Running Korea (已結業)

本身想落地下食pizza,但個日無開所以上平台試下,望入去乾乾淨淨,出面貼左個餐牌係芝士配抄飯,睇落吸引,唔就入左去。係張橙硬左,其他感覺都ok。叫左一個石頭飯,叫左一個出面芝士抄辣豬肉飯(佢個名好似靚d)，個抄飯佢連埋個爐一齊上,又幾好味,又可以keep住熱。石頭飯都係有d飯焦好味道。我見隔離d人食部隊鍋,下次都想試下

放工超大雨，同媽咪行到日本城避雨避到餓，滯留大元村揾食，入呢間野ge 原因單純因為想食韓菜，單睇人流，講真係不抱太大期望只求醫肚 xd人參雞鍋要試一間韓國餐廳係過江龍定本地(扮) 蟹，試人參雞就即刻現形！而好明顯地，呢間野就真係三教九流~~一上枱，鍋so call 人參雞雞一啲人參味都冇，仲唔知點解會滾到起晒白泡，個湯好濁，完全唔係個回事！放隻雞脾落去滾兩滾就叫人參雞鍋，實在貽笑大方！韓式辣年糕吸收咗人參雞ge 經驗，之後我追加ge都係係穩穩陣陣算~個年糕就幾靚仔，有咬口而煮ge時間亦啱啱好~辣味夠，如果你唔好甜咁呢個就啱晒你，但Lizzy 我鍾情辣中帶甜，所以呢個都係一般啦！

與朋友一行4人到嘉道理農場遊玩後，由我這個大埔地膽帶友人到大元街市平台搵食. 平台未裝修前有很多平價食肆，當年仍住在大埔的我很喜歡到膳藝吃店家自製的餐包，不過一切已成絕響了. 這次到大元平台本想到100米台式餐廳的，以前最愛光顧海寶花園的100米，現在有間裝修雅致的分店在大元平台，很想與友人分享我愛的小店. 記得從網友口中得知，大元平台的100米可叫隔鄰的韓式食品到該店享用的. 當日100米要等位，我親口問過100米的男店員可否於韓國餐廳入坐，再叫台式食品，他告訴我是可以的，怎知在Running Korea安坐後，店員說不可以order鄰店的食品到他們店吃. 當時的我可是十分失望，如果只有我一人，我必定會離開該店的. 不過為免朋友在炎夏要與我到鄰店等位，我居然忍氣吞聲!!!當時接近下午三點，店內只有我們一枱客人，原來靠近收銀台那些我以為是客的原來是店員來的，假日的店居然只有我們一枱，實在有點中伏的味道. 鄰店客人駱驛不絕，這店竟只有我們4人，對比之大，實在令人驚訝!這店是自助形式的，自行付錢後，食物由店員送上. 午市套餐$4x，送2款韓式配菜及例湯，可加$8韓式飲品，轉配飲品後要$5x

朝早去完大元村街巿入糧, 中午時間上平台搵食, 揀左呢間韓風既快餐.... 餐牌上既選擇不多, 我地叫左2個午巿套餐, 1個係牛肋骨湯(跟飯), 另1個係韓式紫菜包飯便當.... 服務員效率都几高, 又可能係冇乜人啦, 我朋友出去買單都未開始行番埋枱, 就服務員已送上前菜同埋湯.... 先上枱既係牛肋骨湯(跟飯), 試左一啖清湯, 真係淡如冇味, 加入少少辣醬就吊番少少牛味出黎, 然後試左1啖白飯, 咦, 咁難食既? 我曾經聽朋友講, 韓國米好好食, 唔通就係呢D 味? 係有一陣我唔熟識既味道, 如果真係要我形容, 可能就係一陣 "焊" 味....... 之後成碗撈入湯度食先減輕左呢D味... 但牛肋骨勁靱同埋冇乜味.....韓式紫菜包飯便當, 是日係什錦包飯配炒粉絲, 什錦包飯冇乜特別, 用韓國油油地既紫菜, 整我地小學時期自製既壽司咁, 唔係難食.... 但個炒粉絲就唔掂喇... 又油又太甜....真係唔好食! 終於2個餐每樣都食左一半就唔食唔落... 唯有留肚食下午茶.....

郊遊完畢, 回到了大埔市中心, 本來打算吃隔壁的台灣茶, 但已經一位難求, 轉移到隔壁屬於同一集團的韓國餐廳- Running Korea. 聽說兩家餐廳是互通的, 即在台灣餐廳可以點隔壁韓國餐廳的食物, 反之亦然. 但直至在韓國餐廳坐下時被告知是不能的, 有點失望! 人家想在那個moment吃蜜糖吐司呀!!! (抓狂抓狂)點了午餐 , 附送兩款配菜, 泡菜辣度適中, 怕辣的我也接受得到! 帶微酸, 爽口, 很好下飯! 另一款我選了菠菜, 充滿麻油香, 簡單而好吃!炒雞肉(跟飯)$43- 雞肉是連皮的, 算是頗嫩滑, 雞肉份量不算多, 但加入了椰菜, 洋蔥, 胡蘿蔔搭救, 正好可以”送”到旁邊一大堆的白飯. 味道是一般韓式醃肉汁的味道, 富有醬油的鹹鮮而略帶水果香. 但碟底的醬汁及油份多得嚇人!加錢配了韓式樽裝果汁, 我戲稱它為韓國Oppa梅子汁, 有Oppa相伴, 味道是不是會好一點? 其實是普通梅汁的味道, 酸酸甜甜但又不會過酸, 生津解渴首選!