Route 83 (廣福道)

營業中

休息中

咖啡平時好好飲，但今日卻超級失準今日個沖咖啡阿姐亂黎，落單時我話左盡量少冰，卻變成1杯超多冰的咖啡，之後要求更換，阿姐只倒出幾粒冰，然後只倒返d奶入去，完全似飲奶，唔係平日既飲咖啡

來這間西餐廳已經心思思了很多天，就是lunch太多人了。這天來到有位，立即入座。這已經是我第N次來了🥰。之前都是點牛扒意粉，份量大牛扒又入味👍。這次點了安格斯漢堡，薯菜。漢堡來的都大大份❤️，安格斯漢堡扒也是厚厚的，很入味，沒有甚麼冷凍味🫶。配菜也很合胃口，薯條更是要大讚👍👍，因為都是有薯肉，不是空心。餐前還有沙律或餐湯選擇。唯一要吐嘈是坐位有點窄，但店舖大小都很難有大改進。Route 83 (廣福道店)

時間尚早又去開大埔，就會想食呢間嘅牛角包🥐通常食碎蛋牛角包，入面會有埋粟米🌽個醬又好夾味，已經回頭超過十次。1️⃣今次就試下巴馬火腿牛角包（$42）🥐我落單時講定想走菜，店員好細心，會問我走唔走埋蕃茄🍅外食咁多次，係得呢間餐廳會咁問我😹啱啊，唔想食沙律菜啫，唔洗走蕃茄嘅😼2️⃣我以為走晒菜之後得返淨火腿同蕃茄🤣但原來入面仲有酸瓜粒同蛋黃香草醬，好香好夾味！個包大過手掌✋🏻但好快清晒！3️⃣店員都有禮貌，用餐愉快～

我們於14/4（日）下午二時到達餐廳，內裏都有唔少客人，餐廳環境昏暗，位置不多，但溫馨。我們叫了3個lunch set，送飲品☕️及餐湯🥣或沙律🥗。❶香煎豬扒配洋蔥忌廉燒汁及薯條（$62）：薯條熱騰騰的，非常好吃，有2塊大豬扒，不是太軟也不硬，易入口，口感不俗，亦有沙律附上🥗❷黑松露雜菌意大利粉（$74）：汁同意大利粉搭配得剛剛好，好多菇類🍄❸83雜錦薄餅（$85）：配料有菠蘿🍍，少許三椒🫑，火腿，芝士及辣肉腸。餅底為薄皮，好脆，味道不錯👌🏻埋單不用加一，份量抵食夾大件不過因為食物不是一次過上，所以成日見到客人問職員拎碟🤣

平時極少寫食評通常好難食先會忍唔住寫今次寫係希望支持下高質餐廳希望做得好嘅餐廳長做長有呢間嘢午市食咗幾次都好滿意今次係第一次晚市堂食平日夜晚8點幾左右去食last order係20：45呢個鐘數唔多人 可以自由揀位坐平時見星期日中午通常都要排隊舖頭入面每個座位附近都會有鐘仔可以隨時召喚店員過嚟唔使驚轉角位冇人睇到自己店員好有禮貌 語氣溫柔落完單慢慢覆單confirm包保唔會落錯單食物方面餐湯係忌廉湯 不過不失餐飲係熱奶茶 都唔錯主菜嗌咗半隻燒雞有芝士焗薯同雜菜沙律伴碟食物一嚟到 啲香味已經撲鼻而嚟雞皮燒到味焦 保留到肉汁亦有香草嘅香味 肉質嫩滑 非常滿意焗薯目測有兩款芝士芝士都做到拉絲 但略嫌唔夠味焗薯可以再焗軟啲但由於佢算係伴碟我覺得都合格呢個晚餐就算係男人食都好夠飽計埋加一 人均約$109以呢個食物水準同服務態度價錢都好合理

趁長假期最後一日，帶小朋友由大圍 - M記 租單車 踩至大埔東昌單車行還車, 做完運動，找小朋友都鍾意的西餐廳晚飯. 見Google 上有高評分的 Route83, 便去試吓. 先點了個漢堡包餐, 本來沒有什麼預期，但試食之後十分驚喜‼️個手打牛肉餅, 好出色👍🏻還加咗個菠蘿喺入邊又甜又多汁，連個炸薯條都好快已經搶晒！ 忍唔住叫多個 漢堡包餐 😆。之後再加個 “83雜燴” pizza, 同樣出色👍🏻pizza餅底應該真係係自己搓的👍🏻都好好食. 簡簡單單一個晚餐，因為好好食，讓我們有個完美的一天👍🏻值得一讚的是店員不但親切有禮貌，需要時又會出現, 睇吓有咩要幫手👍🏻對餐牌上的食物又很熟悉👍🏻還有洗手間也很乾淨（對出了整天街的我來說很重要‼️）看得出是用心經營的小店，我們下次必定會再來,希望到時多啲人, 可以試多啲其他食物😋

正當去完回收諗住去美利食野，神推鬼㧬下行左對面馬路，記得之前經過時有呢間餐廳，於是改變主意，試下新野點左炸雞漢堡，頭盤要左沙律，凍齋啡走甜，果然冇令我失望，尤其漢堡既炸雞，厚肉又juicy，服務態度亦非常好，值得再試

.#foodie #hk #hkfoodie #HTB美食推介【大埔脆皮鹹豬手｜🐷大件夾抵食性價比高西餐】🐨脆皮德國鹹豬手 $178推薦度：⭐️⭐️⭐️⭐️⭐️份量非常之足，真係有晒成隻鹹豬手喺度仲切好晒一嚿嚿啖啖肉！外面烤到脆卜卜裏面好嫩滑Juicy...配埋酸瓜同薯蓉，唔單止可以中和到豬手嘅油膩感，仲好開胃～.🐨83雜錦薄餅 $90推薦度：⭐️⭐️⭐️⭐️⭐️薄餅唔會好厚身係薄脆，好有口感👍🏻上面非常之足料有辣肉腸、三色椒、菠蘿、火腿，而且每片pizza啲餡都放得好平均，所以打卡同味道都平衡做得好好！.🐨美式燒豬仔骨配薯條 $148推薦度：⭐️⭐️⭐️⭐️⭐️豬仔骨唔會好乾身，超級多汁～而且肉多個骨，啲肉唔會好黐骨，好腍好好食。配埋粗身嘅炸薯條，脆口好惹味！.🐨白酒炒藍青口 $68推薦度：⭐️⭐️⭐️⭐️青口好新鮮，微微白酒香！但係青口煮到有少少縮水，比較細隻～.🐨南瓜湯 / 沙律 跟餐Free推薦度：⭐️⭐️⭐️⭐️南瓜湯唔算好熱，但係勝在南瓜味出！沙律配有開胃醬汁好清新，仲有粟米嘅甜味，配埋烤過嘅煙肉粒及麵包粒，仲好爽口添～——☼——☼——☼——☼——☼——Route 83 📍地址：大埔廣福道83號地舖🐨推薦度：😋😋😋😋

是日lunch 兩人用入餐廳時大概坐了一半人有一排位係無人 吾似有訂枱女侍應安排一張 有位男士將要埋單 兩張夾埋可以坐4個人既枱 我地坐其中較外面一張枱其中一坐位與背後另一張枱 非常近 不時會有人經過 取東西 或整理餐具因此出入的人經常踢到坐埋既凳 就算移埋少少都踢到未能理解當時仍有其他未入坐位 為何如此安排用膳其間隔離夾枱 有人入坐在沒有預警下女侍應在我用餐面前送上餐湯（跨過我面前）我知幾十蚊食個飯吾係多錢但基本嘅禮貌都需要吧

喺大埔食西餐，又唔想幫襯集團式餐廳，可以考慮一下幫襯Route 83🎉啱啱母親節諗住食飯慶祝，打電話去問有冇得訂枱，留意返佢只係可以book 晚餐，但唔可以book 午餐🤫我訂咗3位7點，去到見到都已經幾枱客👯‍♂️我哋叫咗3樣嘢食：1. 脆皮德國咸豬手咸豬手層皮真係好脆，肉質ok，加埋啲酸瓜同埋其他配菜，口感🆙🆙🆙2. 軟殼蟹蝦肉醬意粉軟殼蟹好味，不過個意粉高略嫌太creamy, 不過整體都可以接受嘅！3. 美國安格斯肉眼牛扒配芝士煙肉焗薯我哋叫咗5成熟，都好食，無overcook焗薯都好好食足料！好香！食完仲坐咗好耐，無俾佢哋趕走，仲不斷為我哋加水服務態度好好

下雨天，找間餐廳食個午餐，避避雨，餐廳坐位不算多，空間感也可以，不過d椅坐得唔舒服。食物選擇多，午餐包迷你雜菜沙律或是日餐湯及餐飲。價錢，抵食 👍🥢午餐，香煎鯛魚配三色椒忌廉汁 (淨菜) $59原來走汁係無埋三色椒😅，味道正常。🥢熱齋啡 👍抵食👍

平時呢一間餐廳都成日經過，望到餐牌食物選擇都比較多，有薄餅意粉漢堡包熱狗等等，賣相都幾靚，今次有朋友嚟到，就帶埋朋友嚟試一試先☘️12吋特長熔岩芝士熱狗皇配炸薯條 $84熱狗份量都幾大，熱狗腸仲要好長添，上面加入大量芝士醬，切開嘅時候熱狗腸嘅肉汁流晒出嚟，第一啖覺得香腸夠晒Juice，芝士醬味道濃郁，但食落又唔會太溜，冇咁大罪惡感，麵包質地鬆軟，配合一齊食味道一流，炸薯條夠晒香脆，好有薯仔嘅香味，食完好滿足整體來講呢一間餐廳食物款式都幾多，而且食物嘅性價比都幾高，所以都幾推薦大家嚟試吓㗎好食：❤️❤️❤️❤️🖤抵食：❤️❤️❤️❤️🖤

今次嚟到Route 83😆見到有Burger🍔、扒🥩意粉、薄餅🍕等等既野食🥰今次我哋就食熱狗先！🌭️🧊羅宋湯 餐湯 7/10羅宋湯🥘既味道比較重黑椒味😂相對上會辣少少🙈成個湯用左好多蔬菜🤩飲到幾香蕃茄味同其他菜嘅甜味😍如果加返少少肉調味會比較好飲😆🧊12‘’特長熔岩芝士熱狗王 $84 8.5/10一嚟到嘅時候俾個分量嚇親😂估唔到個包同熱狗腸咁長🤭面頭芝士醬份量唔少😍食到重芝士味難又唔會太鹹🥹熱狗腸肉汁都唔少，一切落去會有肉汁流出嚟！🤩麵包熱辣辣質感鬆軟😍唔會食落去乾爭爭😆薯條熱辣辣調味又唔會太鹹，可以點蕃茄醬或者芝士醬一齊食味道會更好🙌🏻🥰份量上兩個人share會比較適合😂咁又可以再試吓其他野食先😆🧊凍鮮奶咖啡 餐飲+$5 8.5/10咖啡味都幾香濃😋飲落去唔會有好苦嘅咖啡味☕️奶既質地係比較濃😍如果怕飲太苦嘅咖啡，都可以加少少糖調一調味👍🏻嚟間都幾推薦大家去試吓㗎😍份量幾大價值又唔太貴🤣（只限lunch🤣)建議大家可以帶埋朋友一齊去食下，可以share試多幾款好野食🫶🏻人均消費💵： $60-80性格比： 7.5/10好食程度😋：8/10回頭指數💓：8/10

下午茶＆午餐好味扺食午餐時間特長下午茶＆午餐時間有交接，可根據個人食量選擇墨西哥芝士夾餅香而不膩，伴菜都用心製作朱古力咖啡沙冰有朱古力味又有咖啡味，輕甜有 無肉選擇如果記得走飲筒就無敵喇

朋友請食飯 據說扒最出名但今次去到無食扒 反而叫左個pizza 同埋漢堡都係超好食 😋店舖較細 會逼少少但價錢公道野食好食 所以十分推薦大埔友去食 在廣福道好方便出番市區門口就係巴士站