SP Flower & Tea Room (太古城中心) (已結業)

今日難得約咗舊同事相聚傾吓計，梗係要揀間環境舒適，食物精緻嘅餐廳，喺太古城行咗陣，睇完門口嘅餐牌，就比呢間餐廳吸引左，咁岩又有位，所以就入去啦。環境一流，坐得好舒服，好啱我哋傾番幾個鐘。點完餐之後，就開始傾計，都唔知傾咗幾耐，好快食物就來到啦。我哋叫咗一個pancake同一個窩夫,兩個都唔太甜,味道啱啱好,亦都整得好香脆,配埋個雪糕,食完之後,真係覺得特別開心!我哋坐咗咁耐,啲侍應都招呼得好好,完全冇黑面,真係盡興!

     太古的SP Flower & Tea Room，門口就經過好幾次，常常見到一些阿伯坐在門口（公共空間）傾偈傾；今天（2月 7日）終於有機會入內用餐了。真如其名，這間茶室雖然細細間，最多有 15-16個座位，但佈置很有法式情調，茶室的糕點賣相非常精緻。點了一個set： 包括迷你牛油果沙律和蜜桃薑煎茶，盛惠$88。看似不是很貴，但真的迷你得很，要再叫多set SP茗茶伴曲奇，幾件曲奇再加一杯茶都要$78, 真的不便宜。不過這裡絕對適宜慢慢嘆杯茶，食件精緻造型的西點、糕餅；食環境、食裝修。但不適宜來填胃納求飽！

行街行到肚餓就搵下有咩好野食，見到呢間個風格好清新，感覺好舒服咁就入黎試下。我同朋友都睇中左個日本滑蛋秋葵鰻魚飯就叫黎試下，個餐係包前菜，湯同餐飲，加$38可以轉花茶，我地諗住係度hea下就轉左花茶，可以嘆下茶 girl talk💗個餐既擺設係日式路線，蛋好滑😋😋配合鰻魚，正前菜都好好味我地見到個蛋糕櫃既蛋糕都好靚，忍唔住叫左個蛋糕🤪個餐加$32可以配蛋糕。個蛋糕除左好靚可以呃like之外，仲好香軟，又唔會好甜，推介環境舒服，食物優質，我同朋友都食得好開心，滿足既一餐下次有朋友生日要再黎買蛋糕，見到都😍😍眼。禮盒hamper買睇落都幾吸收，用黎送俾d客都好似唔錯😛休閒午餐食得愉快

好多蛋糕嘅款式都好特別、好優雅、好靚，打卡岩哂。另外，雖然蛋糕尺寸細細的，不過食完飯食呢個蛋糕，份量岩岩好，唔會太多、唔會太少，perfect！價錢係有少許昂貴，但係味道好好味，有荔枝味得嚟，帶少少玫瑰味，好清香、唔太漏..同埋唔會同出面普通餅店撞味，亦都唔會伏味。生日掛牌可以即寫即做，等一陣，好快就有喇，都寫得好靚，超級驚喜！朋友們都個個讚不絕口！堅靚！服務員都好細心，會叮囑最佳食用時間，值得推薦！

嗰日同姊妹食蛋糕入咗嚟呢間野其實係因為之前同屋企人經過見到幾靚吸引左入去食過一次覺得OK所以今次都來返呢間同行朋友叫杯抹茶想走冰員工係特登沖會走冰嘅俾佢飲💚同埋幫我將杯嘢飲加蛋糕以set收費值得一讚💚

假日都係想放鬆下去間靚既cake shop食下野，點知個店員黑口黑面，態度好差，好似睇唔起人食唔起甘，價錢又唔係平，去得對服務都有要求，破壞晒心情，太古城中心仲有好多選擇，無必要貼錢買難受!

店員服務態度極差入店後無人招呼，明明客人不多。下單時店員態度極差 無故黑面舉手多次 基至呼喊才有人回應店員完全沒有留意店鋪情況 甚至在玩手機 完全破壞心情店舖環境再美 食物再精緻 也食之無味

我知假期番工可能唔高興 明明已經無客排緊隊 但係個姐姐都唔洗黑口黑面 我只係多口問埋出面果d大蛋糕有無其他款 (因為好靚想之後送禮用) 唔係即時買 我問多一句姐 洗唔洗差唔多鬧人 超晦氣話無 然後叫人自己用眼睇 😞 嚇左我一跳 又唔係平 比錢貼難受 以後唔幫襯了

今日下午路經太古城中心，被一間門外裝飾大多以花為主題的餐廳所吸引，便決定入內好好享受一下悠閒時光。店鋪的空間雖小，但佈置擺設十分精緻，門口的凍餅櫃放滿了各式各樣的小糕點，它們都是以不同類別的茶入饌，口味獨特。下午茶時段太多以小甜點配花茶為主，我個人比較饞嘴，所以點了一客烤天然飼養雞排蕃茄窩夫。窩夫烘得鬆脆，入口不會覺得只有粉漿太厚的質感，再蘸了一口藍莓乳酪醬，味道頓時清新起來。雞排肉質鮮嫩，仍能保留肉汁，不會感到太油膩。店內的裝潢讓人有一種舒適的空間感，不知不覺間，我在店內坐了一個多小時才離開。

這間餐廳的招牌菜就是即製窩夫，餐廳坐得舒服，人又不多，佈置美麗，加上環境寧靜，聊天最適合不過。我點了一份set lunch，主菜揀左雞扒蕃茄窩夫，附有蕃茄湯，一杯自選茶，蕃茄湯好足料，但份量少得可憐，用expresso杯大少少的杯盛著。窩夫即製，上菜時間難免耐一點，格仔窩夫厚厚的，很鬆軟，和藍莓乳酪醬很配，雞扒也煎得金黃。不過服務有待改善，侍應不太主動收起不用的餐具，也忘了扣除信用卡折扣，這點實在需要改善。

😋黑加侖子藍莓蛋糕 $208/4吋SP Flower “Make a Wish Collection”Comfort Cake系列「以花說愛」，以soft & elegant 設計嘅蛋糕🎂，蛋糕嘅design簡潔精美，有依家最流行嘅漸層顏色layer🔮一入口忌廉綿而滑，海綿蛋糕同內裡嘅黑加侖子餡非常和諧，甜度係perfect，唔會過甜，份量2-3個人食啱啱好👭小編覺得每一個蛋糕有唔同嘅花語呢件事好浪漫，如果「以花說愛」去形容小編對香港嘅愛，大概會係甘菊🌼、勿忘我🌸、繡球花🌳、吊鐘花🥀呢四種花，你地又覺得邊種花語最適合形容對香港嘅心情？

一心諗住去太古城食lunch，但係就未諗到食乜！經過見到呢間餐廳裝修好「公主feel」，而且啲蛋糕又好靚，再睇吓個餐牌，原來有lunch食，所以就入去試吓啦！打開餐牌，見到有茶泡飯食，覺得好吸引，所以我叫咗個汁燒牛肉櫻花蝦煎茶泡飯！我先試咗用茶泡少少飯，發覺茶味蓋過個飯味！我覺得個牛肉飯好好味，啲牛肉好香濃！我寧願個茶分開飲，仲好味！我覺得個飯好好味，我一定會返嚟再食，不過下次可以試吓其他泡飯，同埋試吓啲靚靚蛋糕！

以茶為賣點，用料講究嘅輕食，味道環境好好依家天氣咁熱，魚柳烏龍茶泡飯，先來一小柸濃湯，味道濃濃嘅味噌湯鹽麴魚柳茶泡飯👍🏻👍🏻呢個飯，有菊花香味又少少咸味，小吃：豆腐嫩滑，好食蛋糕唔錯

每次經過這間店都會俾佢的蛋糕櫃吸引住，而家好興呢類型的蛋糕，不過個價錢就……細細個幾百蚊，唔係好抵。又唔知佢用啲咩材料喎!今日去呢一間食晚餐及試佢件裝蛋糕。店員好有禮貌，有笑容，本來係冇班戟，但係廚師突然走黎同我哋講話有班戟喎!安格斯牛肉扁意粉伴紅菜頭乳酪橙汁紅菜頭就咁單食就食得多，意粉係紅菜頭味真係第一次食，食落去真係成浸紅菜頭味，感覺好健康，又唔難食，我仲好鍾意。安格斯牛雖然唔係好嫩，不過都唔會話太硬太乾。挪威煙三文魚太陽蛋牛油果班戟班戟轉咗窩夫，窩夫好脆又香，雞蛋味好濃。其他材料如煙三文魚、太陽蛋、牛油果就一般。玫瑰洋甘菊烏龍，問左店員，唔想要有香茅的花茶，就揀玫瑰洋甘菊烏龍，好清香。見到餅櫃裏面得返一款好似叫做黑莓乳酪蛋糕，我就唔係好啱，另外想試個款就冇， 就當減肥吧!店舖環境好寧靜，佈置好靚，設計好獨特優雅。

話說好姊妹就黎結婚 我地做姊妹既 緊係要幫佢搞個bridal shower ☺️ 幾個姊妹諗左好耐 最後決定左係SP Flower 買個靚靚蛋糕 雖然蛋糕既花係餅師即日先決定既 不過都完全無令我地失望 真係好靚架😍