Sense Cafe (已結業)

◤佐敦｜多次回訪好味又抵食豬扒◢係附近返工返左大概半年，幫襯左起碼5次 ，差唔多次次都係食豬扒，呢度用既係肉眼扒，唔係豬鞍，好軟腍好juicy🤤同埋每次都煎得火喉啱啱好，feel到有用心煎💕仲要只係78蚊唔收加一，質素真係好過好多出面賣過百既豬扒❗️可惜佢開到二月尾就會結業，少左一個lunch飯堂😫大家快啲趁剩低既呢段時間去試下❗️✨推薦指數：7.5/10📍Sense Cafe (佐敦)佐敦白加士街56號凱豪商業大廈1樓

同一大班朋友gathering, 差唔多2點到，可能已經過左繁忙lunch time, 一黎到已經有位估唔到佐敦鬧市中有間可以慢慢食住坐既西餐廳餐廳係清新西餐廳風格，座位舒適一睇menu, 價格令我有驚喜，西式lunch 竟然唔洗過百😳 點左lunch set 的香煎鱸魚柳配薯條，見到其他食客配意粉係勁大碟😲 好抵食配既意粉係扁意粉，唔係普通意粉，其實都好吸引，但我食左勁飽既早餐，所以叫薯條煎魚柳香脆，味道適中，唔會太濃味或淡味呢間餐廳價得推介👍4點鐘有落場時間

位處佐敦的樓上鋪，已經來了幾次，lunch 固然是超級抵食，而 dinner的價錢也非常合理，同行友人讚不絕口。今次選了二人餐，包括：一大份沙律、兩碗餐湯、兩個小食、一個意粉/飯/pizza、一個主菜、兩杯飲品。最後也加了甜品來慶祝友人生日。沙律，十分大份，兩個人都食唔晒，三文魚和菜也非常新鮮。磨菇，一貫的好味道，也夠熱。蟹肉磨菇，十分足料，六粒也很飽滿，芝士、sauce 也很多。明太子雞翼，拆了骨，啖啖都是明太子，味道有少少辣，大愛。Rib 也十分大份，個 sauce 帶點酸辣，很惹味！海鮮意大利飯，很多很多海鮮，有蝦、魚、青口、帶子、魷魚、墨魚仔，料是多過飯，真係勁！兩個熱飲也很好，朱古力很香甜，熱情果情帶果香。最後，加點了窩夫，他們也滿足到需求，可以幫忙寫上祝福語。

無意之中發現呢間小店cafe，當然唔好放過佢，要懲罰佢啦😆禽獸大會薄餅呢個薄餅好啱食肉獸😆有牛、雞、火腿、辣肉腸肉既份量都唔少炸魷魚條魷魚鬚蒜香白酒煮蜆呢個作為小食，份量算係大份芝士蟹肉釀蘑菇

【油尖旺區】【Sense Cafe】今晚係同我生命中一個好重要嘅人食飯，難得可以約到佢，我都隆重其事，返屋企換過件衫再出嚟。不過要我揀食乜都真係難，平時我唔係打邊爐就燒肉，其他嘢真係唔知頭唔知路，唔好以為我係 foodie 就好把砲至得架。佢哋嘅晚餐係配埋「精選沙律」同「餐湯」，係一個唔錯嘅蘑菇湯，濃而不鹹，幾好。我哋 share 食嘅，首先係 $145 嘅「鮮茄大蝦帶子扁意粉」，個茄醬都幾濃，另外海鮮配料都幾多，一碟裡面足足有八隻蝦，唔係講笑。另外仲叫咗 $195 嘅「露絲瑪莉羊架」，唔使審都知呢碟主力係孝敬我。佢有成四件，而且係厚肉嗰隻，絕不欺場，淨係份量呢一點已經討好到我。然後啲肉都幾好味，本身落嘅調味料都夠味，唔使點醬，當然點咗就別有滋味。嘢飲方面，我哋都加咗 $8 要特飲，分別係「熱情果果茶」同埋「牛奶朱古力」，我係飲後者嘅。首先我嗰杯係有拉花嘅，外觀一流，飲落亦都唔會話勁甜嗰隻朱古力，幾好飲。加埋一之後埋單價 $392，算係幾好嘅體驗。。。（地址：佐敦白加士街 56 號凱豪商業大廈一樓）#1amfoodie #foodie #hkfoodie #thatfoodiethin

性價比高的café，午市不設訂座。餐廳的枱偏細，同朋友會親密啲。西餐份量岩岩好，最出色係厚切豬扒同烤羊架，外脆內嫩，多汁美味。意粉屬偏硬有咬口既意粉。飲品推介雪梨烏龍茶。咖啡同朱古力既有拉花，好靚，打卡唔錯。中午2:00前埋單仲免加一添，值得一去再去！

我哋本身約一堆朋友大約6-8人，之前搵過好幾間餐廳都難book位，有啲想試嘅都冇大枱，咁啱望到呢間環境好似唔錯又任坐，又可以book到多人我哋就book咗呢間餐廳。一入去店員安排咗張長枱我哋坐，位置都OK，但後來啲食物到咗後發覺原來張枱都幾細下🥲，我哋已經分開幾次叫，但啲食物都係唔太夠位放，不過可能因為舖面細嘅關係吧。一開始我哋有叫pizza、雞翼、飯同意粉，再叫set for two，set for two係意料之外多嘢食，另外水牛城雞翼比明太子雞翼好食一啲，洋蔥圈唔係粗身嗰種所以就失色啲，pizza偏向港式一點。因為有啲朋友又未咁早到，我哋都分開咗幾次叫，跟住我哋望到menu有啲唔明，都請問返店員，但店員就有點唔耐煩咁😓。跟住我哋每食完一碟嘢，佢哋都會好快手咁收，直頭好似搶住嚟收咁，不過呢個都唔緊要，但佢哋連上面個公叉公匙羹都收埋，搞到我哋唔好意又問返佢哋拎過新🥲。到8點幾，我哋仲想叫多一樣食物同啲甜品，咁個女店員就催我哋快啲叫埋，因為佢哋last order，咁好啦...我哋叫咗一個主菜加5個甜品，指位話佢知係呢5款甜品，但佢自己把口就話「係呢4個甜品吖嘛？」🤨，咁我哋再提多次「

初頭掙扎散叫定二人dinner set最後計下計下 發現二人餐價錢抵啲於是就試下二人餐《Dinner Set For Two $498》{煙三文魚田園沙律 & 蘑菇湯}沙律份量多通常跟餐沙律份量會細份啲 呢間絕對不是 跟散叫沒有分別煙三文魚有四大片蘑菇湯稍為稀左少少 但食到一粒粒蘑菇碎 正常發揮小食八選二{蒜香白酒煮蜆 & 炸魷魚鬚及魷魚條｝份量同樣多 作為小食 有點太過分吧😂炸魷魚鬚 👌🏻魷魚條是仿製的 小朋友一定喜歡扁意粉/意大利飯/薄餅 十選一{龍蝦汁海鮮意大利飯}汁太稀 似湯飯多過意大利飯 不過味道還不錯 海鮮份量亦足夠主菜五選一{香煎比目魚}超大份 魚既份量係平時餐廳食既兩倍配菜亦很足 有四大片茄子同薯蓉 薯蓉入面仲有一粒粒薯仔飲完湯食完沙律小食已經飽左一半加上份量十足既主食 完全食吾哂可能兩個男人食就會食得哂📍Sense Cafe (佐敦)佐敦白加士街56號凱豪商業大廈1樓

呢間Sense Cafe之前同朋友下午嚟食過，裝修幾靚，坐得舒服，今次就試下晚餐吧！一行二人叫咗兩份Set dinner❇️先來沙律菜同餐湯沙律菜新鮮爽脆餐湯係蘑菇湯，好香蘑菇味，亦有好多蘑菇碎，都幾好飲❇️雞胸黑松露野菌意大利飯雞胸非常嫩滑，夠入味而且完全唔鞋口，有驚喜！🤩意大利飯有芝士味亦有黑松露味，好香但又唔會太膩。❇️香濃鮮茄大蝦帶子扁意粉蝦肉爽口，帶子係細細粒嗰種，茄汁香濃其中一杯餐飲叫咗❇️熱情果果茶，入面有粒粒果肉，但我覺得偏甜整體來講，呢度食物質素唔錯，坐得舒服，但個人認為晚餐價錢略嫌貴少少

有次同朋友去開佐敦，佢推介咗我試呢間樓上Cafe - Sense Cafe，位置正正就喺出名食「光速餐」嘅澳牛嘅對面，非常之易搵，因為喺樓下望上去就見到玻璃上面有餐廳名～ 餐廳嘅標誌裝飾就係假植物牆，仲有幾隻pepe公仔💚我同朋友總共叫咗兩個Dinner Set，每份都包咗餐湯、沙律、主食同埋飲品，我哋仲另加咗一份窩夫🧇 當晚嘅餐湯係蘑菇湯🍄 個湯唔係落忌廉煲嗰種好竭嘅質地，而係稍為稀啲，見到有超多蘑菇碎，不過唔算好濃菇味🫢 而沙律就係凱撒沙律🥗啲菜非常新鮮爽脆，仲有啲脆卜卜嘅麵包粒同煙肉粒👍🏼•🥢 雞胸黑松露野菌意大利飯 $138 (Dinner Set)呢個有啲驚喜🤩 個雞胸好嫩，嫩到用叉都輕易撕開，食落一啲都唔嚡而且無怪味，調味啱啱好👍🏼意大利飯超大份，食落黑松露味幾香，仲有好多款菇片同少少芝士，呢個飯嘅菇味比蘑菇湯更加濃郁🤤 醬汁好多同埋比較竭身，但整體都唔會好膩，我仲忍唔住一啖接一啖咁食晒成碟🫢 但呢個份量大到應該夠兩個細食嘅女仔share😆•🥢 蒜香露筍牛柳絲扁意粉 $118 (Dinner Set)上菜嘅時候牛柳絲堆晒喺面頭, 份量幾誇張🤣 不過肉質有啲嚡😬 蒜香味唔係幾

閒日同朋友小聚會，餐廳環境不錯，適合聊天小聚，可以多坐片刻。叫了一份2人餐及小食。豬鞍煎得剛剛好，好juice。牛扒感覺都不錯，有少少筋。豬比較出色。海鮮意粉配料充足，幾個人分都夠分量。熱情果水果茶，可以揀甜度，味道不錯。

佢係一間樓上鋪，點知原來都好多人排隊等位😳都幾受歡迎！我地係lunch hour去的，等左大概20分鐘就入得，店舖環境都幾闊落，有水吧位。☕︎︎☕︎︎☕︎︎點左4個lunch set，可配意粉飯薯菜，普通餐飲唔洗加錢是日餐湯🥄蘑菇湯中規中矩，少少淡🍓香煎厚切豬肉眼扒配士多啤梨燒汁 $78豬扒幾冧身，配士多啤梨燒汁好清新，但個汁唔夠多。點完個肉食，扁意粉變左好dry，因為佢本身冇汁，應該淨靠個燒汁加持。🍷紅酒燴牛頰肉 $92相比起豬扒餐，呢個汁十分夠😝因為燴既關係吧！牛頰肉好嫩好好味！🍝香煎鱸魚柳 $85魚柳比較乾身，正正常常，冇乜驚喜。🍝蒜香白酒煮蜆扁意粉 $78蜆肉原算太大，有點細粒，蒜香都有，麵身可以再濕多少少較好。

與友人一行三人晚膳，朋友推介此樓上cafe，地點方便易找，MTR步行只需2,3分鐘。晚餐set不算吸引，我們選擇散叫，原本打算食後再加單，沒想到食物份量甚大，很抵食，性價比高!我們點了鮮茄蟹肉扁意粉、禽獸大會薄餅、雜果窩夫，三人已吃得很飽很飽，食物份量足料，值得一讚。最好食是鮮茄蟹肉扁意粉，意粉軟硬度恰到好處，醬汁味道好，材料也充足，蟹肉也有水準。Pizza則普普通通，略嫌Pizza厚底，但味道中上，也非常抵食。雜果窩夫賣相吸引，窩夫不算甜，味道剛好，吃後不感飽膩，值得一試。

今日慶祝朋友生日，感恩大家聚在一起朋友推介這間西餐，大件及抵食，2人餐超豐富，食得好飽啊500幾元2人餐，份量3人食飽，超足料，抵食食材新鮮蘑菇湯有嚼口，食到一粒粒菇豬肋骨多肉, Pizza 厚度適中，千島醬夠香環境舒服，好適宜談心地方

晚上朋友聚餐，揀左呢間餐廳，位於商業大廈的1樓，裝修係輕工業風，比想像中乾淨舒服，燈光稍暗。餐牌的選擇好清楚，有魚有肉有意粉，可以揀呢啲餐，亦可單點。跟餐的ceasar salad好大碟，最鐘意佢醬汁唔會好多，但每一塊菜都剛剛好沾得均勻。[]份量之大，令我覺得食極都唔完，但不減美味，鐘意食菇的人不可錯過，裡面有幾款野菌，加埋黑松露醬，好好味。雞胸一啲都唔柴，不過未到好juicy，下次黎都會想再食～[]同樣係高水準之作，比目魚煎得啱啱好，皮脆內滑，調味啱啱好，呢個相對份量比飯細啲，唔會太大負擔。