room 3

營業中

休息中

特別節日梗係要有啲驚喜，元宵佳節去咗呢間神秘嘅打卡酒吧，門面精緻隱約見到燈光比較昏暗，但非常有格調。整體感覺比較時尚裝修靚，但價錢唔算好貴。cocktail menu用水彩畫風展示，呢首真係好靚，最鍾意Empress ，因為佢哋送嘢飲嘅方式係成個寶盒送過嚟，睇落去杯嘢飲好似識發光，女仔一定會好鍾意，帶女仔過嚟就啱❤️個底有蘋果加青檸。Geisha Story都好靚上面有花花，底層係蜜糖色，上面加左少少紅酒，明確靚串燒方面推海膽帆立，海膽好多視覺效果一流。免治牛肉棒入邊有好多軟骨粒粒，蘸上甜甜地嘅月見汁就更吸引。溫泉蛋培根吻魚仔野菜沙律瞓啦，好多溫泉蛋蛋黃流落去魚仔脆脆，形成獨特口感✌🏻 蒜香燒日本蠔，已經拆殼，而蠔肉大大粒，蠔肚位置creamy。松葉蟹明太子冷烏冬麵幼身食落軟滑，有大量明太子醬汁同烏冬混合，每一條都好掛汁，松葉蟹肉份量十分之多，一絲絲粗幼平均，令口感一致。火炙牛肉日本溫泉蛋丼我最鍾意呢個飯🤩火炙牛肉非常之香口，而且甜甜地 ，溫泉蛋蛋漿輕輕與牛肉混合，令味道提升。

H Zenter來過幾次都是去逛谷辰，之前有一次約朋友一起逛，朋友說不如試試這裡的餐廳，於是上網看見這間假日也有set lunch，而且有8折，於是就選了。 這間餐廳環境氣氛很好，職員有禮，另一邊廂有客人正在佈置生日會，這裡也很適合搞Event。 我們一人點了一個餐，然後Share食 日式燒汁白鱈魚扒拼大蝦配白飯 ($298) 白鱈魚肉質嫩滑，魚味鮮，煎得香口，皮亦煎得很脆即使淋了汁仍能吃到脆口口感。日式燒汁調味，帶有微微的甜味和鹹香。大蝦果然很大隻，背部介開了容易進食，大蝦爽口彈牙，煎得香口，啖啖肉 頂級美國燒汁肉眼扒拼帆立貝配白飯 ($368) 肉眼扒肉質柔軟，熟度是廚師發板，帶粉嫩，肉味香。帆立貝口感鮮甜且柔軟，夠大粒，熟度剛好。 亦會配上蕃茄，青瓜，粟米和椰菜絲，可以解膩。 每款set lunch都會附送沙律，蔬菜很清新，配上沙律醋很開胃，沙律亦有車厘茄，火龍果和蜜瓜，很鮮甜。 甜品是大福，外皮煙韌，內裡的忌廉甜度適中，口感輕盈，面頭舖上紅豆。 無糖日本煎茶：茶香很清新，有煎過的香氣。Set lunch份量都很多，很夠飽。

最近同朋友去咗尖沙咀嘅Room 3預先慶祝農曆新年，餐廳環境舒適，適合大家聚埋一齊吹水。而且除咗飲品好靚之外，食物都意外地出色。核桃小甜魚，甜甜地嘅開胃前菜，啱曬一路食一路睇menu。無花果蟹子沙律，無花果增添咗微微嘅甜酸味，感覺清新。迷你蟹王蟹肉窩夫撻，蟹肉又多又鮮甜，食到好滿足。黑豚玉子燒，略帶鹹味嘅黑豚肉，配合甜甜嘅玉子燒，味道層次分明，非常吸引。日本豆腐，豆腐炸到酥香，同時保持彈牙，木魚亦好香。雞中翼，燒得啱啱好，帶有焦香。雞翼釀鮑魚，賣相特别，鮑魚仲好大隻。北海道辣味魷魚肝汁松葉蟹肉意大利麵，有好輕微嘅辣味調味，餐廳用咗煙韌嘅魷魚同好肉地嘅蟹肉，帶出唔同感覺嘅鮮味。天使麵吸哂啲汁，夠曬入味但又唔會太heavy。蔥拖羅三色紫菜TACO壽司手卷，炸過嘅紫菜加上鮮味吞拿魚蓉同軟熟嘅白飯，口感豐富，配合得天衣無縫。甜品菠蘿焦糖燒，燒過嘅菠蘿配上焦糖醬，甜而不膩，直情想一個人食哂。自家製紅豆布丁，香濃嘅紅豆味同滑流嘅布甸，簡簡單單但係做得非常出色。飲品方面，Empress雞尾酒放係一個發光嘅木盒入面，非常華麗，聞落去有少少煙燻味嘅感覺，原來係用咗紫蘇葉，調酒師仲用咗酸蘋果、青檸、同Ja

收工去左位置好方便的日式居酒屋Room 3, 裝修由門面到餐廳內都好靚，Date Night Dinner for 2, 飲品Ananas Epice, 青檸味既Vodka,配菠蘿、檸檬、柚子但係又帶點辣，感覺清新。Emperore, 我個人口味好鍾意依杯Cocktail, 味道非常之有層次，有威士忌、苦艾酒、阿瑪雷托力嬌酒、法國麗葉開胃酒、朱古力味苦精酒，全部都係唔同既酒，竟然可以夾埋同一杯，好有驚喜，大讚！仲要用個發光盒做擺設來打卡，好有心思的Signature cocktails.小食有吉列蠔，炸得好脆又無腥味、迷你蟹王蟹肉高夫撻，蟹肉份量好多又好有鮮味。串燒有孜然黑豚腩，燒得剛好，肉質好嫰、西班牙黑豚玉子燒，味道好夾而且層次豐富、雞翼釀鮑魚，第一次食到依個組合，原來可以咁搭配，鮑魚仲要煮得好入味同淋、海膽帆立貝，依個真係最佳組合，好美味！主食有北海道辣味魷魚肝汁松葉蟹肉意大利麵，食落好多重味道，有辣味又有唔熟悉既魷魚肝汁，偏向惹味，再配合返松葉蟹伴意大利麵，好刺激到胃口！火炙牛海膽紫菜TACO壽司手卷，又有海膽，大滿足！最後甜品有自家製紅豆布丁同菠蘿焦糖燒，都係有水準！

Mocktails:Sour Elf: This refreshing mocktail features homemade strawberry cordial, balsamic vinegar, fresh strawberries, basil, soda water, and edible flowers. The combination of sweet and tangy flavors, along with the aromatic basil, makes it a delightful drink.Pink Christmas: A festive blend of Seedlip Grove 42 Gin (non-alcoholic), Lyre's Italian Spritz (non-alcoholic), fresh grapefruit, elderflower syrup, fresh lime juice, grapefruit juice, honey, egg white, homemade orange water, and dried r

朋友生日，揀咗呢間餐廳慶祝。餐廳好有氣氛，燈光柔和，裝修好有心思，環境廓落，適合傾計。侍應嘅態度好好，知道我哋係嚟慶祝生日時，仲特意準備咗小驚喜食物都唔錯！壽司他他好特別

Room3呢間日式居酒屋酒吧嘅儀式感滿滿，門面裝修靚靚入到去燈光昏暗而且用咗日本為主題，佢哋分咗兩個區域兩邊嘅裝修都係靚靚可以放心打卡。佢哋仲有啲人套餐過嚟傾偈飲嘢，份量剛剛好一定要叫佢哋嘅招牌cocktail ，真係好靚Geisha Story又靚又好飲上面有啲食用花，底部係蜜瓜嘅顏色，面頭加咗少少紅酒做點綴，Empress 隻狗係屈機打卡級數，職員會成個寶盒送過嚟，盒入邊識得發光，個個都會好鍾意！串燒食左海膽帆立，鮮嫩嘅帆立貝上面鋪咗滿滿驚火炙嘅海膽味道一絕。秋葵豬肉卷好出色，豬肉烤至微焦，秋葵仲係有好多汁唔會燒乾。免治雞肉棒入邊有好多軟骨粒粒，配上甜甜地嘅月見汁就更吸引。有個沙律都好特別，溫泉蛋培根吻魚仔野菜沙律瞓啦，最特別係佢哋有啲魚仔脆脆，我沙律有唔同嘅層次有蔬菜嘢鮮甜，亦都都有魚仔嘅脆口。松葉蟹明太子冷烏冬有咬口，明太子醬汁香味道夾同烏冬混合後，汁同松葉蟹肉份量十分之多，更有層次火炙牛肉日本溫泉蛋丼，蛋火喉剛好，火炙仲帶粉紅色room 3 (尖沙咀)尖沙咀中間道15號H Zentre UG樓1-3號舖

同朋友去了 尖沙咀一間神秘打卡酒吧🥃門口走廊位時尚昏暗 非常有格調‼️充滿神秘感😎 進入餐廳 樓底很高空間感十足 與日式食物🎌 也很配搭有一區是舒適梳化座位 很Chill 🥰⋆_ᴛᴏᴛᴀʟ ᴏʀᴅᴇʀ__ ⋆🥗《無花果脆薯蟹籽沙律》沙律菜新鮮 配上蟹籽增加口感口感酸酸甜甜 很開胃.🥧《迷你蟹王蟹肉窩夫撻（3只）》蟹肉窩夫撻 蟹肉很多很鮮甜.🥚《免治雞肉棒配日本蛋》免治雞肉棒 入口香脆 含軟骨添口感鹹香味適中 配蛋汁🥚很誘人.🐟《白鱔》外皮香脆 肉質嫩滑.🐚《海膽帆立貝（2只）》海膽配帆立貝 很鮮甜的配搭🩷肉質爽彈 很好吃😋.🍢《日本青椒仔》串燒小小的青椒仔 外皮薄薄吃起來帶微甜.🍙《火炙牛海膽紫菜TACO壽司手卷》Taco壽司手卷🍣好足料呀外層是天婦羅紫菜 香脆可口配火炙牛 海膽等配菜😍口感豐富🥰.🍜《松葉蟹明太子冷烏冬》烏冬沾滿 滿滿明太子🤣配松葉蟹柳絲 沙律醬 一流呀😆.🍮《自家製紅豆布丁》 & 《鯛魚燒》簡簡單單的自製甜品收尾口感不錯👍.🥃《Emperor》帶木盒的Emperor 有煙霧🌫️效果之餘配杯底燈燈 很好打卡📸Whisky based配紫蘇酒 酸蘋果等調配好清新帶果香 男

假日和友人到尖沙咀海旁，先到這間高級餐廳吃個午餐。店內裝潢獨特，一邊有吧台，另一邊有落地大玻璃，可看到街上的景色。環境清優，設有午市套餐，很適合聚餐或情侶用餐。意大利氣泡酒，帶着微微酒香，容易入口。海之幸(海膽/拖羅/蟹肉/三文魚子/帆立貝)Taco手卷配野菜熱湯烏冬，看到鄰座的人都點這個，所以點了一個試試。壽司紫菜非常鬆脆，加上海膽拖羅、蟹肉、帆立貝和三文魚子，嚐到各種海鮮新鮮的鮮味。軟滑的海膽拖羅，配上外脆內多汁的三文魚子，呈現不同的口感。TACO配上一支醬汁，可按自己喜好加入適量醬汁提升鮮味。日式烏冬的頂層灑上蔥粒，入口微微煙韌，麵條掛上湯汁。TACO和烏冬兩種不同口感，配搭得很合適。頂級美國燒汁肉眼扒拼帆立貝配白飯，肉眼扒肉質軟腍，微帶粉肉色，已預先切好才上碟。外層煎得香口，內層盛着肉汁。頂層是巨型帆立貝，煙韌而充分掛上醬汁。青瓜和蕃茄非常新鮮爽口，配上多汁的肉眼扒，帶着不同口感和味道。精選健康果汁，甜甜的果汁配美國頂級燒汁肉眼扒，一口盛滿肉汁的肉眼扒，一口甜甜的果汁，度過一個寫意的假日中午。甜品，必吃，紅豆蓉軟糯，抹茶香郁味濃，整體口感軟糯。錦上添花，我們都非常喜歡這個甜品。

每次行開尖沙咀中間道都會和閨蜜來room 3食嘢，因喜愛餐廳的氛圍很舒適很寧靜；令人可輕鬆地暢談和享用美食。食肆是一間高質素而極具性價比的日式餐廳，環境佈置相當有品味和優雅；客人可在三個風格迥異的用餐空間內分享多欵別具創意的東灜美點和小食。而午餐亦有多欵套餐選擇，今次我們揀選左兩個套餐一同分享。🌻 前菜，甜品，飲品   8/10沙律菜爽脆新鮮，配以車厘茄、、火龍果和蜜瓜；口感清甜，十分開胃。蛋糕雖然畧小，但勝在不太甜。🌻 燒汁白鳕魚扒和大蝦米飯   9/10魚扒肉質細膩，油脂豐富；魚皮煎得香口，就算沾上燒汁亦依然脆口。大蝦真的很巨，爽口彈牙啖啖肉。 🌻 美國頂級燒汁肉眼扒配帆立貝米飯   9/10優質的無激素草飼肉眼扒非常高質，內裡肉色呈粉紅非常鮮嫩；而且食落juicy，份量亦很足夠。👍👍 🌻 煎茶淡淡的煎茶有清腸胃作用，可減飽膩；最重要係服務員經常為我們加添。

食物質素好差 首先情人節諗住帶女朋友試吓 點知去到得一個情人節套餐我揀 其他餐牌咩都冇 都算了 成千幾蚊一個餐 俾啲咁差嘅質素叫一份7成熟嘅牛扒 嚟到變3成熟甚至1成熟…服務已經唔算好了 仲要俾咁多錢買難受出餐又唔算快 然後環境方面張枱又細 地方又唔算大 兩個人得嗰一個角落頭 少少地方坐我女朋友嬲到即刻要同經理溝通我明白情人節所以想吸引多啲人去消費 但都唔洗食水咁深呀大佬 個set已經千3蚊 啲嘢食仲要咁差 又賣唔到服務仲要收我咁多錢？If the quality is this low, how about just close the bar and enjoy the meal with you and your associates??????V day doesn’t means everyone are idiot bro😅😅😅

📍Room 3 (尖沙咀)📍尖沙咀中間道15號H Zentre UG樓1-3號舖🟡泡菜牛舌 $28🟡溫泉蛋培根吻魚仔野菜沙律 $62🟡蒜香燒日本蠔$48🟡西班牙黑豚秋葵$38🟡海膽帆立貝（2隻）$78🟡照燒雞腿肉$38🟡免治雞肉棒配日本蛋$48🟡松葉蟹明太子冷烏冬$78 🟡火炙牛肉日本溫泉蛋丼$88🟡日本芝士蛋糕$48🟡菠蘿焦糖燒$38🟡GEISHA STORY $150Gin, melon, apple, st.germain, lemon, red wine🟡Tropical Fluff $100Orange juice, pineapple juice, ginger, yuzu lemonade精緻的日式小食，菜色充滿創意且用料講究。無論是頭盤、主食還是甜品，都讓人感受到對細節的追求。 溫泉蛋培根吻魚仔野菜沙律的組合令人驚喜，吻魚仔的鮮味與培根的鹹香交疊，加上溫泉蛋的濃滑與野菜的清新，營造出豐富的口感和層次感。火炙牛肉日本溫泉蛋丼更是令人驚艷，火炙牛肉的香氣撲鼻，搭配溫泉蛋與米飯，將肉汁和蛋香完美結合，令人食指大動。 蒜香燒日本蠔和西班牙黑豚秋葵超好食！前者的蠔肉鮮甜多汁，

Happy Friday 今日放工又同老婆去Happy Hour 中意呢到地點方便 但又算係比較靜可以有D Privacy同Relax感覺既酒吧叫左2杯Signature Cocktail - Geisha Story & Empress 睇得又飲得 吉列蠔 粉漿唔會太厚 食落去仲好有蠔嘅汁水西班牙黑豚玉子燒 薄薄一層豬肉片包住玉子燒 外面鹹鹹香香裏面甜甜鬆軟雞翼釀鮑魚 奢華版嘅雞翼 包住原隻爽彈嘅鮑魚啖啖肉 雞翼皮香脆 仲有少少雞翼肉可以咬到火灸牛海膽Taco紫菜壽司手捲上面有一大啖海膽 大有鮮甜味 再有幾舊火灸牛 中間帶點微紅肉汁唔會overcooked 紫菜係炸過嘅所以帶點脆 壽司卷裏面嘅壽司醋飯包埋咁多食材一齊食 味道好好菠蘿焦糖燒 新鮮菠蘿用咗少少焦糖喺面燒 鮮甜好好Juicy 但係可能糖落得唔夠 所以呢個就冇焦糖嗰種脆口自家製紅豆布甸 滑捋捋嘅布甸面頭放咗紅豆其實以呢個環境同地段 價錢真係Reasonable 而且座位真係好舒適 好似入咗一個與世隔絕嘅地方咁

之前已經嚟過呢度Happy Hour 貪佢環境好 服務好 嘢食亦好 今晚同老公黎飲下酒Chill番下叫咗幾款前菜同串燒 配埋Cocktail慢慢嘆迷你蟹黃蟹肉窩夫撻 面頭超多蟹肉 個撻皮仲係脆嘅孜然黑豚腩 我自己本身都好鍾意食孜然粉 因為香口野味 而呢度孜然味配上厚切黑豚腩 本身豚肉夠厚 而且油脂分佈足夠 食落爽彈而且帶有油脂感 唔會韌海膽帆立貝 海膽已經夠哂甜 加埋帆立貝半生熟燒得啱啱好Geisha Story由Gin, Melon, Apple, St.germain, Lemon, Red wine幾種材料溝成 紅酒味最出 甜甜酸酸配搭幾特別Empress擺盤好似個月光寶盒咁 裡面係GIROVAP redistilled shiso gin, Sour apple, Lime, Jasmine幾種嘢溝埋既Cocktail 味道酸酸甜甜好易入口 好啱女仔飲北海道辣味魷魚乾汁松葉蟹肉意大利麵 Portion雖然係迷你級 但上面有超多蟹肉 義大利麵用咗幼身而又有咬口嘅天使麵好鍾意呢度環境好舒適 好似入咗一個祕境咁 裏面都有唔少梳化位 即使係同一個餐廳內 座位畀人感覺都好有私隱度 可以慢

同媽子享用高質午餐，環境寬敞舒適，有別於一般日式餐廳，呢間時尚裝潢，特別格調！未食已經令人感到舒適～ 午市日式午餐包括沙律，甜品，凍/熱日本煎茶（無糖）或汽水。🔸 沙律🥗沙律蔬菜新鮮清爽，沙律醬汁配搭感覺輕盈，非常開胃～🔸 海之幸（海膽/拖羅/蟹肉/三文魚子/帆立貝）Taco手卷配野菜熱湯烏冬海之幸聞名不如見面！除咗賣相吸引之外，刺身味道配搭都非常好👍🏻食材用料新鮮，海膽配上三文魚子，拖羅，再加上澎湃蟹肉，配上清甜帆立貝，多種唔同口感，正！✨值得一提Taco 手卷用天婦羅紫菜製成，非常香脆，不油膩，創意配搭好好野菜熱湯烏冬烏冬口感彈牙，配料有清爽芽菜同香菇🔸頂級美國燒汁肉眼扒拼帆立貝配白飯肉眼扒烹調時間剛剛好，每件都粉嫩，肉質軟腍又juicy～配上日式燒汁，非常下飯🫶🏻帆立貝帶有鮮味，外脆內嫩，廚師掌握烹調時間非常好👍🏻🔸抹茶和菓子配紅豆大大粒紅豆，配上抹茶風味和果子，糯米糍感覺煙靭，配上紅豆，口感豐富～總括🔹餐廳食材用料新鮮，份量十足，環境舒適，適合朋友閨蜜聚會，或商務聚會。食物水準高，睇得又食得，下次會再嘗試晚餐！