Stormies (已結業)

家上海罰企 45 分鐘有多都未有位，朋友們到齊就立即轉場食碗豬扒飯算數！食飽飽齊齊想去嘆杯酒傾傾計，走到英國佬再次無位又要等，截返型點是但 Stormies 吧！轉眼十多年朋友們都結晒婚疴晒蛋咯！Chianti Italy，我睇中 California，但朋友仔想飲意大利，無所謂就先來意大利。厚身偏酸有少少微澀，免強可以的，飲完即轉。PinotNoir California，相比之下好飲多倍，同樣厚身但帶果香，濃濃掛杯。墨西哥粟米片拼盤配芝士辣牛肉、番茄蓉、酸忌廉及牛油果醬，別出心裁紅黃色的粟米片，顏免鮮艷增進食慾，兩煮同樣脆卜卜連味道都一樣。估您唔到竟然係混醬，所有醬料倒在同一個碗裡面，撈埋幾種醬又得，獨立點一種醬亦得！各具特色各有風格。我較為喜歡芝士辣牛肉混番茄蓉，咸香鮮茄還有肉食呢！梳乎里班戟配海鹽焦糖牛油、雜莓及雲尼拿意大利雪糕，大家將外觀跟餐牌上的照片比較，差距甚大，失望了！班戟不熱，只有微弱的暖意，就連牛油都不太溶到，免強夠鬆軟，清淡的甜味，過過口癮吧。

今晚近近地去咗Yoho食晚餐，見到佢有戶外位所以就坐低左試下！見佢個肉眼牛扒有廚師推介所以就帶咗一份嚟試吓佢嘅肉眼牛扒標榜着有10安士，點知嚟到都幾大塊下再加埋d薯條真係好大碟牛扒我嗌左五成熟，感覺啱啱好唔會太生，牛扒上面有塊牛油好邪惡不過覺得搽咗上去都唔會覺得好溜，呢一點好值得一讚食落好有口感同埋唔會有好多根位另外薯條佢都應該係即炸嘅，因為上碟嗰陣時熱到完全食唔到同埋炸得好脆口另外環境來講好舒服唔會好嘈而家秋天黎食就啱啱好唔會太熱，不過佢另外都有室內位

今日入元朗有啲野做，又想試下新野，見呢間幾特別就訂位試下前菜新鮮，份量不大辣雞堡好好食，爽住沙律唔會膩，雞扒炸到啱啱好，厚肉，食落有汁又唔會乾，份量咁大⋯⋯100蚊都唔洗邊到揾墨西哥猪肉卷，薯條新鮮連皮炸，好香口，猪肉卷份量都不少，外皮熱辣辣，猪肉調味剛剛好，仲有新鮮粟米，芝士仲拉到絲10分好食，配埋酸忌廉同牛油果醬最後係重頭戲，焦糖雪糕，其實我一向唔多中意食咁甜的，原本期待係較清新既甜品，點知距又出奇好食，有咸味中和番，絕對好食過出面啲大牌子

這間餐廳 已經食咗好多次。 由最初佢 午餐buy one get one， 直到現在沒有打折。 都值得回來幫襯， 每次都冇失水準， lunch set 來來去去都是幾款， 但每次都好味道， 廚師都用心去做， 沒有求求其其， 價錢不貴，食得很滿足

好耐冇黎呢間餐廳喇，早兩年同朋友黎得密到連staff都記得😂😂無他嘅，只因呢度可以坐得好舒適咁食野飲野，仲開得夠夜冇限時間添。呢日收工就再自制個happy weekend ...最大吸引嘅係happy hour有7折9點前order 就可以，叫定兩杯是常識吧😂餐牌食物種類唔算多，4頁睇哂，價錢屬中等。反而飲品/酒類嘅種類仲多岩哂酒鬼們另有dinner set首先黎嘅係我至愛 - Nacho Platter $98同其他地方嘅有d唔同，醬同粟米片係分開上嘅，個醬有辣肉碎/牛油果蓉/酸忌廉同芝士送酒必備Dinner set / 3 course - $188頭盤 - 凱薩沙津伴炸意大飯&芝士- 沙津就合格嘅，炸意大利就真係未試過，幾得意，配埋沙津食增加左口感Main - 蟹肉西蘭花芝士通心粉用嘅改左用貝殼粉，面頭嘅蒜粉烤到脆脆地，好強嘅香草味配埋芝士白汁，好邪惡朋友好鍾意Dessert - raspberry gelato正好怕酸嘅我比較少食raspberry ，難得會讚！呢個一d都唔酸，而且雪糕裡面加左d raspberry 增加口感麻甩系嘅我當然啤酒啦🍻🍻cheers

元朗高質西餐好選擇😍😍😍入到間餐廳 環境好靚，牆身放滿酒櫃同唔同酒，餐牌都有好多酒可以選擇。一開始叫左個蘑菇忌廉湯，叫任何主菜亦都可以加$25配一碗，味道好濃郁，飲落有一粒粒蘑菇蓉，唔似一般忌廉湯咁稀。入邊仲有塊蒜蓉包，烘到夠曬脆。跟住再黎就係松露芝士薯條配香蒜松露醬薯條炸得剛剛好，係粗薯條🍟入口仲好熱辣辣，上邊好多芝士粉，最特別係個松露醬，松露味都好濃，中意食薯條一定要試呢個。香蒜牛油雞翼都係岩岩炸好拎出黎，所以都好夠熱。雞翼好大隻，啖啖肉。食完3個菜已經開始有少少飽，因為份量好大份。主菜試左個經典和牛牛肉漢堡包同埋霹靂辣青雞。和牛漢堡既牛肉好大塊，我地叫左5成熟，牛肉好多肉汁好重牛味。除左牛肉仲有煙肉，炒蘑菇，蕃茄乾，洋蔥同埋車打芝士。咁多樣野夾埋出黎味道好豐富，漢堡仲有好多薯條，用薯條點番松露醬就可以繼續食松露薯條！辣春雞唔算好辣，燒得岩岩好，好有肉感，有雞脾同雞胸，雞肉好嫩，辣春雞配特別既醬，少少酸同辣辣地好開胃。人均消費兩百幾 但食到又好味 又捧住個肚走

一直都好鍾意呢間餐廳因為有落地大玻璃空間感大啲舒服啲另外又有酒吧室內室外飲酒都可以係一個好relax嘅地方今次第一次唔係散叫食dinner set 有四個course，價錢大概$200喺YOHO MALL嘅平均價錢所以地方舒唔舒服就係一個好重要嘅選擇食物份量、擺盤及質素都好好我非常之滿意特別係配菜方面有薯蓉、南瓜、長邊豆、蕃茄、薯仔對於鍾意食蔬菜嘅朋友真係好滿足，又多樣化！想特別推薦兩樣菜式第一樣：凱撒沙律件脆炸意大利飯意大利飯食落似肉丸外脆內香，真係好surprise，我覺得係主菜格局，估唔到只係頭盤沙律，下次再去食，唔知仲有冇依一度沙律！第二樣：杏仁比目魚又係外脆，內鮮甜，有肉汁，冇腥味！第三樣：就係蔬菜配菜，多樣化，又整得好味！可見餐廳都有誠意！

位於元朗的Stormies，是一間以航海為設計主題的西餐廳。餐廳設在Yoho Mall的外圍，大家要走出商場，才能看到哦。環境寬敞舒適，有戶外和室內座位，更有大電視，讓大家能跟三五知已舉杯暢飲，談天說地，欣賞賽事。餐廳提供多種類美食，有前菜，沙律，湯品，漢堡包，意大利飯，意粉，甜品等。而甜品之中，竟有日式梳孚厘班戟，但只會在星期六日供應，大家要注意啦。香辣雞肉漢堡包 $102超級大一個漢堡包呀! 在新潮的大商場營業，但只售$100多塊，實在超值哦。漢堡包比我的手掌還大，兩手也難以拿起。麵包厚重，抹上牛油烤香，夾著椰菜絲沙律，芝士片，大炸雞扒，蕃茄，生菜，男生吃也會飽足呢! 椰菜絲沙律爽脆微酸，為漢堡包增添囗感層次。不過雞扒略硬，若軟腍一點就更好吃啦。薯條新鮮即炸，香脆可囗，鹹了一點點，不用沾蕃茄醬啦。慢煮牛肉芝士Mac & Cheese $132名為Mac & Cheese 的主菜，廚師使用的不是通心粉，而是貝殼粉，更有新奇感哦。慢煮牛肉切成塊狀，跟貝殼粉大小相同，更方便進食。搭配的配料很有心思，有預先烤過的蕃茄，菠菜和羅勒，令整體味道更豐富，但同樣鹹了一點點啦。芝士蒜蓉包 $52向來

見OpenRice 既description 係美國烤肉，但其實都係普通西餐廳，menu 種類不算多, two pages for appetizer/ snacks, one page for plaza/ risotto and one page for main雖然選擇不多，但質素幾好，份量適中，叫左steak, risotto, pasta and snackCrab meat risotto 值得推薦👍🏻👍🏻呢個墨西哥小食，餡料非常夠, sour cream and avocado sauce 好match呢個意粉，就不過不失la

放工身心靈都好攰，只想搵個地方休息一下食啲野，所以就係Yoho揀左呢間西餐廳食個晚餐。兩個人點左一個小食、一個意粉、一個main，唔少得放工必備嘅鬼佬涼茶！原來呢度都有手工啤品牌—鬼佬，我點左Pilsner，有花香同果香，好岩我口味！上菜速度都幾快，飲緊啤酒嘅同時就可以邊食小食呢個雞肉墨西哥薄餅半份都唔細，熱辣辣好香口，仲可以配埋我最愛嘅牛油果醬，仲有酸忌廉、番茄茸，一凍一熱配搭唔錯～之後好快就嚟左個主菜，西班牙豬鞍配蘋果茸，份量都幾大，豬鞍一切仲好juicy配蘋果係絕配！側邊仲有薯蓉同菜～最後嘅慢煮牛肉芝士貝殼意粉都有驚喜，牛肉版嘅Mac & Cheese，芝士都算幾多拉到絲，牛肉量都多，幾腍嫩～整體質素都幾好價錢係合理嘅，會再來！

今晚有朋友生日 所以就一行8人食好D慶祝下估唔到星期日都有set dinner Steak 叫左medium 但係都太熟 好彩唔算老 黑松露薯條炸得卜卜趣 仲有沙律送Carbonara 好好味 好重菇味 唔會太膩最後加埋清新薄荷特飲好滿足💚

少了優惠頓會少人光顧，沒有滿滿的人流、嘈吵的聲音點了餐湯，附有蒜蓉包，餐湯，賣相吸引，味道正常，但是蒜蓉包已不脆，有點煞風景。意粉賣相不俗，唯蝦不是原隻，露荀份量只有數條，味道尚可，整體不會太膩，意粉軟硬度適中熱檸茶也屬正常甜品是咖啡雪糕：太驚喜了，味道濃郁，不比有品牌的雪糕為差整體來說：少了優惠吸引力減低，雖然質素沒有減退，但是要再光顧會比較其他價錢差不多的餐廳，我覺得食材可以稍作調整增加吸引力

元朗yoho mall不嬲多野食，唔同款式唔同價位既餐廳都有今日就同媽媽黎左Stormies餐廳燈光偏暗，感覺上似岩同知己兩個人一齊黎食飯談心既酒吧餐廳，直到隔離台黎左一家人幫媽媽慶祝生日，又覺得幾岩一家大細黎食一餐溫馨既生日飯因為set dinner好抵但又冇得食牛扒，所以叫左一個set dinner only，再加個main ribeye steak首先係starter Grilled Steak with Arugula, Red Onion, Parmesan Cheese，上面好多cheese，steak既份量都唔只係得一兩片，而且食到好香既牛味，蔬菜方面都非常新鮮Main係香煎鱈魚伴手指薯配椰菜花，北非小米及芒果木瓜莎莎鱈魚魚肉嫩溝冇雪味，而且冇咩魚骨，大人細路都可以放心享用，莎莎都充滿鮮味另一個mian ribeye steak都非常大份，第一次食牛扒配香草牛油，意外地不錯，甚至令我好想以後食steak都配返個牛油，我就要左五成熟，肉質非常嫩易入口，唔會好腥反而牛味好足，黑松露薯條都好正，d黑松露好大塊，薯條又好脆最後甜品係雪糕，我地食到既係伯爵奶茶雪糕，超好食！！超意外

平日夜晚黎唔算多人，全場得四五枱客，餐廳入口唔係yoho商場到，要兜返出商場先入到，餐廳環境幾靚，但燈光偏暗，鍾唔鍾意就見人見智啦。叫咗個肉眼扒配薯菜 五成熟個扒好食，一切啲肉汁已經流出，肉食落好腍身，有牛油的香味。但薯條就唔合格，唔多香脆另外叫咗豬肋骨。豬肋骨腍得好腍，用叉輕輕一扯就甩到骨，但個汁有啲偏酸，食落有種點茄汁的味道😂😂

唔係經常食西餐既人類都總有想食扒配薯菜既時候😂各方面水準都唔錯既西餐廳價錢比我想像中合理Set Dinner $188由前菜沙津伴香煎吞拿魚就有驚喜無諗過前菜似full size 其實share都夠食兩個人食可以一個要湯一個要沙津吞拿魚並唔係得幾片 係幾舊 要切開食仲有蕃茄、蛋、薯仔等等主菜試左燒春雞同煎比目魚兩個唔同既sauce都好配合好好味配菜都唔少，雖然各自都配有薯仔但澱粉質係有少少唔夠既😜大食既人類可以叫碟pasta😂😂😂甜品係連隻杯都雪過既雪糕呢d咪完美囉。💕