SOU contemporary dining ‧ bar (已結業)

一向都有去呢間餐廳飲野 較少係度食飯 今次是第2次天氣轉涼 於戶外晚餐很舒服 另一好處係可以一次過食德國野同爐端燒!!頭盆：沙拉　　蝦同菜都新鮮　意大利黑醋好香！！芝士併盆：由濃至淡都有　我個人鐘意食濃味　但我朋友鐘意食淡味　可滿足不同要求！！仲叫左Ｄ燒牛串（無圖）牛真係好難食　食橡筋一樣之後有德國腸：德國腸連同幾塊燒過的薯仔都好好味！！最好味就係呢個意大利飯　今次係我第２次係呢間餐廳食　２次都可保持水準　食到我同朋友都不停回味已經試過係好多地方食過意大利飯　貴過佢既都未必好食過佢　所以暫時未有一間比佢更正！！　讚！！豬頸肉燒得幾香　不錯鯖魚普普通通　不過不失因為有人生日關係　都叫左件ＣＡＫＥ食　芝士蛋糕　真係失望　無咩芝士味　似海綿蛋糕多Ｄ好在叫多個甜品　焦糖布丁　脆脆焦糖面　下層加香滑布丁　不錯啊！！最得意有塊葉　好似普通裝飾品　但葉下有粒燈黃色果實　驚喜係呢度　粒野好甜好香其實個人黎講，整體上德國野　較　爐端燒好食！！而且用此價錢食德國餐不算貴！！過左１０點幾後更有音樂播放　好適合繼續傾計飲野！！閒日較清靜　係遠離人煙的較佳選擇！！

七月上旬‧極熱來了這邊工作，實在太熱了，東西反而吃得少，還是喝的多。這裡似乎是搬了出露天的位置，喝一杯雞尾，正路。SOU White Scangria是紐西蘭Riseling加薑汁還有蘋果汁。清爽怡人，淡淡的甜味也夠凍，正。

沙律都好有熱誠水準之上，連件牛油都係好有味道，唔似一d餐廳嘅牛油咁，牛油無牛油味！平日食薯茸田螺多，今次係南瓜茸田螺，出奇地夾！鵝肝好香脆、無渣！鴨胸肉唔係超市d煙鴨胸，而係真鴨胸。最抵讚係飯裡加蘋果中和，唔會太膩。仲係用真正嘅意大利飯，軟硬適中，超讚！黑松露醬意粉，只有菌作食料，但出奇地有好香的黑松露味道，喜出望外。好外國人feel嘅的coffee

生日想搵間有海景的餐廳食晚飯, 終於揀左這間, 露天環境好吸引, 食物就真係麻麻地 這個餐份量較少, 魚和扒得一塊, 要share食, 我倆雖不是大食者, 但都後都不夠飽, 要去找甜品店再食

昨日一家大細到黃金海岸踢波兼食晚飯，由於最hit 嗰間泰國菜好full，於是就試吓呢間西日料理，點知就＂奶嘢＂，佢分三個餐牌，有日式壽司、西式食物和串燒等，我哋分別喺三個餐牌叫咗不同嘢食，食物味道一般不特只，上菜非常慢，食壽司又冇豉油，要叫三次才有人俾豉酒筷子，最離譜就係我哋喺串燒餐牌內叫嘅食物竟全漏單，怪唔得知我哋唔駛等位，咁嘅服務質素，邊會有人食，本嚟開開心心去玩兼食飯，俾佢攪到成肚氣，真無隱，我都係第一次寫食評咋！

期待已久的放題最後選了一間位置比較偏遠的放題好開心因為一次過可以食晒自己想食既日本野由於只能上載最多8張相就上載值得推介的一些熟食炸物都唔錯由於本人唔食生野冇食刺身不過聽朋友說不錯其實食物選擇算不少唯一既不足就係冇甜品服務態度亦不錯加水速度亦很快可能是因為平日加下雨既關係冇咩人因為有朋友住黃金海岸有九折即係唔洗加一所以埋單二百蚊有找算係唔錯有機會定再去

叫做放題，但選擇少得過份。剌身薄到好似表現刀法，黎既凡立貝叫做件原來是一粒凡立貝切開4份！在剌身枱的三個師伕講嘢多過做嘢！搞到枱枱都追剌身壽司！又時常漏單。點了兩次牛舌到最後都無上到，燕蛋點了無又唔通知，關東煮都唔知點解可以弄足20分鐘！待應的服務都好不了多少。個領班雖然最落力，但的對客的態度一點都不友善，好似想殺人咁。其他的收碟子的冰水可以弄得地上滿是。唉... 諗住給生日的她給一個好的晚餐，價錢不是問題。可是，換來是沒質素的食物沒質素的服務。完全不值這樣的價錢，以後也不會再來。

其實已經去過這店吃東西兩次的了,記得上一次去黃金海岸時,一時看到有日本料理吃於是便選擇了這家店吃東東了,第一次去吃時可能是因為價錢都不便宜的關係,所以以這個價錢來說也是應該有這樣的水準的,但第二次去的時候,這家店有日本放題吃,每位大約$250(連加一服務費)便可以任吃店內的食品,因為很少放題會有"芝士年糕"及其他特色小食可以供選擇的,真的喜出望外,因為這個價錢來說,真是十分低吃的呢,不過可能是因為當時入席已經是晚上9時多了,我最想吃的"芝士年糕"及三文魚刺身都沒有了....所以有點失望...總括來說,如果是星期一至四去吃放題的話,是一個不錯的選擇,因為真是十分低吃的呢~放題由晚上8時開始至11時,10時便要LAST CALL 的了,所以最好8時便去到吃啊! 那便不會錯過所有食品了!

本來開開心心去找一間好野食的!因為個日係我結婚紀念日!見到佢有張宣傳海報聲稱有放題又有海景, 所以打算浪漫一番, 順道慶祝結婚週年紀念日之後去到門口 receiption, waitress 問我地打算食放題定係order 散叫, 我地話食放題, 佢 re-mind 我地 last order 10pm ( 我地約 9點到 ) 我地覺得 acceptable, 所以就入去我地以最快 speed 去 order 野食, 誰不知黎既刺身切開當一件計 ( order 4 粒凡立貝, 佢將 兩粒切開一半 = 4粒 )都算, 重點食梗野既過程之中, 佢不停有人話冇貨 , 賣晒等字眼, 仲要最抵食 連最 基本 枝豆, 蒸蛋, 炒飯, 都冇, 之後我地唯有問佢你仲有咩其他野係有, 佢既然話 d list 起碼有一半都冇, 個一刻真係老呆, 既然係起碼有一半以上都冇, 點解一開始你唔 recommand 我地 orden 散叫, 第二, 咩叫 做 放題, 即叫即做, 連蒸蛋, 炒飯都冇, 只令人懷疑佢地只不過有 ingredients 但佢地唔煮, 都算坐到 10點鐘左右, 發覺開始好焗, 仲熄埋冷

這次是第二次來這間食店, 頭一次是這店轉做放題的第一天, 當時感覺是有點混亂, 而且上菜速度慢, 但食物質素可不差的!事隔差不多一年, 這次明顯看到有系統了, order食物的紙亦有system了很多, 上菜速度亦很快! 刺身十分fresh, 還每人送一隻牡丹蝦, 意料之外呢!! hot dishes不算very good, 但亦可接受! 這個價錢, 吃到這樣quality的日本放題, 亦是不錯的choice! 如喜愛sashimi的就更值得一去了!!

尋晚我同7個朋友終於試左這一間，比我想像中好很多呀！最正最正係可以坐露天位，好舒服之餘又唔怕大笑嘈住隔離的顧客！啲食物都幾好呀，我覺得最好味係薄燒牛肉，又香又熱辣辣而且有肉汁一啲都唔乾，我男朋友就話炒雜菜最正，因為佢話好少鋪頭可以炒到唔油膩喎，其他的沙律，鳥冬，炸天婦羅都不錯，當然仲有我最愛的三文魚同北寄貝都幾鮮甜呀，不過份量少左啲，但我男朋友話話明自助餐可以叫完再叫所以少都唔緊要喎，我就覺得每次多啲唔駛再ｔｉｃｋ紙嘛！哈哈哈！我地食左兩個鐘，好飽好飽！最衰我地無影相！下次會叫埋屋企人試下！

尋晚我男朋友話今日會帶我去一個環境唔錯既地方食日本放題, 令我期待左成晚!原來我男友係帶我去黃金海岸食, 間鋪環境都算幾舒服, 我諗住地點OK食物都應該OK啦,點知食物質素真係好麻麻首先D壽司真係孤寒到爆, 粒飯大過舊魚, 剌身又薄到死又唔新鮮!D熱食仲激死人, 我叫左個烏冬, 鹹到死! 我自己響屋企煮都好過佢呀!D炸野個炸漿同個饀可以分開架, 仲要油淋淋...最過份係, D野食要等勁耐又漏單!!! 我隔離枱果對情侶都係咁催佢地, 我懷疑佢廚房得一個廚師囉!另外佢D服務真係好唔掂, 果幾個女侍應係咁傾計, 我地舉極手都無人應,佢地傾傾下仲加入個疑似廚師既人一齊傾,我地勁嬲, 咁得閒不如入廚房幫手煮野啦! 唉... 諗住好情調兩個人食餐日本放題, 點知食到大家都嬲嬲地, 好鬼激氣, 真係無下次!!!

去過呢間野都好多次, 但主要係去飲酒! 因為露天可以食煙! 晚餐只係食過兩次, 因為野食實在一般,其中一次叫左個海鮮天使麵, 但係D天使麵碎既!! 仲要碎得好離譜果隻!! 好似一袋麵臨尾就黎用晒果D咁....味道雖然幾好, 但食落個感覺好差囉!!炸薯皮, 一般貨色, 冇咩驚喜, 慶幸未至於失望!糯米釀雞翼, 其實真係幾好食, 但係唔熱囉!佢話係爐端燒黎嫁喎, 唔係應該熱辣辣至o岩咩?但只係暖囉! 之後同另一朋友去食, 因佢未食過又叫多次食啦! 都係一樣, 唔熱嫁!其實呢個菜味道真係唔錯嫁, 但係個熱度令佢失色不少!食過2次野之後已經學精左,食完飯先去, 淨飲野!!飲野黎講環境都幾好嫁~ bar頭幾大,又有好多風扇吹住, 唔會話好熱囉~! 而且仲有幾多draught beer選擇天!!

因住係黃金附近, 知道想壽司 星期一至五 做任食放題, 就同屋企人去試下~首先個價錢 $188 + 10%服務價 = $206.8 (每位) 價錢ok服務員個個都好有禮貌款色, 都可以...有刺生, 壽司, 炉端燒, 沙律, 拉麵,炸物 等到食物上枱就心知不妙, 刺生又細又薄, 吞拿魚又無味, 最令人興就係北寄貝, 我地三個人叫3份, 佢地可以一開三, 就當三份!! 仲有, 壽司飯其差, 之前睇openrice講佢用日本米, 但sorry一d都唔似囉, 好似用珍珠米+超薄魚生=壽司燒物, 雞頸肉, 雞軟骨, 牛舌, 多春魚, 我地只係叫左一次, 因為係凍,又硬關東煮 ok炸物 生蠔 天婦蝦, 超失望, 生蠔好似油浸, 天婦羅個粉漿超厚熱食比較好就係牛肉粒, 但個薄蔥牛肉就好喊, 一入口我即刻吐出黎講真, 如果真係對食有要求既人, 唔會再去! 我令願你收多d錢, 都唔係是是但但求求其其比d差野我地食呀

一行四人在這個天氣極度悶熱的日子去了黃金海岸吃午餐雖然小時候曾經來過但現在已經毫無記憶了其中一人選了想壽司，貪其環境舒適。我們每人叫了一個set lunch我和媽媽都點了鰻魚定食，而另外兩位姐姐則叫了滑蛋豬扒定食及壽司定食每個定食均有一小碟味菜、一件小食（牛脷）和面鼓湯小食（牛脷）很好吃，而面鼓湯則有點過鹹鰻魚定食：賣相討好，但飯量極小（請看相片），而且用的鰻魚是次等貨，很薄而且很多骨，由第一口吃到最後一口也有骨…有點失望。對上一次吃到這種鰻魚是在一間街坊米線店…　._.壽司定食：有六件壽司和八件小卷，而且還有一碗小小的熱烏冬，賣＄８８元都頗吸引，而且小卷包住的是魚生而不是青瓜！我只吃了朋友的一件小卷，不記得是什麼魚，味道不俗。這個不錯。滑蛋豬扒定食：賣相普通，朋友說味道不錯，豬扒夠軟身。不知是不是天氣太熱的關係，即使是星期六整個黃金海岸人流都不多，這間餐廳也不例外，我們幾個在這談天說地坐了很久才結帳。可惜外面的天氣實在不好，很多煙霞，否則景觀應會更佳這兒服務水準頗佳，但餐牌不知道為什麼沒有飲品和甜品，結果母親要問待應才知道有雪糕供應。但總括而言，除了鰻魚定食外，其他的都頗不俗，有機會