影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
北角又新開左分店！店舖比預期中大，座位寬敞唔似灣仔嗰間又迫又多人排隊每份麵都會跟碗薏米飯、泡菜同埋醃蘿蔔，泡菜夠辣好開胃惹味👍🏻❛ 辣拌麵 Bibim Noodle ($78)刀削麵幼身煙韌彈牙，醬汁俾得好足，鍾意係有大量牛肉絲😍 仲要唔乾唔柴好腍😋 仲加入大量雞蛋絲、韭菜、酸菜，好豐富🤩❛ 雞湯麵 Chicken Noodle ($98)有成半隻雞勁壯觀！雞肉嫩滑 呢碗比較清淡暖胃 ❛ 蜆湯麵 Clams Noodle ($88)鮮甜，湯底偏淡，可以自行加D黑胡椒粉❛ 首爾牛肉醬油湯飯 Seoul Beef Soysauce Rice Soup ($88)比較多蕨菜乾，味道幾濃唔係個個都會鍾意，牛肉味相對較淡❛ 白切肉 Boiled Pork ($128)五花肉厚度好，配醬油醋食清爽唔油膩❛ 海鮮蔥餅 Pajeon ($128)海鮮韭菜份量足，但係唔夠乾身同埋易散，價錢相對較貴❛ 豬肉餃子 Pork Dumplings 2 pcs ($38)餃子皮厚度同埋餡料份量都剛好—ʜᴋᴅ $90-150 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 8/10—📍Seoul Noodles (several branches)北角英皇道433-437號珠璣大廈地下B號舖
繼續閱讀
面的確好好食 湯再熱啲就好了， 北角可以食到有質素嘅韓國湯面，係好開心嘅。北角menu 有調整，下調了。套餐選擇指定嘅面要加附加費，好似間間都係咁。減左又加翻，所以有點複雜，比其他地區店係平咗嘅，我都唔知道😹😹。點了 kings combo $298雞湯麵 +$20雞湯麵係好好食麵好彈牙湯好好飲隻雞有雞味，但係唔算好熱。 請盡快食室內冷氣會吹冷。辣排骨湯飯+$30係屬於韓國國民解酒湯系列，要用手套用手食，其實係有啲難處理。請盡快食室內冷氣會吹冷，飯會淋海鮮薄餅香脆而且多料 泡菜餃 +豬肉餃正常操作 請盡快食室內冷氣會吹乾+10% service charge $383
繼續閱讀
今日專登去 Seoul Noodles 試下，叫咗佢哋嘅排骨辣湯麵同埋雞湯麵。先講排骨辣湯麵，個湯底幾紅咁，望落以為好辣！飲一啖，有陣藥材味即刻衝上嚟，幾過癮！辣，但又唔係死辣嗰種，係香辣！入面仲有好大嚿排骨，燉到甩晒骨，勁淋！啲麵條又彈牙又有咬口，配埋啲湯汁，不錯！雞湯麵呢，個湯底望落好清，上面仲撒咗啲蔥花同蛋絲。飲一啖，味道好鮮甜，感覺好似用雞骨熬咗好耐咁，好濃郁。雞髀好滑，入口即化，而且份量俾得好足料。呢種清清哋嘅味道都好正，食完好舒服。下次會再嚟試吓佢哋嘅其他麵！聽講佢哋啲麵條係手打嘅，難怪食落咁彈牙！下次要試吓蜆湯麵！
繼續閱讀
屋企附近新開嘅餐廳，同屋企人去食晚飯試下。叫咗熱門菜蜆湯麵。蜆肉都幾多，不過臭臭哋， 隻隻咬落去一口沙！根本冇法吞。湯一陣腥味，屋企煮嘅勝瓜沙白湯鮮過佢多多聲！麵上算可以，幾彈牙。但係食完麵之後碗底一層沙。我果個辣牛肉湯飯同喺hktvmxxx買嘅即食辣牛肉湯同一個味道！仲要一塊牛肉都冇。嚴重懷疑佢哋用預製菜。$88蚊我不如買兩包辣牛肉湯返屋企泡飯好過，食可以食4餐。真係唔明點解仲有客人去呢間野。係唔係其他分店好味d？
繼續閱讀
應該係北角新開的餐廳，經過見到餐牌覺得幾吸引，店面乾淨，有單邊長枱，用餐舒適。有店員落單，今次揀左釜山白肉湯飯，套餐價$98有汽水，另收加一服務費。兩個前菜都幾好食，可以免費添加，至於湯飯上菜時熱辣辣，天氣凍食熱湯飯感覺好好，如果湯和飯可分上更好。主菜白肉有少少騷味，配搭前菜或醬料食好啲。可以回頭的餐廳，下次再試其他。
繼續閱讀