Shelter Cafe

營業中

休息中

訂咗今日12:00因為星期日，工廠大廈正門唔開，所以要係停車場後面入，上到去星期日關係周圍好靜，餐廳入面環境舒服，食物賣相好靚味道可以，服務因只得一個人，接待丶煮嘢丶執枱一腳踢，不過服務態度好好絕不馬虎，感覺好好👍🏻

To ease stress from work. Shelter cafe is prefect the place to go. With friendly chef, staff and yummy comfort food, quilted coffee.. plus a stunning view to harbor front. Well decorated dinning environment. Chill and able to get energy back for next round of work.

柴灣工廠大廈隱蔽海景餐廳，食午餐都可以有個靚靚view🔹蘑菇🍄‍🟫忌廉湯 忌廉湯入口順滑，同時滿滿碎碎蘑菇口感，仲要分量多，正🔹紐西蘭牛漢堡配薯角 牛漢堡肉質嫩滑，幾juicy，而麵包烘煎得外層脆脆，配合芝士及番茄等，味道不錯。薯角就比較失色，食落一啲都唔脆，似炸左好耐🔹All day breakfast 材料豐富，大茹烤到外脆內濕潤，黑松露炒蛋香滑creamy，配埋炸薯餅、煙三文魚、香草豬肉腸及牛角飽，真心真係大滿足😋🔹Caffe Latte & Matcha Latte🍵 Caffe Latte 就正正常常，反而Matcha Latte 有驚喜，綠茶味香醇味厚👍🏻作為美食沙漠🌵的柴灣，能食到性價比高嘅西餐，真心難～仲要坐得舒服❤️

咁岩係柴灣附近放工，記得有朋友曾經推介過呢間餐廳就即興過黎試試。😁夏天關係趁太陽未落山 未完全天黑可以清楚望到旁邊碼頭海景，即時搵個窗邊位置坐底欣賞風景。餐廳裝修簡約但溫馨。用手機掃描QR CODE落單可以即時網上付款，方便！👍餐點價錢大眾化，食物味道同埋貌相都好好。😋😋店員好有禮貌即使見到我地掛住影相都好有耐性👍👍辛勞工作過後可以慢慢享受美景+美食感覺幸福。呢間餐廳值得好好支持及收藏。🥰

Lunch經常去嘅一間cafe，最近menu岀返我最鐘意嘅辣肉腸焗意粉，決定岀個post。餐廳位於柴灣工業城，相信係柴灣同小西灣返工嘅朋友都一定聽過或者去過。餐牌選擇唔算多，不過味道出乎意料地岀色。每一碟都好精緻，不過份量略嫌細碟，女仔嘅話應該夠食。今次點咗辣肉腸焗意粉，一貫地保持水準。lunch比較多人，焗嘅時間大概要等15分鐘左右。肉醬好夠味，意粉亦唔會太淋，個靈魂係辣肉腸，三者配合簡直無可挑剔。題外話，小小一間cafe窗口位可以望到海，係繁忙嘅工業區上班時間不失為一個lunch抖抖氣嘅地方！

嚟親柴灣每次都係茶餐廳、三哥、小吃⋯估唔到今次有驚喜喎！呢間是在偉大嘅Google map發現，同上篇一樣都係因工作關係而要出差到柴灣😚😚奉承小妹喜好，超級鍾意一早訂位！早成個月訂位換來望海景最靚個張枱💖店內裝潢很美很文青，雖然今日只得一位店員打理，但係都做得很好☺️☺️餐牌上選擇唔多，不過款款都有特色同非常好美😍🐷日式咖喱吉列豬扒墨汁飯🌚吉列豬扒皮薄厚切，墨汁飯吾黏口粒粒分明🥳配埋飯靚碟，成幅畫咁，賞心悅目🩷🇰🇷 温泉蛋泡菜咸豬手忌廉意粉🍝估唔到！泡菜、咸豬手、忌廉咁夾，超級好食丫，泡菜微辣同忌廉汁完美配合，加埋溫泉蛋，excellent 🤩🤩大推👍🏻👍🏻☕️Cafe latte ☕️Flat White (用梵高名作-《星夜》的杯碟）兩杯咖啡都夠熱同拉花都好用心❤️🍰熱情果芒果撻酸酸甜甜，味道似以前Haagen Dazs的熱情果雪糕批，好味😋🧁藍莓鬆餅藍莓🫐味香噴噴，蛋糕鬆軟好味😋一流💗💗隱世靚景Cafe，配藍天白雲 So Chill，寓工作於娛樂，即使走遍全港出差，但一諗到又可以去新地方食晏～成個Feel都開心啲🧡

搬咗嚟柴灣大半年都唔知原來有間咁正嘅cafe🤩星期日lunch 用openrice 訂位，一個人都坐到窗邊位，超正🥰嘢食好味😋而且最驚喜係牛角包🥐有奶味，好特別😙值得推介😆👍

柴灣爆炸戲棚近日試演耳熟能詳既“小男人周記”既音樂劇，同幾個朋友預先係附近訂定餐廳，就揾到呢一間都算係好隱蔽既超高高高質素既餐廳。SHELTER座落於柴灣工業中心，距離柴灣地鐵站係需要15分鐘路程。最快捷既方法係係柴灣地鐵EXIT D向右源住天橋一直行過去對面公園，然後穿過公園經過一間學校轉左行，再一直行到漁灣村盡頭過馬路即達。一進入餐廳，感覺忽然間好寧靜，再望到個海景，感覺好舒服好靚，我地由黃昏坐到夜晚，望住天空既變化，係一個好適合放鬆自療既好地方。食物方面價錢算幾高性價比，而且好味度爆哂燈，逐一介紹下佢地先：💖無花果巴馬火腿沙律配意式黑醋💖全部食材好新鮮，而且黑醋屬於甜個一種，夾雜住無花果等等既配料提升左個鮮味，好開冑好驚喜，大愛，一定要點啊!💖墨汁一口和牛炊飯💖WOW! 這個不得了，係一個唔會食到成口墨汁既墨汁飯。點解？因為佢但屬於乾身既醬汁，就係呢一點就體會到廚師既心思，要知道係街度食墨汁飯係幾甘尷尬，𡯁其如果係第一次約會嘅人，食到成口墨汁都咪話唔開冑，所以SHELTER就無呢個煩惱啦。和牛細細件一口，煎得好香脆。💖紐西蘭牛肉芝士漢堡配薯條💖麵包脆口，牛肉夠多汁又滑嫰而且勁厚

如果冇朋友介紹，我應該唔會知原來柴灣工業區都有樓上Cafe，仲要係價錢相宜質素高！入到佢唔會好多人，環境闊落，而且對住海景，天氣好仲望到將藍大橋！絕對係同朋友食嘢吹水，談心嘅好地方！要特別講一講食物嘅質素，我佢嘅主席都相當有特色，絕對唔係一般嘅行貨。和牛墨魚汁意大利飯，和牛固然出色，意大利飯味道十足，香但係唔會太重味。而另一個雜菌卡邦尼意粉，成道菜嘅靈魂就係意粉，煮得啱啱好，唔會太淋或者太硬，而醬汁亦都唔會太濃烈。整體嚟講，呢一間已經比我自己列為一定會多啲幫襯既cafe

早一日經open rice book了夜晚7:30 4位，原本想早少少睇住日落，一邊欣賞海景一邊傾計食嘢，但要就朋友放工先嚟到，仲以為夜晚冇景睇，點知夜景都唔錯🌃，環境好舒服好闊落，服務好好，我哋叫咗幾様嘢， 叫咗個無花果沙律share食，每人一個黑松露蘑菇忌廉湯🫕，紐西蘭牛肉芝士漢堡，Burger 配啲薯條都好味，個包外脆內軟，牛肉好juicy🍔, 個蒜香欖油鮮蝦意粉，少少辣辣哋👍🏻，黑松露蘆筍蘑菇意粉，我就比較怕忌廉，所以我就不評論嘞，墨汁一口和牛炊飲，好香墨汁味，啲飯唔會好濕，和牛幾香👍🏻👍🏻，跟住叫咗甜品，熱情果芒果撻同埋朱古力批，熱情果酸酸哋 唔會太甜，不過我嫌個餅底淋咗啲，朱古力批味道唔錯，甜度適中，始終都係嫌餅底淋咗啲😅

我同朋友去咗柴灣嘅Shelter Cafe，位置比較偏遠但交通方便。餐廳嘅Menu都寫喺黑板上，定期更新選擇。試咗佢哋嘅全日早餐（諗唔到食嗰咩）份量足夠，味道好好。煎蛋、培根同烤番茄鮮美，三文治夾滿蔬菜同芝士香濃，班戟配楓糖糖漿好滑好甜。店內裝潢簡約舒適，店員服務態度好好，最緊要強調一次去近柴灣朋友住嘅地方。Shelter Cafe係一間有心思嘅餐廳，每樣食物都有佢獨特嘅味道特色。如果你係柴灣附近，想搵一間舒適嘅cafe食飯，我好推薦你嚟呢度試吓。

難得一日放假，同老公出去chill下。見到食評家介紹呢間餐廳的環境＆食物的質素性價比高，所以就黎試試。餐廳環境幾闊落，枱與枱相隔一定距離，讓每枱食客有足夠的私密空間，傾秘密野都唔會咁易俾其他食客聽到。本來我想試牛小排日式咖喱飯，點知轉左餐牌。所以今次我地叫左忌廉磨菇湯，紐西蘭牛肉芝士漢堡伴薯角，明太子煙三文魚意粉。飲品就叫左Iced Mocha＆Matcha Latte Expresso忌廉磨菇湯好濃郁，有好新鮮的磨菇味，係其他餐廳飲唔到的好味道。紐西蘭牛肉芝士漢堡係老公點既，佢話好好味，我試左一口，覺得一般，正常發揮。明太子煙三文魚意粉就好正喇，雖然煙三文魚的份量少左d，但每條意粉都有明太子痴住，仲食到粒粒明太子的卜卜脆，幾驚喜。而且意粉份量不少，好飽。而飲品方面，因為Iced Mocha 係老公點既，我冇試到，品評唔到。不過杯Matcha Latte Expresso我就覺得苦左D，不過我冇落糖既，大家飲時有需要就自己調校下喇。總括黎講，呢間餐廳都值得一試的，有機會可以再試餐牌上的其他菜式同甜品。而且餐廳會不定時轉菜式，都有驚喜的。

係工業區收工，又想同友人晚餐一聚，於是就去左位於工廈既cafe!🌟All day breakfast 呢間Cafe嘅all day breakfast依然係我心目中既首選🤣份量比一般cafe嘅多，重點係有我最愛既薯餅😋實屬難得！🌟芝士焗辣肉腸意粉呢款意粉醬汁夠多，所以佢份量會偏細少少，就算食曬成盒都唔會覺得好漏！食完份量岩岩好🥹！🌟蘑菇湯嚟到cafe建議大家一定要試試！好香蘑菇加重忌廉味，飲落仲有磨菇蓉，超級好飲！大愛！餐廳店面只有一人服務，但態度好有禮，時刻留意客人所需！讚！☺️重點係cafe可以望海，望住海景，食住好西，再同友人一聚，令忙左一日既身心都可以鬆一鬆！

｛Shelter Cafe｝柴灣工廈竟有海境Cafe?! .柴灣工業區入面竟然望海境咖啡店～對！是一眾附近上班人士的「呼吸餐廳」入來飲杯咖啡☕️ 吃上一頓放鬆的午餐能緩解不少工作壓力～所以午市常常滿客 記得要提早預約留位啊！.✎  溫泉蛋卡邦尼意粉 $78 如果想不到點什麼 就吃卡邦尼吧意粉煮得彈牙 軟硬適中醬汁十分Creamy 也不會太水狀 剛好是掛汁狀態配合香脆煙肉 和溫泉蛋黃拌著吃 好好味～✽好味指數：★★★★/5.✎  All Day Breakfast $102（黑松露炒蛋、煙三文魚、日式香草豬肉腸、鮮烤大啡菇、薯餅、牛角包、茄汁豆和沙律）十分豐富嘅全日早餐～當中牛角包🥐焗的鬆脆黑松露炒蛋炒得嫩滑 保留蛋香味菇菇十分Juicy 多汁鮮美✽好味指數：★★★★/5.✎  泡菜煙鴨胸忌廉烏冬 ~$80賣相十分吸引～ 粉橙色的泡菜sauce 很creamy牢牢抓著烏冬 配合溫泉蛋 把整碟烏冬昇華了✽好味指數：★★★★/5.｜ 𝘼𝘽𝙊𝙐𝙏 ｜⚐ Shelter Cafe地址：  柴灣永泰道60號柴灣工業城1期1307室人均消費：HK$90 (ppl)回訪指數：🤤🤤🤤🤤/5環境舒適：🪑🪑🪑

同事話帶我去柴灣一間隱世cafe店☕️，雖然位置比較偏遠，在柴灣工業區，但我地灣仔搭巴士🚍去只需要🔟分鐘，非常方便🥰。餐廳位於柴灣工業城1️⃣期1️⃣3️⃣樓，入面非常闊落，又多打卡位📸，而且枱與枱之間擺得一啲都唔密，坐得好舒服🥰，而且仲有海景🌁位添，一路望住個海🌊一路飲咖啡☕️，零舍Chill😍。餐廳Menu全寫在黑板上⬛，聽店員講餐廳Menu會定期更新🥰。忌廉鮮蘑菇湯 $26每一啖都散發著濃郁嘅蘑菇🍄香味和粒粒蘑菇碎，與忌廉嘅香甜完美融合，滑順口感令人回味無窮😋。美國安格斯牛小排日式咖喱飯 $98牛小排🐂肉質柔軟，帶有微微的嚼勁，與日式咖喱嘅香甜微辣🌶形成一個完美的搭配，令人一試難忘😍。紐西蘭牛肉芝士漢堡(伴薯條) $88紐西蘭牛肉🐂肉質細嫩多汁，搭配上芝士🧀，入口香味四溢。漢堡麵包🍔鬆軟可口，外層烤得酥脆，內裡柔軟，同牛肉🐂、芝士🧀、新鮮蕃茄🍅和蔬菜🥬嘅味道融合，口感顯得十分豐富。另外薯條🍟外脆內軟，非常好味😋。熱情果芒果撻 +$20一口咬下去就能感受到濃郁嘅芒果🥭香味和酸酸甜甜的熱情果味，加上放在上面的熱情果籽，層次感非常豐富🥰。碎曲奇冬甩 +$20冬甩🍩上鋪滿了曲奇碎🍪，入面就充滿