RAKU 楽by Eric Kwok

營業中

休息中

lunch唔知食咩好四圍行 路過官涌見到依間日式食店 見人唔多價錢又唔算貴就入去試下壽喜燒牛肉飯$98+10%飯都幾大碗 好多塊牛肉 仲要唔係薄到透果啲 係有質感 以前唔太喜歡食壽喜燒因覺得個汁好甜。 今日食感覺大改變， 唔甜好香 牛肉有咬口 加埋個溫泉蛋真係perfect match.日式咖哩豬扒飯豬扒好厚又大塊 個皮幾脆 不過可能佢太早裝飯 搞到啲飯凍咗影響口感。另外豬扒我略嚴淡口咗啲。如果兩者比 我喜歡壽喜燒多啲午餐配沙津前菜 麵屎湯 及 甜品甜品出色 沙津都好咪 麵屎湯就正常冇特別個人認為整體唔錯可以再試

呢一個串燒lunch set清清地唔會食到好滯但係味道唔錯，啱晒農曆新年之後瘋狂聚會兼食嘢帶嚟嘅罪惡感作出少少補償。我開頭都驚會唔會唔夠食，一陣要食下午茶仲因小失大，不過唔好睇小嗰幾串串燒同埋碗飯，食吓食吓原來都飽。佢呢個set係有五款串燒加一碗飯一碗麵豉湯再加多個沙律，啲串燒都笑得好有誠意，唔會因為係lunch set所以降低咗個水準，我自己幾欣賞個沙律，材料好新鮮，有一種好fresh嘅感覺，食嘅時候好似清一清個口腔同埋腸胃咁樣。

今天吃了一頓大快朵頤的輕食餐，地點在繁忙的佐敦中一角突然寧靜的角落，餐廳裝潢優雅中帶一點古典，一邊吃一邊望向巨型大窗外急急走著的路人，就有一點忙裡偷閑的感覺。支豆先來，綠綠的，清新非常，沒有冰凍感覺。螢光魷魚緊接著，魷魚就有一種爽脆的口感，咬開時像有一度新鮮的海水味飄進口腔，所配的汁亦調得很好，與螢光魷魚的味道和口感都很配合。最後是燒絹豆腐，軟棉棉的，木魚絲輕輕地降落在絹豆腐身上，為絹豆腐作調味。咖啡當然少不得，完美的一餐。

佐敦官涌街一帶大變天，靚靚餐廳一間一間咁樣開，今次幫襯左其中一間食lunch，食物味道、質素、裝修、服務等都真係唔錯。呢個係鮮熬濃雞湯日本秋田烏冬，佢個雞湯底真係做得幾好，我自己估計應該同佢嘅招牌三黃雞有關，所以佢個雞湯湯底好鮮味。配料方面加入咗菇菌，吸收晒雞湯嘅精華，特別入味好食。佢嘅雞肉雖然唔係亂畫嗰種，有質感得來又唔會有鞋又韌，雞味都算濃，好有走地雞feel，$98加一喺佐敦官涌街嚟講算係高消費，不過密有所值。

在佐敦近柯士甸站竟然有一間如此Chill的燒鳥店，唔洗再坐到迫迫夾夾，D食物質素都唔錯，而且紅酒白酒同Sake嘅選擇都多。呢個汁燒日本槍魷魚真係幾好食，槍魷魚肉質新鮮不在話下，佢落爐燒嗰部份都做得好好，師傅嘅燒烤技巧好高，魷魚剛剛熟，但係D魷魚邊又燒到少少燶，咁先至夠香。燒粟米都幾好食，舊粟米好甜，都燒得夠乾身，不過如果燶多少少應該會更加好食，會再香D。燒阿根廷安格斯牛肉雖然一碟加埋一要差唔多$220，不過又真係比平時食到的什麼安格斯呀和牛嗰D嘅牛肉味更濃郁，咬落少少煙韌，好適合要黎燒。

多個月前，記憶此店開幕路過，見門口很有格調，之後又忘了，最近看到網上有介紹，故立即相約朋友到來。嚟之前致電訂位，店員很細心，立即what’s app 電話跟進確認，一讚。店舖在佐敦有名腐乳店附近。一進大門，很多酒呀⋯⋯茶碗蒸~午餐定食，先來熱騰騰豐富的茶碗蒸，第一印象已吸引到筆者了。日式咖哩豬扒飯$118~由於首次到來，想試試他們的烏冬，於是加$20更改了雞湯烏冬。豬扒炸得鬆化，相比於傳統日本咖哩，沒有那份甜，反而有其個性，一讚，下次都是配白飯更為適合。壽喜燒牛肉丼$98~醬汁配上牛肉、豆腐、流心蛋，加加埋埋很開胃。定食配上麵豉湯，肚餓的時候，一定會相當滿足。南蠻炸雞酸種麵包$98~這塊雞好吃得不得了，第一啖咬落，即時很想啤一啤，可恨的是，下午還要上班，真要揾日過來happy hour 。定食追加咖啡$15~咖啡配甜品豆乳布甸口感豐富實在，黃豆粉配上布甸，喝一口咖啡，一陣幸福感隨之而上。事隔無耐，很快再令筆者再來，就是因為想試這款牛舌心燒極上牛舌心丼配溫泉蛋$168~滿滿的牛舌心，調配過的紫菜、溫泉蛋再灑上芝麻及葱花，很快就KO了整整一碗飯。燒白鱔$148~燒得乾身，皮很脆口，餐牌註明

工作忙碌，不容易來到星期五，就決定跟自己team 出去吃飯。之前來過這間餐廳一次，但是那一次我只是點了咖啡。印象中這裡的咖啡不錯，就叫我的同事一起過來。這裏有星期一至五的日替，一份煮食加一杯飲品只需要$88。星期五是冷麵，我就沒有點了。我點了燒牛舌溫泉蛋飯，同事另外點了牛肉三文治及冷麵。其他午市套餐包了一碗很高質素的茶碗煮。由於是下雨天，在餐廳內看到了一隻小昆蟲，都沒有辦法。餐廳內所有東西都是即叫即製，假如趕時間的話，例如沒有45分鐘至1小時，就不要選擇這間餐廳。這家是可以重複的casual餐廳。我的套餐包一碗白麵豉湯，有野菜喺底。我點了咖啡，牛奶另上，欣賞他先把牛奶打熱再serve。通知說很好吃的牛肉sourdough

燒三黃雞胸配柚子醬：肉質結實雞味香，柚子醬同佢嘅味都幾夾。燒三黃雞雞翼：燒得好乾身，最正係有少少燶邊。燒牛舌：牛味好出，咬落去好彈牙。燒雞軟骨：佢呢隻雞軟骨係連住少少雞肉嗰隻，燒到少少脆口。燒雞頸肉：估唔到雞頸肉d雞味咁濃肉質又夠嫩。燒白鱔：件鱔好厚身，鱔皮脆都燒到微脆。免治雞棒：雞肉混入少少雞軟骨再做棒，好味過平時出面食到嗰啲。燒七里香：其實即係燒雞pat pat，如果佢燒得再燶少少會更好，衣家d雞油未發揮到出黎，應該燒到少少燶邊先正。燒雞腎：個雞腎都燒得唔錯，不過個汁就鹹咗少少。戰績

RAKU 楽以串燒作為主打，招牌中嘅招牌係即叫即燒三黃雞串燒，選料來自本地最新鮮飼養嘅百日大三黃雞，肉質特別嫩滑，油份同肉汁比例均稱，雞味十足！除咗外嫩內滑嘅雞翼雞胸，你仲可以品嚐到雞蠔、雞心、雞尾等多款刁鑽部位，畀大家一次過食勻三黃雞油香四溢、皮脆肉嫩嘅滋味口感！