Royce' Chocolate (已結業)

同龍討論起朱古力，我說排除送禮包裝考慮，單以味道計的話，真正物有所值的朱古力是Royce，其nama系列尤其值得推介。隔了幾天，就收到他送的nama朱古力了....　nama朱古力要雪凍食，冰冰的朱古力入口質感細膩，幾近融化，朱古力味極之濃郁，對愛朱古力的人來說真是個享受。今次試的是bitter味，比食開的cacao味更苦一點，還帶有點點酒味；上官方網(www.e-royce.com)一看，原來內含V.S.O.P呢；cacao味溫醇，bitter味較野，各自都很精彩，也是我的推介!　多謝龍的心意與疼愛~ ^_^

從新加坡回來的表姐送我一盒Royce Chocolate wafer作手信, 那是我第一次接觸這個品牌, 見它包裝精美, 至少不好吃也好看吧~ 第二天帶回公司, 心想跟同事一同分享, 幸好自己打開包裝盒後, 偷步先吃下第一小包, 怎料...我左手不由自主地打開櫃桶, 把\\\\\\\"ROYCE\\\\\\\"放回原位, 真是非常好吃呀!! 威化含豐富朱古力的質感, 味道香濃而且不會太甜, 餘下的11小包用了5天的時間很不忍心地吃掉了, 同事們sorry!!據知香港也有銷售, 真是一個令人感動的消息呀!! 美食天堂, we are the best!! 已後的聖誕跟新年, 已不會因買禮物而頭痛了!

早一兩日自己draft 咗的食評遲咗少少擺上嚟，原來咁啱又係講朱古力薯片。嗯，入正題！今次主角朱古力薯片都係熊貓爺帶挈我有得食。.因為係朋友贈給本人的復活節禮物呀！多謝。。。感謝友人的心意同了解咩係我杯茶！第一次食。三年前喺 newsgroup 見人踩呢隻零食踩到…話係垃圾！搞到我當時都不了了之冇打算買嚟食。又唔係幾蚊雞~ 怕失望唔敢搏…但今次機緣下收到我一定會試。一試真的不得了~ 好好好好食囉！有一食想再食的衝動。而我呢！？一向唔係薯片粉絲，但我絕對係朱古力fans！一向都係godiva fans。雖然leonidas 都唔差，但我都係仍愛godiva！而且以價錢嚟講，royce 我都鍾意食的，而且幾十蚊都絕不遜色~ 交足貨呀！我討厭食薯片就係憎恨佢鹹、味精強勁同食完好口渴！但今次呢個零食實在太適合我了。原因一：與另外的食家嘅感覺一樣。除了唔會太甜、恰到好處，其次就係食到最後有少許鹽粒，加上口感脆脆的薯片，真係有返食緊薯片的樂趣。(經自己研究蹂躪此零食後，基本上每塊薯片都係只得一面沾上朱古力~ 咁咪唔會太甜太鹹搞到唔似食緊薯片囉！) 原因二：難得在由雪櫃拎出嚟個薯片都不受水氣影響而

剛從日本買回來的royce 朱古力薯片, 比香港平宜很多. 睇住香港不斷加價, 尋日去citysuper已經係$65. 日本才600 yen.說回這個朱古力薯片, 自去年一位同事請我食過後, 一直愛上. 好奇怪, 自問平日不好朱古力同薯片, 甚少食., 嫌肥嘛~ 但一試之下, 真估唔到呢兩種味道會擦出火花.朱古力包住薯片的, 不太甜, 還有少少苦, 正合我心意. 食落先甜後有dd咸, 味不會怪, 好正!總之係會追住食.有朋友去開日本, 記住叫佢買返黎呀! 機場就有~

放假前一晚還要上堂。不過其實一收工，我的心情已經開始放假；心情靚靚，反正有時間便去買盒朱古力請同學食!　經過Royce見有新品，便駐足看看。新品是朱古力夾心薄片，有焦糖、咖啡及蜜糖味三種；朱古力片做得極薄，因此必須凍食才不致融化。　櫃檯小姐殷勤的請我試食，分別試了焦糖與咖啡味，兩者都與朱古力味十分匹配，口感帶脆，是幾美味；配合高興的心情，最終選了甜甜的焦糖味。一盒有30片，都是獨立包裝，方便同學分食嘛!　此店給我感覺十分認真，一如酒香軟心朱古力系列，小姐細心的附上硬冰包，再包上隔溫錫紙層；價錢又不算貴，故近來多了幫襯。　然而，後來有半數同學當晚走堂。那就是後話了...

今次買呢盒朱古力條有10條裝及18條裝.但食落一般,朱古力味不濃,堅果不夠香.

Royce chocolate 應該是日本產品, 點解介紹既菜式是英國呢...? 剛遊完北海道, 買了些回來試...最基本既一塊塊分milk chocolate, guava chocolate...唔同既percentage 可可...呢類產品普普通通, 唔太滑! 另一類要雪既....方形...細細塊...就滑好多好食! 仲有一種係有nuts...脆脆既朱古力...反而麻麻地...金莎仲好食! 係日本買平好多...!

最好味係朱古力薯片,真係勁正呀~開頭諗朱古力加埋薯片咪會好怪...原來唔係~仲會食到停唔到口添bor~3年之內加價加得勁多,開頭3年前買都係40幾蚊,之後加到$52,再加到$55,之後到60幾,之後加到而家$62蚊一盒~不過又真係好好食~

喜歡吃甜的我，生日例牌收很多甜品。Royce的朱古力是其中之一；說起來，一整盒的Royce我也是第一次食呢!　雪凍才食的Royce，軟軟的不會太甜，朱古力味幾濃郁。雖然不是我的最愛朱古力，味道也是一點不差的。很多謝好朋友的溫暖心意!

收到友人送贈的"ROYCE STREET"愛吃甜的我頓感幸福.120G的AMANDE CHOCOLAT巧克力味道香濃幼滑,一顆又一顆讓人停不了.(當然,亦因我愛甜的關係)CRIOLLO CHOCOLAT巧克力濃度更高,吃後口中餘下陣陣香濃可可,是心目中的CHOCOLAT KISS.BATON COOKIES只有兩片,一牛油一巧克力,各有千秋.IT IS THE JOYCE FROM ROYCE.食物之外:女生都愛美,連對包裝,也會多著眼.包裝上寶藍色的蝴蝶結,也是讓人加倍期待的因素.果然,沒失望^^

本期限量版有草莓生巧克力($70)。白巧克力和草莓相當配合，但與外邊鋪上的帶苦味可可粉不算相襯。在口中溶化之後感覺到一點草莓籽，增加咬勁。

好耐以前食過人地送o既生朱古力, 上禮拜行過, 忽然有鋪買野o既癮, 於是走左去Royce o既專櫃(九龍塘log on). 買左盒petite truffe pralines (仲有橙味同牛奶朱古力可選擇), 五十五大元, 一盒有十零粒. 個人覺得truffe o既心唔夠軟, 呢一點肯定同Godiva 同一價格四粒都買唔倒果d 冇得比. 味道亦無驚喜, 叫做唔過甜, 同埋幾nutty o羅.買o黎送禮就幾好, 因為包裝一貫日本仔風格, elegant 又精緻. 服務亦好.

前幾日行過，好似幾好咪咁,於是平平地買一排$20的CHOCOLATE 超好味AR，未食過含COCO ８０％的CHOCOLATE!好O岩鍾意食DARK/BITTER CHOCOLATE既人~又唔太貴，食得過!(雖然口感比GODIVA差，但還可以接受的，畢竟價$咁平)過左幾日又經過，我表妹想食果仁朱古力(SWEET)我又想食WOR(BITTER)但係$50/包又好似唔係好抵WOR，咁未買左$100盒有3包(SWEET, BITTER, WHITE)但係有D失望，因為朱古力冇想像中咁苦...

嘩,試過一次, 真係上癮.我愛死Nama Chocolate - Bitter (黑朱古力),濃濃可可+酒味,真係不得了.而家一個月起碼幫襯一次.哈哈......

我總在太古城LOG-ON買。巧克力薯片($60)甜甜鹹鹹感覺特別，食不停口，一眨眼消滅一包。生巧克力系列中較喜愛白巧克力，入口即溶，感覺像喝牛奶，香檳和牛奶也是心水選擇。附設小叉，方便奉客。松露系列最愛果仁味，有咬勁。咖啡巧克力咖啡味恰到好處，榛子巧克力曲奇獨立包裝，甜度適中。原粒杏仁系列有黑／白／牛奶巧克力，各有千秋，一樣好吃，四五十元一小包不划算。鐵罐系列有原粒咖啡豆／夏威夷果仁巧克力，愛苦的可選咖啡豆。夏威夷果仁和原粒杏仁最受同事歡迎。賣$100約一條普通筆袋大小的棉花糖果仁巧克力（霎時忘記名字），吃時要用刀切開一塊塊，不太方便，味道平平。Nutty bar份量實在太少，很難嘗出果仁味。純巧克力系列印象麻麻，味道又麻麻（當年有同學請吃純巧克力，不見得比別的巧克力更好，總之印象就是麻麻）。試食過棉花糖系列之後也是沒有買。要彈的是它的包裝，拆開生巧克力的包裝紙，是和包裝紙一模一樣的紙盒，紙盒裡是用膠袋封好的巧克力，膠袋裡又有膠盒，揭開膠盒才可大快朵頤。即使為著保存，有必要用這樣多包裝嗎？我覺得紙盒不應和包裝紙用同樣圖案。自上半年加價以來，只買過兩次，新產品有粟米片巧克力($60)，同