SUN HARU (威達商業大廈)

營業中

休息中

係旺角既小巷都有好多野食揀,俾佢門口隻雞吸引左😂價錢唔貴仲要唔收加一,值得一試!坐低之後係掃QR Code自己落單叫左個二人套餐B $228去其他韓國餐廳食應該唔止呢個價!前菜係泡菜同芽菜,兩樣都好符合我口味~套餐入面有半隻炸雞,揀左蜂蜜芥末味半隻雞份量都幾多,炸粉岩岩好,唔會太厚加埋蜂蜜芥末醬甜甜辣辣好開胃海鮮煎餅好大塊,入面有蝦同魷魚用料好豐富,煎得好脆口韓式雜茶炒粉絲(烤牛肉)粉絲炒得好入味,乾爽又彈牙牛肉好大塊,而且都好多套餐仲包2杯野飲或湯揀左一碗蜆肉海帶湯,一杯蜂蜜紅棗茶原本仲擔心兩個人食唔飽,但食到最後原來都好飽好滿足!二百幾蚊已經飽住咁走,性價比極高,抵食!

喺旺角女人街終於搵到咗好味嘅炸雞外賣啦，☺️記住行街唔好走寶呢間炸雞店呀！！🔥 我哋點咗佢哋嘅招牌炸雞兩人套餐🤓，我拣咗芝士撒粉炸雞半隻，拿到手嘅炸雞仲熱辣辣，上面撒滿咗🧀芝士粉，炸得好酥脆。 仲有嗰個烤牛肉炒粉絲，牛肉片好似有奶香味咁，🥰粉絲好爽口，醬汁炒過之後好入味。 傳統雜錦紫菜包飯，新鮮度同口感都好好！！😍😍🍘入面包咗好多種蔬菜，食起身好清新爽口。#mongkok #旺角美食 #旺角女人街

✳️在旺角的通菜街，有間韓式快餐店SUN HARU，真係一個打卡好地方。店內的佈置充滿韓式風格。今日我同太太一齊嚟試下佢哋的二人套餐，$228，超值！✨首先上桌的是傳統雜锦紫菜包飯，外面包著新鮮的紫菜，裡面有各種新鮮的材料。✨接著是亞之媽炸雞半隻，選擇了蜂蜜芥末味，外脆內嫩，蜂蜜的甜味同芥末的微辣真係絕配，一口接一口，根本停唔到。✨然後是辣猪肉炒粉絲，粉絲吸收了肉汁和辣味，吃得出來的香氣讓人食指大動。辣度適中，配上嫩滑的豬肉，一個不錯的主菜選擇。✨飲品方面，太太選了忌廉鮮奶，香滑可口；而我則選了韓國檸七，清新爽口，完美中和了辣味。

今日想食韓國菜，搜尋吓旺角有啲咩食。門面好多韓國菜吸引到我，睇落價錢唔貴～前菜有酸蘿蔔同木耳絲二人套餐B $228價錢廉宜，非常好食😋亞之媽炸雞半隻（牛油蜜糖）炸粉唔多，皮薄 而且雞好嫩滑！牛油蜜糖不太甜恰到好處。海鮮煎餅🥞海鮮煎餅，有蝦同魷魚 同青口 仲有大蔥脆口既餅底 不過不失👍🏻韓式雜菜炒粉絲（辣腩肉）上枱熱辣辣，韓式粉絲煙煙韌韌😍辣腩肉簿簿一片 好惹味😁［跟餐］凍蜂蜜檸檬茶凍蜂蜜，好滋潤，而且唔係太甜嘅［跟餐］凍蜂蜜柚子茶柚子茶大大杯👍🏻特價🤗推介肉鬆芝士雞蛋卷 $19勁抵呀！！仲有四大嚿 蛋味濃郁 加埋肉鬆芝士非常滿足

Sun Haru😘😘😘主打韓國風味路過旺角通菜街、店內以石灰牆、塗滿韓風美食圖畫、非常吸睛、入內感受韓風味道👅*下午茶餐*餐前小菜涼拌豆芽菜⋯⋯冷盤小食、爽脆又開胃✨一人便當套餐$78韓包粉絲便當、套餐分類精緻、主食韓國粉絲、將粉絲煮熟、撈起用凍水沖洗、瀝乾水分、保持品質柔韌度、燒熱油鑊、爆炒韓國粉絲、椰菜切絲、加入醬油及麻油炒勻、美味蛋卷、脆炸芝士炸雞、肉嫩多汁、淋上濃濃芝士、賣相吸睛、仲有雜菜伴碟、白蘿蔔絲、紅蘿蔔絲、木耳絲、非常豐富😘雜錦小食三件（外炸金黃、甘香鬆脆）炸忌廉粟米餅⋯外脆香口、脆卜卜、內軟綿綿炸芝士年糕條⋯芝士年糕、煙靭有嚼口炸紫菜粉絲卷⋯外層紫菜脆卜卜、不油膩、內餡粉絲卷又幾夾😋蜆肉海帶湯⋯材料豐富、滿滿海帶、又爽又脆口、仲有鮮甜蜆肉、錦上添花、飽肚滿足😌Sun Haru旺角通菜街1A-1L號威達商業大廈地下E&F號舖地鐵旺角站E2出口、步行約5分鐘

Sun Haru 到旺角shopping買新鞋過年，差不多到晚飯時候了，行過通菜街，見到呢一間韓式炸雞，就同波友入去試吓 睇過餐牌，二人套餐的性價比最高，二話不說就手機落單，再加一個今期推介肉鬆芝士雞蛋卷，只係$19 ，其他客都有食應該唔錯 蛋卷最先上，面層肉鬆舖得靚靚，賣相已經很出色，見到一層層蛋皮加芝士，我就把一件一啖放入口，醬汁加蛋皮向口腔入邊好似噴出嚟一樣，完全係唔捨得吞落肚，哈哈！ 下一道上嘅菜係海鮮煎餅，上菜時的香味已令人垂涎，有海鮮粒，洋蔥青椒等配料，煎得微焦甘香，趁熱還有點燙口的時候吃就最滋味，不同種類的海鮮粒，形成了一層層不同的咬口，其實跟吃新鮮的海鮮的口感差不多，性價比極高 跟住有韓式烤牛肉雜菜炒粉絲，呢個粉絲炒得乾身而入味，香口而幼滑兼且絕不肥膩，加上雜菜入口時索索聲，質感極佳！牛肉配炒粉麵本身就是最適合，配呢個炒粉絲原來更加正，味道也不會過濃！ 極之期待嘅韓式炸雞上碟啦，醬汁選擇咗牛油蜜糖，因為蜜糖配雞就係最理想嘅配搭，炸粉落得啱啱好完全唔會一嚿嚿粉，熱辣辣入口，肉汁鎖得好好，雞都好彈牙，選料優質上乘，一啖炸雞，飲一啖芒果乳酸梳打，就係極爽嘅感覺，波友話錫蘭檸

今天中午，我們去到SUN HARU (旺角)午餐。在這家韓式餐廳， 我們 點了二人套餐。這套餐的內容豐富，且令人期待。首先，亞之媽炸雞半隻，外皮金黃酥脆，搭配牛油蜜糖，味道香甜可口，讓人一口接一口。接著，韓式蛋捲裡面包裹著濃郁的芝士，吃起來滑順，令人陶醉。套餐還附有辣泡菜腩肉湯，湯汁鮮美，微辣的口感恰到好處，與白飯一起享用，十分滿足。此外，我們還選擇了蜂蜜紅棗茶，清甜的味道讓人心情愉悅；還有蜆肉海帶湯，清爽又營養。服務人員的態度非常友善，讓我們感受到賓至如歸的氛圍。這頓餐讓我們開心又滿足，期待下次再來品嚐！

呢間韓國餐廳有紫菜包飯，粉絲，炸雞同蛋卷。一次過試哂，好有滿足咁粉絲夠味，唔太鹹，食時還熱炸雞淡淡肉，夠脆及大件，好味個人覺得芝士味炸雞係最好食肉鬆蛋卷係必試，好好食下次黎旺角都會再去。

好耐冇出旺角 今日早收特登出黎覓食經過門口見到裝修不錯 鋪入面亦好多人就入黎試下啦啲野食唔貴 上餐速度快 我地叫左一人便當套餐 同埋水冷面 水冷面份量係多嘅 但啲面好難食炸雞勁厚炸粉 唔知係食緊炸面粉定係炸雞 ！不會再黎 ！

派咗去廣華醫院實習兩個月同朋友發搌附近美食見呢到可以坐得多人就入咗去Menu非常多選擇，大部分韓國菜式都有🇰🇷有泡菜同大豆芽菜做前菜▶️ 紫菜包飯便當拼蛋卷 ($63)包飯一切10件，入面有火腿、青瓜、紅蘿蔔、蛋本身有少少麻油香，另外可以點豉油，味道唔錯😋包得實淨唔鬆散，米飯有啲似壽司蛋卷冇其他材料，用上全蛋黃，好eggy濕潤🍳可以自選肉類：烤牛肉、辣豬肉、雞胸肉、芝士炸雞雞胸肉拆絲，份量超多，口感比較乾身略嫌調味鹹咗啲🤏🏻底部大量韓式拌菜：黑木耳、大豆牙菜、翠肉瓜、紅蘿蔔絲🥕非常豐富又健康-成個set味道唔錯，感覺好似細個食兒童餐咁開心🤣服務同環境都ok性價比合理，冇加一，平均$60/餐，夠飽肚唔少學生黎食，lunch time滿坐

叫咗個二人餐，個豬腩肉炒粉絲冇影低，算係三樣嘢入面最正常嗰樣，兩個人都冇乜難度食得哂。個炸雞食落似西檸雞，可能係中韓友好嘅交流證明，不過用雞胸肉整，無骨雞用雞胸肉，易整，好合理，於是鞋烚烚，醬又唔多，整體感覺唔可以話難受，不過就要用汽水送服。泡菜煎餅入面d泡菜應該高手醃，醃完都仲青bb，個餅鹹略鹹，配嗰個醬鹹到癲，唔建議點醬食，如果你父母腎有事而你又想早d送佢哋上路，叫呢個餸佢食啱哂。韓餐嚟講算中下，份量算多，味覺壞死咗只求填肚可以考慮。

✨已經第三次嚟呢度食韓國料理，因為好抵食同好好味。✨紫菜包飯便當🍱：之前中午時間， 有兩次黎都係食呢個便當，下午時間仲平啲添。成個便當有10件紫菜包飯，仲有菠菜🥬、芽菜、蘿蔔絲🥕、兩件蛋卷🥚、肥牛都好多片。我就最鍾意個醬汁，似蒜鹽味，肥牛點埋個靈魂醬汁真係一流。便當仲包三件炸物小食添。✨紫菜粉絲卷泡菜腩肉湯飯：湯有少少辣，落咗好多洋蔥🧅，腩肉都唔少，煮得又彈牙，一啲都唔韌，用嚟送飯好正😋粉絲卷食落煙煙韌韌，口感幾特別。✨前菜：前菜有泡菜同芽菜，泡菜醃得好好味😋✨野飲：🍹鳳梨青檸梳打，食完鹹嘢飲，好透心涼又解渴。☕️蜂蜜紅棗茶，有粒粒嘅紅棗肉，可以養顏補血，蜂蜜又滋潤，下次應該要叫少甜先得

今日同屋企人去咗旺角行街，試咗通菜街呢一間韓式料理入到去都幾舒服環境好大，牆身滑滿咗韓國唔同傳統小食塗鴉試咗佢哋嘅二人套餐亞之媽炸雞半隻•蜂蜜芥末韓國餐廳點可以少得炸雞？炸雞份量多，香脆灑滿左蜂蜜芥末味粉，一咬落去已經可以食到滿滿雞肉肉味辣豬肉炒粉豬鍾意食韓國炒粉絲，豬肉條份量好多加埋粉絲口感煙靭傳統雜錦紫菜包飯一上枱可以聞到陣陣麻油味飯粒味入邊已經有齊葉蘿蔔青瓜火火火腿玉子係滿滿，韓國阿豬媽味道叫埋兩款梳化飲品食完炸雞啱啱好可以平衡返油膩感！

在旺角這片繁華喧囂的鬧市之中，隱匿著一間令人讓難忘的韓國料理小店，兩個女仔點一份二人餐，份量都幾好。必點二人套餐：亞之媽炸雞半隻•牛油蜜糖，金黃酥脆的外皮，外皮炸得恰到好處，甜中帶咸！牛肉炒粉絲看似簡單的炒粉絲，粉絲爽滑不失彈性！【傳統雜錦紫菜包飯軟糯的米飯，份量剛好！飲品：青檸梳打菠蘿沙冰青檸梳打清爽解渴，少冰少甜的設計更顯貼心菠蘿沙冰則以其濃郁的果香和綿密的口感，好冰涼。二人套餐內容豐富，性價比極高！

旺角女人街發現有間韓國快餐廳，店內有韓國氣氛，叫左個泡菜炸雞便當，泡菜湯豬肉好多件，炸雞皮薄唔厚粉，脆香，白飯可以加落泡菜湯食，好好食，原來呢間有分店，會再去試 。