Sum Sum Dessert

營業中

休息中

已經食過好多次Sumsum，以前都淨係食過糯米糍系列嘅產品，而家都新出左一啲係同埋雪媚娘，都好似好吸引但係一直都冇食過，今次黎開觀塘就特登上去買嚟試吓！海鹽焦糖花生流心撻：開頭有啲驚有花生醬會好漏，但食落雖然都甜但未至於好漏。亦都食到海鹽同焦糖味，估吾到呢啲配搭吾會奇怪，反而襯得幾好食因為買左反屋企雪左陣先食，但個皮都吾會淋左，仲好脆伯爵茶雪媚娘$28@2：個皮依然好好食，而裏面嘅餡有啲似雪糕，同埋食落好滑，有淡淡既茶味尚算不錯，夏天食一流。

之前情人節買左幾個批慶祝下，糯米糍網店做到上樓再賣埋批，買左情人節限定產品，一百蚊買哂一連三個一齊食。入去就見到好多報導介紹，仲有好大個雪櫃放左糯米糍，原來而家仲有雪糕賣真係愈黎愈多產品可以買喇。一盒有三款，個盒白色有埋標誌，入面放哂三個情人節批好靚。先食左《酸甜草莓》，好大個紅色既心心應哂節，咬開心心入面就有大大粒士多啤梨，食落唔會死甜批底幾薄身同好脆。第二款試《玫瑰百利甜酒》，上面玫瑰花係食得架，甜酒陣味幾香加入左57%朱古力，賣相滿分食落甜味太重有啲漏。最後一款既《焦糖蘋果》面頭淋滿焦糖醬，食落焦糖味唔係好濃，蘋果一大個放上面好足料不過有啲硬身。加多左款《阿華田麻糬》($28)，上層阿華田吉士慕絲質地，中間奶香較重下面就俾煙煙韌韌既麻糬，一個批食哂幾種口感。

一經過APM就會去買糯米糍食，次次都會買幾盒，因為一返到學校攞出黎食，所有同學都會過來爭住食！真係好好味！次次都會買唔同嘅口味，而無一次會令到我哋失望！啲皮軟林林再配上麥提沙脆脆嘅口感真係好特別，超級無敵幾好食，10分推介！再加上佢仲有啲雪糕，有啲批，仲有其他甜品，真係加晒分！仲有啲批鹹甜適中，再加上又飽肚喎，有時真係當晏晝食都得！最重要嘅係琛琛，琛弟，琛媽，琛爸，佢哋屋企人都好Nice好親切！唔講啦我要繼續食！

海鹽焦糖脆脆糯米糍榛子脆脆糯米糍HK $25 / 六粒一盒有六粒，每粒都大大粒，餡料好豐富。軟熟嘅糯米皮，配上好有咬口嘅海鹽焦糖同榛子餡料，口感超好 👍🏻 個人比較鐘意海鹽焦糖脆脆，有咬口之餘帶有少少咸咸地嘅味道，比較特別。

宇治抹茶果凍紅豆白玉撻Tiramisu TartHK $31 @ 1 個宇治抹茶果凍紅豆白玉撻有抹茶雪糕球、抹茶果凍、白玉同蜜紅豆。抹茶雪糕球看似係雪糕球，但實情係抹茶吉士忌廉，抹茶味好香濃。抹茶果凍口感幾好，不過抹茶味五夠岀。白玉幾煙韌。至於蜜紅豆幾淋，五會好癡牙。Tiramisu Tart 芝士份量多，而且食落好滑。咖啡味幾濃，朱古粉亦啱啱好。兩款撻底都好鬆脆, 撻底同餡中間有一層白朱古力。

早在社交媒體上見過sum sum dessert的報導，90後的女店主靠賣麥提莎糯米糍打出名堂，由ig店發展到開實體店。小妹素喜歡支持小店，也十分愛吃糯米糍，故這天特意前來一試店舖所在位置十分方便，只是apm相鄰的港貿中心。除了原味外，也有不同的口味以供選擇例如綠茶、焦糖咖啡、芒果等。而這次小妹選的是香芋味。一到手就馬上急不及待打開店家挺細心，放了膠籖在裏面，方便即時進食。一盒八粒的糯米糍，軟糯煙韌又q彈的糯米皮外層沾滿可可粉，包裹著一粒香脆的麥提莎，一口一粒，不經不覺就完成了一整盒😂😂對了，那說好的香芋味又如何呢？個人認為香芋味不天然，吃得出是芋香味調味料的味道。感覺吃原味會更好吃。PS.看到店家除了招牌麥糍，還有其他產品，期待下次一嚐

幫趁左呢間幾次啦！每次都會買好多盒麥提莎糯米糍，最中意綠茶味其實隻隻都好味，糯米糍表面的朱古力粉不苦不甜，味道剛剛好～朱古力粉幼細、不會太厚粉～糯米糍好qq，有次食吾曬，係屋企雪櫃雪左一日都仲好q彈～麥提莎仲脆卜卜冇淋到，證明係每日新鮮製造啦

食過一次佢地既撻，我就想試晒佢地既甜撻，份量夠又好食😭😭佢地仲要每個月都轉款，可以係地鐵站交收，好吸引！我已經準備好試晒11月既味❤️❤️海鹽焦糖朱古力撻 $25/1 $45/2 另+$3 一咬開就勁多焦糖醬✨，中間微苦既朱古力中和番焦糖醬既甜膩，朱古力味好濃而且好滑，兩者之間好夾，撻底保持脆身，唔會變腍，整體味道都係會偏甜🤤🤤 抹茶黑朱古力撻 $25/1 $45/2 另+$3 🍵抹茶撻比例係2/3既抹茶醬，1/3既朱古力，茶控會好中意呢❤️！一口咬落去，先係回甘既抹茶醬，香滑軟醇，🍫朱古力味後而緩緩地散出，質感濃厚，最後就係好脆既撻底✨味道都係偏甜呀🤤. 唯一可挑剔係個賣相唔好睇同食一個已經好飽，一個撻8.5cm大，真係好墜手😂😂😂不過綠茶撻既賣相好似改良左lu🙈 餐廳資料： Fei Fei crazy pie地址：觀塘巧明街117號港貿中心13樓05室

平日都有買開佢地出品嘅麥提沙糯米糍，最近先發現到原來佢哋都有批買，仲要唔止甜品仲有鹹批埋添。見佢每星期會推出六款批，今次就揀咗買法式經典檸檬批同埋蜜糖豬手批。個檸檬批好有驚喜，食得出佢好用心機去整，係冇加化學味道落去,而佢嘅香味都係用檸檬皮整成嘅香味，已無一d好假嘅合成味道，食落口非常之細膩，質地好滑，嗰個批底同出邊平時食嘅好唔同，係維持到成個好趣口，同埋個味道比出邊嘅更好食。而蜜糖豬手批用料亦都十分充足，食落去有3到4舊大大舊既豬手。批既分量係一個人size唔算大，但係食一個己經會好飽。

1️⃣覆盆子開心果撻佢上面嘅覆盆子吉士好有莓味，酸酸甜甜咁，配埋下面個開心果餡吉士確實唔錯，因為佢哋大家都唔會搶咗個Fo，每一啖個覆盆子味過咗之後開心果同埋曲奇味嘅味就開始慢慢出嚟，而且係個開心果餡吉士間唔中仲可以食到啲開心果粒添！佢呢個嘅口感真係超級豐富呀！價格：HKD $282️⃣法式經典檸檬撻首先，小編一切開個撻已經唔多高興😂個撻竟然出水OMG，個撻底仲要同個檸檬餡完美咁分離左。到底發生咩事？首先佢面頭嘅蛋白忌廉有微微燒過，燒一燒成個撻都好似靚咗唔少啊！蛋白忌廉同下層嘅檸檬餡確實係幾夾，一開頭食落有啲酸酸甜甜咁，而最後個檸檬餡啲檸檬味就會擁返晒出嚟。佢呢個甜度偏向低少少，啱晒啲唔太鍾意食甜野嘅人啊！但就係唔啱小編呢啲咁嘅甜品控囉，因為小編真係好需要食甜野😂價格：HKD $25---PS：佢哋嘅交收團都開得幾密下，而且每個星期嘅款式都會唔同，店主真係創意爆燈丫！小編都係第一次試佢哋嘅麥提沙糯米糍，完全一啲都冇令小編失望呀！道先佢哋個糯米皮好軟熟，雖然就唔係話好煙un，不過起碼唔會食得好辛苦先。另外糯米皮仲有好香嘅綠茶味，不過小編覺得隻綠茶味有少少似綠茶朱古力味。而且佢中間粒麥提沙食落嗰陣仲

今日去朋友公司探班, 知佢地喜歡糯米滋又其是芒果味, 所以上OPENRICE看看係公司附近有無得買, 竟然發現這間店, 糯米滋外層香滑軟棉內有脆口麥提沙加上唔同口味, 食出3種層次, 這3款都好好味, 本人LIKE 薄荷多0的,食落涼涼地有驚喜

抹茶麥提莎糯米糍 $25 8粒мalтeѕerѕ glυтιnoυѕ rιce dυмplιng wιтн мacнa ғlavor ⋯久仰ｓｕｍｓｕｍ的大名，今次無意在市集遇上，終於嘗到了。由網店做到實體店，受各方支持，曾經在年宵也看到其蹤影。本對其抹茶不抱期望，以為只是非常淡和假的味道，但竟然有驚喜，抹茶配合麥提莎完全無違和感😍。皮厚度適合，「煙煙韌韌」，甜度不是假甜👍🏻💚。@hktpy 《K》

早前和朋友吃完飯之後，我又想吃下麥糯 ，我又去了sumsum_dessert買麥糯,見到又出了新口味香芋麥糯(39元/12粒),不過,今次新口味並不是我的杯茶，我覺得香芋味太甜了,朱古力依然好脆，香芋味亦好重,但是，覺得今次太甜，香芋味應該不會再買，這裡服務都好好,店員好熱情介紹每個口味，我繼續支持sumsum味道香芋麥糯,朱古依然好脆，個皮又好味,香芋味好重,我覺得甜味太甜了服務店員好熱情介紹，服務都好好

我的好朋友對SumSum情友獨中，我又怎能可以品嚐一下呢，一路行一路搵食似乎已經是我們的最娛樂，平時見人post上網話這個麥提沙糯米糍好好食又好多味選擇，所以我今天一定要去試過究竟有幾好味香芋味～外層是朱古力粉，糯米糍皮真的好薄而且好堙un,麥提沙不用解釋吧一般我們也應識吧，但用來做饀我也是第一次食呢但真的做得皮薄饀靚真的下了工功，而且朱古力沒有蓋過香芋味道，溫度keep得好好而且現場即食更加好味一盒又一盒，我們在門口食完一盒再追加，確實有點食上癮，$29一盒有8粒，心機工功錢也值得，何况今時今日租金仰貴，只要有新意和有心思，真才實料一定可以留得住我們僱客的支持

在觀塘開會，經過在IG熱買麥提莎糯米糍的實體店，之前未試過，所以買了細盒8粒裝的原味($20)回公司試一下，即棄膠盒內還附有一支膠牙簽方便食用。糯米糍細細粒，每粒糯米皮外都以可可粉包裹着，口感柔軟煙韌，中間是一粒原整香脆的麥提莎，不會太甜。整體感覺不錯，但又未至於非吃不可，吃不停嘴那種，如果剛好經過，一試無妨。