Rakuraku 樂拉麵 (康怡廣場北座) (已結業)

😄熱愛貓人士，應該會被牆上日本風格貓畫🥰吸睛入內。位置靜中帶旺。隨意在餐牌上點了一個定食在另加小食。係”胃”急call…「肚餓啦」情況下。冇諗過呢個火燒騰騰日式燒肉，😳肥肉入口帶點柔滑口感，然後慢慢溶入口中🤯。満足！😋我好少食肥肉，不過呢次不錯

-放工後同朋友相聚，第一次食呢間拉麵店！店內全部都係貓背景、連拉麵名都係用貓做主題🐱有白貓、黑貓、赤貓、櫻花貓～幾有唸頭😆-今次我地試左白貓（豚骨叉燒拉麵）$88雞湯清甜，麵質麵軟硬適中，最欣賞既係流心蛋😂.櫻花貓（特濃龍蝦湯叉燒拉麵）$98湯底似蝦湯多過龍蝦湯，無乜特別，麵質一樣軟硬適中，都係個句😂流心蛋最欣賞.叫左拉麵介可以加配小食我地加配左鐵板一口豆腐+$35呢個小食好好味，值得一試-味道: 💛💛💛環境: 💛💛💛💛性價比: 💛💛💛💛推介度: 💛💛💛Rakuraku 樂拉麵(康怡廣場)：太古康山道1-2號康怡廣場北座1樓F10號舖 星期一至五及公眾假期前夕11:30-22:00 星期六至日及公眾假期11:00-22:00

係第一次食#樂拉麵 , 之前都有食過兩三次覺得都ok ge! 餐廳佈景有貓wallpaper, 拉麵名都用貓命名, 例如有黑貓, 白貓, 櫻花貓! 櫻花蝦龍蝦湯拉麵 - $98湯底有鮮味，但就唔係好龍蝦味，蝦味都有嘅, 豚腩肉普通, 幾淋, 同以前無差好遠! 白貓(豚骨湯拉麵) - $88望落好似OK，但食落真係一般, 呢個湯底其實我真係食唔到係豬骨湯🤨好淡，冇豬骨味，我唔係好知自己係食緊拉麵😅明明之前食唔係咁…真係唔會再食🫣另外, 糖心蛋喺ok, 入味, 但亦都唔係好濃嘅鰹魚汁!煎餃子(4件) - 28係有四隻嘅，但有人太肚餓即刻偷食左🤣但講真個餡唔係好日式, 粟米豬肉黎😝但煎到個皮係脆咁囉

下午茶幾抵食，雖然份量少啲，但係下午茶呢個份量都OK，但係個飯就有啲肥膩，拉麵方面都係正常發揮，之前佢哋有章魚小丸子，都覺得好好食，但而家冇咗章魚小丸子，其他小食感覺都一般般

簡單同小朋友食個拉麵晚餐。溏心蛋角切义燒石鍋飯， 雞白湯义燒拉麵， 牛舌黑椒拉麵。溏心蛋角切义燒石鍋飯， 切到細細拉的义燒， 好香好食。 加埋有d餅焦， 超級正。 雞白湯义燒拉麵， 义燒好大塊， 但麵量較少， 麵身係幼身麵， 同平時食開的拉麵有d分別。 牛舌黑椒拉麵， 牛舌好香， 好林， 黑椒湯底好濃味。

今次試下太古城喱間拉麵店除咗拉麵外仲有飯可揀 所以試下一飯一拉麵拉麵揀咗櫻花貓（特濃龍蝦湯叉燒拉麵）飯揀龍蝦湯海鮮石鍋飯加多個小食炸芝士年糕 先講小食 我覺得麻麻地 雖然佢都係軟軟糯糯即刻炸起 但我覺得似薯餅feel多啲 仲有少少雪藏味 個飯 望落好細個 不過原來個鍋好深 量係多嘅 佢面頭鋪滿海鮮 蝦 迷你帶子 蟹柳捧 螺片 同蜆肉仔 仲淋咗芝士汁喺面 飯就係充滿龍蝦湯嘅濕飯 龍蝦湯味都濃嘅 不過海鮮其實都無乜海鮮味 我覺得依個價錢可接受啦至於拉麵 水準都係中上嘅 櫻花蝦味好濃 但佢明明係龍蝦湯 可惜俾櫻花蝦味蓋過咗 麵係幼麵 硬度適中 叉燒係厚肉 都好入味 仲有全隻溏心蛋 質素唔錯值得一提嘅係佢有一幅貓貓牆 好色彩繽紛 好靚

新界牛出征港島晚餐，康怡其實選擇不多，樂拉麵是第二次吃，感覺較穩定及適合家庭。白貓拉麵正常發揮，不見得有驚人之處或極有特色。蟹糕飯反而有驚喜，味道出色。豚肉飯是小朋友食，中規中矩。員工態度幾好，值得一讚！

8號風球下的午餐，打風都要食嘢㗎，落康怡廣場搵食見差不多一半食肆都有開，打風對香港人來講都習以為常了。和太太隨心走入這間拉麵店，人不多，連我們只有3檯客人。黑蒜🧄油拉麵🍜（黑貓🐈‍⬛）：湯底濃郁，叉燒肥瘦適中，好好味，配料有炸藕片、糖心蛋🥚，柴菜、木耳絲、芝麻、香蔥，唯一挑剔是湯底偏油及稍醎，辛辣拉麵🍜（赤貓🐈）：相比黑貓，呢個湯底相對無咁油，而辛辣味亦適中。👍👍海鮮燒餅🫓：份量不大，放在燒熱🔥了的鐵板上，外層焦碎，內裹食到一大大粒的八爪魚🐙，面層的沙律醬及醬汁好惹味。鋪滿了柴菜和木魚碎，堅好食👍👍👍

話說好耐無去太古行街，行左陣搵食搵到去康怡，見到有拉麵店🍜唔使等位就入去試下星期六黎講，舖頭入面幾冷清🫣入到黎有本好cute既貓貓menu，揀好就自己scan QR code落單，有得自己選擇麵既硬度，叉燒亦可以揀豚肩或者豚腩。見到個櫻花貓 - 特濃龍蝦湯叉燒拉麵 ($98) 好似幾吸引就叫黎試下，黎到碗麵都幾多櫻花蝦，除左流心蛋，仲有木耳絲同炸蓮藕片，而叉燒就揀左豚肩。炸蓮藕片好脆好好食，叉燒就還好，幾嫩口。我個人就比較喜歡食硬麵，佢呢個麵質煮到又唔算好硬，反而似適中🤣都ok既。開頭試左兩啖湯，的確有幾濃郁既龍蝦湯味👍🏽不過奇怪既係，食食下覺得個湯底好似愈黎愈淡…淡到好似無左龍蝦湯味…😂好啦咁另外叫左個黑貓 - 黑蒜油豚骨湯叉燒拉麵 ($98)，明顯地見到叉燒唔同既，因為揀左豚腩，肥瘦比例都可以。不過呢個黑蒜油湯底既問題就係佢好多油，但係又無咩黑蒜味同官方介紹都幾唔同🫠由於早餐都未食既關係，有啲餓既情況下就額外叫咗半份拉麵，hmm由於湯底都麻麻，加半份麵好似有啲浪費左…個胃 lol Anyway，呢度既拉麵同配料其實都算正常，不過拉麵最重要既湯底就真係好一般，雖然價錢就唔係好貴，但係

拉麵🍜係其中一樣堅持唔想外賣嘅嘢食，所以之前疫情嚴重嘅時候，已經好耐冇食lu….有日Lunch time 响屋企附近搵食，見到有間拉麵舖望落幾日本，而且牆上畫咗好多貓貓好得意，所以就入去試下啦⋯原來佢有部份拉麵以貓來命名🐱，我哋試咗佢哋嘅櫻花貓(即係特濃龍蝦湯豚腩叉燒拉麵)，湯底有驚喜，果然真係夠哂濃，不過感覺似蝦湯多過龍蝦湯😅😅，豚腩都唔錯😋😋另外仲試咗限定推介慢煮牛舌黑胡椒湯拉麵)，呢個一試無妨，但真心無蝦湯咁出色，牛舌都係普普通通😅😅另外再追加咗日式餃子、溏心蛋同汽水，盛為$308大元，兩個都食到好飽🤭🤭

On the previous weekend, after watching a movie in the Hornhill Cinema, it is about time to have lunch. After comparing different restaurants, I finally chose a ramen shop called rakuraku ramen, which its menu looks attractive.I have ordered the Ramen in lobster soup, which costs about $100. The outlook of it is up to standard,with toppings of different colors, it seems there are different layers on the ramen. Its taste is fantastic, the noddle is not too chewy, its pork is quite soft and fat, w

有一段時間冇黎康怡廣場，之前食過這間拉麵，點了一個白貓拉麵，感覺唔錯。今次第二次來，點了一個新推介拉麵，雞白濃湯拉麵，雞湯濃郁清甜，拉麵軟硬適中，流心蛋好好味，叉燒都算ok, 值得推介。另外朋友點左龍蝦湯海鮮泡飯，佢話味道都唔錯。我們點左炸雞share食，都好juicy好滑。至於服務方面都ok, 而家轉左QR code落單，都算幾方便，侍應都幾好禮貌，唔使叫會自動斟水，感覺都幾好。下次再嚟康怡，都會試埋其他款式拉麵。

幾個月前食個呢間rakuraku 樂拉麵嗰時覺得個湯底好濃郁，好正好鍾意佢嘅黑貓同白貓拉麵疫情後，晚市重開，返嚟再食一切已經係歷史…….今日個黑貓係黑松露味？！唔再係黑蒜……失望其他小食，個炸蓮藕片，係在油膉味，點攪呀？係老闆轉咗？定疫情後經貿環境改變？價錢唔算平，定質素不乎兩大兩細食咗$398，連加一，但實際無乜服務可言，單自己落，水自己斟嘅…….唯一可讚咪幅壁畫囉，可以打卡以後都唔使再嚟食啦，又少一間好味嘅拉麵

諗住食下拉面 點知呢間難食到嘔 什麼龍蝦湯海鮮飯？成個飯可以冇味 我以為自己食緊白飯 D海鮮…….. 得幾粒蝦 元貝 尤魚仔都算 仿鮑片都可以放落去 我以為自己食緊茶餐廳 大佬九十幾蚊 細兜已經算 成個病人餐咁到個拉麵 唔熱 仲要又係冇味 牛舌簿片三塊 個面真係水準以下 個湯頭直頭淡而冇味 個QR code落單一定要人加野 加左兩片厚叉燒 但分開上有咩意思？放埋落碗麵到啦大佬 D客會以為冇加架！仲嗌左個乜燒餅 南瓜餅 芝士年糕 冇咩特別普通嘢！可能全餐最正常係罐可樂 真係未食過咁難食既拉面舖 最後仲要加一服務費 唔會有下次！

新春遊山玩水完畢，身心疲倦又肚子餓，想找個地方醫肚又可坐得舒服。見樂拉麵不用排隊兼且以貓為背景的裝修很吸引。卡位坐得我好舒服。餐牌內附有漂亮食物圖片但就不太清晰😅。我叫了醬油貓拉麵，加配一份汁燒米茄子及鐵板海鮮燒餅、另加$10樽裝抹茶（淳茶舍為何不是用日本牌子？）。手機下單好處就是可以看圖識字，否則$10/杯綠茶就覺略貴。麵質可自由選擇硬身、適中、軟身，有蔥、多蔥、冇蔥等自總有一款啱你。個人覺得3樣食物都好味。最愛鐵板海鮮燒餅，鐵板上熱辣辣，雖然不知食了甚麼海鮮。茄子賣相很精緻，一碟有3件。