Refreshment

營業中

休息中

觀塘有好多餐廳，之前返工時多數都係同同事出去食，好少叫外賣，之前經過毅力中心見到好多外賣店，試過一次兩餸飯，完全唔好食但勁多人排隊……今次就試呢間西餐外賣店.蒜香辛辣欖油大蝦🦐配意粉🍝$62外賣黎講賣相唔錯，份量都幾多。意粉好香蒜味，大蝦有四隻無雪藏味，成個意粉整體幾好食。每份餐都跟湯，個湯係蕃茄忌廉湯，幾creamy，但我第一啖飲唔出係蕃茄湯😂😂😂.仲有幾款都想試埋，下次再去買，性價比都幾高

今日泥到呢間意粉小店❤️我平時食開都係lunch hour, 佢不定時會改menu, 每次嗌意粉都會送個湯❗蕃茄湯好鮮味☺️今次嗌既都係我經常食既 "法式油封鴨脾黑醋汁扁意粉"👍鴨脾好香, 焗完塊皮夠薄脆, 肉質keep住以嫩滑👍配埋濃郁的忌廉意粉底, 成個意粉超夠味! 份量都好足! 我一個女仔其實食唔曬, 男士食呢個做lunch一定夠!!我仲+$10 換左支白桃烏龍, 勁! 大! 支! 飲完可以feel水再沖❗大家都可以whatsapp落定order, 去到比錢, 咁就可以慳返d時間

夏天無乜胃口，想食清淡哋，試咗Refreshment嘅沙律。有幾片鴨胸+幾片紅酒燴梨 (鴨胸下面) + 新鮮沙律菜 -> 份量徧細，適合夏天無胃口食隨餐附送忌廉湯，味道一般般