影片
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
5點 喺外賣平台諗住嗌嘢飲選項中冇得選擇有冇飲管只能要1蚊膠袋費搵外賣平台 做埋外送 想賺多啲錢但係最基本嘅服務連一支飲管 都比漏人到個客打返過嚟話你冇俾飲管你個Staff居然 一句人手不足冇得送返一支飲管過嚟收60蚊 但連一支飲管都比漏人哋點飲？ 仲好意思話打開個蓋可以飲有成幾間分店 都話人手不足唔肯彌補自己錯誤送返支飲管俾人？差。
繼續閱讀
叫左雲朶桂花烏龍，炭焙烏龍，檸檬汁，仙草牛奶，白雪朱古力，全部都不過不失。白雪朱古力幾好飲，多cream ,本人勁愛cream所以覺得唔錯，檸檬汁都夠酸，烏龍茶就係普通既茶味，冇咩特別，因為賣平台叫，有折，係附近最近係佢，夠方便咁解。
繼續閱讀
有日係銅鑼灣行緊街個陣突然覺得好口渴，就衝左入去最就腳既呢間茶飲店拿拿聲買杯嘢飲解渴💚雲朵青提 - 微糖 ($42)青提呢個選擇幾少見，所以就揀左呢個試下，可能係青提本身既味道比較清既關係，溝埋茶之後只有微微既青提味，但係味道幾清新，同個茶底好夾。茶底都唔錯，唔會太濃但又有茶既甘香味👍🏻好解渴雲朵即係奶蓋，一望就知勁厚🤣比得一啲都唔手軟。質感比較稀，奶味芝士味都ok，唔會過鹹，本身已經好大杯，再加埋咁厚既奶蓋，飲完之後降曬溫得嚟即刻飽曬美中不足就係價位屬中上，有啲肉赤
繼續閱讀
話說諗住放工去皇室堡行下GU，P&B 點知執鬼曬😢，漫無目的咁行下見到呢間嘢比佢裝修吸引左。睇下個Menu諗住叫桂花烏龍＋芋圓，order時點知見到收錢個螢幕彈咗個芋圓芋泥牛奶好似好吸引😍，咁就轉左黎試試。賣相好得，出黎又真係同張圖冇分別。佢冇得少冰，咁我就叫少甜😁，但對我都係有D甜，好足料但奶就好似小左D，當佢一個甜品食😂反正未食飯，飲完成杯就真係好夠好滿足❤️ 反而下次想試下佢個草莓乳酪牛奶。佢話可以whatsapp落單，等我下次叫埋成班同事一齊試下其他先👍
繼續閱讀
見皇室堡開左間新既台式飲品店, 裝修格局係藍色主調🩵等候位置空間大, 剛好又冇咩人排隊就去試一試味道。一共叫左兩杯飲品, 分別係蜜蘭奶茶(熱) $24同紅茶鮮奶 (熱) $33, 珍珠都係需要另外加$4🧋 蜜蘭奶茶第一啖飲落有好香茶味🍵而紅茶鮮奶茶味就冇咁出。兩杯都叫左微糖, 但唔知點解仲好甜🍬唔知係咪珍珠本身甜而引致, 下次再飲可能要走甜。但珍珠都算大粒, 咬落好煙靭, 唔知硬🤩每買一杯都有印仔，儲夠10杯就可以免費1杯😎
繼續閱讀