Relaxing tea house + Fragrant Kitchen (已搬遷) 新店位置

同老友去葵芳買完nds後諗住搵個地方坐低傾下野老友提議去呢度佢話係度食過一餐唔錯o既dinner有幾款下午tea set可以選價錢都係廿幾至三十幾蚊包一杯熱野飲老友叫左朱古力芝士餅我就叫左法國窩夫配雪糕球個芝士餅食落去唔錯不過本人喜歡藍莓味較多而窩夫新鮮熱辣整起兼大件夾厚即使好厚都仍然鬆脆加埋雪糕球同朱古力汁簡直一流奶茶就較為一般初時聞落去茶味都幾香幾純但一加奶後發覺奶味同茶味唔係太夾間店分露天同室內我地今次坐室內我就覺得露天環境好D整體o黎講環境真係唔錯係tea一tea o既好地方

昨晚專程去試，發覺比想像中失望:1. 沙律款式少，大部份都係薯仔，食完都飽飽地2. 冷盤的螺唔refil3. 頭盤甚麼"xxx豬柳"完全唔合格，又乾又硬，比煲完湯o既豬肉仲難入口，基本上一件都吃唔落，仲要成$106，十分十分唔抵4. 生果只得西瓜，d肉白色的，一睇就知唔甜個種5. 甜品款式不多，芝士蛋糕唔夠濃味，失望失望真係一分錢一分貨!

是晚又係約左朋友來逛街，不過未行之前醫左個肚仔先原來新都會有relaxing tea house ~環境真係幾靚喎! 但我地食晚餐就略為嘈吵少少啦. 我諗high tea 應該唔錯的~ 同朋友都係食半自助餐~~即係一份主菜+ 沙律甜品冷盤任食我最鍾意食青口,食左好多隻個主菜都幾好味~~~以100 蚊食到咁多野...其實都幾抵~

成為了這店鋪的熟客快將一年了，但還是第一趟來試悠閒下午茶。假日下午茶時間為12:00-5:00(還是12:30-5:30?)因為要上課，所以兩點半才到達，但食物還是很充足。熱食放在內廳，沙律和甜品放在外廳。熱食放面，不能不提的是豬扒、雞扒和薄牛扒。如果以為是大批製作定必如一般酒店般熟的滯就錯了，豬扒很滑，大塊(也有細塊的選)，薄牛扒也不是靭得鋸不下的那種貨色。可以拿一兩塊開開心心的在位子裡鋸扒。還有意粉！不能不提，正不在於個意粉，而是個意粉汁！這個汁係有名堂架，不過唔太記得(好似係栢士圖汁)，是一個好好味的汁，曾經晚餐來吃已經讚賞不已，想不到這趟還有機會再吃。其他還有燒賣、叉燒包、春卷，一般味道但合格。飲品方面有一款花茶免費！對，是晚餐要+10元才能換到的花茶。是悠閒的下午茶麻，當然要喝一杯花茶才像樣，令人精神鬆弛，很有悠閒的味道。沙律是常見款式，可惜沒有了晚餐必吃的凱撒沙律。甜品只有一款芝士蛋糕(這兒的芝士蛋糕個人覺得比栢景餐廳還要好吃)以全包價75元來說，是物超所值。至少比兩星期前在美麗華酒店吃的下午茶自助餐抵食。

經多位同事推介,決定同朋友一齊試試呢間野, 感覺幾抵食, 餐廳推出個半自助晚餐,我叫了海鮮闊麵, 感覺麻麻地好食, 另友人叫了羊扒,幾so, 都ok.至於前菜同甜品, refill好快, 侍應有禮貌,特別推介青口好新鮮....

原來葵芳都有好多正野食, 真係自己住呢頭都唔知今次係我第一次黎食, 同旗旗大概七點半到, 環境幾舒服, 侍應都好有禮貌, 有個半自助餐, 只要叫一份set dinner, 就可享用沙律bar, 冷盤同甜品bar, 我地叫左個寬條麵( $88 ) 同一個鵝肝西冷扒要六成熟( $148 ), 寬條麵ok 啦, 不過都幾細碟, 鵝肝好味, 西冷扒就熟過頭, 整體黎講都幾好味, 另外個白湯都好好味. 冷盤有青口, 蝦同螺, 都幾鮮甜, 而且refill 得幾快. 收碟又快,我當然唔會錯過甜品啦, 不過只有一款cheese cake, 有d 失望, 我都食左兩件仲有麵包布甸, 涼粉,雪糕. 今餐都好滿意^_^星期四晚去都算爆場, 不過做多d promotion 會好d, 因為位置都比較偏. 唔行到去門口都唔知有buffet食.

我贊成樓下的評語,我和老公早前去食過,我哋只係食沙律及甜品個餐($78)都已經好飽。冷盤的螺最正。之後我哋都勁食甜品,我一個人都食咗六件蛋糕...芝士最好味,朱古力都ok。撻和蛋布丁都好味。總之樓下的評語既詳盡又真確啦!若喜歡吃濃味芝士蛋糕之朋友,我推介這間餐廳。但若喜歡多款式和熱盤的朋友,我就不贊成去這兒了。

尋晚同兩個朋友帶住一個就o黎兩歲大o既世姪女o黎o左呢o度食晚飯,由於朋友推住BB車,而尋晚個場好爆,因有一班一行34人o既booking,所以......我o地張枱係入面第二張,開頭我o地行到去時,係四張摺椅,我o地梗係唔鍾意啦,於是叫佢換返,由於真係太多人,所以只可以換到最後o個兩張高背椅畀我o地;而個小朋友就好啲,有BB椅坐,唔錯;而最唔錯o既就係呢o度o既侍應都好好,主動話幫我朋友'泊'好架BB車.之後我o地就安安樂樂咁享受我o地o既晚餐plus朋友o既生日飯.睇睇餐牌,咦?有我未食過o既魚子醬,而且我覺得要食魚子醬非要到高級餐廳/酒店不可,所以即使唔多鍾意食煙三文魚o既我,都係揀o左$88.00o既魚子醬煙三文魚天使麵,一個朋友同我一樣,另一個朋友就揀o左$98.00o既燒春雞配甜薯.好,出去攞湯,頭盤同沙律先,湯得一款,重要係我唔飲o既羅宋湯,失望.我覺得呢點失敗o左少少囉,點解唔係最少有兩款湯畀人揀o既咩?@@"頭盤有凍蝦,螺,青口,凍肉等.由於唔食得蝦,所以冇試,試o左啲螺同青口,螺就一般,青口唔腥,可以唔加檸汁食,唔錯.之後侍應好有禮貌咁問可以上主菜未,當然可以啦.我

食物質素不差,甚至有驚喜,服務也很好由其是一位男性經理。環境也頗為舒適,是值得推薦的一間餐廳。

放工前雷暴/大雨警告將所訂計劃全盤推翻,本來打算食set lunch,但見到"週末閒情buffet"只係$68??試下無妨bor!有位戴眼鏡先生安排我坐白色屋仔內一個自閉位,可以得閒望下上面玻璃天幕既雨景又或者樓下function裡面既周汶錡n崔健邦,very good!!!先來一碗雜菜湯連蒜蓉法包,雜菜湯相當多蔬菜,味道偏酸,湯底唔太杰,開開胃口唔錯;蒜蓉法包可惜已過氣,食落已經唔脆了;另加小半個吞拿魚法包,法包又係唔脆,中間吞拿魚味道唔腥加上沙律菜之後,都算可以一吃。熱盤分2次揀忌廉汁青口寬意粉走青口(意粉口感剛好,忌廉汁味道淡淡但幾油);咖喱雞(咖喱汁味道一般,雞好孩,唔太好);龍脷柳新鮮煮起,外脆內滑,ok;金沙骨味道甜甜地,煮得好淋,一咬就開;最好味為蜜汁雞翼,雞翼肥美多肉,面頭煎得金黃,加上甜甜蜜汁,呢個的確唔錯!!點心只食左兩粒魚肉燒賣,蒸得時間剛好,只可惜好重胡椒粉味,連7仔燒賣都好食好多;其他牛肉燒賣/叉燒包、銀絲卷呢d都唔太想吃lu。沙律bar有幾款沙律,但食落全部以薯仔做主,只係味道唔同-__-"沙律菜尚算新鮮,而且有兩款沙律醬配合,ok啦!甜品試左芒果布丁、涼粉

本身睇完食評, 有不錯的評語, 便訂位試試,7:20pm 左右到, 人不太多, 亦較靜, 分開salad bar (近門口) & dessert bar (入面),Set Dinner 太約有十幾款, 由$88-168,點了個半邊雞併蕃薯"容" & 原條龍脷柳.....之後就到salad 望望, 不錯, 可能本身食得清, 感覺不錯, 最值得推介"咖喱菠蘿雞" 酸酸地, 不錯....set dinner 都不錯, 原條龍脷柳較油, 朋友的蕃薯容感到好特別.....之後, 食甜品, chesse cake, puff, 啫喱, 推介係"焗麵包布丁".....今次無試花茶, 因為覺晚餐試有點怪, 留待下次tea time先~~

1月同2月都分別0黎過一次，不過咁多個月都懶得寫當日0既食評上0黎…(遲幾日再補上吧>.<)今次我點樣懶一定都要寫一寫，今晚放工0個陣突然落起大雨，我由屯門出到0黎葵芳已經半身濕透同埋又凍…去到餐廳見到NICENICE梁生在門口招呼客人，我向他SAYHI之後忍唔住同佢講我0既慘況(對鞋濕哂行到腳痛…)點知佢話借對鞋畀我著不單只，仲話幫我烘乾對鞋，咁樣我可以響食完之後可以著返對乾鞋走…我當然話不用了唔使客氣^.^入座後不久梁生走來叫我跟他入去(廁所附近0個條巷仔)，原來他已經準備好一對鞋畀我更換…0個陣我真係好感動丫…換過鞋後，佢就叫我去食0野，而佢就幫我拎對鞋拎去烘乾>//////////////<好喇，講返今日0既主菜先：香草忌廉汁海鮮闊麵$88—非常好食的麵。我好鬼鐘意呢種忌廉汁，上次都食過一次之後就好懷念~~~而且配魚柳食係一級捧0架﹗杏仁焗青衣魚柳伴鮮露荀配柏士圖汁$109—魚柳用了WASABI去醃，帶出少少辛辣0既口味，柏士圖汁係一種很特別的醬汁，清清甜甜的，我覺得配蔬菜很好吃(因為魚柳我點忌廉汁吃，哈哈)今餐梁生就同我地講左個柏士圖汁煮法同d

見到relaxing tea house 進駐新都會，我和女朋友這段時期工作都好辛苦，係時候要去relax 一下。到了才知午市有自助沙律吧供應，細心的部長給了我們一張在開揚的小白屋內一角小枱，自成一角，舒服滿足。沙律吧選擇不算多，卻頗合心意，我喜歡食凍肉，女朋友試了所有沙律，味道都不錯，沙律吧必備的粟米、生果、生菜亦合我們口味，忌廉湯可以，雖然熱葷款式較少且質素普通，但單是那些不停供應的各款芝士餅和任意添飲的花茶已能滿足我和女朋友，這餐午餐食了1.5小時，果真relax ，光了環境已令我倆好滿意!

給婚宴打尖的遲來食評。　忙碌的一天，更需要一頓舒服的午餐，給自己充充電又回回氣。　一段時間沒來，是日與友人一起重溫這間環境優美的茶屋，才知現有自助沙律吧供應。真好，正適合近來飽飲飽食的我，逐揀了淨沙律餐!　小小的一角選擇不算多，卻頗合心意；主打沙律有三款，包括菠蘿雞胸肉沙律、吞拿魚四季豆薯仔沙律，以及自己mix & match的凱撒沙律，當然少不了沙律吧必備的粟米、生果、蕃茄仔、生菜、各式沙律醬。拿了一轉回來，才知道午餐還包忌廉湯及蒜茸包兩片。老實說，就這樣都夠飽了!　忌廉湯有進步，因有大量蘑菇茸贏取我歡心。蒜茸包就一般，死症是不夠熱，理所當然的吃剩以留位予沙律。微辣的菠蘿雞胸肉沙律深得我心，一來自己的回憶作祟，二來芥辣沙律醬與清甜菠蘿的配搭令人歡喜。吞拿魚四季豆薯仔沙律就差好遠了，太油也過咸，不吃也罷。而凱撒沙律是平均水準，但勝在自己動手mix & match，芝士粉、煙肉乾、沙律醬等份量可以自己拿捏，完全是「唔食得都玩得」!三款主打沙律中兩款都滿意，加上最的熱奶茶對味，這頓午餐滿意的收貨。　價錢方面，淨沙律吧只索$40，埋單加一每位也才$44。友人說抵，我說在新都會中是超抵!　之後

經此網介紹，3/23 的晚餐便選了此餐廳，到了新都會找了整個四樓也找不到，原來是五樓(即舊意粉屋位置)。沒有book 位也可以即時入座，可能當時還早(19:15)，環境不錯，叫人有一種舒服的感覺，不會太局促。地方分為室內和室外，雖然室內的感覺不錯，但是我認為室外的氣氛會好得多。點了三份set dinner，分別是天使麵、雞胸、燒羊架大蝦(不記得該正確名稱)，主菜未到前，便有自助形式的前菜冷盤，以不是正宗自助餐來說，味道和種類都可以接受。主菜方便，天使麵給我的印象很好，很有水準；雞胸比較粗糙，不夠新鮮；而燒羊架大蝦是首選，很好吃。賣相一流，價錢亦不是貴。不過甜品方便就比較遜色。