Seoul Bite Factory

營業中

休息中

第一次外賣叫韓式炸雞，體驗非常好。叫咗個自由組合，點咗泡菜炒飯、無骨蜂蜜炸雞、辣炒年糕。炸雞依然酥脆，甜甜辣辣，非常好食，配泡菜炒飯味道得到昇華。唯一有少少失望的是，辣炒年糕有點失準。

突然想食韓國嘢見到外賣平台有呢間價錢又唔貴 就叫黎試下魚糕湯：極極極極鹹個湯係完全入唔到口味道都完全唔係果回事唔係韓國果個味道囉另外叫左原味炸雞係無骨雞球有啲肉羶味

觀塘區真係好多外賣選擇，但韓式炸雞嘅選擇相對就較少🤧今日喺嗌外賣嘅平台上面見到Seoul Bites😋佢夜晚都有套餐選擇，而且價錢合理，每人大約$100就食到炒年糕、飯堡、一個主食同埋30件炸雞😋👍🏻炸雞方面，我哋揀咗原味、香蒜醬油同埋蜜糖牛油，佢嘅炸雞全部都係無骨炸雞😂啱晒難得選骨嘅人！外賣炸雞來講 十分推薦！到咗之後放咗大約10分鐘，但炸雞依然好脆，充滿醬汁得來唔會淋晒！但佢嘅飯堡就有少少油，不過味道正常，可能因為包裝已經充滿油😂食落反而又唔會好油炒年糕一樣包裝充滿辣油🤧但味道搭救，唔食得辣嘅人可能會食唔到，因為佢都有一定辣度！總括黎講 晚市外賣係好抵食👍🏻

值得推薦韓國菜性價比高今日係外賣服務，食物質素不錯，都仲熱的叫左幾款食物，包括3款炸雞，飯類，炒粉絲及泡菜炒年糕！味道好好！大人小朋友都啱食！除左炸雞，多士都好有驚喜，好味！

疫情下只能夠叫外賣仲有優惠：滿$80/8折叫左個2人餐$218包一款炸雞和一款主食和兩杯飲品炸雞：皇牌芝士炸雞（無骨雞）大推👍🏻👍🏻👍🏻炸雞分量十足可以選擇有骨和無骨，無骨雞食用比較方便～外賣黎講真係無冇得頂👍🏻因為送到過黎炸雞仲係熱辣辣的～另外，值得一讚既係炸雞上既芝士粉！ 芝士粉分量絕不吝嗇！ 而且，味道係麥當勞shake shake 粉蜜糖bbq 味！ 十分推介！ 一試難忘！ 韓式炒粉絲炒粉絲相比下較為遜色味道偏淡，而且油既分量過多提子汁、梨汁係韓國罐裝牌子的入面仲有蘆薈，增加口感👍🏻

晚市禁堂食，就揀左呢間買黎去觀塘海濱食～Openrice見到外賣自取一人餐 $56，包5件無骨炸雞、韓式粉面、魚糕湯。我揀左「無骨黃飛紅炸雞」+ 弘大韓式意粉。個炸雞甜甜辣辣咁，少少脆咁，意粉係creamy少少辣咁，幾開胃朋友揀左芝士炸雞+炸醬麵，炸雞冇咩芝士感覺，反而有啲似蜜糖，唔知係咪比錯咗🤣 但係味道都OK。炸醬麵甜甜地，係拉麵質感魚糕湯就鹹咗少少，普普通通啦，入面有三片魚糕。見到店鋪入面果個應該係韓國廚師，作為外賣都唔太貴嘅韓國野都幾好👍🏻 有機會會再幫趁😋

叫左個3-4人套餐, 入邊有16隻雞翼,一個主食加年糕同埋三罐飲品, 哩個價錢算係非常抵食。雞翼揀左黃飛鴻炸雞，俾個名吸引左，其實有d似辣醬雞翼，唔係好辣，但係都幾惹味。主食揀左泡菜豬肉飯, 啲飯食落好煙un，味道都幾正宗。年糕就揀左辣炒年糕，都係好似平時出街食嘅韓國年糕一樣，都係幾唔錯。

是但係外賣APP叫間韓國嘢食，又幾好食喎⋯⋯有骨原味炸雞、泡菜豬肉飯、辣炒年糕😋😋⋯⋯年糕分鐘少左啲、豬肉飯ok, 炸雞🍗雖然只有雞槌雞翼，但勝在夠脆，所以味道都好味😋

經openrice落單炸雞同卡邦尼，一上到去見有d裝修工人，已經覺得唔對路。望入去就完全係一個好亂嘅食廠咁，地下好多貨，再加上有個男人搬緊佢d食物，見我攞嘢時戴返個口罩，但又冇洗手，總之成件事就係覺得間嘢好污糟。卡邦尼有一條條葱，紅蘿蔔，椰菜咁，係咪韓式係咁架？炸雞味道就還可以，粉比較厚，但我唔知炸雞佢有冇畀錯我，因為我要芝士炸雞，但食落甜甜地唔知係咪畀錯蜜糖。