影片
電話號碼
97577747
營業時間
今日營業
08:00 - 18:00
星期一
全日休息
星期二至日
08:00 - 18:00
以上資料只供參考, 請與餐廳確認詳情
今日去新蒲崗試一間cafe。有次開地圖搵附近食晏地方嘅時候發現佢，見到環境好似幾靚，於是組團去試下。餐廳好易搵，位於大馬路旁邊嘅一個路口角落鋪位。餐廳兩面都用咗落地玻璃，同附近商鋪風格好唔同，遠遠就已經見到。鴨肝椎茸意大利飯 ($148)Duck Liver with Mushroom Bovril Risotto鴨肝好大件，表面輕輕煎香🦆意大利飯熟度煮得岩岩好，保留到少少煙韌口感。飯入面混合咗幾款菇，再夾埋鴨肝一齊食，好好味。成個飯好香，好濃味。虎蝦紅咖喱意粉 ($113)Tiger Prawn Red Curry Spaghetti蝦有三隻，肉質彈牙。雖然個名叫紅咖喱，我覺得更似泰式冬陰功，酸酸辣辣，好惹味，好清新。食落都幾辣，唔食得辣嘅人要注意。日式焙茶芝士蛋糕 ($52)Hōjicha Basque Cheesecake聽聞哩度嘅巴斯克芝士蛋糕係必食🍰見到special menu上面有香茅青檸味，諗住試下，不過當日餐廳無整，只有原味同焙茶味。可能每日提供嘅味道都會有啲唔同，可以落單嘅時候問下職員。茶味好濃，好香，甜度亦適中。蛋糕質感creamy但唔會太削，唔會一拎出室溫就溶哂，而且表面烘燶度好靚。真心，無論賣相、味道都好過hemma好多💯Flat White ($38)只要叫主餐牌任何食物，所有飲品都有減$20優惠，加$5可以轉植物奶。咖啡豆味道偏向fruity，但唔會好酸。奶打得滑，好香。西柚康普茶 ($53)Grapefruit Kombucha味道酸酸甜甜，好清新。尤其叫咗個辣意粉，凍凍哋解辣岩哂。推薦👍🏻👍🏻
繼續閱讀
當日去到已經見到有條人龍，滿心期待應該好好食。大概排左30分鐘終於入到去，上菜速度尚算正常。但上菜個男人錯漏百出，只係叫左一杯飲品、一個主菜同一個可麗露。飲品我係點鐵觀音拿鐵結果上了抹茶拿鐵。最有趣係飲品顏色係抹茶綠色，但男侍應仍然介紹是鐵觀音拿鐵，我已經覺得好奇怪點解鐵觀音係綠色。結果一飲就知係上錯飲品，當下覺得算，可能忙中有錯。之後當叫上埋個可麗露時，等左15分鐘見到隔離枱咁岩又上可麗露，就再追問其他侍應。之後聽到侍應細細聲同另一個侍應講上錯左，就答我仲整緊，結果食完主菜要成30分鐘先等到甜品。其實好食要等下都算，但味道普通到無得再普通，價錢都叫中價。人生中第一次寫負評就比左呢間餐廳，建議要食既人真係諗清楚係睇中個環境定中意排隊，服務差、食物質素同價錢唔成正比。但唯一可以讚下地鋪餐廳廁所好乾淨，當日亦見到街坊去借廁所用。
繼續閱讀
朋友仔見到係IG有人推介呢間靚靚Cafe,於是就來試下，來到門口就見到有人排隊，好彩唔係排左好耐就可以入去坐，謝謝店員幫我們安排左近門口張枱🫶 點餐個時有週年慶祝抽獎活動，竟然比我抽中左個靚靚環保袋，真係好開心。食物質素都好好，味道好味，賣相都好吸引同好香。咖啡都係好正👍試左桂花cold brew, 酸味好濃好正！開心果巴斯克蛋糕有濃濃的開心果味😍總結係下次都會想再去😆
繼續閱讀
有次經過新蒲崗食魚蛋粉，見到有間舖頭排晒長龍，所以我估係好嘢！於是搵日特登嚟幫襯！舖頭裝修得幾靚，以木紋為主！整體係舒服！我為咗避開人龍，今次特登早啲過嚟，好彩唔使等5分鐘就有得入去，入完去之後好快就已經大排長龍了，真係好彩！講返啲食物先，今次人多啲，嗌多咗幾款唔同嘅食物，分別係：傳統卡邦尼意粉、香煎魷魚木魚飯、北海道帶子三文魚籽海膽汁意大利飯、紫蘇羅勒青醬意粉配慢煮雞胸。首先，如果問我最好食係邊個一定係傳統卡邦尼意粉，雖然我肯定佢唔係好正宗，但係個汁係做得幾好，份量亦都多，因為本身都好Creamy，份量始終唔可以咁多，不過佢啲煙肉真係厚切，亦都做得好好，意粉亦都好掛汁，呢個真係唔錯！第二個好食嘅就係北海道帶子三文魚籽海膽汁意大利飯，呢個又係一樣，唔係好正宗，但係又係咁好味！嗰個意大利飯煮得腍得滯，不過啲醬汁就係OK，加埋其他配料都係唔錯，份量都唔少！所以第二位！其他兩個，個香煎魷魚比想像中好食，啱啱熟，不過呢個比較清淡啲，另外嗰個羅勒醬都OK！整體主食係唔錯！不過甜品先係主角，今次揀咗兩款芝士蛋糕，第一款當然係最受歡迎嘅開心果巴斯克芝士蛋糕啦！另一款嘅就係而家限定嘅焦糖番薯巴斯克芝士蛋糕！兩款都好好食！而且都有濃郁嘅芝士味！但我首選當然係開心果！因為真係食得出好重嘅開心果味！而另外番薯都唔錯，佢係喺芝士蛋糕外面再加咗啲焦糖仲用埋火槍燒過，不過就偏甜一啲，但都係好正！下次經過新蒲崗會再過嚟試吓！
繼續閱讀
近年興食開心果，無論麵包店、餐廳都搵到佢嘅蹤影，今次去依間位於新蒲崗cafe小店！一試呢個開心果巴斯克芝士蛋糕真係一流，口感綿密，芝士味又濃郁，每一啖都感受嘅開心果香氣，甜而不膩，入口即化，絕對係一個唔錯嘅甜品選擇。 😋主食就嗌左北海道帶子三文魚籽海膽汁意大利飯。呢道菜係一道擺盤精緻 有心機！主角帶子上面仲有一朵碟豆花作為裝飾，令睇落去好有食欲，上面仲有啲橙色嘅蟹子增添口感，令成碟菜色更加豐富。配搭煎到金黃色帶子，仲有濃厚嘅海膽汁令成碟菜色更加多層次更加和諧。真係好好味🤤另外配左個南瓜🎃濃湯南瓜湯味道濃郁，質感幼滑，好creamy 。整體上成餐飯好唔錯 坐得好舒服！價錢合理！兩個人埋單300幾蚊。新蒲崗有依啲小店，而質素又唔錯喎！#FoodieLife#香港美食 #美食日記 #Cafe好去處
繼續閱讀