Shari Shari Kakigori House 氷屋

營業中

休息中

～第二次到店，刨冰依然魅力不減🍧～雖然重係6月，但行出門口就已經大汗踏細汗，自然就想食啲冰涼解渴既食物，刨冰絕對係不二之選。而shari shari既刨冰真係從不令人失望， 今日來到選擇咗期間限定既雜苺乳酪口味，十分有水準。雜苺醬及乳酪配搭恰到好處，味道清爽，唔過酸亦唔死甜，一口接一口停唔到，認真暢快🍓🫐🧊🥛今次亦不忘加點推薦既蕨餅，軟糯既蕨餅灑上黃豆粉再配清甜黑蜜，啖啖傳統日式口味，唔使去日本都食到，十分正💕

今次又係陪鍾意食冰嘅朋友嚟食😂試咗新嘅豆腐味冰，仲有一件焙茶芝士蛋糕！豆腐冰有配白玉，清清地都幾消暑，夏天就係唔想食太heavy👍🏻 而件焙茶芝士蛋糕就普普通通，唔係好有焙茶味🙈 冰店都係食冰才是皇道👍🏻

炎炎夏日又係食冰好季節，去我摯愛嘅氷屋🍧🍽伯爵奶茶味伯爵味非常出眾☕️甜得嚟又唔會漏，每一啖都覺得好幸福☺️尤其係熱住等咗15-30分鐘，即刻食冰降溫真係不得了😙🍽牛油果番石榴味呢款係新口味🥑番石榴味道幾清新，微甜，牛油果無咩味，主要係裝飾靚啲🤣新味都幾唔錯，不過未必會重複再食🤣🧸最愛依然係伯爵奶茶味，唯一缺點就係太多人🤦🏻‍♀️🔍Shari Shari Kakigori House 氷屋 (銅鑼灣)銅鑼灣加路連山道13號地舖

成日都聽到好多人讚呢間氷屋嘅刨冰好好食，前排我地經過附近，等咗大概一個小時終於有位可以入去食啦~😆✅櫻花抹茶味刨冰係期間限定嘅甜品黎，淨係櫻花季節先會有，所以依家就應該停咗呢款冇賣架啦~ 外層嘅櫻花味係一種微微嘅甜味，但又唔會太甜，刨冰入面係好香濃嘅抹茶味，令到成個甜品好有層次~🥰係order cheesecake 之前已經聽過其他人嘅評語對佢地嘅cheesecake感覺一般般，但我地都係因為都係想食cheesecake 所以決定試下佢~ ✅呢個焙茶芝士蛋糕 感覺好一般，口感好結實而且冇其他cheesecake 口感順滑嘅感覺~ 好似放咗係雪櫃好耐咁有啲硬~ 如果想叫多款野食都係order 刨冰比較好~😂

這間吃冰小店，門口總是大排長龍。Our food is icy. But, our heart can warm you!這日，稍等片刻，就被安排入座。一個人，點了一客伯爵奶茶味白玉刨冰$110。望著高聳如山般的刨冷。心想，倘若A在旁，多好啊！日式的刨冰，淋上自家製伯爵奶茶味醬汁，刨冰口感幼滑綿密，入口帶有淡淡伯爵茶味奶茶味，濃香而不甜膩。刨冰中間夾雜了富咬口的香脆餅乾碎，以及軟滑富奶香的北海道牛乳奶凍，再配上三粒煙韌的白玉，層次感十足。黛玉葬花。花埋在土裏，最為乾淨。炎夏吃冰。冰吃進肚裏，最為溫暖，最為幸福。

💜 Shari Shari Kakigori House氷屋📍 銅鑼灣加路連山道13號地舖------------------------------1️⃣伯爵奶茶味 (配白玉) $110推薦指數：👍🏻👍🏻👍🏻👍🏻伯爵茶味濃😍冰上面有白玉 煙煙韌韌 冰裏面還有黃豆粉 消化餅及奶凍 口感非常豐富 美味😋2️⃣草莓Special 味(配北海道牛乳奶凍) $100推薦指數：👍🏻👍🏻👍🏻👍🏻👍🏻士多啤梨味天然🍓冰上面有忌廉 冰裏面有奶凍 搭配起來的味道十分好🥰好食 美中不足 冰上的一顆士多啤梨太酸😂------------------------------超級美味 冰非常綿密 冰用純正的日本水去製作 平日下午也需要排30分鐘 但值得排隊一試😍總評味道：⭐️⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️

天氣又熱返，行街行到攰，想食啲凍凍哋嘅甜品😋🍧草莓Special味(配北海道牛乳奶凍) $110食過咁多間刨冰，始終最鍾意都係Shari Shari🥰草莓味糖漿嘅量好夠，食到底依然好有味，但唔會過甜👍🏻甜甜酸酸，加上清涼嘅刨冰，即刻解晒暑😋中間嘅牛乳奶凍好滑嫩，奶味都幾重😌我哋加咗消化餅碎($10)，配着奶凍同刨冰，增加咗口感，大滿足🥳🥳味道😋 8.5/10性價比💰 7.5/10環境🔎 7.5/10服務🫶🏻 7/10打卡指數📸 8/10٩(˃̶͈̀௰˂̶͈́)و 推薦指數🥰 8/10

早幾日天氣又酷又熱食刨冰真系啱晒😛呢間Shari Shari系由一個日本人開嘅超級出名 閒閒地我哋都排咗半個鐘聽人講之前排到去對面街 真系好誇張😳小妹一於就去試下到底系咪咁好食-♥︎ 草莓special味(配牛乳奶凍) $110嚟到嘅時候真系比佢嚇親 超巨型刨冰😍就算你塊面幾大都好佢都一定大過你塊面😂一個人真系食唔晒 我哋兩個人share就啱啱好😆最頂有粒士多啤梨 系甜架!🤪刨冰口感超級綿密滑到完全冇冰粒😚真系入口即溶士多啤梨味香甜濃郁🤤絕對唔系嗰啲膠膠地嘅香精味真系有種食緊新鮮士多啤梨嘅感覺🥰頂部嘅士多啤梨醬會慢慢滲入個刨冰度通常啲人會叫你盡快食如果唔系會溶晒小妹個case正正相反都未等到啲士多啤梨醬滲入刨冰Mami👩🏻就已經幫我KO咗上面嗰層😂最終小妹將啲淡味嘅同濃味嘅撈埋一齊食甜度啱啱好🤣🤣食到最底仲有個牛乳奶凍甜度偏低 牛奶味超級濃郁😳食完口腔充滿牛乳香 真系好似飲緊日本牛奶咁😝小妹suggest食奶凍之前飲啖水沖沖個口咁樣奶凍就唔會比刨冰嘅甜味蓋過咗整體小妹覺得呢個刨冰超好食系小妹食過士多啤梨副產品最好食嘅一樣😜味道: 10/10性價比: 7/10-呢間舖地方比較細 所以會坐得

sharishari永遠都係我最愛嘅刨冰店已經唔記得去左及多次即使要排隊仍然都係好想食除左基本草莓special之外 佢成日都會有限定味好吸引最鍾意佢食到最後永遠都仲好夠味好夠醬汁大家記得只收現金!!! 唔好好似我咁樣無cash要跑去禁錢日本甘酒味 $140今次食左佢個期間限定味姐係Sake清酒~本身都係一個酒鬼 所以呢個味就岩曬唔知係咪錯覺 唔知點解我呢個好似特別細TT唔知係我呢個味定係我問題但係! 佢超級好食第一啖好濃嘅清酒味慢慢食落去就會係甜味再加埋奶香味 好正!!!裡面仲會有餅碎 好有口感同埋入面係會有牛奶布丁的 但稍微有點少但係完全值得一試呀呢個味道！

真心係好好好好好誇張，雖然係星期日，但諗住四、五點呢D時間會冇咩人，OMG多人到唔識形容呀。同朋友去食，一邊排一邊傾計，咁就等左成一個鐘啦! 叫左士多啤梨Tiramisu Kakigori 🍧意大利芝士蛋糕，真係好巨型!!! 賣相都靚靚，打卡一流! 原來呢一個係銅鑼灣店限定，So lucky! 新鮮士多啤梨和可可粉，再加上芝士忌廉，刨冰綿密幼滑，仲有奶香。最驚喜係佢入面有士多啤梨、士多啤梨果醬，同埋軟綿咖啡蛋糕，真係好似係度食緊Tiramisu，好好奇係點樣可以整到咁豐富嘅層次。另外叫多左個 焙茶芝士蛋糕 配 抹茶 套餐。人生第一次食茶味咁濃的CAKE，D茶令到整件蛋糕一點也不甜，好搞笑佢另有一碗抹茶，no idea係點樣食用，沾蛋糕!? 最後係飲左啖，超!級!苦!!

經過銅鑼灣呢間食店無數次一係覺得天氣太凍一係太多人排隊一係自己一個唔想食咁多終於 朋友都話想試好耐見排隊唔太多人就一於試下啦！其實人流去得好快因為冰溶得好快你想慢慢食都無可能🤣掙扎叫士多啤梨定芒果椰子味最後揀左strawberry special🍓開頭諗住食幾啖就算😛少食凍野但最後食左一半😆冰口感好綿 最怕食到一粒粒而最重要士多啤梨味好真一d藥水 香精味都無甜味剛剛好佢仲寫明Ice imported from Japan🧐唔怪之得長期都咁多人黎食

<氷屋> 📍銅鑼灣🔸好食到要大叫三次「好食！好食！好好食！」🤤🔸空氣感綿綿冰 😍 敏感牙齒都食到同朋友係附近食完拉麵，比佢捉住左話一定要去排<氷屋>，幸運地排咗5分鐘就入座，叫左佢Best selling item。Strawberry special 加奶凍 ($110) — 刨冰上枱！大件事！頭咁大個嘅刨冰！好擔心食唔晒（事關我有敏感牙齒🥶），心諗咁大兜！實食到我牙都痺！意想不到地食落口 😯 是軟綿綿狀態的喔！空氣感十足的喔！草莓奶味濃濃的喔！🍓🍼🍓🍼🍓🍼🍓🍼🍓🍼 是好好味的喔！😍😍😍 用心刨出黎嘅冰，頂陣係空氣感、中層刨冰包住左舊奶凍、底陣為實冰 ❄️🧊 一啲都唔似以前係海洋公園果種牙痛冰，呢個刨冰有飛雪效果 ☺️ 好好食～ 食落好幸福～ 💞多謝我個為食朋友仔死都要捉我去排隊先可以食到一個幸福感滿滿的刨冰 🍧 推薦各位！值得一排！溫馨提示：餐廳只收現金喔 🫶🏼

抹茶忌廉焦糖 $95濃郁的抹茶甘香，帶有甜味唔會太苦澀🍵仲有焦糖餅碎喺裏面，有咬口👀日式冰嘅質地非常柔軟，口感非常滑順，入口即化😛每次嚟食都保持水準，當然排隊嘅人都保持水準😆本身鋪頭唔大，所以可以容納嘅客人都唔多。唔想排隊嘅就可能要平日4，5點去食，人龍會比較短🫢味道⭐️⭐️⭐️⭐️環境⭐️⭐️推介⭐️⭐️⭐️⭐️

店名: Shari Shari Kakigori House 氷屋地址: 銅鑼灣加路連山道13號地舖銅鑼灣站F1出口，行5分鐘環境: 4/5價錢:4/5味道: 4.5/5今次揀左平日嘅夜晚去，都係等左大概15分鐘左右，唔算話好耐，大家怕排得耐嘅可以去中環店，座位多好多🙈抹茶忌廉焦糖❤️❤️❤️❤️❤️$100佢地嘅冰係由日本進口嘅水去整成，食落口冰嘅質地係好綿，同平時嘅係完全唔同~抹茶味都係佢地嘅招牌口味之一🍵，食落好重抹茶味，比我想像中重，因為之前食Earl Grey /焙茶，茶味都無咁濃，微甜，後勁有仲回甘🥰個cream同平時蛋糕個種好唔同，質地綿好多，而且就算食哂所有cream唔會膩，夾埋回甘嘅抹茶冰食，就啱啱好🤩

話說早2日係銅鑼灣隔離街食完燒肉，同朋友想搵甜品食，就講起加路連山道有間食日本刨冰成日都有人排隊，咁就決定一齊去排吓隊，排隊嗰陣已經望到啲冰冰勁吸引，排咗三四個字到就到我哋啦，都唔算要等好耐。排隊嘅時候見到原來佢哋嘅用冰係日本淨水整成嘅冰，充滿期待。真係冇失望，今次試咗焙茶味同埋黑糖厥餅，以為有啲冰會冇味，原來真係成大個都係充滿焙茶味，咁大個冰冰真係好igable, 所以俾埋溫馨提示我哋，叫我哋20秒就好影完相😂😂試完一次好鐘意，下次會再黎試其他味🤤🤤