Shari Shari Kakigori House 氷屋

營業中

休息中

Brought one friend to this dessert shop after our spicy food dinner, as another friend reminded me that we should let her try the best kakigori in Hong Kong!.We ordered the Tiramisu Kakigori and Earl Grey Milk Tea Kakigori. The Tiramisu Hazelnut Kakigori consisted of hazelnut syrup, coffee syrup, coffee cake, cookie, cocoa powder and nuts. Topped with whipped cream and cocoa powder, its interior was filled with cookie, adding more textures to the kakigori. The alternative flavours of hazelnut sy

香港天氣咁熱一定要食返啲涷冰冰嘅嘢，星期日夜晚去到門口見到條隊都幾長下，但其實都係等20分鐘左右就入得。而且佢嘅價錢同味道我都覺得係值得排隊入去食🩷試左2款人氣刨冰1. Matcha Cream Special （Caramel w/ Shiratama Mochi）抹茶忌廉焦糖味（配白玉）$110抹茶味好濃，帶甘苦，比較適合大人口味。忌廉好滑，仲有軟糯嘅白玉，配埋刨冰一齊甜度岩岩好，中和左抹茶嘅苦味。推薦指數⭐️: 5/52. Strawbery Special （w/Panna Cotta）いちごミルク草莓Special味（配北海道牛乳奶凍）$115佢寫到明係用strawberry serum，預咗係比較小朋友口味甜d，fresh strawberries 比較酸同份量少。比較失望係佢入面嘅布丁牛奶味唔濃。推薦指數⭐️: 3/5

日式刨冰既話，呢間真心不錯，食過幾次都會再想食，今次又試不同口味。櫻花味日式刨冰，粉紅色真係好靚，啱曬少女心既人，味道都幾濃郁下，我額外加咗一份白玉，幾好味。抹茶配焙茶日式刨冰，抹茶醬夠濃郁，焙茶既味道反而偏淡，需要靠抹茶醬嚟吊味。抹茶，點咗一碗熱既抹茶，味道偏淡口感一般，冇特別順滑。蕨餅（warabi-mochi），口感一般冇特別，日式點心，用蕨粉製成，通常搭配黃豆粉和黑蜜食用。總括嚟講既話不過不失，夏天食下刨冰真係會涼快好多，推薦櫻花味日式刨冰

已經食咗六七年，味道依然冇變！每次食完都覺得好開心，因為食過好多刨冰，有啲食食吓會開始得返水味，但呢間完全唔會！佢啲刨冰磨得勁細，質素真係好高，每一啖都好滑，口感超好。基本上每一個味道都好好食，最有心思嘅地方係，面層、中間同埋最底都有唔同嘅配料，咁樣食落去真係勁有層次感，唔會食到厭。#士多啤梨乳酪味賣相已經勁吸引，食落去酸甜控制得好好！Shari Shari 絕對係我心目中刨冰嘅首選，味道一如既往咁好，無論係配料定係口感都非常出色。如果你鍾意刨冰必試🍧！

很喜歡Shari Shari的冰，幫襯了好幾次，每次都好滿意😀佢因受歡迎，已開了幾間分店。試過抹茶黃豆、焙茶、朱古力、宇治，今次食士多啤梨味冰，綿綿的，賣相靚靚，入口即融，配有甜甜酸酸的士梨汁和乳酪，甜甜的，少少酸，很配，令人難以抗拒，只好一口接一口地食，冰內的牛奶布丁和黃豆粉亦與冰夾得來，讓食冰多點口感。一份冰，2至3人享便剛好，但店有最底消費，要留意啊！晚上8點，飯後時間，不少人到來食飯後甜品，呢個時間要幫襯都要排約10分鐘隊，店內環境裝修不錯，但食客談話的聲量都頗大，感覺有點嘈雜。

呢度嘅刨冰真係令人一試難忘！我試咗兩款口味，都幾特別同埋滋味十足！1. 伯爵奶茶朱古力味：（另外再加左餅碎入面）呢個口味真係濃郁得嚟又唔膩。奶茶嘅香味配合朱古力味，仲有啲爆炸糖喺入面，好新奇！以為會好奇怪，但係又唔會，反而好夾！食落去有啲微微嘅爆炸感，好有趣。我額外加左餅碎係入面，令整個刨冰多咗層次感，口感豐富，唔單止甘香，仲帶點脆口，真係一款既特別又滿足嘅甜品。2. 抹茶加黃豆粉味：呢個就係我嘅最愛啦！入面有丸子同紅豆，食落去又有啲彈牙，又有紅豆嘅甜味，抹茶味好濃郁但又唔會太苦澀，仲有黃豆粉加埋丸子嘅Q彈，層層堆疊出嚟嘅味道真係令人陶醉。呢個口味唔單止清新健康，仲有一種日式糕點嘅感覺，真係唔會令你失望。總括嚟講，我係好推介呢間刨冰🍧唔單止外觀吸引，味道都幾乎完美。無論你係鐘意濃郁定係清新，都可以喺呢度搵到心水之選。下次我一定會再嚟試其他口味！

來自日本的刨冰專賣店，價格中上，但開店一直以來都好多人. 由中環開到尖沙咀. Lunch 時間都居然見到有人食刨冰... 是否一個奇景~~ 星期五晚上約需排隊20分鐘才能入座~ 試左招牌的抹茶忌廉焦糖刨冰($110)，加埋白玉(沒有白玉的可以平D)。抹茶味道濃郁，與忌廉的搭配意外地和諧。刨冰質地細緻，即使食用一段時間後仍能保持形狀，沒有融化。 但menu叫客人上枱20秒內就要食... 融左店家都唔會負責...haha 不過!!!! 焦糖醬被放置在刨冰最底層， 吃到最後部分時味道會變得偏苦 .... 所以下次可能會嘗試其他口味, 唔好叫 焦糖味唷~~ 刨冰的份量2-3人分享都OK. 但有最低消費~  

Had always promised my friend to take her to this best Kakigori shop in Hong Kong for a long time, and I finally fulfilled my promise🙂‍↕️. .We ordered Hazelnut Chocolate with Banana Kakigori. Topped with fresh banana and whipped cream, the Kakigori contained hazelnut syrup, chocolate syrup and banana syrup. As usual, each bite was flavourful, but this tasted a bit bland compared to their other Kakigori. Since it got cookies in its interior, it enhanced the layers of the dessert. My friend was so

今日喺尖沙咀試咗間新店，點咗焙茶刨冰，真係一個驚喜！🍧呢碗刨冰用咗好濃郁嘅焙茶，味道香醇，唔會太甜，正好！刨冰質地滑溜，入口即化，真係好舒服！而且上面仲有一層抹茶泡沫，增加咗口感，食落去更加香滑！😍另外，佢哋仲加咗啲小配料，好似紅豆同埋珍珠，咬落去有驚喜，令整碗刨冰更加豐富。🌟總括而言，呢間店嘅焙茶刨冰真係值得一試，特別適合夏天消暑，性價比亦都高。如果你喺尖沙咀，記得要去試下！推介指數：⭐️⭐️⭐️⭐️⭐️

errrrr好失望🙍🏻‍♀️期間限定嘅清酒櫻花味真係好奇怪🤔味道真係好一般🙂‍↕️打卡嚟講都有啲失望😞師傅可能整嘅時候失左手🫲變左做一個好扁踢踢嘅圓形😟材料方面，有3粒小丸子、少少餅碎喺中間同埋cream喺表面

最近新出咗櫻花味嘅刨冰，所以揀咗櫻花抹茶味嚟試吓(*´∀`)~♥#### 1. 櫻花抹茶味日式刨冰- **價格**：$130- **評價**：櫻花抹茶味冇伏，刨冰質感好細膩，食落去好滑，抹茶味道濃郁，帶有一點微苦，啱啱平衡咗櫻花嘅甜味。唯一不足嘅係刨冰入邊有消化餅，破壞咗成個刨冰嘅口感。整體來講，刨冰味道清新又爽口，特別啱夏天食，令人心情愉快，希望以後可以出多啲新口味。刨冰份量亦唔少，分享或者自己一個人享用都好合適(♡˙︶˙♡)

果日同朋友食完飯，覺得意猶未盡所以搵左間甜品舖做下場，叫左個開心果士多啤梨刨冰～刨冰嘅外觀已經好吸引，面頭鋪滿咗開心果醬同士多啤梨粒，，睇落好精緻。一啖入口，開心果嘅濃郁香氣即刻散發，搭配士多啤梨嘅酸甜，味道層次豐富，完全唔會覺得膩。刨冰質地非常細膩，入口即溶。環境方面，雖然店鋪比較細，座位有限，但整體乾淨舒適，適合同朋友一齊嚟享受甜品。服務都幾好，店員會耐心介紹每款刨冰嘅特色。價錢方面，$140一份刨冰雖然有啲貴，但份量足夠兩個人分享，而且質素絕對對得住個價錢。如果你鍾意試新嘢，或者係刨冰控，呢間店絕對值得一試！

自從試咗佢嘅伯爵奶茶味之後🥰就念念不忘Shari Shari😂今次去咗尖沙咀食完晚飯之後😈就試咗期間限定嘅開心果草莓🍓同埋栗子黃豆粉🌰生果味比想像中突出👻食到最酸酸甜甜😊佐賀小姐嘅士多啤梨同開心果無話好夾🤨但係開心果食得耐左的確會有少少膩🤡所以可以中和番個味☺️整體嚟講都屬於唔錯水準😆栗子黃豆粉口味既話🥰面頭鋪滿咗栗子醬❤️但係食落去到甜左少少🤏 如果佢栗子味重番啲會更好😃食到入面有黃豆粉😗係正常水準😌配合埋個栗子同白玉係面頭🤗係一道完整既甜品今次試完☺️短期內滿足左我對shari shari既心心念念😋可能係食左一次期望值過高🙂‍↕️但整體都算唔錯既❤️

不嬲都好鍾意食佢哋呢間舖頭嘅冰，尤其是尖沙咀分店唔使點排隊，今日經過再八去食，見到佢出咗隻季節性限定嘅開心果草莓冰，即刻order 試試佢，果然有驚喜，仲要有埋朱古力醬淋喺冰嘅上面，超級好食！重點係一啲都唔流

食都食過4-5次了每次都覺得唔失望今次叫左伯爵茶白玉☺️味道一開始都幾濃 食到中間同下面無咁濃的但里面有好多餅乾🍪碎都幾match成個冰令到口感更豐富平時食開焦糖燉蛋今次試下個蕨餅都是幾正的！