Royce' Chocolate

營業中

休息中

睇完"Charlie & chocolate factory"真係好想食朱古力，剛巧經過ROYCE，又有得試食，即刻急不及待試試，將一粒生朱古力(BITTER)放入口，嘩!好滑呀!又有少少酒味，正!而純可可及牛奶味甜D，都好好味，如戲中男主角所講食"朱古力"會令人有一種沐浴愛河的感覺，好甜蜜呀~相比其他朱古力店，royce價錢唔貴，包裝精緻，細細盒唔怕開左成個月都食唔晒。原來細問之下，朱古力係北海道生產，唔怪之得咁正! 大部份朱古力仲可以試味，真係開心!最後買左一盒牛奶味生朱古力及一盒合桃truffle同家人分享!!! 好開心呀~聽閒遲d沙田會開，我一定會成日捧場!!

我朋友之前在日本帶了給我，十分好味，我是一個不喜朱古力的人，但這隻朱古力不太甜，而且我一入口，便已經溶在口中，朱古力的香味一直不散，＾＾ 真的好好味

講到朱古力總不能不提royce,它的choco都很好食.但我自己就不喜歡生朱古力,嫌擺得唔耐.有另一種朱古力都好好味,個外形有d似金莎,出面有好多nuts.外脆內軟.好像truffle,勁好食.但一盒不是好多,好像只有廿粒左右.五十蚊一盒.都不平...

冇錯是幾好食，但好貴，如冇記錯，差不多一佰元一盒。但每盒只得五十片到，薯片好似伸仕原味咁，再加朱古力。如不想浪費錢買，可以買一筒伸仕牌原味薯片，一排吉百利朱古力。之後食一片薯片時即時加一粒朱古力。咁味道應該都幾似的。但價錢就差食多了。哈哈！是不是好辦法呢。

第一次聽到"朱古力薯片", 心諗一鹹一甜點會夾? 但朋友試過話好好食, 所以決定買盒試. 包裝幾靚, 唔係見到張相都唔知係薯片!其實朱古力味已蓋過薯仔味, 朱古力面. 因為朱古力會溶, 如不雪凍就會有dd稔身, 不過只係少少. 雖然朱古力味較重, 但都隱約食到少少鹹味. 或者係咁既原因, 兩者配合才登對! 味道幾得意, 都幾好食, 嗜零食者必愛!

用$60既價錢買左一盒dark chocolate,真係有少少肉痛…不過,鬼叫自己鍾意食朱古力咩!包裝好高貴,一打開,一盒有二十片,仲送一隻少少既膠叉,可以拮住朱古力黎食,每片朱古力表都好似曬上軟軟既朱古力粉一樣,入口甜中帶苦,係黑朱古力個隻有既苦澀味!食下食下就會唔停得口,雖然一次過食晒二十片,但係仍煞無好滯既感覺,令人好懷念啊!

ROYCE有一隻朱古力真係好好味,係薄荷朱古力,一盒cube形,裡面有成80粒,但係每粒size非常的式,一口可以食好幾粒。每粒分兩層,面層啡色,底層青綠色,既有朱古力味,又有薄荷清香,我真係覺得好好食,不過都幾貴,$64一盒。