Smile Yogurt & Dessert Bar

營業中

休息中

好耐都冇食呢間Smile Yogurt，今日同朋友行完街之後諗住買Yogurt當飯後甜品🥰我哋叫咗杯Wild summer😍Wild summer $54 外面勁大塊菠蘿脆片真係好吸引人🍍 Yogurt配搭埋入面有荔枝肉、紅桑莓汁、芒果同埋自家製脆粒，食落酸酸甜甜，好食又開胃😆值得一讚嘅係芒果粒粒都好甜！荔枝肉亦都食得出係新鮮👍🏻$54大大杯之餘又好足料❤️Yogurt作為飯後甜品，真係健康得來又抵食！推介！

已經有一段時間無食Smile yogurt! 放假咁岩行過，原來由K11 ground floor 搬左去B1! 天氣開始愈黎愈熱，想食下凍野又唔想食雪糕咁heavy ，揀Yogurt 就岩晒啦！今次揀左Smile Coffee對上一次食口感好水好稀…覺得唔好食…但隔一排再食口感有提升！配料都好足，食到底都仲有咖啡啫喱，唔會太甜，岩晒想食甜點，但又驚邪惡既女仕！黎緊朋友生日可以訂蛋糕！個個蛋糕個賣相都好吸引，好想試！！

❤️尖沙咀·Smile❤️經過尖沙咀K11食完飯想食甜野朋友推薦食呢間yogurt雪糕杯🍦睇門口櫥窗已經好吸引 見到好多款口味店舖仲有賣埋蛋糕🍰但價格少貴🌈Smile Coffee☕️🍦·朱古力片🍫·朱古力爆炸棒棒·咖啡脆粒·咖啡啫喱·咖啡曲奇🍪唔洗等好耐已經有得食👍🏻最怕等到天荒地老🤣打卡一流 而且$52份量好足又多配料💯無論係賣相/顏色甚至隻杯都有金句睇住一層層疊加 最頂仲有朱古力片+棒棒好治療又期待佢嘅味道🥹朱古力+咖啡冇搶味之餘仲好夾🤤特別係枝棒棒有爆炸聲 一啖yogurt咬一啖咖啡脆粒+曲奇 又甜又有咬口yogurt質地都好滑 配埋啫喱又係新層次☺️間店明乎其實Smile 食完會勁開心❤️下次再試其他味道😛😛😛

食完晚餐唔夠飽，難得係尖沙咀一於會一會好耐無見既smile yogurt先，自從旺角分店無左之後都好耐無食過喇🥲 而家分店愈來愈少更加要爭取機會食！Banana Split $52每次都係叫呢款，鐘意佢有脆皮朱古力有crumbs有生果，依舊大大杯裝飾到同相一樣，yogurt味酸酸甜甜又滑，不知不覺就食完喇。

係K11行街經過見到呢間yogurt雪糕店好吸引，口痕想試，之前都見過唔同地方有分店，今次終於試。😂佢係一定要外賣食，不過K11商場都有d櫈可以坐，所以都OK!！ 甜品質素高，對得住個價錢。👍🏻超鍾意芒果既我就叫左個Mango Fever，價錢係$68。係有小小貴，但佢個yogurt雪糕真係超好香滑，我最鍾意佢唔係太酸，好岩我口味。😍面頭有個芒果冰，有芒果味，唔係淨係得甜味，唔錯！😁中間既芒果肉都唔酸，呢個季節食到唔酸，仲要重芒果味既芒果係好難得💕推介指數：7.5/10⭐

Smile Have a smile everyday Smile 相信大家都好熟悉比起佢啲蛋糕同餅類佢最出名一定系佢既乳酪雪糕大概有十幾款選擇而有分classic 同premium 今次食咗premium 既 I love green tea ($68)乳酪雪糕當然十分好食唔太酸都唔會太甜不過中間實在太空心🥲以前分量多啲架而面頭塊綠茶芝麻片 又脆又香芝麻味綠茶糯米糍 就好軟糯 綠茶曲奇 應該係全杯最重綠茶味 而且鬆化 好食 （所以佢啲餅類出品幾好架）Brownie 同 個布甸 ⋯⋯就個texture 而言 係幾ok 既 不過講真 個味就一般般 而最下面既crumbs … 都講唔上係脆粒 係一大舊 好似未整碎咁Overall 呢 單係個乳酪雪糕無得輸但係既然佢係i love green tea然而啲配料綠茶味好弱 就有啲失望比起以前 佢水準都真係差左幾多🥲可能都因為咁 少咗好多分店？

晚飯時間之後人頭湧湧，可惜呢度係外賣店，買完只可以企喺門口食，如果拎住雪糕去商場門外嘅凳坐，要經過好多人群。*ɪ ʟᴏᴠᴇ ɢʀᴇᴇɴ ᴛᴇᴀ*抹茶糯米糍、抹茶曲奇、抹茶brownie、綠茶布甸，仲有綠茶芝麻餅，完全係抹茶combo。抹茶糯米糍最好食，少少實少少煙韌，最唔好食果層係綠茶布甸，冇抹茶味之餘又實的的。*sᴍɪʟᴇ ᴄᴏғғᴇᴇ*咖啡脆粒+咖啡曲奇+咖啡啫喱呢個超級推介，食落好似affogatto，咖啡嘅苦濃加埋雪糕嘅奶香，非常夾👍🏻

我同家姐係The one食完晚餐，9點幾打去舖頭問仲有無Yogurt賣，職員話仲有，當然9秒9行到舖頭買，當飯後甜品😂😂我地買左Wild Summer，面頭有菠蘿脆片，入面有荔枝肉，紅桑莓汁，芒果，材料豐富！Yogurt味道酸酸甜甜，係我鐘意嘅口味，菠蘿脆片甜而不膩，有香濃的菠蘿味，面頭有荔枝肉，都夠我同家姐分，中間果層有芒果同消化餅碎，芒果可能雪凍左，口感好似沙冰😂Yogurt份量多，對得住$52呢個價錢，絕對會再幫襯🥰🥰👍👍

我都食左好耐呢間店，由舊鋪開係K11地面個層商場內鋪已經幫襯，11月18日晚食左杯vanilla sky，從店員手上一接手，杯野面頭已經少少溶都算，慣左企商場室內食以免雪糕溶得快，今次食左4份1杯，發現入面d料少左好多（crumbs和生果）不但只，仲要重點的Froyo係溶曬，食緊原味乳酪咁，原有layers塌曬，影漏左張相做證明，加左價收52元一杯唔係平，貴左又質素差左，我知我有排唔會再食佢，失望。

一直都好鍾意食Yogurt雪糕，行開k11見到呢間咁多款可以揀就入咗去！見到咁多款眼花撩亂最尾揀左似有伯爵茶味既Mr earl grey（$68），入面有大大塊橙皮乾，幾件蜜糖脆脆同伯爵茶粒粒，但我就吾係好食到伯爵茶味，反而個蜜糖脆脆好有驚喜，好似咬緊一大件厚蜂蜜甘，甜甜地襯返個原味乳酪雪糕，成杯雪糕係大過我隻手掌，60幾蚊真係好抵食，食完一個係非常飽肚，完全可以當正餐食，建議2個人share一杯，最可惜係冇堂食可以慢慢坐低食。

今日食評✍🏻Smile yogurt and dessert bar@k11試食指數⭐⭐⭐⭐️店舖衛生na侍應態度⭐⭐⭐⭐((每項5⭐️為滿分)) ·Yogurt 底好好味夠凍夠「硬」🍦Menu選擇多但圖文並茂好清晰我哋點了A&D老實講配料對我嚟講只係甜啲淡啲嘅分別我淨食yogurt 都可以😂👌🏻外賣58-68/個有啲貴如呢個價錢加多少少可以試下安排下堂食企位我哋次次都企走廊食好狼狽·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

frozen yogurt 真心係學生時期嘅回憶🫶🏻真係好耐無食，最近經過見到k11原來仲有間smile yogurt 分店，忍唔住要去買返杯🥳不過Lee間店係無堂食，只係得外賣，要自己尋覓個好地方食🧐◽️ 𝓘 𝓛𝓸𝓿𝓮 𝓖𝓻𝓮𝓮𝓷 𝓣𝓮𝓪 $68第一個感覺係超大杯🤩雪糕唧到勁高🫶🏻然後又超多配料🤤首先frozen yogurt 好香滑🍦酸甜度都好平衡，唔會話好甜都唔會太酸🥛配料方面有綠茶芝麻片，Lee塊片唔簡單，超濃芝麻香，好脆口，好好食🫶🏻仲有綠茶糯米糍，抹茶曲奇、抹茶brownies 、抹茶布甸同埋自家製脆粒，成個配搭都好match 😚同埋好飽肚，好滿足😋◽️ 𝓜𝓻 𝓔𝓪𝓻𝓵 𝓖𝓻𝓮𝔂 $68朋友就叫左Lee個味，配料有天然橙片乾、蜜糖脆脆、雲呢拿汁、黑糖水晶果凍、伯爵茶吉士同埋伯爵茶脆粒🫶🏻都係超正嘅配搭，特別一提，個蜜糖脆脆係世界級🤤好香濃嘅蜜糖味🍯，咬落去好似咬緊好大片蜂蜜咁，但係脆口嘅🫶🏻推薦😋大家經過都可以試下，不過如果已經食左野，建議一杯2人share都可以了😂真係好飽

Wild Summer 菠蘿脆片，荔枝，荔枝肉，紅桑莓汁，芒果，自家製脆粒$52好味指數：9/10本身乳酪雪糕🍨好大杯，乳酪味道酸酸甜甜好醒胃，菠蘿🍍脆片口感好特別，鬆脆得嚟仲有濃郁菠蘿味，再食落下層有好鮮甜嘅🥭芒果，最得意嘅係底層仲有啲消化餅碎，撈勻一齊食更加好味，口感更加豐富。乳酪size兩個人食啱啱好，下次再會試埋其他味❤️。

去開K11 突然想食Froyo，發現原來就有間在附近，於是就立即去試吓。雖然間鋪細細，但發覺都唔少人幫襯。我哋叫左最基本果個口味 Vanilla Sky $52，入面有杏仁脆片、雲尼拿汁、芒果，自家製crumbs、藍莓。yogurt好香奶味亦都好滑，啲配料都好夾，唯獨芒果肉有啲酸。份量都唔算少，兩個人食一杯都足夠。下次會再幫襯，試吓其他唔同口味！食物：❇️❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️翻兜指數：❇️❇️❇️❇️

Smile Yogurt & Dessert Bar (尖沙咀)📍尖沙咀河內道18號K11購物藝術館地庫B102A號舖已經唔知幾多年冇食過FroYo 😮‍💨😮‍💨😮‍💨今日冇啦啦心癢癢諗起Yomama 就search 下附近有冇類似嘅嘢，發現Smile所以就試試佢👍🏻🍧 Vanila Sky $52Yo mama 味道番晒反仲好似更加挺身同濃郁，冇咁易溶😍😍除左FroYo 外仲有4 款toppings 同一個 sauce. 包括有杏仁脆片，芒果，自家製脆粒，藍莓，再配埋雲呢拿汁👍🏻雖然有咁多配料混埋一齊，但整體感覺以甜品來講一啲都唔算甜👍🏻👍🏻👍🏻 雖然少貴，但食得番Yomama 嘅味道又方便就腳，相信好快又會想食多次🤤🤤🤤🍴食物🍴：⭐️⭐️⭐️⭐️⭐️💰價錢🫰：⭐️⭐️⭐️↪️CP值↩️：⭐️⭐️⭐️