今日要去食呢間補返數!其實呢間火車頭河我食過好幾次...每一次都好好食......河粉零雪味   加分! 湯好好飲! 牛丸勁香牛味! 我自己一個食晒成碗...湯都飲左大半碗有多

觀塘區工廈餐廳眾多，因公司位於附近，經常有機會試著不同的餐廳。而本月Lunch聚餐有同事提議吃這間cafe (後來發現他是盲選的)，只離公司8分鐘路程。其實自己認為這類cafe普遍質素一般，今次果然中伏，留下我在openrice的第一個負評。食物供應不穩定一如以往，我們一行人都會先訂好位置，讓店家在安排座位及食物方面早有預備，遇過有些cafe更能讓我們預先點餐，到時候就無需浪費時間等候。我們一行十人，點了些固定提供的越式河粉及是日西式套餐如香草烤豬仔肶及香烤雞扒等。過了半小時，店員通知我們所有越式河粉已售罄，我們唯有在另外5款是日套餐中選擇。過了一會兒，店員又稱某款套餐又售罄，提議轉作香烤雞扒。直至大部分同事也用餐完畢，其中一位同事的食物竟還未能上餐，店員表示原來雞扒餐又售罄了，可以轉越式河粉，剛才不是說沒有越式嗎？奈何我們要趕回公司，同事只好外賣河粉帶走。除了食物外，我們亦要再三催促飲品，店員才慢慢呈上，實在難以令人滿意其服務。西式套餐質素普通因越式河粉突然售罄，我們大部分點的都是西式套餐如香草烤豬仔肶配燒烤汁($88)及香烤雞扒配日式照燒汁($75)。套餐配有多士及餐湯，蘑菇湯的味

今日放假，專登嚟到呢一間餐廳食午餐，因為2點先到，所以店內只剩一兩台客，好快叫咗餐好快有得食，坐得舒服食物質素亦良好，值得到來。個西湯飲完其實唔知道係咩湯，類似薯仔掛，有啲古怪，未至於難飲，不過真係唔多好飲！叫了雞扒配薯菜同branch，非常喜歡同上的蛋沙律，調配的醬很香甜美味，咁好味份量多啲就好啦！個烤雞扒話係泰式醬，但係其實個醬只係面頭果少少，有啲搞笑，都唔緊要啦！最主要個雞扒都係好香口，熱辣辣，黑椒汁都好OK嘅！好怕有啲餐廳啲薯菜放喺塊扒下邊，吸晒油。呢度啲薯菜唔係咁，係完全可以食嘅。個brunch 種類都多，最突出就係個蛋沙律，非常好味，如果有得剩叫呢個沙律都值得叫！呢度朝早街上好似有優惠券派，但係相信只係附近返工嘅人先至可以攞得到了！旁邊有一間房有桌球玩，正有人包場食飯連埋玩，有興趣的可以一問！雖然呢度交通唔係咁方便，但我覺得放假其實可以專登嚟食個飯，佢食物質素OK，而旁邊觀塘海旁都好清幽，可以消磨幾小時！當係一個活動！

Lunch time 唔想又食茶記，見呢度食評唔錯就揀左呢間位於工業大廈入面Precious食番個西餐, Set lunch揀左煙三文魚忌廉意粉，朋友就要拿破拿鮮茄青口意粉, lunch set 只包左餐湯同餐包，另加$6就可以有埋野飲，我地兩個都唔好飲品所以都無加， 餐包係蒜蓉牛油方包表面脆脆香口好食，餐湯唔知係咩忌廉湯味道普通偏淡味，三文魚忌廉意粉都ok, 忌廉汁尚算creamy味道都不錯，意粉則略為淋了一點，朋友就話佢既青口意粉唔好食，拿破拿汁較酸青口較乾身無咩味，應該都係雪藏青口，其實總括來講野食就不過不失唔算好好味，食評咁好應該係附近無咩其他優質d既餐廳，所以係果區來講已經係最好了。