Simplylife Landmark (已結業)

估唔到星期六下晝都幾多人~以為非business day中環食店會少人啲已知simplylife咖啡為一般貨色，就叫左smoothie，banana 加passion fruit，組合都幾有趣，怕佢係用白糖開嘅糖水，所以叫左少甜，不過cashier解釋番係用蜜糖，不過都係少甜啦哈哈~里度採自助形式，所以飲品俾完錢要係旁邊等拎~見到落左一條香蕉再加奶去blend，飲落完全冇passion fruit 🤨係香蕉豆奶味🤥咁真係唔甜嘅咖啡飲品menu Pastry都幾靚仔，不過剛食完飯食唔落~講番少少衛生問題，執枱嘅速度超低，每一枱走都差不多十至十五分鐘先有人執，先唔講咁樣好易有蟲仔，就算佢執枱，都只係執走杯同放食物嘅類似tray嘅野，好少抹枱😦坐落第一張好多麵包碎，之後轉另一張枱好少少，不過都有麵包碎，最後朋友自己去拎紙巾抹...

Landmark食野大部分都貴，不過又唔想響冷氣外面走動，咁simply life都不失為一個好選擇既！十二點三去到，已經好滿，同買野食既龍好長。等左十分鐘先有兩個位，咁就唯有朋友去幫我買埋。以中環沙律黎講，五十八唔算貴。不過真心一拎就有會餓死既感覺，不過其實食落都夠飽，特別係因為佢俾左好多蕃薯我。佢既細沙律可以選三款，我就要左凱撒沙律，西蘭花同蕃薯。佢既唔好處係醬汁都撈好哂，想走醬都唔得。同埋佢係一層層放，唔會幫你撈埋。好似我果個咁，最初就要係咁食凱撒沙律先見到其他野。磨菇湯堅多磨菇碎粒，不過三十七蚊一啲都唔平架！不過食生冷野有個湯暖下又好啲既！

悶熱的天氣令人想食啲比較清新嘅嘢。Simplylife 的 salad 款式多，細盒4款$58。如果想要多啲款式可以要6款的大盒$78。個細盒表面上好似好少，但其實容量非常大。今日揀咗 Caesar salad, pasta, 番茄同粟米。表面上好似好簡單嘅沙律材料，但每款Simplylife都加左啲心思入去令到沙律與別不同。粟米除了一般粟米粒，亦加上烤過嘅粟米同少少橙。亦好似加了一點檸檬汁，帶出了粟米的甜味。而烤過嘅粟米增添了一些香味。番茄用了不同類型的番茄再加上黑醋混合，令到味道更加有層次。Pasta 是Al dente, 再混入大量 pesto. Caesar salad 的汁比一般用的較稀，食落冇咁 heavy. Ceasar salad 內亦有一片片的 Parmesan cheese, 非常有誠意。除了沙律外 Simplylife 的三文治亦非常吸引，可惜本人對麵包冇興趣。

一般黎講，忙忙既都市都不能放鬆，唔似得鄉村嘅農郊生活，可以慢條斯理四餸一湯白飯任裝，每次都市人食午飯，都係臨急臨忙快來快去，一坐低就要叫餸，啲餸一度就要即刻食，未食完就要埋單。今日今次我係喺午飯之前，出咗嚟，因為下午要見客所以上午可以出去準備，同時行到去約會地點附近嘅一間店。入到去侍應很有禮貌，問我要食乜嘢，我要咗盒沙律，番茄湯，同一個三文治，沙律仲可以多選，有大盒，有細盒，你可以隨意，自己嘅口味而選擇，你要嘅配菜，佢仲有兩款湯是日靚湯畀你揀，價錢方面由於係中環區，同埋係較高檔嘅食物，所以都會係偏高一點。沙律非常新鮮咬落去嘅菜有脆脆嘅感覺，番茄湯非常好飲，正，真材實料。就係咁樣靜靜地可以度過一個早餐嘅時間，真係一種幸福，如果有時間嘅話，我會再去。

今日lunch time好大雨，唔想濕身，唯有在附近搵食。兩個人叫左盒細沙律、黑椒牛肉芝士三明治同焦糖咖啡！細沙律原來可選4款（記得對上一次買時只可選三款，可能太耐-改左啦），多心嘅朋友一定啱晒！而健康嘅人士同樣會好啱，自問我就麻麻地喇！我個人就比較喜歡件三文治，熱騰騰，脆扑扑，黑椒牛肉好好味咖啡原來這個就是大size 可能今日落雨啦！實在太多人，又難搵位！興幸自己等位唔算太耐，加上職員嘅快手，15分鐘左右就有得食，如果唔係一定遲到！

午餐想食健康一點，聞說simply life的沙律不錯，今次決定試一試。沙律有分2個size, 大($78)6款菜; 細($58)4款菜，如果正常食量，細的都夠食，我今次選擇了紅菜頭啤梨沙律，西蘭花，玉米粒，青醬長通粉。 紅菜頭清爽鮮甜; 西蘭花是烤過的，有一陣焦香味; 長通粉偏硬身，青醬味道不突出，但連同其他配料一齊食，味道不至於太寡。simply life的沙律有別於其他連鎖店的冷藏沙律，新鮮烤煮過，有餘温。 中環區來說，這個價位能吃到這種質數的沙律，值得推介。

這裏是我最愛吃最愛吃最愛吃的午餐這家的三文魚包是做得非常出色，每一次經過置地廣場都忍不住要來吃每一次來吃都要配拿鐵 三文魚包，三文魚，洋蔥和他自家製的醬料10分配合，味道10分出色，每一次都令人回味無窮

中環打工仔工作繁忙，日坐夜坐，坐到 pat pat 都大埋，懶去做運動既我唯有由飲食著手，依排成日食肥野，決定都係去食下草。landmark Simply life lunch time 例牌有長長既人龍等沙律，佢分大（$78）同細（$58），佢既 size 真係好麻煩，我試過買細既係完全唔夠飽，唔係我大食，我平時食大家樂飯盒係食唔哂的，但係買大沙律，又會飽到好辛苦，所以我通常都係食大半，小半係 tea time 再食埋佢，做到小食多餐都係好既。細沙律個盒一睇就知唔夠飽，除非成盒叫 pasta salad 啦！大沙律可以揀六餸。Cesar salad 幾好食，其他就真係麻麻地。所有蔬菜用料都幾新鮮，包括紅菜頭，但佢既醬就真係有待改善，紅菜頭沙律同蕃茄沙律都係淡而無味，食唔出佢落左咩醬，你可以話清淡啲都好既。佢既粟米沙律加橙同檸檬，我自問孤陋寡聞，未見過咁既食法，同埋都真係唔夾，唔好食。西蘭花同粟米都好燶，鍾意食香口野既人可能會好鍾意，但係係人都知食燶野會致癌，我望住佢地燶到咁真係連咬走佢都廢事，直情就成舊唔食。總括黎講，唔明點解咁多人排隊，真係無其他好野食了嗎？？？

假日黎到中環landmark坐底係simply life tea一tea,剛好有位置,餐廳燈光少暗,幾舒適。下午茶時間不用帶位自己找,所以無乜人執枱。叫左杯香蕉熱情果smoothie, 好飲！消暑,唔會好奶味香蕉味重,配少少熱情果肉blend,好fresh! 另外叫左個scone & banana loaf, 兩樣都好食,焗返熱外面都比較脆,scone 配左個牛油同black cherry醬,醬淡淡地唔係好甜,本身個scone唔乾身有提子乾就甘食已經ok,所以無茶到個牛油。而個banana loaf外脆內軟,面上係兩塊香蕉肉焗成,好特別下,內面就少少朱古力味既包...整體$100唔洗有得坐有得食同飲係個唔錯既選擇

星期六、日大部分shopping mall都擠滿人潮，特別是遊客區，中環Landmark剛剛相反，沒有上班一族、少遊客，所以我一定過去行下街食下野！Tea time 多數我會去basement Simplylife飲杯茶休息一下，English Breakfast Tea是必然之選，今次發現佢地轉咗玻璃杯，無以前咁好拎！Ham & Cheese Sandwiches一定要食，包夠熱，cheese溶化於包中，無得彈！

We went to visit Tai Kwun today and after a long walking tour, we thought a brief rest somewhere in Central would be perfect for today's activity before we headed home by MTR.  We quickly thought about this store in Landmark and when we arrived around 4 pm, the store was already quite full.  Luckily we found sofa at the corner area and we ordered chocolate muffin, camomile tea and cafe mocha.  The chocolate muffin is about the same taste as those in Starbucks.  Mocha was not too hot, a bit disap

成日都埋怨點解淨係中環呢間先有沙律買！由於午餐食得太飽，所以夜晚要揾小清新來填肚！以前喺度返好鍾意食又減到肥又好食佢嘅大沙律比細沙律🥗抵食好多，大沙律有得揀六種，細沙律只可以揀三種今次點左紅菜頭，番茄🍅西蘭花🥦凱撒🧀🥪粟米🌽今次樣樣都好食除咗係黑醋菇太酸其他都有大件又真材實料又多汁又新鮮，我只可以比一個佢！希望佢嘅沙律吧可以開多啲！最好係沙田嗰間夜晚都有！因為女仔鍾意夜晚食沙律🥗當一餐！

已為simply life 淨係食西式，原來佢有分中西式lunch set menu.中式有麵有小食，西式有沙律/餐湯同主菜重餐飲.叫咗個蕃茄湯同雜菌意粉. 個湯同pasta有d凍，如果熱d會有誠意d.可能因為lunch hour有D忙嘅關係，個湯飲到一半，main course已經上咗，service有待改善！ 不過lunch set $90，真係好抵食

煙肉牛肉漢堡.車打芝士 ($138+1)佢有兩款burger, 分別係雞肉同牛肉而我就兩款都試過我個人就比較推介牛肉個款因為佢比較 juicy 無雞肉感dry而且仲有我最愛既芝士係面嘩！夾埋個厚厚既牛肉漢堡同鬆脆既漢堡包仲有大大條 粗條既薯條比百幾蚊有頭盤 有正餐 有埋野飲食埋個環境都抵返曬啦！p.s 佢地店鋪12-2都人頭湧湧！如果大家想去就要預早小小or4點後先去排隊喇佢地分店太多，不能盡錄！• 店名: Simplylife Landmark (Central)• 地址: 中環德輔道中12-16號置地廣場B1地庫B32號舖• Address: Shop B32, B1/F, The Landmark, 12-16 Des Voeux Road Central, Central• Tel: 2978 3929

中環返工嘅朋友一定深深感受到咩叫搵食艱難，安安落落食個lunch都起碼$80落樓，仲要轉頭交枱。有日行過Landmark見到有間Simpylife有沙律食就行入去試試，有分大盒/小盒，平時普通女仔小盒就夠，配料選擇都算多，有正常沙律菜、南瓜、仲有紅菜頭、長通粉，好新鮮。如果唔夠飽可以加個湯都好唔錯，不過就會out budget當然Simpylife好拿手嘅麵包都好吸引，但係個滿滿嘅沙律已經餵飽左我個胃，唯有下次再試！