sensory ZERO (太古城中心)

營業中

休息中

今個月算是月巴之月，飯局特別多，小妹睇怕又會進脹不少(解讀：身體即將進入自我膨脹模式)🤣🤣🤣豬扒•大滿足早餐 $158南乳豬扒、煙肉、日本炒蛋、茄汁焗豆、薯餅、時令鮮果、喵喵多士、乾果燕麥乳酪女友話唔肚餓但想食少少野 $128有脆炸蕃薯條、午餐肉條、芝麻雞翼、唐揚雞粒、南乳炸豬扒香煎日本蠔、煙肉、白酒忌廉汁、日本米意大利飯 $148Lemon Meringue Tart $45整體食物味道不錯，係個閒聊聚腳好地方😚

這次沒有預先book 位，只是walk-in 食晚飯。這次坐下後來看到餐廳的台凳原來像課室的一樣，有那些年的感覺⌛️Ordered了 兩個set dinner，日本蠔煙肉白忌廉汁日本米意大利飯飯一上桌已經聞到好濃郁的蠔香味，白汁有很香濃蠔味，飯沒有像意大利飯一樣煮成半生，軟硬到比較付合港人的口味。飯面有刨片的芝士，飯配有煙肉，青瓜片和 Baby Spinach等，蠔有四隻，蠔真的很Creamy 味道很香濃，煮得軟硬適中，真的很讚餐湯今次也是蘑菇湯，夠濃郁，保持水準，十分夠熱香草燒三黃雞（半隻）配燒黑松露薯角，青胡椒汁雞份量大，係半隻雞，雞煮得剛好，肉質不會韌，雞醃得夠味又不會太咸，而薯角的松露味不太濃，汁醬方面，青胡椒味也不太出但味道ok的。這裏的服務員都很年青，也有禮貌。埋單時店員提了誠品會員有9折優惠，即免了加一。Didn’t make any reservations. Walk-in for dinner this time. We found the table and chair in the restaurant looked like those in the class

餐廚位於誠品書店內有卡位，坐位闊落The restaurant located in the book shop.The setting is spacious.🥢和牛﹐牛油果﹐芝士﹐漢堡 $158漢堡肉生了些，大概3成熟左右味道偏淡沙律菜很新鮮薯條夠脆身醬汁okWagyu. Avocado. Cheese. Burger $158The burger meat is medium rare.The taste is plainThe salad green is freshThe french fries is crispy The sauce is ok🥢西京燒三文魚炒雜菜飯 $118三文魚肉質味道ok醬汁okSalmon Saikyo Yaki w/ Stir-fired Vegetables Rice $118The taste and the texture of the salmon is fineThe sauce is ok🥢蘑菇湯夠熱有很多蘑菇粒，好足料蘑菇味香濃，味道很好Mushroom Cream SoupIt's served piping

難得過去港島東，下晝當然去美食薈聚既太古城中心醫下肚啦。俾Sensory 杯 signature 痴_線朱古力 引左過黎.呢間Sensory ZERO 喺誠品入面。深啡色梳發、學校凳🪑開揚既setting 俾誠品包圍住，好hop既書卷味氛圍，感覺非常好。第一樣送到既係 痴_線朱古力 (+$35-)😈既序幕展開😆😻Overflow chocolate scene 好wild 🤩濃濃既朱古力味，不同texture 既朱古力 - 碎碎的、綿滑的、厚身的… 又唔係死甜個隻OMG 心花怒放仔🤩☺️😍之後上既係皮膚靚靚茶 🥰岩岩糖化完皮膚，即刻對沖返先😂😂呢個茶要飲得好有儀式感。茶包放落杯、沖熱水、蓋好，然後沙漏計時。一絲不苟😌😎 ⏳⏳⌛️⌛️玩完一輪 就上我個蒲燒三層鰻魚滑蛋飯（$138-）好耐冇食過咁肥美厚身嘅鰻魚喇。啖啖肉、仲有厚厚既魚皮… collagen 滿滿👍🏼 個蛋好滑 和牛 •牛油果 • 芝士•漢堡（$158-）漢堡好足料。和牛juicy，牛油果🥑為漢堡加左一個creamy texture! 幾好 幾好😋仲有一開頭個南瓜湯都幾好味😉

住係港島，黎黎去去都係行銅鑼灣同太古，但我哋就比較鍾意行太古嘅，多嘢啱小朋友👧🏻！呢間都算係去開太古城中心必食餐廳！佢嘅好處係可以一邊睇誠品一邊等位，咁可以比小朋友睇下書！而且呢間都好好食又好熱門嘅，相對黎講係太古城中心嘅餐廳，價格比較相宜！每次入去都係必食嘅就梗係蒲燒三層鰻魚滑蛋飯🤣🤣🤣除咗本身好鍾意鰻魚之外，佢嘅份量又真係好大份㗎，足足有3塊超肥美嘅鰻魚，鰻魚汁又超好味，而下面都有滑蛋，白米方面就選用日本岩手縣嘅米，真好味啲🤣🤣個份量係夠曬我同小朋友食！其次我哋都會點佢嘅大滿足早餐All Day Breakfast🤣🤣🤣有齊晒All day breakfast嘅食品之外，最開心係個包，其實次次都要另外再加麵包，個外型真係好吸引小朋友，次次都清曬！另外我哋都會點一個煙三文魚·嫩菠菜·忌廉·扁意粉食嘅，因為其中一個小朋友只愛吃麵🤣🤣🤣重點來了，呢個係入去食都要order嘅飲品，次次唔飲都好似爭啲嘢「痴_線朱古力」，真係無改錯名，真係痴線㗎🤣🤣🤣好味到痴線，一杯朱古力🍫不止，上面仲可以佈滿曬朱古力，必點！環境：🌟🌟🌟🌟🌟質素：🌟🌟🌟🌟🌟服務：🌟🌟🌟🌟價格：🌟🌟🌟🌟

之前黎試過牛扒飯同朱古力🍫，印象好深刻，所以今次趁朋友仔係太古附近返工黎食午餐！午餐有好多選擇，仲可以以優惠價轉特飲，都吸引左唔少打工仔黎食飯。一點幾去都要等大概十五分鐘，侍應安排左個卡位俾我地坐，點知今次中大伏😔🥢柚子醬南蠻炸雞扒飯難以下咽既一個午餐☹️首先調味已經錯漏百出，南蠻炸雞無先用糖醋，味醂，醬油先醃漬，淨係食到單一柚子醬甜甜既味道，欠缺左柚子果香同果酸！其次配菜顏色好倒胃口，用上大量紫洋蔥絲同紫椰菜絲，令成碗白飯都染上螢光色。最後係鋪上面層既他他醬，色水好似好夠味，但入口係淡而無味，青瓜同雞蛋如果可以落多啲蛋黃醬攪拌會更好！唯有安慰自己食左好大舊雞排，攝取足夠既蛋白質啦～仲加左二十八蚊既炸午餐肉，無乜特別，下次唔會再叫了！🥢澳洲M5+和牛溫泉蛋飯📍sensory ZERO太古太古城道18號太古城中心地下誠品生活G014號舖

今日黎到太古城誠品入面的既sensory ZERO，環境舒適好多坐位，我係俾佢既熱朱古力吸引左入去，佢哋既朱古力真係實現左朱古力自由，又有得飲又有得食，仲要黑白朱古力齊曬，真心滿足。和牛溫泉蛋飯裡面既牛好嫩滑，雖然冇日本和牛入口即溶，但係時間掌握很好，好好食。鰻魚滑蛋飯的蛋有香濃牛油味，鰻魚少少肥特別軟屬，加上鰻魚醬汁鮮甜味美。澳洲和牛溫泉蛋飯＄168蒲燒三層鰻魚滑蛋飯＄138痴 線朱古力＄50sensory ZERO（太古城中心)（太古）太古太古城道18號太古城中心地下誠品生活 G014號鋪

在誠品買書，口渴想喝咖啡，就來到Sensory Zero。當然不點普通咖啡，一心想飲特色咖啡，剛好見到餐牌推介‘初戀’。餐牌沒有解釋這是什麼咖啡，唯有問店員。女店員努力解釋，本人只吸收到‘奶泡較多’‘espresso底‘’有黑糖‘。等了幾分鐘，就拎到咖啡。雖然份量不及連鎖店多，但杯身賣相精美，打開蓋都ok。雖然奶泡多又有黑糖，但咖啡味非常濃郁！而且不會很甜，奶糖啡比例很好，算是有驚喜！還有，印象中這店職員平時講野好大聲，今次遇到的兩個職員都很有禮貌～

🧭獨特體驗：自家製的各種食物，連竹碳味雪糕係自己做的咖啡店sensory ZERO。sensory ZERO係疫情之下反而擴張左的鋪頭黎，老闆經營有道，品牌有多個主打產品，形像又好。🍳食物質素：除了咖啡豆係自家烘焙、有多種得意又新奇的美食之外，佢地最勁係丼飯。為了令客人食到最香既米，佢地係買「有殼的原米」返黎，呢個已經係好高門檻，係老闆同時有米鑑定師的資格先夠膽咁做。買番黎既米，會用公司的打米機碎左D殼佢，再係短時間內比客人食，所以飯可以講係舖頭的招牌🍴推薦搭配：牛肉丼飯+咖啡🪑環境座位：佢依家分店都唔少。太古城呢間算係較細，但都坐得舒服既🚗交通：太古城誠品隔離💰人頭費：170

之前食過呢間餐廳嘅all day breakfast, 佢地嘅無花果醬好驚艷我，所以周不時都會再去食😋。今次決定試下佢地都幾招牌嘅飯類，都幾好食喎！🌕 澳洲和牛溫泉蛋飯佢地嘅和牛煮到啱啱好，好有牛味又好嫩，撈埋溫泉蛋紫菜飯，每一啖都好滋味👏🏻🌖 蒲燒三層鰻魚滑蛋飯呢個鰻魚飯好足料呀，大大舊嘅鰻魚好肥美，蛋都煮到好香滑，都係好好食可以再encore 嘅dish👍🏻📍 sensory ZERO太古太古城道18號太古城中心地下誠品生活G014號舖🧧人均消費$160

餐廳除左以痴線朱古力聞名之外，係挑選米飯方面亦好講究。老闆採用既白米係由日本岩手縣進口並係香港再進行精磨，保持水份流失，確保香味同黏度適中！今日行完誠品，見餐廳唔洗排隊，一於同鍾意食澱粉既朋友仔去試下😌🐄澳洲M5+和牛溫泉蛋飯賣相好吸引，煮至大概七成熟既牛肉一片片咁鋪滿日本米既表面，牛味都算濃郁，肉質呈粉紅色，再配以大量蔥花同紫菜同一隻流心溫泉蛋，係一個唔會出錯既組合🤭不過珍珠米偏乾身淡口，好彩旁邊附有日式燒汁，可以自行調較味道。🦐大蝦 南瓜汁 日本米意大利飯雖然話係南瓜汁🎃，但味道欠奉。用日本米熬煮會變到太過軟身，缺乏左意大利飯需要既硬道同咬口，變左一碟忌廉味燴飯！表面既芝士片鋪滿意大利飯，減輕忌廉濃郁既膩度！為數不少既南瓜粒同波菜，亦豐富左口感，令賣相更多色彩。大蝦就不過不失，先煎香再放上檯，質素正常！📍sensory ZERO太古太古城道18號太古城中心地下誠品生活G014號舖

晚餐諗住點黑毛豬胺、唔會失手、點超難食、豬胺好細嚿、又油、的肉散哂、似微波焗爐翻叮、嚇死人😱真係要好好改善!其他點了和牛沙律、都唔錯、俾多－次機會、如果水準keep 唔到、就冇下次

今日叫咗外送平台其實都叫過呢間餐廳同呢個飯幾次 （三文魚西京燒）一直都正常雖然有時佢啲三文魚會半生熟，但係可能係慢煮問題都一直冇介意今日竟然在三文魚底下發現了一條毛而髮質極度似一條陰毛極度嘔心真心提醒sensory zero 要注意衛生問題

行開誠品，見到間嘢好似幾有風格就同女友入左去坐低，我諗住食啲穩陣啲既嘢就叫左個蒜香辣椒炒意粉，等左我成9個字，傕完個樓面，5分鐘後終於有得食，恭喜發財，碟意粉炒到出來水汪汪咁，完全冇味，有味既得啲辣椒同啲灼過既海鮮，講真真係從未食過咁難食既炒意粉

開頭揾唔到間餐廳個門口, 原來係城品書局入面, 都幾特別.....和牛漢堡 - 整個漢煲好厚, 要分開食, 連埋薯條, 不過不失。可遇不可求粉紅咖喱南乳豬扒飯- 聽個名都幾特別, 同埋從未食過粉紅咖喱, 個顏色完全唔似咖喱, 好有少女感覺, 打卡一流,  個粉紅咖喱一入口唔辣的, 但落到喉嚨就有辣味衝上黎,  視覺同味覺好衝激。