Tai O Lookout

營業中

休息中

大澳文物酒店x大澳舊警署～舊建築係靚嘅！不過當你入到去會發覺入面啲保養都認真麻麻👀下午茶時間去到TAI O LOOKOUT試試佢～裝修風格係好特別，空間感十足，店員態度幾好嘅，但唔夠醒爬lol～硬件睇落幾舊下、清潔爭啲～食物方面叫左比較正路嘅…大澳蝦醬豬扒包配薯條$118塊豬扒ok的，至於包個part就唔掂啦😬薯條不錯吧，個蝦醬都幾好嘅！至少係出面未食過呢隻醬😂紅樹林特飲賣相叫做有啲睇頭，味道就冇特別，少酸酸甜甜咁？！食物質素係普通的，當然黎得呢度都唔係為食啦！黎得呢度100%係為咗打卡～

二人晚餐系staycation package包，環境一流，感覺好似坐時光機返咗去廿年前咁，頭盤、湯、主菜同甜品，儀式感十足，不過味道就尚有進步空間。celebration package仲包一支sparkling wine同迷你生日蛋糕。早餐雖然唔係buffet但系其實夠曬飽，除咗個沙律同成件事不太夾之外，味道中規中矩，算唔錯。比較impressive系個擺盤，早餐會有個放高嘅長條狀托盤，雖然食物冇咩特別但系感覺幾grand。不過正價好似要398/2人，覺得比較貴。

今早起床閒來無事，雖然天氣陰晴不定，但也堅持前往大澳一轉郊遊。到達大澳已近十一時，突然天朗氣清，行了一大圈有特別發現，就是添了多幅牆壁畫，很美。本想行上山但相公提議去當地酒店嘆茶歇歇腳，wowwow正合心意，行了約廿分鐘已到達酒店餐廳，侍應員帶座後便點了鮮蝦煙肉芝士白汁意粉，煙肉切細塊加上香滑奶油乳酪，味道濃郁蝦也大隻，意粉有咬感又掛汁。人所衆知大澳漁村蝦膏蝦醬一向馳名，我倆便點了另一碟菜式～大澳一品炒香苗，用大澳漁村蝦醬炒絲苗，加了少許菜心片少許雞粒四隻大蝦已弄成一碟美味的菜式，確實又惹味又香口。肚子飽了，端來一杯Damm Lemon beer給我，真解喝；相公點了冰凍大澳蜜糖檸檬特飲比較甜。我倆邊嘆飲品邊聊天，看看各處景色不是從容嗎？

今日去了大嶼山大澳郊遊本想見識當地戲棚神功戲, 但天氣實在太炎熱了便改到室內活動, 見到這酒店内雅緻的餐廳便決定坐下來享受一下😀😀復古的佈置加上殷勤的侍應感覺良好👏👏從餐牌上多種中西及輕食中點了大澳炒飯及鮮蝦煙肉白汁意粉鮮蝦煙肉白汁意粉上枱時熱氣騰騰, 香味十足, 麵條煮得恰我口感, 白汁味还過濃👍👍😋😋大澳炒飯以當地著名蝦醬炒加入蝦米, 鮮蝦, 雞肉粒惹味之極又有嚼感😋😋👏👏吃飽後決定畧為休息, 於是再點了飲品, 大澳檸檬蜜糖特飲及西班牙檸檬啤酒, 兩杯都清新解渴兼消暑, 我較偏好沒有酒精的特飲👏👏飲飽食醉是這頓休閑午膳的最佳描述

環境幾好，如果2人可以試吓book 近窗望海的位置，打卡影相一流。tea set 比較低食，不過都要過百元，食物好普通，不難食，係個🦐source 幾特別，好cafe 出品，不好期望酒店水準，去大澳想有nice toilet restaurant, that’s the one 😂.

以為大澳得小食小店? 漁村風味?其實大澳仲有間勁靚好ᴄʜɪʟʟ嘅玻璃小木屋添架一邊享受美食 一邊享受天然光 真係好有ғᴇᴇʟ架餐紙仲印上大澳地圖 花心思又見特色 讚!🔖 ᴛᴀsᴛᴇ ᴏғ ᴛᴀɪ ᴏ ᴛᴇᴀ sᴇᴛ一睇個名就知道食咩 無錯 就係大澳風味喇❣️▪️薑黃沙嗲雞串 略嫌有啲凍咗 食落口感麻麻◾️大澳鹹魚肉餅漢堡 鹹魚味只有淡淡 肉餅有啲鬆散◾️大澳黃金蝦多士 炸蝦 正常發揮 脆口好食◾️紫貝天葵奶凍 味道酸酸甜甜 上面粒馬卡龍好食◾️朱古力布朗尼◾️西班牙油條配朱古力醬 油條唔錯 但朱古力醬可以濃郁啲◾️紅樹林特飲整體嚟講唔難食但又唔特別好食有種試一次就夠晒數嘅感覺ㄟ( ▔∀▔ )ㄏ有個小插曲 就係比佢嘅蝦多士呃咗事關見到隔離枱叫一樣嘅嘢 又ᴛᴇᴀ sᴇᴛ又蝦多士咁就同侍應講話蝦多士仲未黎然後佢都好快手上咗碟超脆口啲肉又彈牙嘅蝦多士點知到埋單嘅時侯發現多咗個單點「蝦多士」..🥲原來蝦多士即係炸蝦 同認知中唔同 又上咗一堂無辦法喇 都食完 唯有乖乖地比錢 但加單可以通知一聲就好喇🔖大澳一品炒香苗即係大澳蝦醬炒飯 小編超愛 每次嚟都必ᴏʀᴅᴇʀ ❤️蝦醬味超香濃 炒飯夠鑊氣炒得乾身加埋蝦

一路行，行行下去至大澳文物酒店，之前聽講呢到有間餐廳，可以Tea一Tea😬呢度環境好好，窗邊位望海好正😍不過就預咗價錢比較進取，算啦遊客呀嘛😂🔸炸魚薯條伴大澳蝦醬他他汁$138🐟炸魚個粉漿有啲厚，不過啲魚都ok幾滑。啲薯條都炸得香脆，而且粗身幾有口感🍟他他汁就無咩蝦醬味😂份量都比相像中少。🔸紅樹林特飲🍹一開始有少少人蔘味，之後飲到有山渣、檸檬味🤔好特別🤣🔸大澳蜜糖檸檬特飲🍹就是一杯普通檸蜜🍋

難得入到去大澳，一定要去文物酒店店度打卡。由於不能夠網上訂位，要排隊入去，去到已經見到很長龍。能夠一覽無遺大澳嘅海景，加上木卡位，再來一個約280元的2人下午茶，2層的下午茶，包2杯飲品，佢嘅甜品幾好味，奶凍特別好味，好適合女士門打卡。另外再叫一款雞翼，佢治嘅醬汁好特色，原來加入大澳嘅蝦醬特產，只係加左好少，唔會好鹹，好惹味。第二款最鍾意食嘅另一個下午茶係炸魚柳，大大片炸魚柳，外皮酥脆，裡面魚肉嫩滑，好值得一試啊! 如果講份量嚟講，還是省叫的一百元一個下午茶，比那個二人下午茶更抵食😋。

趁住閑日，天氣又好，特意來大澳走走～大澳原來有間文物酒店，係古蹟活化改建而成，內𥚃有間玻璃屋餐廳，來打卡真係一流👍🏻👍🏻👍🏻諗住閑日嚟吾洗等位，去到餐廳門口已見人龍排隊，不過我哋等左20分鐘就有位，侍應仲安排我哋坐係窗邊位置，可以對住個靚風景食嘢🍽至於食物方面，我哋叫左一個下午茶套餐，跟一杯大澳特色特飲，另外仲點了蝦多士伴大澳蝦醬蛋黃醬，里個超好味😋推介👍🏻👍🏻👍🏻仲有兩杯冰凍啤酒。

其實呢間酒店餐廳小編好多年前都幫襯過😉而一直間唔中都有去食嘅，每年大概去大澳兩至三次而次次都會幫襯呢間，水準高嘅無論係食物或者係服務，可惜呢近年可能因為香港人太悶冇得去旅行啦，變咗就好多人一放假就去郊外離島玩當然包括大澳啦，變相呢個餐廳應該負荷唔到咁大量既食客，佢平時可能講緊嘅只係而家嘅一成loading，太多食客太多人輪候排隊食，就算係前線或者係廚房入邊嘅人手我絕對相信都係嚴重不足 咁另外食材方面可能好容易就會賣晒咁我前幾日去食呢間都係想食嗰個黃金鮮魷，都係冇既，前幾日去其實已經係14號平日嚟嘅星期三，因為我朋友生日所以就入大澳行下，不幸地因為東方小x園個素菜館又放假咁逼住去呢度食，其實我哋再嚟呢間亦都係想比多次機會試吓係咪真係差咗，而今次食完小編表示以後都盡量避免黎呢度食。個炸魚薯條係一團粉冇🐟味，個蝦多士好少少，🈶️極少量🦐味既，any肥呢兩樣食物都係完全唔及格以價錢黎講，另外兩杯野飲都係🉐️個甜字，勁難飲服務👌🏽既都算快手，我地排隊等左around 15-20分鐘都入🉐️。不過呢，真心呢個價錢係極度唔值得。奉勸大家盡可能行完大澳出番市區食好過啦

上午約十二時排了八十分鐘隊，餐牌有一半以上食物係冇得order，勁垃圾餐廳🤬一早去到到，有一半以上座位係留座，一直排咗八十分鐘，原本放了留座牌的位置才開放入座，坐低order食物，伙記才通知，餐牌上約有一半食物是冇貨冇得供應！🔥🤬點解唔一早係門口餐牌通知，等顧客自己決定繼唔繼續排吖🤬🤬🤬等咗80分鐘焗住都要是九旦叫D嘢食，然後継續等咗三十分鐘，催咗三次單先至有，最後來到個豬扒包都係凍嘅🤬感覺自己似豬被劏，我發誓無下次！！！！

◽️ 𝘈𝘱𝘱𝘦𝘵𝘪𝘻𝘦𝘳 南瓜湯配蔥包 (6.5/10)個蔥包覺得麻麻地🧐食落鹹鹹地 吾太勁既蔥香味覺得隻味怪怪地有啲香草味但朋友okay鍾意食😹真系每個人口味吾同個南瓜湯偏少甜 吾太沙香濃既南瓜味 湯系吾錯既~◽️ 𝘔𝘢𝘪𝘯 𝘤𝘰𝘶𝘳𝘴𝘦 大澳蝦醬豬扒包配薯條 (5/10)賣相其實okay既 食落真系一般首先講個包 好乾身兼少少硬仲系系厚厚地甘對比塊豬扒真系幾薄😂又系硬仲有啲生菜蕃茄青瓜加勁少量沙津醬食落口硬過我條命🥴旁邊有個醬 可以搽啲入去包夾住食個醬系蝦醬mix沙津醬 大約4 : 6比例沙津醬味重啲🤓Overall呢個包我系吾建議食既🤟🏻◽️ 𝘔𝘢𝘪𝘯 𝘤𝘰𝘶𝘳𝘴𝘦 鮮蝦煙肉芝士白汁意粉 (6.5/10)覺得個蝦幾爽口🦐之後仲有啲菇🧐個意粉既醬就好稠 比較粉狀芝士味吾太濃成個味道偏鹹煙肉就好鹹😹成個意粉食落系芝士粉甘麻麻地◽️ 環境及服務 (8/10)覺得冇原先expect甘靚d落地玻璃吾夠清同通透 而且要坐窗邊要book or同員工講專等個張枱🤣要食真系要好早去因為booking長期full嫁😕如果好彩個日天氣好view都應該okay既🤟🏻不過我見餐廳枱有蟻可能系漁村地方所以要注意下啦

🏞大澳打卡熱點Relaxing Lunch at Tai O🏞 —————Love the window side seats! Felt like I was in a wooden cabin with a beautiful river view!🥪 Pork chop bun with shrimp paste & country fries 大澳蝦醬豬扒包配薯條HKD 98💭Perfect if you need sth filling! Decent size but quality was average at best🍗Crispy chicken wings with shrimp paste 脆香大澳蝦醬雞翼 HKD 88💭Can’t say no to crispy chicken wings! 😍Super juicy and tender with a light crispy skin, perfect for sharing! Portion size was bigger than expected too! The shrimp paste flavo

好靚好舒適嘅玻璃屋環境仲可以邊食邊欣賞海景添呢張餐枱紙有大澳景點地圖佢既大澳一品炒香苗滿有大澳風味 蝦醬味都算出中間仲會搵到蝦乾大澳花膠螺頭燉豬腱湯剛巧今日大風有啲凍飲完暖笠笠好保暖大澳蝦醬豬扒包配薯條紫貝天葵芝士餅

預計週一大澳應該人不多，前往文物酒店吃個悠閒午餐。大澳出名蝦醬，走過一陣濃郁蝦醬味，菜單中有許多蝦醬入饌，不是我杯茶。只有找菜單中沒有蝦醬的食物。不到兩點去到，要排隊，等了20分鐘終於入座。環境清潔，陽光充沛，望著平靜的海浪感覺很好。叫了三文治和汽水，飲料先到，紅粉顏色，透明的冰塊讓人一陣清涼，即刻熱氣全消。三明治跟薯條，味道正宗。雲吞麵有鮮蝦的味道，湯底濃郁。幾樣食物都有水準。希望下次夠膽試蝦醬味道的食品